கம்பளத்தார் பாளையங்கள் - ஆவலப்பன்பட்டி ஜமீன்

ஆவலப்பன்பட்டி பாளையப்பட்டு வரலாறு:-





ஆவலப்பன்பட்டி பாளைத்தின் வம்சாவழி குறித்த அரசு ஆவணத்தில் இருந்து எளிமைப்படுத்தி எழுதப்பட்டுள்ளது.

ஆவலப்பன்பட்டி 

ஆவலப்பன்பட்டின் பாளையக்காராகிய அவலப்ப நாயக்கர் வம்சம் குறித்தான வரலாறு என்னவென்றால்:-






ஆவலப்ப நாயக்கரின் பூர்வீக வரலாறு:-




முன்னொரு காலத்தில் வராக நாட்டில் யாதவ குலத்தில் உற்பத்தியான ஒன்பது கம்பளத்தில் தொட்டிய கம்பள சாதியில் உதித்து டில்லி பாதுஷ்ஷா சீமையை விட்டு ராயர் சமஸ்தானத்திற்கு வந்து குமார வர்க்கமாக பணியடைந்து பிரசித்தி பெற்ற குச்சிலி பொம்ப நாயக்கர் அவர்களின் பிள்ளைகளுள் இரண்டாம் பிள்ளையாகிய சோதேய நாயக்கர் வீரப்பராக்கிரமங்களை கண்டு வியந்து மகிழ்ச்சியடைந்து யார் யார் தெற்கு பகுதில் உள்ள கள்ளர்களையும் சில உபத்திரம் செய்யும் தீயவர்களையும் அடக்குகிறார்களோ அவரவர்கள் சீர் செய்த பகுதி அவர்களுக்கே வழங்கப்படும் என ராயர் உத்தரவிட்டார். அவ்வாறு கணவாயின் கீழ் உள்ள பிரதேசத்திற்கு சென்று கள்ளர்களையும், சில கயவர்களையும் அடக்கி வந்தார் சோதி நாயக்கர். ஆவலப்பன்பட்டி பாளையக்கரர்களின் முன்னோராகிய சோதி நாயக்கரின் இச்செயவால் மகிழ்ச்சியடைந்த ராயர் சோதி நாயக்கர் சீர் செய்த பகுதிகளை அவருக்கே தந்து மேலும் விருதுகளாக:-

பல்லாக்கு 

உபசாமரம் 

* பல்லாக்கு
* உபசாமரம்
* சுறுட்டி
* சூரியபாண அனுமந்த டால்
* மகர டால்
* கருட டால்
* பஞ்சவர்ண டால்
* சிவ சக்கிர டால்
* சந்திர காவி டால்
* பச்சை குடை
* ரணகமகண்
* ரணபாஷிக்கம்
* நிகளம்
* சாமதுரோகற வெண்டயம்
* வீர கட்டாமணி
* வீர வெண்டயம்
* கொத்து சறப்பணி
* முத்தொண்டி
* பச்சொட்டி
* கலிகிதுறாயி
* யானை மேல் அம்பாரி
* ஒட்டிகை மேல் பேறிகை
* குதிரை மேல் டக்கா
* எருது மேல் தம்மட்டம்




முதலான விருதுகளும் வாத்தியங்களும் தந்து குமார பட்டத்து சொதேய நாயக்கர் என பெயரும் கொடுத்து ஆனைமலைச் சரிவிலே நீ சீர் செய்த பாளையத்தை நீயே ஆண்டுக்கொள் என கூறி பட்டம் கட்டிவைத்து அனுப்பினார். ராயர் ஆணைப்படியே தெற்கு நோக்கி வந்து தாராபுரத்திற்கு கிழக்கு அமராவதிக்கு தெற்கு பொண்னூதிமலைக்கு அருகில் உள்ள காட்டில் சென்று இறங்கி காடுகளை திருத்தி பௌனார்முகலூறு என்ற ஊரையும் உருவாக்கிக் கொண்டு பாளையத்தை ஆண்டு வந்தார்.

