கோல்கர் (Golkar) - மராட்டிய நாட்டு கொல்லவார்கள்

கோல்கர் (Golkar):-

தெலுங்கில் உள்ள கொல்லர் (Gollar) என்னும் சொல்லே "கோல்கர்" என தரித்து வழங்கப்படுகிறது. கோல்கர் சமுக மக்கள் மூன்று தலைமுறைகளுக்கு முன்னர் தாங்கள் ஆந்திர மாநிலத்தில் இருந்து குடிப்பெயர்ந்து மகாராஷ்டிர மாநிலம் கட்சிரோலி மாவட்டத்தில் குடியேறியதாக தெரிவிக்கின்றனர்.





கோல்கர் சமுக உட்பிரிவுகள்:-

கட்சிரோலி, மகாராஷ்டிரா மாநிலம் 

கோல்கரின் சமுக உட்பிரிவுகள் அனைத்தும் ஆந்திர தெலுங்கு கொல்லவார் மக்களை போலவே அமைந்துள்ளன அவை:-




1, எர்ர கொல்ல

2, முஷ்டி கொல்ல

3, குரும கொல்ல

4, மந்த கொல்ல

5, கரே கொல்ல

6, கப்ப கொல்ல




தங்களின் தாய்மொழியான தெலுங்கு மொழியை பேசவும் எழுதவும் தெரிந்தவர்களாக கோல்கர் சமுக மக்கள் உள்ளனர். இவர்கள் தங்கள் வீட்டில் தெலுங்கு மொழியிலும், வெளி மக்களிடம் மராத்தி மற்றும் இந்தி மொழிகளிலும் பேசுபவர்கள். மேலும் தேவநகரி எழுத்து முறைகளை கற்றவர்களாகவும் கோல்கர் விளங்குகின்றனர் .



கோல்கர் சமுக பெண்கள் தங்களின் குல விதிகளின் படி மூக்குத்தி அணிவதில்லை.



இம்மக்கள் இந்து மதத்தின் பெரும்பான்மையான சாதிகளை போல் அசைவ உணவு பழக்கம் கொண்டவர்களாக இருந்தாலும் பன்றி மற்றும் மாட்டிறைச்சியை ஒருபோதும் உண்பது இல்லை. சைவ உணவுகளை பொருந்தவரை இவர்கள் தென்னிந்திய உணவுமுறைகளையே பெரும்பாலும் பின்பற்றுகின்றனர்.




கோத்திங்கள் மற்றும் வீட்டுப்பெயர்கள்:-




கோல்கர் சாதியானது பல கோத்திரங்களையும், வீட்டுப்பெயர்களையும் கொண்டுள்ளது இவைகள் பெரும்பாலும் சடங்குகள் மற்றும் திருமணத்தின் போது கடைப்பிடிக்கப்படுகின்றன.




கோல்கர்களின் கோத்திரங்கள்:-



1, பளபுல

2, குர்ச்சல்ல

3, மல்லனதேயுர

4, பத்திகுரம்




கோல்கர்களின் வீட்டுப்பெயர்கள்:-



1, மொதல்வார்

2, பிட்பள்ளிவார்

3, சோமன்பள்ளிவார்

4, குயோசன்வார்

5, பப்பேட்வார்

6, மஜர்வார்

7, எல்குச்சிவார்

8, மேக்கலவார்

9, கேஷன்வார்

10, உண்முளவார்

11, பள்ளுவார்

12, ஜல்லேவார்

13, அர்தெல்வார்

14, பண்டேவார்

15, செப்லல்வார்

16, மெவ்ஹேன்வார்




கோல்கர் சமுக மக்கள் இந்து மத வேத அடிப்படையிலான வர்ணாசிரம முறைகளை ஆதரிக்கின்றனர்.




கோல்கர்களின் திருமணமுறை:-

இரட்டை பொட்டுத் தாலி

கோல்கர்கள் தங்களின் உட்பிரிவுகளுக்கு உள்ளாகவே திருமணம் செய்துக்கொள்கின்றனர். கலப்பு திருமணங்களை இவர்கள் பெரும்பாலும் ஆதரிப்பதில்லை. கோல்கர் சாதி பெண்கள் தங்களின் தாய்மாமனை மணந்துக்கொள்ளவும் அனுமதிக்கப்படுகின்றனர். திருமணத்தின் போது மணமகள் கழுத்தில் இரட்டை பொட்டு தங்க தாலி (பங்காரு மங்கலசூத்ரம்) கட்டுவது, பாதங்களில் மெட்டி மற்றும் காதில் தோடு அணிவிப்பதையும் வழக்கமாக கொண்டுள்ளனர். கோல்கர்களின் திருமணங்களில் வரதட்சணை கொடுப்பது மற்றும் சீர்வரிசை முறைகள் கடைப்பிடிக்கப்படுகின்றது. திருமணத்திற்கு பிறகு மணமகளானவள் தனது கணவனின் வீட்டிற்கு சென்று வசிக்க வேண்டும், வீட்டோடு மருமகன் முறையை இவர்கள் கடைப்பிடிப்பதில்லை.



