திருக்காளத்திப்புராணம் - யாதவ (கொல்லவார்) அரசன்

 திருக்காளத்திப்புராணம்:-

திருக்காளத்திப்புராணம் - ஆனந்தகூத்தர்

தற்போதைய ஆந்திர மாநிலம், சித்தூர் மாவட்டத்தில் உள்ள பிரசித்திப்பெற்ற திருக்காளத்தி (காளஹஸ்தி)  என்னும் ஊரில் கோவில்கொண்டுள்ள ஸ்ரீகாளத்திநாதரைப் போற்றும் புராணமாக தி௫க்கயிலாய பரம்பரை வேளாக்குறிச்சி ஆதீன சீடர் வீரை ஆனந்தக் கூத்தர் என்பவரால் கி.பி.16 ஆம் நூற்றாண்டில் "திருக்காளத்திப் புராணம்" என்னும் நூல் இயற்றப்பட்டது.

இது பாயிரங்களும், 33 அத்தியாயங்களும் கொண்ட நூல். தேவாரம் பாடிய மூவர், திருவாதவூர் அடிகள், நூலாசிரியரின் குரு சத்திய ஞானி, திருப்பணி செய்த யாதவ வேந்தன், வடநூலைத் தனக்கு மொழிபெயர்த்து உதவிய சங்கரநாராயணன் என்னும் வாரைவாழ் புராணிகர் முதலானோருக்குப் இந்நூலின் பாயிரப் பகுதியில் வணக்கம் செலுத்தப்பட்டுள்ளது.

திருக்காளத்திப்புராணம் - பாயிரம்:-

யாதவ மன்னர் குறித்த பாடல்

"கதியிலிபோற் கல்லாலின் கீழ்வதிந்த கண்ணுதற்கு மதிதவழ்பொற் கோபுரமு மணிமதிலு மண்டபமு முதுசுடர்மா மாளிகையே முதலாய மற்றெவையும் விதிமுறையே யமைத்தளித்த யாதவவேந் தினைப்புகழ்வாம்".

ஆனந்தக்கூத்தர் -

பாடலின் பொருள்:-

நிலவே தவழும் வகையில் உயர்ந்திருக்கும் பொற்கூரை வேய்ந்த கோபுரமும், மணி மண்டபமும், மாளிகையும் இன்னும் சில கட்டுமானங்களையும் ஆகம முறைகளின்படி கட்டுவித்து இறைவனுக்கு அர்ப்பணித்த யாதவ குலத்தில் உதித்த மன்னரைப் போற்றுவோம்.

நாராயணவரம் ஆண்ட யாதவ வேந்தர்:- 

நாராயணநகரம் ஆண்ட யாதவ வேந்தன்

இப்பாடலில் குறிப்பிடப்படும் யாதவ(கொல்ல) வேந்தன் பண்டைக்காலத்தில் நாராயணநகரத்தில் அரசு புரிந்துவந்தவர். 

திருக்காளத்திநாதர், ஓரு அடியார் வேடமிட்டுகொண்டு இம்மன்னரிடம் சென்று இத்தல விசேஷகளைக் கூறி இவரை ஆட்கொண்டு தனக்கு இறைத்தொண்டு புரியும்படி கட்டளையிட்டு மறைந்தருளினார்.

 

இறைவனின் திருவாக்கை கேட்ட அக்கணமே இத்தலத்திற்குரிய கட்டுமானங்களையும், பலவகை திருப்பணிகளையும், தொண்டுகளையும் நலமுறப்புரிந்து பின்பு திருக்காளத்தி சிவபெருமானின் கருணையினால் முத்தியடைந்தார். 

இத்தகவல்களை, கி.பி.17ம் நூற்றாண்டில் சிவப்பிரகாசரால் இயற்றப்பட்ட சீ காளத்திப்புராணத்திலுள்ள விடசங்கமச்சருக்கத்திலும், சிலந்தி முதலியவற்றின் முற்கதைச்சருக்கத்தின் 99-ம் செய்யுள் முதலியவற்றிலும் அறியலாம்.