பொன்னூதி மலை

இவரின் மகன் ஆவுல சொதேய நாயக்கர் காலத்தில் ராயரின் கட்டளைப்படி கள்ளர்களை அடக்கி ஆனைமலைக்கு கிழக்காக இருந்த பகுதியில் செடிகளை வெட்டி மக்களை குடியமர்த்தி அவ்வூருக்கு ஆவலப்பன்பட்டி என பெயரிட்டு ஆவலப்ப நாயக்கராக ஆண்டு வந்தார்






ஆவலப்பன்பட்டி பாளையக்கார வம்சாவழிகள்:-




அந்த நாள் முதல் சாலிவாகன சகாப்தம் 1318 முதல் 1715 வரையிலான 397 வருடங்கள் ஆவலப்ப நாயக்கரின் வம்சாவழிகள் பாளைத்தை ஆண்டு வந்தனர்.



குமார பட்டத்து சொதேய நாயக்கர் மூலனூரை தலைமையிடமாக கொண்டு பளையத்தை ஆண்டு வந்தார்.



1, அவுற சொதேய நாயக்கர் - (49 ஆண்டுகள் பட்டமிருந்தார்)

2, குமார சோதேய நாயக்கர் - (38ஆண்டுகள் பட்டமிருந்தார்)

3, பெரிய சோதேய நாயக்கர் -  (36 ஆண்டுகள் பட்டமிருந்தார்)

4, ஆவுல சொதேய நாயக்கர் -  (29 ஆண்டுகள் பட்டமிருந்தார்)

5, பங்காரு சோதேய நாயக்கர் -  (24 ஆண்டுகள் பட்டமிருந்தார்)

6, குமார பட்டத்து ஆவலப்ப நாயக்கர் -  (30 ஆண்டுகள் பட்டமிருந்தார்)

7, சோதே நாயக்கர் -  (19 ஆண்டுகள் பட்டமிருந்தார்)

8, தம்பி குமார பட்டத்து சோதேய நாயக்கர் -  (23 ஆண்டுகள் பட்டமிருந்தார்)

9, ராம சொதேய நாயக்கர் -  (35 ஆண்டுகள் பட்டமிருந்தார்)

10, நாகய சொதே நாயக்கர் -  (32 ஆண்டுகள் பட்டமிருந்தார்)

11, சின்ன சொதேய நாயக்கர் -  (27 ஆண்டுகள் பட்டமிருந்தார்)

12, வேலாயுத நாயக்கர் -  (18 ஆண்டுகள் பட்டமிருந்தார்)

13, குமார பட்டத்து சொதேய நாயக்கர் -  (15 ஆண்டுகள் பட்டமிருந்தார்)

14, ராய சொதேய நாயக்கர் -  (22 ஆண்டுகள் பட்டமிருந்தார்)







பேரரசுகளின் மேலாண்மையில் ஆவலப்பன்பட்டி பாளையம்:-





ராயர் சாமஸ்தானத்தில் ராயர் ஆட்சில் இருக்கின்ற காலத்தில் முகலுனூர், ஆவலப்பன்பட்டி என இரண்டு பளையப்பட்டுகளை இவர்கள் ஆண்டு வந்தனர்.




மதுரை நாயக்கர்கள் ஆட்சிக்காலத்தில் ஆவலப்பன்பட்டி மற்றும் முகலுனூர் ஆகிய இரு பளையங்களுக்கும் சேர்த்து வருடம் ஒன்றுக்கு வரியாக ராச கோபாலி 1350 பணம் என நிர்ணயிக்கப்பட்டதினால் இப்பணத்தை வருடந்தோறும் முறையாக செலுத்தி இந்த இரு பளையப்பட்டுகளையும் ஆண்டு வந்தனர்.

மைசூர் அரசு 

மைசூர் சமஸ்தானத்தின் ஆட்சிக்காலத்தில் ஆவலப்பன்பட்டி மற்றும் முகலுனூர் ஆகிய இரு பளையங்களுக்கும் சேர்த்து வருடம் ஒன்றுக்கு வரியாக ராச கோபாலி 1500 பணம் என நிர்ணயிக்கப்பட்டு இப்பணத்தை வருடந்தோறும் முறையாக மைசூர் அரண்மனைக்கு செலுத்தி இந்த இரு பளையப்பட்டுகளையும் ஆண்டு வந்தனர்.





இவ்வாறு வம்ச பாரம்பரியமாக அந்தந்த ஆட்சிக்காலத்துக்கு உட்பட்ட பேரரசின் அரண்மனைக்கு கட்டுப்பட்டு தவறாமல் வரி பாளையத்தை திப்பு சுல்தான் ஆட்சிக்காலம் வரை செழிப்பாக ஆண்டு வந்தனர்.




