கொல்லவார் குல சாசனம் - ஸ்ரீகிருஷ்ணதேவராயர் வம்சம்

கொல்லவார் குல சாசனம் -2:-

ஸ்ரீ கிருஷ்ணதேவராயர்

சாலிவாகன வருடம் :-  சக வருடம் 1435 ஆவணி மாதம், வியாழக்கிழமை

ஆங்கில வருடம் :-  கி.பி.1513, 16ம் நூற்றாண்டு

மொழி:-  செப்பேடு முழுவதும் தெலுங்கு மொழில் உள்ளது.

அரசு:-  விஜயநகர துளுவ வம்சம்

பொருள்:-  கொல்லவார்களுக்கும், மகாநாட்டிவாருகளுக்கும் இடையில் நடந்த சண்டையின் காரணமாக தங்களுக்குறிய பிருதுகளை மீட்க காஞ்சி சென்று கொல்லவார்கள் வழக்காடி பெற்ற வெற்றித் தீர்ப்பை பதிவு செய்யும் சாசனம்

அசல் சாசனம்:-

சாசனம் - முன்பக்கம்

சாசனம் - பின்பக்கம்

சாசன வரிகள்:-

சாசனம் -1

சாசனம் -2

சாசனம் -3

செப்பேட்டு சாசன விளக்கம்:-

காஞ்சிபுரம் அருள்மிகு ஏகாம்பரேஸ்வரர் திருக்கோவில்

ஸ்ரீ சுவஸ்தி சாலிவாகன சகவருடம் 1435 ..க்ஷயநாம வருடம் ஆவணி மாதம் 5ம் நாள் வெள்ளிக்கிழமையில் பித்தலபாடு மூகாம்பிகை அருளால் காஞ்சியில் ஸ்ரீமகாதேவர் (ஏகாம்பரேஸ்வரர்) திருக்கோவில் முக மண்டபத்தில்...

திருக்கைலாயத்தின் ஆசனமிட்டு அமர்ந்திருக்கும் பரமேசுவரன், ராட்ச்சர்களையும் தியவைகளையும் சம்ஹாரம் செய்பவன், திரிசூலம் உடையான் என சிவபெருமானின் திருப்புகழ்களை பாடுகின்றன....

கொல்லவாரு குலத்தவர்களுக்கு ஒருக்கல் முதலாம் பிரதாபருத்திர மகாராஜா (ருத்ரதேவர்) அவர்கள் உறுதி செய்த குல பிருதுகளை பிற்காலத்தில் கொல்லவாருகளுக்கு செல்லாது என்று வீருலுவாருகளும், மகாநாட்டிவாருகளும், நியோகி பிராமணர்களும் பிரச்சனை செய்தார்கள்.

இதனால், முற்காலத்தில் யாதவ ஜனங்களின் முன்னிலையில் ரகுபதி பள்ளிகொண்டாவும், காட்டமராஜூவும் சிம்மாசனத்தில் அமர்ந்திருந்து பூதநாதனான பத்தனுடு அவர்கள் வாசித்த தர்மசாசனம்...

ஒருகல், கொண்டவீடு, கொண்டபள்ளி, கோந்தபாணி, பெனுகஞ்சிப்ரோலு, மதிரை, ஸ்தம்பாத்திரி, அங்கரெட்டி, கொண்டபள்ளி, அனந்தகிரி, ஜலப்ரோலு ஆகிய திருத்தல எல்லைகளிலும் பெணுகொண்டா, தொணகொண்டா, நல்லகொண்ட ராச்சகொண்டா, போதிலி, மதிரை, நெல்லூர், காந்தாரம் முதலான ராஜ்ஜியங்களிலும் வாழும் கொல்லவார் குல கோத்திரத்தார்கள் முன்னிலையில் அயித்தமராஜூ கொடுத்த சாசனம் மீது ஒருகல் ஊர்தலைவர்கள் மற்றும் சனங்களுடன் (மகாநாட்டிவாருகள், நியோகி பிரணமனர்கள்... முதலானவர்கள்) கொல்லவார்களுக்கு சண்டை ஏற்பட்ட போது  "கண்டெலம்" என்னும் வீட்டுபெயர் உடைய மந்த கொல்லவாருகள் இந்த வழக்கை காஞ்சிபுரம் சென்று பெரியோர்கள் மத்தியில் வைத்து தீர்க்க