ஸ்ரீகாளஹஸ்தி திருக்கோவில், சித்தூர் மாவட்டம், ஆந்திர மாநிலம்

கொல்ல மண்டபம் - 2 (ஸ்ரீனிவாச மங்காபுரம்)

 

கொல்லவாரு மண்டபம், திருப்பதி :-

கொல்ல மண்டபம் (கொல்லவாரி மண்டபம்)

ஏழுமலையானை தரிசிக்க பாதயாத்திரை மேற்கொள்ளும் பக்தர்கள் திருமலைக்கு  செல்ல இரண்டு வழிகள் உள்ளன அவை

1, அலிப்பிரி மெட்டு (அலிப்பிரி படிக்கட்டுகள்)

2, ஸ்ரீவாரி மெட்டு (ஸ்ரீவாரி படிக்கட்டுகள்)

இவ்விரண்டில் மிகவும் பெரியது, பிரபலமானது மற்றும் பக்தர்களால் பெரிதும் உபயோகிக்கப்படுதுமானது திருப்பதியில் உள்ள அலிப்பிரி மெட்டு வழி ஆகும்.

இரண்டாவது வழி திருப்பதியில் இருந்து மதனப்பள்ளி செல்லும் வழியில் அமைந்திருக்கும் ஸ்ரீனிவாச மங்காபுரத்தில் உள்ள ஸ்ரீவாரி மெட்டு ஆகும். இப்பாதை அலிப்பிரி வழியைக் காட்டிலும் சிறிய தூரம் கொண்டதாக இருந்தாலும் மிகுந்த வரலாற்று சிறப்புகளை கொண்டதாக உள்ளது.  

"ஸ்ரீவாரி மெட்டு" அதாவது திருமாலின் படிக்கட்டுகள் எனப்பெருள்படும் இதன் பெயரைக்கொண்டே நம்மால் இதன் சிறப்பை கணிக்க இயலும்.

அதுமட்டுமன்றி, பத்மாவதி தாயாரை, ஏழுமலையான் திருமணம் முடித்த பிறகு அவ்விருவரும் இப்படிக்கட்டுகளின் வழியாக ஏறிச்சென்றே திருமலையின் உச்சியை அடைந்து கோவில் கொண்டார்கள் என்பது இத்திருக்கோவிலின் ஐதீகமாக உள்ளது.

ஸ்ரீவாரி மெட்டு (ஸ்ரீவாரி படிக்கட்டுகள்)

வராலாற்று காலத்திற்கு வருகையில் விஜயநகரப்பேரரசர்களான ஸ்ரீகிருஷ்ணதேவராயரும், வேங்கடபதிராயரும் திருமலைக்கு வருகைப்புரிந்தபோதெல்லாம் இவ்வழியையே பயன்படுத்தி எழுமலையானை தரிசித்துவந்துள்ளனர்.

கி.பி.16ம் நூற்றாண்டில் வாழ்ந்த துவைத்த வேதாந்த வைஷ்ணவ குருவான ஸ்ரீவியாசராஜதீர்த்தரும் ஸ்ரீவாரி படிக்கட்டுகளையே பயன்படுத்தினார் என்பதும் வரலாறு.

ஸ்ரீவாரி படிக்கட்டுகளுக்கு செல்லும் சாலையில் முற்காலத்தில் பக்தர்களுக்கு பயன்படும் வகையில் விஜயநகர மன்னர்களால் சேவை மனப்பான்மையுடன் நிர்மாணிக்கப்பட்ட ஐந்து மண்டபங்கள் உள்ளன அவைகள் முறையே

1, வண்ட மண்டபம்

2, குருராஜ மண்டபம்

3, கொல்ல மண்டபம் (கொல்லவாரி மண்டபம்)

4, காவளி மண்டபம்

5, போகசானி மண்டபம்

வண்ட மண்டபம்:-

வண்ட = சமையல், சமையற்கூடம்.

விஜயநகர சாளுவ வம்சத்தினரால் நிர்மாணிக்கப்பட்ட வண்ட மண்டபம் திருப்பதிக்கு பாதயாத்திரையாக வரும் ஏழுமலையானின் பக்தர்களுக்கு உணவு சமைத்து பரிமாறப்படும் இடமாக இருந்துள்ளது. தற்காலத்தில் பராமரிப்பின்றி சற்று சிதிலமடைந்துள்ளது.