ஆங்கிலேயர்கள் ஆட்சிக்காலத்தில் 
பதினான்காம் பட்டக்காராகிய ராமசோத நாயக்கர் மறைந்த பிறகு அவரது அண்ணனுக்கு ஆனந்த வருஷத்தில் நாடூர் பளையத்தின் ஜமீனாக பட்டம் கட்டி  ஆவுல சோதேய நாயக்கர் என பெயரும் கொண்டு ஆவலப்பன்பட்டி பாளையத்திற்கு உட்டபட்ட பதினோரு கிராமங்களை வெள்ளையருக்கு வரி செலுத்திக் கொண்டு ஆண்டு வந்தார்.

கம்பளத்தார் பளையங்கள் - தவசிமடு ஜமீன்

தவசிமடு பாளையப்பட்டு வரலாறு:-





தவசிமடு பாளைய வம்சாவழி கணக்கு ஓலைப்பட்டயத்தில் இருந்து எடுத்து எளிமைப்படுத்தி எழுதப்பட்டது.

தவசுமடை வரைப்படம்

சோத்தழ நாயக்கர் பூர்வீக வரலாறு:-

குத்தி தேசம்

முன்னொரு காலத்தில் குத்தி தேசத்தில்
இருந்தபோது துலுக்கர் பெண் கேட்டதால் கம்பளத்து மக்கள் குடிப்பெயர்ந்து பாண்டிய தேசம் நோக்கி செல்லும் வழியில் துலுக்கர் படை துரத்தி வரும் தருவாயில் ஒரு பெரிய ஆறு குறுக்கிட்டது. அந்த ஆற்றினை கடக்க முடியாமல் கம்பளத்தார்கள் தங்களில் குல தேவதைகளை வேண்ட புங்க மரங்கள் பாலமாக ஆற்றின் குறுக்கே வழுந்து கம்பளத்தார்கள் ஆற்றின் மறுக்கரையை அடைய உதவியது. மேலும் பின்னால் வந்த துலுக்க படை ஆற்றினை கடக்க முயலும் போது புங்க மரங்கள் விலகிச் சென்று நொருங்கி உடைந்தது இதனால் துலுக்கர் படை ஏமாற்றத்துடன் திரும்பிச்சென்றது.






தவசிமடுபளையம் உருவான வரலாறு:-




ஆற்றின் மறுக்கரையை அடைந்த கம்பளத்தார்கள் தவசிமடு பளையத்தின் முன்னோரான சோத்தழ நாயக்கர் தலைமையில் பாண்டிய தேசத்திற்கு பயணப்பட்டுச் சென்று மதுராபுரிக்கு வடமேற்கில் உள்ள சிறுமலைப்பகுதியில் தங்கள் குழந்தை குடும்பங்களுடன் வந்த கம்பளத்தார்கள் தங்கினர். அப்பகுதி முழுவதும் அடர்ந்த வனங்களாய் இருந்த காரணத்தினால் குடிகள் தங்க ஏற்றதாக இல்லை எனவே சோத்தழ நாயக்கர் தனது தெய்வங்களை நோக்கி இரவு பிகல் அறுபது நாளிகை விளக்கின் சோதியைக்கொண்டு தவம் செய்தார். தவத்தின் பயனாக தெய்வம் தோன்றி சோத்தழ நாயக்கரிடம் காட்டுச் செடிகளை திருத்தி கிராமத்தை உண்டாக்குமாறும், சன்னியாசி பெரியவர்களும் தவசிகளும் வாழும் மலை என்பதால் "தவசிமடு" என பெயரிடுமாறும் கூறி மறைந்தது. 

