ஆனந்தவள்ளி அம்மவாரு தேவஸ்தானம் - அனந்தசாகரம்

 

ஆனந்தவள்ளி ஆலய தல வரலாறு:-

அனந்தசாகரம் நீர்த்தேக்கம்

அனந்தசாகரம் ஏரி, ஆறு முக்கிய கிராமங்களில் பாசன வசதிக்காக பயன்படுகிறது. இந்த ஏரி விஜயநகர பேரரசர் ஸ்ரீகிருஷ்ணதேவராயரின் ஆட்சிக்காலத்தில் கட்டப்பட்டது. இங்கு 10 அடி உயரமுள்ள ஒரு கற்பலகையில் உள்ள இக்கல்வெட்டு இன்றும் ஏரிக்கரையில் உள்ளது மற்றும் விஜயநகரத்தின் பேரரசர் கிருஷ்ண தேவராயரின் அமைச்சரான திம்மராசுவின் மகன் ராயசம் கொண்டமராசு என்பவரின் பெயர் இக்கல்வெட்டில் பொறிக்கப்பட்டுள்ளது.

ஏரியின் கட்டுமானப்பணி நடந்துக்கொண்டிருக்கும் போது ஒருநாள் விஜயநகர பேரரசர் தொட்டிகளை ஆய்வு செய்வதற்காக ஒரு பயணம் ஏற்பாடு செய்யப்பட்டது. மாமன்னர் கிருஷ்ண தேவராயருடன் அவரது சகோதரர் அனந்ததேவராயரும் சென்று பார்வையிட்டனர். எனவே இந்த ஏரி மற்றும் கிராமத்திற்கு "அனந்தசாகரம்" என்று பெயரிடப்பட்டது, இப்பெயர் ராஜாவின் சகோதரன் பெயரால் எழுந்தது என்பது தெளிவாகத் தெரிகிறது. 

Gazetters of Nellore District, Page - 295

அனந்தசாகரம் ஏரியில் கரையில் "கொல்ல பாமாவிற்கு" அர்ப்பணிக்கப்பட்ட ஒரு சிறிய கோவில் உள்ளது. இக்கோயில் தொடர்பான கதை பின்வருமாறு :

அணை கட்டும் போது, ஒரு குறிப்பிட்ட உடைப்பை மூடுவது மிகவும் கடினமாக இருந்தது. அதை மூடுவதற்காக மேற்கொள்ளப்பட்ட அனைத்து முயற்சிகளும் தோல்வியில் முடிந்தது. அப்போது ஒரு நாள் வானில் ஒரு அசரீரி தோன்றி நரபலி கோரியபோது. ஆனந்தவள்ளி என்னும் கொல்லவார் குல பெண் ஒருத்தி தானே முன்வந்து எரியின் உடைப்பை சரி செய்ய தன்னை உயிருடன் சமாதி செய்யும்படி கூறிவிட்டு, உடைப்பு ஏற்பட்ட பகுதிக்கு சென்று நின்றாள், பிறகு அவள் நின்றிருந்த அவ்விடத்தில் அப்பெண்ணோடு சேர்ந்து மண்ணைப்போட்டு மூடி எரியின் உடைப்பு மூடப்பட்டது, மேலும், ஏரிக்கரை வலுப்படுத்தும் பணி முடிந்தது. 

இந்த பெண்ணுடைய தியாகம், துணிச்சல் மற்றும் வீரத்தின் நினைவாக அங்கு கொல்ல பாமா கோவில் நிறுவப்பட்டு பூஜைகள் மேற்கொள்ளப்பட்டுவருகிறது. அனந்தவள்ளி என்னும் பெயருடன் அருள்பாளித்துவரும் அவ்வீரத்தாய் இன்றளவும் மக்களால் தெய்வமாக வணங்கப்பட்டு வருகிறாள். அனந்தசாகரம் நிர்த்தேகத்திற்கும், அதனை சுற்றியுள்ள பகுதி மக்களுக்கும் காவல் தெய்வமாய், இத்தெய்வம் விளங்குகின்றது.