இம்மண்டப முகப்பின் மேற்புறத்தில் அக்காலத்தில் தங்களது சுய செலவில் அன்னதான சேவைகளை இந்த மண்டபத்தில் தொடர்ந்து வழங்கிவந்த வள்ளல்களின் சிற்பங்கள் அவர்களுடைய மனைவிமார்களுடன் இருப்பதைப் போன்று  செதுக்கப்பட்டுள்ளது.

குருராஜ மண்டபம்:-

ஸ்ரீவியாசராஜதீர்த்தர்

குருராஜா = சன்னியாசிகளிலேயே மிக உயர்ந்த ஸ்தானத்தைப் பெற்று முக்தி அடைந்த துறவிகள்.

வண்ட மண்டபத்தில் இருந்து இரண்டு கிலோ மீட்டர் தொலைவில் உள்ளது குருராஜ மண்டபம். கி.பி.16 நூற்றாண்டில் கிருஷ்ணதேவராயரின் ஆட்சிக்காலத்தில் வாழ்ந்த துவைத்த வேதாந்த துறவியான ஸ்ரீ வியாசராஜதீர்த்தரின் நினைவாக அமைக்கப்பட்ட மண்டபமாக குருராஜ மண்டபம் கருதப்படுகிறது.

இம்மண்டபத்தில் கடவுளர்களின் சிற்பங்கள், தேவதைகளின் சிற்பங்கள், துறவிகளின் சிற்பங்கள் மற்றும் யானை, ஆமை போன்ற விலங்கினங்களின் சிற்பங்களும் செதுக்கப்பட்டுள்ளது.

காவளி மண்டபம்:-

காவளி = சோதனை சாவடி

இந்த காவளி மண்டபத்திற்கு இருவகையான பொருள்கள் கூறப்படுகிறது.

1, திருமலைக்கு வரும் பக்தர்களை வழிப்பறி கொள்ளையர்களிடமிருந்து பாதுகாக்க பயன்பட்ட சோதனைச் சாவடியாக இம்மண்டபம் இருந்தது எனவும்

2, திருமலை ஆலயத்தில் நடக்கும் பூஜைகளை சந்திரகிரி கோட்டையில் உள்ள மன்னருக்கு தெரிவிக்க பயன்படுத்தப்பட்ட பெரிய மணிகட்டப்பட்டிருந்த மண்டபம் எனவும் கூறப்படுகிறது. இது போன்ற மண்டபங்கள் அக்காலத்தில் திருமலை முதல் சந்திரகிரி கோட்டை வரை இருந்ததாக கூறப்படுகின்றது.

காவளி மண்டபத்தில் சிற்பங்கள் ஏதும் செதுக்கப்படவில்லை.

போகசானி மண்டபம்:-

போகசானி = அரசவை நடன மாது

அரசவை நடன மங்கையின் நினைவான எழுப்பப்பட்டது என்பதை போன்ற பொருளை இந்த மண்டபத்தின் பெயர் கொடுத்தாலும், இதன் தோற்றம் ஒரு கோவிலைப்போன்ற வடிவமைப்பைக் கொண்டுள்ளது. மற்ற மண்டபங்களை போல் அல்லாது இம்மண்டபத்தின் மேற்புறத்தில் கோபுரம் காணப்படுகின்றது.

போகசானி மண்டப்பத்தின் மேல் உள்ள கோபுரத்தில் சயனக்கோலத்தில் உள்ள மகாவிஷ்ணுவின் சிலையும் மற்றும் இராமானுஜரின் சிலையும் காணப்படுகின்றது. மேலும் மண்டபத்தூண்களில் ஆஞ்சநேயர் போன்ற தெய்வ உருவங்களும் பொறிக்கப்பட்டுள்ளது. இந்த மண்டபம் தற்போது மிகவும் பாழடைந்து சிதைந்து போயுள்ளது.