சோத்தழ நாயக்கரின் தபசு

தெய்வத்தின் வாக்குப்படி காடுகளை திருத்தி பயிர் செய்து பயிர்கள் செழித்து வளரும் நேரத்தில் சந்திரசேகர பாண்டியனுக்கும் வீர சோழனுக்கும் எற்பட்ட கலகத்தை தீர்க்க வந்த கொட்டியம் நாகம நாயக்கர் பழனி சென்று சாமி தரிசனம் செய்ய திண்டுக்கல் வழியாக செல்லும் சமயத்தில் நோய்வாய்ப்பட்டார். அப்போது நாகம நாயக்கரிடத்தில் சில பெரியவர்கள் கூறுகையில் நாம் கடந்து வந்த பாதையில் தான் தவசிமடு என்ற பாளையம் இருக்கிறது அங்கு கம்பளத்தான் சாமி (சோத்தழ நாயக்கர்) இருக்கிறார். அவர் உங்களது உடல் உபாதையை நீக்குவார் என ஆலோசனை கூறினார்கள். நாகம நாயக்கர் உடனே கம்பளத்தான் சுவாமிகளை அழைத்து வாருங்கள் என வீரர்களுக்கு கட்டளையிட்டார். வீரர்கள் சென்று தவத்தில் இருந்த சோத்தழ நாயக்கரை அழைத்து வந்தனர். நோய்வாய்ப்பட்ட நாகமரை கண்ட சோத்தழ நாயக்கர் தனது பையில் இருந்த விபூதியை எடுத்து தெய்வங்களை பிராத்தித்துக்கொண்டு நாகம நாயக்கர் மீது போட்டார் இதனால் நாகமரின் உடல் நோய்கள் சட்டென நீங்கியது. மகிழ்ச்சி அடைந்த நாகம நாயக்கர் தவசிமடுவின் காடுகளை சீராக்கி பாளையம் உருவாக்கி நீங்களே பாளையக்காராக முடி சூட்டிக்கொண்டு எங்கள் அதிகாரத்திற்கு கீழ்ப்படிந்து ஆண்டுக்கொள்ளுங்கள் என சோத்தழ நாயக்கரிடம் கூறி அனுப்பினார்.




 தவசிமடு திரும்பிய சோத்தழ நாயக்கர் உபரியாக இருந்த காட்டை சிறிது மக்களைக்கொண்டு சீர் செய்து கிராமங்களை உண்டாக்கி மக்கள் வாழும் படியாக செய்தார். இதன் காரணமாக நாகமர் தவசிமடுபாளையம் என்னும் பெயரைக் கொடுத்து பரம்பரை வம்சாவழியாக அண்டு வருமாறு உத்தரவிட்டார். இவ்வாறாக சோத்தழ நாயக்கர் ஆண்டு வந்தார். பிறகு மதுரை அரசராக கொட்டியம் விஸ்நாத நாயக்கர் ஆட்சிக்கு வந்த காலத்தில் அரியநாத முதலியாருடன் சேர்ந்து மதுரை கோட்டையின் திருமஞ்சன வாசலை சுற்றி 72 கோட்டை கொத்தளங்கள் அமைத்த போது தவசிமடு கோட்டை சோத்தழ நாயக்கருக்கு தரப்பட்டது. தரப்பட்ட பாளையத்தை சிறப்பாக அறுபது வருடங்கள் ஆட்சி செய்தார். ஒருமுறை விஸ்வநாத நாயக்கரும், அரியநாத முதலியாரும் கயித்தார் மீது போர் தொடுக்கும் போது சோத்தழ நாயக்கரை விஸ்வநாதர் அழைத்து அரசர்களின் கூடாரத்தை காக்கும் பொறுப்பை கொடுத்து விட்டு போருக்கு கிளம்பினார். இவ்வேளையில் கூடாரத்திற்க்கு செல்லும் பாதையில் சண்டை ஏற்பட்டு சோத்தழ நாயக்கர் சிவலோக பதவியடைந்தார். 






தவசிமடு பாளைய வம்சாவழிகள்:-




இரண்டாவது பட்டம் சோத்தழ நாயக்கரின் மகன் ரகுராம சோத்தழ நாயக்கர் மதுரை அரசின் ஆணைக்கு கட்டுப்பட்டு கொத்தளங்களை காத்து நாற்பத்திரண்டு வருடங்கள் ஆட்சி செய்தார்.



மூன்றாம் பட்டம் ரெகுராமு சோத்தழ நாயக்கர் மதுரை அரசின் ஆணைக்கு கட்டுப்பட்டு கொத்தளங்களை காத்து நாற்பத்தொன்பது வருடங்கள் ஆட்சி செய்தார்.



4ம் பட்டம் ரகுராமு சோத்தழ நாயக்கர் மதுரை அரசின் ஆணைக்கு கட்டுப்பட்டு கொத்தளங்களை காத்துக்கொண்டும் ஜம்பது வருடங்கள் ஆட்சி செய்தார்.



5ம் பட்டம் அவரின் மகன் ரெகுராமு சோத்தழ நாயக்கர் மதுரை அரசின் ஆணைக்கு கட்டுப்பட்டு கொத்தளங்களை காத்து இரண்டு வருடங்கள் ஆட்சி செய்தார்.