குலப்பெரியவர்கள், 56 தேசங்களில் உள்ள குலத்தவர்கள், குலத்தில் பலம் பொருந்தியவர்கள், அரசருக்கு சேவகம் புரிபவர்கள், ஊரின் சபையார்கள், படைபரிவாரங்கள், தேவ தேவிகள் மீது பக்திகொண்டு இறைத்தொண்டு புரியும் கொல்லவார்கள், குலகுரு பிராமணர்கள், பிராமணர்கள் மீது பத்தியுடைய கொல்லவார்கள், மாற்றார் ஸ்திரிகளுக்கு சகோதரர்களாக விளங்கும் கொல்லவார்கள், கர்நாடக ராஜாக்கள், போஜர்கள், யெலகோல சிங்கங்கள் ஸ்ரீ கிருஷ்ணதேவராயரின் நிஜமான பூர்வ ரத்த உறவு பங்காளிகளான ஸ்ரீமது கொண்டவீடு கொண்டபள்ளி, பெனுகஞ்சிப்ரோலு, நல்லகொண்டா, தேவரகொண்டா, செரிகொண்டா முதலான ராஜ்ஜியங்களை சேர்ந்த கொல்லவார்களுக்கும் படுகுலவாருகள் (அயித்தமராஜூ வம்சம்) கொடுத்த சாசனத்துடன் காஞ்சி சென்று பெரியவர்கள் சபையில் வைத்தார்கள்.

 படுகுலவாருகளுக்கும் (கொல்லவார்), வீருலவாருகளுக்கும் (மகாநாட்டிவாரு) இடையில் உள்ள பிரச்சனையான கொல்லவார்களுக்கு அவர்களுடைய குல பிருதுகள் செல்லும் செல்லாது என்னும் வழக்கை காஞ்சி ஏகாம்பரேஸ்வரர் திருக்கோவில் முகமண்டபத்தில் வேத பிராமணர்களும், சமூக பெரியவர்களும், வேதவிற்பண்ணர்களும், பண்டிதர்களும், ஷெட்டிகளும், அய்யகாருகளும் இருத்தரப்பினரின் வாதங்களையும், ஆவணங்களையும், சாசனங்களையும் பொதுஜனங்களின் முன்னிலையில் விசாரித்தும், பல்வேறு முறைகளில் ஆராய்ந்தும்

● குங்கும வசந்தம்

● பரனாரி சகோதர ராஜ பிருது

● யானை மீது அம்பாரி

● சந்திராயுதம்

● கருடி கொடி

● மகர தோரணங்கள்

● அனுமன் கொடி

● பூசக்கிர குடைகள்

● பசவசங்கர பிருது

● மகர குண்டலங்கள்

● பச்சை பல்லக்கு

● அல்லபத்மங்கள்

● சிங்கத் தலை

● ஏகமுக ருத்திராட்சம்

● சங்கு

● வேணுநாதங்கள்

● வலம்புரிசங்கு

● வீணை வாத்தியங்கள்

● ஜகத குடை

● சாமரங்கள்

● முரசுகள்

● டமருகம்

● மகாவிஷ்ணுவிற்கும், ஈசுவரனுக்கும் உரிய பிருதுகள்.....

முதலிய பிருதுகளும் இன்னும் பல பிருதுகளை குறிப்பிட்டு இவையாவும் கொல்லவார்களுக்கு 56 தேசங்களிலும் செல்லுபடியாகும் என்றும் வீரலுவாருகள், மகாநாட்டிவாருகள், நியோகி பிராமணர்கள் முதலானோர்களின் கோரிக்கைகளை நிராகரித்தும்  தீர்ப்பு வழங்கினர்.