கொல்ல மண்டபம்:-

கொல்ல மண்டபத்தில் உள்ள கொல்லவார் சிலை

கொல்ல = கொல்லவாரு/யாதவ சமூகத்தினர்

 

இடப்புறத்தில் வண்ட மண்டபம் மற்றும் குருராஜ மண்டபமும், வலப்புறத்தில் காவளி மண்டபம் மற்றும் போகசானி மண்டபமும் இருக்க இவைகளுக்கு மத்தியில் நடுநாயகமாக 24 தூண்களுடன் கம்பீரமாக இன்றளவு அதன் மெருகு குறையாமல் காட்சியளிக்கின்றது கொல்ல மண்டபம்.

இம்மண்டபம் விஜயநகரப்பேரரசரான ஸ்ரீகிருஷ்ணதேவராயரால் கொல்லவார் சமூகத்தின் மேன்மையை வெளிப்படுத்தும் நோக்கத்தோடு கட்டப்பட்டதாக கூறப்படுகிறது. 

கொல்லவார் சமுகத்திற்குரிய அம்சங்களையும், ஆளுமைகளையும், இறைகளையும் இந்த மண்டபத்தின் தூண்களில் அழகிய சிற்பங்களாக செதுக்கி வைத்துள்ளனர்.

குறிப்பாக, போர்த்திய கம்பளியோடு, கையில் ஆநிரை மேய்க்கும் தடியுடன் தனக்கு எதிர் தூணில் உள்ள திருப்பதி வெங்கடேசுவர சுவாமியை கூர்ந்து நோக்கியவாறு பெரிய கண்களுடனும், நீண்ட மூக்குடனும் மிக நுட்பமாக வனப்புடன் செதுக்கப்பட்டுள்ள கொல்லவார் சிற்பம் இங்க காணப்படுகிறது. இதே போன்று வெவ்வேறு கோணங்களில் அடுத்தடுத்த தூண்களில் கொல்லவார் சிலைகள் செதுக்கப்பட்டுள்ளது.

கொல்லவார்களுக்கு உரியதான கோமாதா சிற்பங்களும் இங்கு காணப்படுகின்றன ஒரு பசு தனது தலையை உடம்பு நோக்கி திரும்பியவாறு ஒரு சிற்பமும், மற்றொரு பசு சிவலிங்கம் ஒன்றிற்கு தானாக பால் சுரந்து அபிஷேகம் செய்வதனைப்போலவும் சிற்பங்கள் வடிக்கப்பட்டுள்ளன.

கொல்ல மண்டபத்தின் முன்பக்கத்தூணில் விஜயநகரத்தின் கொல்லவார் குல பேரரசரான ஸ்ரீகிருஷ்ணதேவராயரின் சிலை தனது இருக்கைகளையும் கூப்பி வணங்கியவாறு காட்சித்தருகின்றது. இக்கொல்லவாரு மண்டபத்தை தவிர்த்து மீதமுள்ள எந்த மண்பத்திலும் பேரரசர்களின் சிலைகள் எதுவும் செதுக்கப்படவில்லை என்பது இங்கே மிகவும் குறிப்பிடத்தக்கது.

கொல்லவார்குலத்தை சேர்ந்த ஒரு பெண் சன்னியாசி தவக்கோலத்தில் இருப்பதை போன்ற சிற்பமும் காணப்படுகிறது.

இறை சிற்பங்களை பொருந்தவரை கலிங்க நர்த்தனம் புரியும் ஸ்ரீ கிருஷ்ணரின் சிலையும், சங்கு சக்கிரங்கள் தாங்கிய மகாவிஷ்ணுவின் சிலையும், சஞ்சீவி மலையை தூக்கிச்செல்லும் அனுமன் மற்றும் துவாரபாலகர்களின் சிலைகளும் பொறிகப்பட்டுள்ளன.

இவைகளை தவிர்த்து விதுஷகன், பூதங்கள், குரங்கு, சிங்கம் போன்ற சிலைகளும் கொல்ல மண்டபத்தில் காணப்படுகின்றன.