6ம் பட்டம் அவரின் பொன்னுசாமி நாயக்கர் மதுரை அரசின் ஆணைக்கு கட்டுப்பட்டு கொத்தளங்களை காத்து பத்து வருடங்கள் ஆட்சி செய்தார்.



7ம் பட்டம் ரெகுராமமு சோத்தழ நாயக்கர் மதுரையில் திருமலை நாயக்கர் அரசராக இருந்தபோது அவரின் தளவாயான ராமபையன் இராமநாதபும் சேதுபதி மீது படையெடுக்கும் போது ரெகுராமமு சோத்தழ நாயக்கர் மற்றும் தவசிமடு படைகளையும் அழைத்துச் சென்று போர் செய்து வெற்றிப்பெற்றார் இதன் காரணமாக ரெகுராமமு சோத்தழ நாயக்கரை மதுரை அழைத்துச்சென்று வஸ்திரங்களும் பரிசுகளும் தந்து கௌரவித்து தவசிமடு அனுப்பிவைத்தார். மதுரை அரசின் ஆணைக்கு கட்டுப்பட்டு கொத்தளங்களை காத்து நாற்பத்திரண்டு வருடங்கள் ஆட்சி செய்தார்



8ம் பட்டம் சோத்தழ நாயக்கர் தான தர்மங்கள் செய்துக்கொண்டு மதுரை அரசின் ஆணைக்கு கட்டுப்பட்டு கொத்தளங்களை காத்து 40 வருடங்கள் ஆட்சி செய்தார்.

சொக்கநாத நாயக்கர் 

9ம் பட்டம் அவரின் மகன் ரெகுராமு சோத்தழ நாயக்கர் காலத்தில் சொக்கநாத நாயக்கர் தஞ்சாவூர் மீது படையெடுக்கும் போது ரெகுராமு நாயக்கரை கூடார காப்பாளராக நியமித்தார். கூடாரத்தை சிறப்பாக காத்ததாலும் போரில் வெற்றிப்பெற்றதாலும் மகிழ்ச்சி அடைந்த சொக்கநாத நாயக்கர் ரெகுராமு சோத்தழ நாயக்கரை மதுரை அழைத்துச்சென்று குமார வர்க்கம் என்னும் பெயர் கொடுத்து மேலும் வஸ்திரங்களும் பரிசுகளும் கொடுத்து சிறப்பு செய்து தவசிமடு அனுப்பிவைத்தார்.



10ம் பட்டம் அவரின் மகன் சோத்தழ நாயக்கர் மதுரை அரசின் ஆணைக்கு கட்டுப்பட்டு கொத்தளங்களை காத்து 33 வருடங்கள் ஆட்சி செய்தார்



11வது பட்டம் சோத்தழ நாயக்கரின் மகன் ரெகுநாத சோத்தழ நாயக்கர் தான தர்மங்கள் மிகு தியாக செய்துக்கொண்டு மதுரை அரசின் ஆணைக்கு கட்டுப்பட்டு கொத்தளங்களை காத்து 31 வருடங்கள் ஆட்சி செய்தார்.



12ம் பட்டம் ரெகுநாத சோத்தழ நாயக்கரின் மகன் சோத்தழ நாயக்கர் 19 வருடங்கள் மதுரை அரசின் ஆணைக்கு கட்டுப்பட்டு கொத்தளங்களை காத்து ஆட்சி செய்து வந்தார்.

கம்பளத்தார் பாளையங்கள் - சல்லிப்பட்டி ஜமீன்

சல்லிப்பட்டி பளையப்பட்டு வரலாறு:-





சல்லிப்பட்டி ஜமீன் பற்றிய அரசு ஆவணத்தில் இருந்து எளிமைப்படுத்தி எழுதப்பட்டது.

சல்லிப்பட்டி 

சல்லிப்பட்டி வம்ச பூர்வீக வரலாறு:-




பொள்ளாச்சி தாலுகா சல்லிப்பட்டி பாளையக்காரரான எரம நாயக்கரின் வம்சாவழி வரலாறு எதுவென்றால்:-