தம்பதியனரின் திருமண வாழ்வில் மனக் கசப்புகள் ஏற்ப்பட்டால் "இதுல்லம்" எனப்படும் திருமண முறிவு அல்லது விவாகரத்து அனுமதிக்கப்படுகின்றது.





ஆஸ்திகளில் உரிமை:-



கோல்கர்கள் சமுக வழக்கப்படி பெண்களுக்கு சொத்துரிமை கிடையாது. ஆண் குழந்தைகளுக்கு மட்டுமே சொத்துரிமை உண்டு. மேலும் தந்தை இறந்த பிறகு கொள்ளிவைக்கும் உரிமையும் அக்குடும்பத்தின் மூத்த ஆண் குழந்தைக்கே உள்ளது.




கோல்கர்களின் சடங்குமுறைகள்:-



திருமணம் முடிந்த கோல்கர் குல பெண் முதல் முறை கருவுற்றிருக்கும் போது அவள், அவளது தாய்வீட்டிற்கு அனுப்பிவைக்கப்படுகிறாள் பிரசவகாலம் முடியும் வரை அவள் அங்கேயே தங்க வேண்டும் . குழந்தை பிறந்த ஒன்பதாம் நாளில் தாய்க்கு தீட்டு கழிக்கும் சடங்கு நடைப்பெறும் இதில் பெண்களுக்கு மட்டுமே அனுமதி உண்டு. தீட்டு கழித்த பிறகே குழந்தைப் பெற்ற பெண் சமையலறைக்கு செல்வது மற்றும் அனைவரையும் தொடுவது போன்ற காரியங்களை செய்ய அனுமதிக்கப்படுகிறாள்.



குழந்தை பிறந்த 21ம் நாள் அன்று "புருடு" (குழந்தைக்கு பெயர் வைக்கும் சடங்கு) என்னும் சடங்கு நடைப்பெறும். இச்சடங்கின் போது உறவினர்கள்  வருகைதருவார்கள். குழந்தையின் தாத்தா, பாட்டி ஆகியோர் குழந்தையை தங்கள் கையில் ஏந்தி தொட்டிலில் போட்டு வாழ்த்துப் பாடல்களைப்பாடி குழந்தைக்கு பெயர் சூட்டுவர். இந்நிகழ்வில் வந்தவர்கள் அனைவருக்கும் சைவ உணவு பரிமாறப்படும்.



குழந்தைக்கு 11 மாதம் வயது இருக்கும் போது தங்களின் வீட்டிலோ அல்லது எதாவது ஒரு கோவிலுக்கு அழைத்துச்சென்று முடி திருத்துவோரைக் கொண்டு மொட்டை அடிக்கும் வழக்கம் கடைப்பிடிக்கப்படுகிறது.

திருமணச் சடங்குகளை பொருத்தவரையில் முதலில் திருமண தேதி குறிக்கும் "எர்ர பொட்டு" என்னும் நிகழ்ச்சி நடைப்பெறும். இந்நிகழ்வில் மணமகனின் உறவினர்கள் மணப்பெண்னின் வீட்டிற்கு வறுத்த பயிறுகள், வேர்க்கடலைகள், அவல் மற்றும் கற்கண்டு ஆகிய சீர்களுடன்  வந்து சடங்கை மேற்க்கொள்ளத் தொடங்குவர். மணமகனின் தரப்பினர் மணமகளுக்கு அரிசி மற்றும் குங்குமம் கலந்து பொட்டு வைப்பார்கள். மேலும், மணம்புரியவிருக்கும் மணமக்களின் இருப்புறமும் ஐந்து சுமங்கலிப் பெண்கள் நின்று  மணமக்களின் மடியில் பாதாம், கிஸ்மிஸ், தேங்காய், பாக்கு, அரிசி போன்றவற்றை நிரப்புவர். 
இச்சடங்கில் கலந்துக்கொண்ட அனைத்து உறவினர்களுக்கும் சைவ உணவு பரிமாறப்படும். சடங்கின் நிறைவு பகுதியாக மணமகனின் பெற்றோர்கள் சர்க்கரை, ரவிக்கை, தேங்காய் ஆகய பொருட்களை மணமகளுக்கு கொடுப்பர் இச்சடங்கு சக்கர்புட் என அழைக்கப்படுகிறது. இதன் பிறகு மணமகனின் உறவினர்கள் தங்களின் இல்லத்திற்கு திரும்பும் சமயத்தில் பெண் வீட்டார்களை மாப்பிள்ளை வீட்டிற்கு வருகை தருமாறு அழைப்பார்கள்.  மணமகனின் வீட்டிற்கு வருகை தரும் மணப்பெணின் பெற்றோர்கள் தங்களது மாப்பிள்ளையின் மீது குங்கும்ம் மற்றும் அரிசி கலந்த அட்சதையை போட்டு வாழ்த்துவர். பிறகு மணமகனுக்கு தங்க மோதிரம் மற்றம் புத்தாடைகளை வழங்குவார்கள், இந்நிகழ்வு "ஷால்முந்தி" என அழைக்கப்படுகிறது. இச்சடங்கின் இறுதிக்கட்டமாக மாலை நேரத்தில் ஒரு பிராமண புரோகிதரை கொண்டு பஞ்சாங்கம் பார்த்து திருமண தேதி குறிக்கப்படுகிறது.