இத்தகைய நியாய தீர்ப்பினை கொல்லவார்கள் பெற காரணமான ஆவணங்களை பாதுகாத்து சமர்பித்தவர்கள் கோத்திரபக்தர்கள், இவர்களே முற்காலத்தில் யாதவர்களான கொல்லவார்கள் நெல்லூருக்கு மந்தைகளுடன் வருகைப்புரிந்தபோது எல்லையம்மன் கொல்லவார்களிடமிருந்து சில பசுகளைக்களை காணிக்கையாக கேட்டதற்கு கொல்லவார்கள் மறுத்ததால் அவர்களை அக்கினியால் அழிக்கமுற்பட்டபோது சதாசிவனை வேண்டி சிவபெருமான் தன்னுடைய மார்பு வேர்வையை நெல்லூர் நிலத்தில் விட்டு கொல்லவார்களையும், கோத்திர பக்தர்களையும் காப்பாற்றினார்கள். 

இத்தகைய உதவிகளைப் புரிந்த இவர்களுக்கு மரியாதை செய்யும் விதமாக இவர்களுடைய வம்சாவளியினருக்கு யாதவர்களான பன்னிரெண்டு கொல்லவார் குலத்தவர்கள் முறையே

1, எர்ர கொல்ல

2, பாகநாட்டி கொல்ல

3, குலநாட்டி கொல்ல (பூஜ கொல்ல)

4, சஜனப்பு கொல்ல

5, மொதட்டி கொல்ல

6, பெத்தவீடி கொல்ல

7, ஆல கொல்ல

8, கர்ணே கொல்ல

9, வெய்ய கொல்ல

10, நல்ல கொல்ல

11, முஷ்டி கொல்ல

12, ஏகாரி கொல்ல

முதலான பன்னிரெண்டு கொல்ல குலங்களும் அவர்களில் முதலானவர்களான எர்ர கொல்லவார்களும் கோத்திர பக்தர்களுக்கு ஐந்து பசுக்களையும், ஐந்து கன்றுகளை வழங்கவேண்டும்.

ஆடுகளை வைத்திருக்கும் கொல்லவார்கள் ஆடுகளையும், விவசாயம் மேற்கொள்ளும் கொல்லவார்கள் விளைச்சலில் குறிப்பிட்ட பகுதியையும், எழ்மையில் உள்ள கொல்லவார்கள் தங்களின் ஒருமாத ஊதியத்தையும் வழங்கவேண்டும்.

கொல்லவார்கள் குடிநீர், அன்னம், ஆகாரம் அளித்து கோத்திரபக்தர்களை மகிழ்விக்கவேண்டும் என்றும் தீர்ப்பு வழங்கினார்கள்.

இவைகளை மீறுபவர்கள் அவர்களின் மூதாதையர்களுக்கு தவறிழைத்தவர்களாகவும், தங்களின் குல கோத்திரங்களுக்கு தவறிழைத்தவர்களாகவும், இறைவனுக்கு தவறிழைத்தவர்களாகவும் கடவர். காசியிலும், காஞ்சியிலும் பசுவையும் பிராமணரையும் கொன்ற பாவத்தை அடைவார்கள். 

"ஶ்ரீ ஸுபமஸ்து ஸுதா தத்த்வி குணம் புண்யம் பரதத்தானு பாலனம் அபஹரண ஸ்வதத்த நிஷ்பலம் பவேது" என வாழ்த்து சுலோகம் இடம்பெற்றுள்ளது.

இறுதியாக இந்த சாசனத்தை படிப்பவர்களும் கேட்பவர்களும் சகல புண்ணியங்களையும், செல்வங்களையும் நற்பண்புகளையும் பெறுவார்கள் என்று சாசனம் முடிகிறது.