கொல்ல மண்டபம் புகைப்படங்கள்:-

கொல்ல மண்டபம்

கொல்ல மண்டபத்தின் முகப்பு

கொல்ல மண்டபத்தின் பின்புறம்

திருப்பதி ஏழுமலையான் சிற்பம்

ஏழுமலையானை நோக்கியவாறு
நின்றிருக்கும் கொல்லவார் சிலை

கம்பளி மற்றும் தடியுடன் நிற்கும் கொல்லவார் சிலை

கொல்லவானை நோக்கியவாறு இருக்கும் ஏழுமலையான்

தூணின் பக்கவாட்டில் உள்ள கொல்லவார் சிலை

கலிங்க நர்த்தனமாடும் ஸ்ரீ கிருஷ்ண பகவான்

தூணின் பக்கவாட்டில் உள்ள கொல்லவார் சிலை

 வலப்பக்கத்தூணில் உள்ள ஸ்ரீ கிருஷ்ணதேவராயர் சிலை

விஜயநகர பேரரசர் ஸ்ரீ கிருஷ்ணதேவராயர்

கைகளை கூப்பியவாறு காட்சித்தரும் ஸ்ரீ கிருஷ்ணதேவராயர்

கோமாதா சிலை (பசு சிலை)

சிவ லிங்கத்தின் மீது பாலை பொழியும் பசு

ஸ்ரீஅனுமான் சிற்பம்

சஞ்ஜீவி மலையை தூக்கியவாரு இருக்கும் அனுமான்

ஆஞ்சநேயர் சிற்பம்

கொல்லவார் குலத்து பெண் துறவி

கொல்ல மண்டபத்தின் உட்புறம்

கொல்ல மண்டபம் வெளிப்பறத் தோற்றம்

பசுமை சூழ்ந்த கொல்ல மண்டபம்

காரமடை ரங்கநாதர் கோவிலை அமைத்த எர்ர கொல்லவார்கள்

 

காரமடை ரங்கநாதர் திருக்கோவில்:-

காரமடை ரங்கநாதசுவாமி திருக்கோவில்

இத்தலத்தின் பெயர்  :  காரமடை

இத்தலத்து பெருமாள்  :  அரங்க வேங்கடேசன் (அரங்கநாதர்) சுயம்புமூர்த்தி

தாயார்  :  ஸ்ரீரங்கநாயகி (பெட்டத்தம்மன்) ஸ்ரீஆண்டாள் நாச்சியார்

தீர்த்தம்  :  கருட தீர்த்தம், பிரம்ம தீர்த்தம், அஷ்ட தீர்த்தம், (தேர்வீதிகளில் அஷ்டபலி பீடத்தை ஒட்டியுள்ளவை)

தலவிருட்சம்  :  காரைமரம்

ப்ரத்யட்சம்  :  பிரம்மன், இந்திரன், குபேரன். கருடன்

வழிபாட்டு முறை  :  பாஞ்சராத்ர ஆகமம்

சம்பிரதாயம்  :  தென்கலை சம்பிரதாயம்

எர்ர கொல்லவார்களால் ஏற்பட்ட கோவில்:-

திருக்கோவில் கதவில் செதுக்கப்பட்டுள்ள
தல வரலாற்றை விளக்கும் சிற்பங்கள்

கோவை மாவட்டம் காரமடையில் பிரசித்தி பெற்ற அரங்கநாதர் கோவில் உள்ளது. லிங்க வடிவில் சுயம்புவாக உள்ள அரங்கன் இங்கு மூலவராக அருள்பாலிக்கிறார். காரமடையில் முன்பு "காரை" செடிகளும், தண்ணீர் மடைகளும் ஆங்காங்கே இருந்ததால் காரைமடை என்று பெயர் பெற்று, பிறகு மருவி காரமடை என ஆனது. காரை புதர்கள் நிறைந்து இருந்ததால் புற்களும் நிறைந்து இருந்தது.

அப்போது எர்ற கொல்ல தொட்டியர்கள் பசுக்களை இங்கு ஓட்டி வந்து மேய்த்துவிட்டு பால் கறப்பது வழக்கம். இப்பசுக்களில் பால் கொடுக்கும் காறாம் பசு ஒன்று மாலையில் வீடு திரும்பும்போது மடி வற்றி பால் இல்லாமல் இருப்பதை வெகு நாட்கள் கவனித்து வந்த தொட்டிய நாயக்கர் பசு மீது சந்தேகம் கொண்டு ஒரு நாள் பசு மேய்கிற இடத்திற்கு சென்றார்.