அனந்தசாகரம் ஏரி மற்றும் அனந்தவள்ளி தேவஸ்தானம் புகைப்படங்கள்:-

அனந்தசாகரம் நீர்த்தேக்கம் - 1

அனந்தசாகரம் நீர்த்தேகம் - 2

அனந்தசாகரம் நீர்த்தேக்கம் - 3

அனந்தசாகரம் நீர்த்தேக்கம் - 4

ஆனந்தவள்ளி (கொல்ல பாமா) தேவஸ்தானம் - 1

ஆனந்தவள்ளி (கொல்ல பாமா) தேவஸ்தானம் - 2

ஆனந்தவள்ளி (கொல்ல பாமா) தேவஸ்தானம் - 3

ஆனந்தவள்ளி (கொல்ல பாமா) தேவஸ்தானம் - 4

கொல்லவாருக்கு எத்தனை தாசரிகள்?

 

கொல்லவார் சமூகத்தின் தாசரிகள்:-

திரசீலவாரு

தெலுங்கு சமூகங்களின் தாசரிகள் பட்டியல்:-

தாசரிகள் பட்டியல்

1, பிராமணர்கள் - விப்ரவினோதர்கள்

2, வைஸ்யர்கள் - வீரமுஷ்டிவாரு

3, ரெட்டி, கம்மவாரு - பிச்சிக்குண்டலவாரு

4, காப்புகள் (தெலகா) - காக்கிபடகலவாரு

5, கொல்லவாரு (யாதவ) -

* கொல்லசுத்ஹூலவாரு

* கொம்முலவாரு

* பொடபோதுலவாரு

* மந்தெச்சுலவாரு

* தெரசீலவாரு

* ஜை காணிவாரு

6, முத்திராஜூ - பாண்டவுலவாரு, தோட்டிவாரு

7, கௌடவாரு - கௌடஜெட்டிவாரு

8, விஸ்வபிராமணர்கள் - ருஞ்சலவாரு

9, பத்மசாலிகள் - சாதவாஸூருலு, கூனபுலிவாரு

10, தேவாங்கர் - ஜாதிபிட்டலவாரு, சிங்கம்வாரு

11, சாகலிவாரு - படம்வாரு

12, மங்கலிவாரு - அத்தபுவாரு

13, கும்மரிவாரு - பெக்கின்டிவாரு

14, மாதிகவாரு - ஜன்டுலவாரு, ஆசாதிவாரு

15, மாலலு - குர்ரம்வாரு

தாசரிகள் (சாதிப் பிள்ளைகள்) :-

கொம்முலவாரு

* இவர்களின் தொழில் என்பது தாங்கள் தாசரிகளாக உள்ள குலத்தின் பூர்வீகங்களையும், புராணங்களையும், அவர்களின் குலம், கோத்திரப்பெயர்களையும் பாடல்களாக பாடுவர் இத்தகைய அறிவு அவர்களின் முன்னோர்கள் வாயிலாக வழிவழியாக கடத்தப்படும்.

* சில சமூகங்களின் தாசரிகள் அவர்களின் புரவலர் சமூகத்தவர்களுடன் போர்க்களங்களுக்கு சென்று அங்கு ராணுவ முகாம்களில் தங்கி போர்க்களத்தில் தங்களின் புரவலர் சமூகத்தவர்கள் புரியும் வீர தீர சாகசங்களையும், போர் வெற்றிகளையும் பதிவு பாடல்களாக பதிவு செய்துவைப்பர்.

* தங்களுடைய புரவலர் சமூகத்தவர்கள் சார்ந்த குல புராணங்கள், கதைகள் ஆகியவைகளை வேஷம் கட்டி, தாளங்களுடன் கூத்தாடுவார்கள்.

* தாசரிகள் தாங்கள் பரம்பரையாக புரிந்து வரும் சேவைகளுக்கு பிரதிபலனாக புரவலர் சமூகத்தார்களிடம் அவர்களின் முன்னோர்கள் எழுதிக்கொடுத்த பத்திரங்களை காட்டி உணவுப்பொருட்கள், தானியங்கள், அல்லது சிறிய தொகையிலான பணத்தையும் பெற்றுச்செல்வார்கள்.

குறிப்பு:-

ஆந்திர சாதிகளிலேயே கொல்லவாருக்கு மட்டுமே தாசரிகள் அதிகம். இதிற்கு காரணம் மிகப் பெரும்பாண்மையான போர்களில் ஈடுபட்டதாலும், அளவுக்கடந்த புராணங்கள், பிரிவுகள், கோத்திரங்களையும், மிக நீண்ட குலப்பெருமைகளைக் கொண்டிருப்பதாலும்.