குங்கும அட்சதை

பந்தக்கால் 

திருமணத்திற்கு இரண்டு நாட்களுக்கு முன்பாகவே பந்தக்கால் நடப்படுகின்றன. கோல்கர்களின் திருமணமானது  பெண் வீட்டிலோ அல்லது திருமண மண்டபத்திலோ (பெள்ளிபந்திரி) நடைப்பெறுகின்றன. மணமகன், பெண்ணுக்கு தாலிக்கட்டி முடித்தவுடன் உறவினர்கள்  அவர்களுக்கு திருமணப்பரிசுகள் வழங்கும் நிகழ்வு நடைப்பெறும். திருமணம்  முடிந்தப்பிறகு மணமகன் மணப்பெண்னை தனது வீட்டிற்கு அழைத்துச்செல்வார். பிறகு முதலிரவுக்கான தேதி குறிக்கப்படுகின்றன, முதலிரவுக்கு முன்னர் மணமகன் மற்றும் மணமகளை அமரவைத்து அவர்களின் முன்னிலையில் "சத்தியநாரயண கதா" ஓதப்படும் நிகழ்சி நடைப்பெறுகின்றது.

சத்தியநாராயண கதா

இறப்பு சடங்குகளை பொருத்தவரை மரணம் நிகழ்ந்த வீட்டில் 12 நாட்கள் தீட்டு கடைப்பிடிக்கப்படுகின்றன. இறந்தவரின் மகன் ஐந்தாம் நாள் அன்று மொட்டை இடுவார். தீட்டு முடிந்த ஐந்தாம் நாள் இறந்தவரின் பெயரில் திதி கொடுக்கப்படும். இச்சடங்கில் உறவினர்கள், சுற்றத்தார்கள் மற்றும் நண்பர்கள் கலந்துக்கொள்ள அனுமதிக்கப்படுகிறார்கள். கோல்கர் சமுக மக்கள் முன்னோர் வழிப்பாடுகளில் (பித்ரமிஸ்தமு) மிகுந்த நம்பிக்கை உடையவர்களாக உள்ளனர்.





கோல்கர்களின் குலத்தொழில்கள்:-



கோல்கர்களின் பிரதான தொழில் ஆநிரைகள் மேய்ப்பது மற்றும் அவற்றின் மூலம் கிடைக்கு பால், வெண்ணெய், நெய் போன்றவற்றை விற்பது. மேலும் கோல்கர்களின் இரண்டாம் பிரதான தொழிலானது விவசாயம் ஆகும்.





கோல்கர்களின் கிராமத் தலைவர்:-



கோல்கர்கள் தங்களது கிராம பஞ்சாயத்து தலைவர்களை அவர்களின் குலத்தில் இருந்தே தேர்வு செய்கின்றனர். மேலும் அவருக்குரிய தகுதிகளாக: வயது, புத்திக்கூர்மை, வாதத்திறமை, நற்பண்புகள், ஜன ஆதரவு ஆகியவைகள் அளவுகோள்களாக வைக்கப்பட்டுள்ளது.





கோல்கர்களின் வழிப்பாட்டு முறை:-

ஸ்ரீ ராமர் - ஸ்ரீ கிருஷ்ணர்

கோல்கர்கள் இந்து சமயத்தை சேர்ந்தவர்கள். இவராகள் பிரதானமாக ஸ்ரீ கிருஷ்ணர், ஸ்ரீ ராமர், சிவன், மல்லண்ணா போன்ற கடவுகளை வணங்குகின்றனர். இவர்கள் குல தெய்வ வழிப்பாடுகளில் நம்பிக்கையற்றவர்களாக உள்ளனர். மேலும், புனித பயணங்காளாக சாபர்லா, அல்லப்பள்ளியில் உள்ள கோகோல்வேரி மற்றும் ஆந்திர மாநிலத்தில் உள்ள திருப்பதி போன்ற திருக்கோவில்களுக்கு சென்றுவருவதை தங்களின் வழக்கமாக கொண்டுள்ளனர். கோல்கர்களின் முக்கியமான பண்டிகைகளாக விநாயகர் சதுர்த்தி, சங்கராந்தி, தசரா, சிவராத்திரி ஆகியவை உள்ளன.



கோல்கர்கள் கோமட்டி, பிராமணர், காப்புவார், கோண்டி போன்ற சமுகத்தவர்களுடன் மட்டுமே புழங்கும் சமுக வழக்கு கொண்டவர்கள்.