அந்த பசு காரை புதரில் பாலை சுரந்து கொண்டிருந்தது. பசு புதருக்கு பால் கொடுக்கிறதே என்ன ஆச்சரியம் என்று எண்ணி, கையில் வைத்திருந்த கொடுவாளை கொண்டு அவர் புதரை வெட்டினார். அப்போது புதரிலிருந்து ரத்தம் பீறிட்டு வந்தது. இதைக் கண்டு அதிர்ச்சியடைந்த தொட்டிய நாயக்கர் மயங்கி கிழே விழுந்து விட்டார். பசுக்கள் மட்டும் வீடு திரும்பி விட்டன.

மாலை மலர் - மார்ச் 10, 2021

காலையில் சென்ற தொட்டிய நாயக்கர் இரவு ஆகியும் வீடு திரும்பவில்லை என்பதை அறிந்த உறவினர்கள் இருட்டில் போவதற்கு துணிகளை பந்தமாக கட்டி எண்ணை ஊற்றி தீப்பந்தங்களை பற்றவைத்து கொண்டு மிருகங்கள் இருட்டில் பக்கத்தில் வராமல் இருக்க பறையடித்து கொண்டும், சத்தமிட்டுக் கொண்டும் காரை வனத்திற்குள் தேடினார்கள்.

அப்போது அங்கு இருந்த புதரில் ரத்தம் பீறிட்ட இடத்தில் சிவப்பாக மடைபோல் காட்சி அளித்தது. மயக்கம் தெளிந்த தொட்டிய நாயக்கர் நடந்தவற்றை எல்லாம் கூறினார். மற்றவர்கள் புதரை விலக்கி, தீப்பந்த வெளிச்சத்தில் பார்த்த போது சுயம்பு லிங்கம் வெட்டப்பட்டு இருந்தது தெரியவந்தது.

அப்போது அங்கு இருந்த கம்பளத்தார்களில் ஒருவருக்கு அருள் வந்து ஆடி “நான் தான் அரங்கன், எனக்கு தான் பசு பாலை சுரந்து கொடுத்தது. என்னுடைய இடத்தை சுத்தம் செய்து கோவில் கட்டி வணங்குங்கள்” என்று கூற நின்றிருந்த கம்பளத்தார்கள் தோல் பைகளில் தண்ணீர் கொண்டு வந்து இறைவன் மீது ஊற்றி பச்சை பந்தல் போட்டு வணங்கினர். வெட்டப்பட்ட அடையாளம் இப்போதும் மூலவரின் மேல் பக்கத்தில் உள்ளதை பார்க்கலாம்.

காரமடை ரங்கநாதசுவாமி

பின் பட்டர் வம்சத்தினர் கம்பளத்து நாயக்கர்களுக்கு உதவியாய் இருந்த அரங்கனின் பெருமையை கூறினர். அதன் பின்னர் மதுரை மன்னர் திருமலை நாயக்கர் தனது ஆட்சிக் காலத்தில் இத்திருத்தலத்திற்கு வந்து மூலவர்-தாயார் சன்னதிகளையும் மதில், தேர் திருப்பணியும், செய்ததாக வரலாறு கூறுகிறது. இங்கு பல கல்கார வேலைகளிலும், இத்திருக்கோவிலுக்கான மண்டபங்களிலும், தெப்பக்குள படிக்கட்டுகளிலும் மீன் சிற்பங்கள் இருப்பது மதுரை மன்னரால் கட்டப்பட்டது என்பதற்கு சாட்சியாகும்.

மன்னர் திருமலை நாயக்கர் செய்த திருப்பணிகள்:-

திருமலை நாயக்கரின் திருப்பணிகள்

கொங்கு நாட்டை உள்ளடக்கி மதுரையை ஆண்டு வந்த மாமன்னர் திருமலை நாயக்கர் தன் மனைவி மற்றும் அமைச்சர்களுடன் முகாமிட்ட போது தனக்கு ஏற்பட்ட ராஜபிளவை நோய் தீர இந்த அரங்கநாதப் பெருமானை பிரார்த்தனை செய்து கோயில் தல விருட்சமாகிய காரைமர இலையை மருந்தாக பயன்படுத்தி நோயிலிருந்து விடுபட்டு உள்ளார். இதற்கு நன்றிக் காணிக்கையாக கோயிலுக்கு திருமதில்கள், கல்யாணமண்டபம், தெப்பக் குளம், பரிவேட்டை மண்டபம், வசந்த மண்டபத்தில் வடமேற்கு மூலையில் ஒரு மண்டபம் போன்றவற்றில் பல திருப்பணிகள் செய்துள்ளார். இவர் திருப்பணி செய்துள்ள கல்யாண மண்டபத் தூண்களிலும் பரிவேட்டை மண்டபத்திலும் திருமலை நாயக்கர், அவர் மனைவி ராணி, அமைச்சர் ஆகியோரது திரு உருவச் சிலைகள் இந்திருக்கோவிலில் உள்ளன. 

திருமலை நாயக்கர் துவங்கி வைத்த தேர் திருவிழா:-

மாமன்னர் திருமலை நாயக்கர்

விஜயநகரப்பேரரசின் ஆட்சிக் காலத்தில் கொங்கு நாட்டையும், தென்தமிழகத்தையும் உள்ளக்கி மதுரையை தலைநகராகக் கொண்டு ஆண்டு வந்த திருமலை நாயக்கர் இக்கோவிலுக்கு புதிய தேரை வழங்கி மாசி மகம் பௌர்ணமி தினத்தன்று தேரோட்டத்தை நடத்தி பெருவிழாவாக கொண்டாடப்படுவதை துவக்கி வைத்தார்.

மேலும், இக்கோவில் தேர் ஓட்டத்தையும் மற்றும் அனைத்து திருவிழாக்களையும் தர்ம் சாஸ்திர பிரகாரம் முன்னர் நடத்தியதைபோலவே நடத்திவர வேண்டும் என்று கொங்கு நாட்டிலுள்ள அனைத்து ஒக்கலிக குடியானவர்களுக்கும் அம்ஸவாடி ஒலேகார் திம்மண்ண கவுடருக்கும் தாமிரசாசன பட்டயம் மூலம் ஆணையிட்டார்.

திருமலை நாயக்க மன்னர் காலத்தில், செய்யப்பட்ட இக்கோவிலின் தேரில்  ராமாயண கதாப்பாத்திரங்களை மையமாக வைத்து, சிலைகள் செதுக்கப்பட்டுள்ளன. 

மேலும், இத்தேரில் இரண்டு சிறிய சக்கரங்கள், நான்கு பெரிய சக்கரங்கள் என, ஆக மொத்தம் ஆறு சக்கரங்களும் மரத்தினால் செய்து பொருத்தப்பட்டிருந்தன. தமிழக அரசு, தேர்களுக்கு இரும்பு சக்கரங்கள் அமைக்கும்படி உத்தரவிட்டதன் அடிப்படையில் காரமடை அரங்கநாதர் கோவில் நிர்வாகம் தேருக்கு, திருச்சி பெல் கம்பெனியில் இருந்து, ஏழே முக்கால் எடையுள்ள, இரும்பினால் செய்த, நான்கு பெரிய சக்கரங்கள், இரண்டு அச்சுகளை வாங்கி தேரில் பொருத்தப்பட்டது. 

எர்ர கொல்ல கம்பளத்தார்கள் :-

* மேற்கு மாவட்டங்களில் உள்ள எர்ர கொல்லவார்களில் பெரும்பாலானோருக்கு ரங்கநாதபெருமாளே குலதெய்வமாக விளங்குகிறார்.

* இத்திருக்கோவிலில் முதல்மரியாதையும், முன்னுரிமையும் எர்ர கொல்ல கம்பளத்தார்களுக்கே உரிமை உள்ளது.

* தீர்த்தவாரிகளின் போது தெப்பகுளத்தின் முதல் தீர்த்தம் எர்ர கொல்லவார்களுடையது.

தேர்திருவிழாவில் மரியாதை பெரும் எர்ர கொல்லவார்கள்:-

* வருடாவருடம் நடைப்பெறும் காரமடை ரங்கநாதர் கோவில் மாசிமக தேரோட்ட திருவிழாவின் போது அமைக்கப்படும் முதல் பந்தல் எர்ரகொல்ல நாயக்கர்களுடையது.

* காரமடை ரங்கநாதர் கோவில் தேரோட்டத்தை துவக்கி வைக்கும் உரிமையும், முதல் வடம் பிடிக்கும் உரிமையும் எர்ர கொல்ல கம்பளத்தாருக்கே உரியது.

திருக்கோவில் புகைப்படங்கள்:-

தேர்திருவிழா புகைப்படங்கள்:-

எலமஞ்சிலியில் கோட்டை கட்டி ஆண்ட கொல்லவார்கள்

 

எலமஞ்சில்லி கோட்டையை ஆண்ட கொல்லவார்கள்:-

Annual Report of the Archeological Survey of
India 1934 - 1935

Annual Report of the Archeological Survey of
India 1934 - 1935

எலமஞ்சிலி என்னும் பகுதி அதே பெயரில் உள்ள தாலுகாவின் தலைமையகம் ஆகும். இப்பகுதியை பார்க்கும்போது "நூகி பாப்பா" என்ற மலை எழுந்து நிற்கிறது, அதன் உச்சியில் பரந்த அளவிளான செங்கற்களின் இடிபாடுகள் மற்றும் கற்கதவுகள் ஆகியவை கொல்லவார் குல மன்னர்களின் கோட்டை மற்றும் அரண்மனையின் எச்சங்களாக சுட்டிக்காட்டப்பட்டுள்ளன. 

Excavations in Madras Presidency, Page 43

நூகி பாப்பாவின் மலைச் சரிவுகளில் உள்ள இரண்டு கோயில்களில், வடக்கில் உள்ள ஒரு பகுதி பாறையில் வெட்டப்பட்டு, ஒரு பகுதி உயரமான மேடையில் கட்டப்பட்ட கோவில் வேணுகோபால ஸ்வாமிக்கு அர்ப்பணிக்கப்பட்டுள்ளது; அதே சமயம் தெற்கே உள்ள கோவில் கிராம தெய்வமான ராமச்சந்திரம்மாவிற்கு அர்பணிக்கப்பட்டுள்ளது. 

இரண்டாவதாக கூறப்பட்ட அம்மன் வானத்தில் மின்னல் வடிவில் தோன்றியதாக நம்பப்படுகிறார், அத்தெய்வத்திற்கு வருடாந்திர திருவிழாவில் வழிபாட்டாளர்களால் ஒரு எருமை பலியிடப்பட்டது.

Excavations in Madras Presidency, Page 44

எலமஞ்சிலிக்கு தென்-மேற்கே எட்டு மைல் தொலைவில் உள்ளது ராயவரம், இவ்விடத்திற்கு விஜயநகரப் பேரரசர் ஸ்ரீகிருஷ்ணதேவ ராயரின் நினைவாகப் பெயரிடப்பட்டதாகக் கூறப்படுகிறது. அவர் 1515 ஆம் ஆண்டு ஒரிசாவுக்கு எதிரான தனது படையெடுப்பின் போது இங்கு வருகைப்புரிந்ததார் என்பது குறிப்பிடத்தக்கது. மேலும், அவர் ஒரு பெரிய கற்பலகையில் தனது பயணத்தை சாசனமாக பதிவு செய்ததாகவும் கூறப்படுகிறது, இன்றளவும் சந்தைப் பகுதியில் இக்கல்வெட்டு காணப்படுகிறது. 

ராயவரத்தில் இருந்து சுமார் இரண்டு மைல் தொலைவில் உள்ளது சர்வசித்தி, பாரம்பரியத்தின் படி, இப்பகுதிகளை ஆட்சி செய்த கொல்லவார் மன்னர்களின் அதிகாரத்திற்கு உட்பட்ட இடங்களில் ஒன்றாக இது திகழ்ந்தது. 

பழங்கால கட்டிடங்களில் பயன்படுத்தப்பட்ட பெரிய அளவிலான செங்கற்கள் இங்கு சுற்றியுள்ள வயல்களில் காணப்படுகின்றன.