முற்காலத்தில் யாதவ குலத்தில் தோன்றிய ஒன்பது கம்பளத்துள் தொட்டிய கம்பள சாதியில் பிறந்த குச்சில பொம்ம நாயக்கன் காலத்தில் வடக்கில் டில்லி பாதுஷ்ஷா சீமையில் இருந்த குறுச்சி எனப்பட்ட பாளையத்தை குச்சில பொம்ம நாயக்கர் ஆண்டு வந்தார். அப்போது கம்பளத்தார் பெண்னை மணந்துக்கொள்ள பாதுஷ்ஷா விரும்பி கம்பளத்தாரிடம் பெண் கேட்டு வந்தார் ஆனால் துலுக்கருக்கு பெண்னை திருமணம் செய்துவைக்க கூடாது என்ற வைராக்கியத்தல் இருந்த கம்பளத்தார்கள் இனி வடதேசத்தில் இருந்தால் பாதுகாப்பில்லை என்று உணர்ந்தனர் எனவே ஒரே இரவில் பிற தேசங்களுக்கு சென்று வேண்டும் என முடிவெடுத்து பெருங்கூட்டமாக கம்பளத்தார்கள் சென்றுக்கொண்டிருக்கும் ஆறு குறுக்கிட்டது. அச்சமயம் அந்த ஆற்றை கடக்க புங்க மரங்கள் ஒன்றாக சாய்ந்து பாலம் போல் அமைந்து ஆற்றை கடக்க உதவியது. எனவே புங்கமரத்தை இஷ்ட தெய்வமாக ஏற்றுக்கொண்ட கம்பளத்தார்கள் விஜயநகரம் வந்தடைந்தனர்.

புங்கன் மரம்

அக்காலத்தில் விஜயநகரபட்டிணத்து அரசராக இருந்த புக்க ராயர் கம்பளத்தார்கள் வந்த செய்தியை அறிந்து அவர்களை சந்தித்தார் கம்பளத்தார்களின் சாகசம் மற்றும் வீரம் முதலிய குணங்களை தெரிந்துக்கொண்ட ராயர் கம்பளத்தார்களை விஜயநகரத்திலேயே தங்க உத்தரவிட்டு அவர்களூக்கு தேவையான வசதிகளை செய்துக்கொண்டிருந்த சமயத்தில் விஜயநகரின் அரசரான கொல்லவார் குல புக்கராயர் சல்லிப்பட்டி பாளையத்தின் மூதாதையரான குச்சில பொம்ம நாயக்கரிடம்  அவரின் வரலாறு குறித்து கேட்டு அறிந்துக்கொண்டதில் குச்சல பொம்மர் மிகுந்த கம்பீரமும் விரமும் உடையவர் என ராயர் அறிந்துக்கொண்டு அவரை தனது சமஸ்தானத்தில் பணி அமர்த்தினார். அதற்கு பிறகான நாட்களில் இராயரின் பட்டத்து குதிரையை டில்லி துலுக்கரின் ஆட்கள் கடத்தி சென்று விட்டனர். இதன் காரணமாக வருந்தமடைந்த ராயர் தனது மக்களை அழைத்து பட்டத்து குதிரையை யார் மீட்டு வருகிறாரரோ அவர்களுக்கு பெரும் சன்மானம் வழங்கப்படும் என அறிவித்தார் அப்போது குச்சில பொம்ம நாயக்கர் நான் குதிரையை மீட்டு வருகிறேன் என வெற்றிலையை வாங்கிக்கொண்டு வீர ஆவேசமாக கிளம்பி டில்லியை அடைந்து அங்கு சிறைப்பட்டிருந்த பட்டத்து குதிரையை மீட்டு இரவோடு இரவாக விஜயநகரம் வந்து சேர்ந்து குதிரையை ராயர் சமஸ்தானத்தில் ஒப்படைத்தார். இதனால் மன மகிழ்வு கொண்ட ராயர் குச்சல பொம்ம நாயக்கருக்கு சகல வெகுமதிகளும் கொடுத்து மேலும் ஒரு கிராமம் மற்றும் உம்பளிக்கையும் கொடுத்து கௌரவித்தார்.



பிறகாக விஜயநகரத்தில் ராயரை எதிர்த்து சில பளையக்காரர்கள் கிளர்ச்சி செய்தனர் அதை அடக்க ராயர் குச்சல பொம்ம நாயக்கரை அனுப்பினார். தனது பராக்கிரமத்தால் கிளர்சியாளர்களை ஒடுக்கி அவர்களை ராயர் சமஸ்தானத்திற்கு அடிபணிய வைத்தார் இதனால் சந்தோஷமடைந்த ராயர் குச்சில பொம்ம நாயக்கரை அழைத்து விஜயநகரத்தின் சில்லரை பாளையக்காரர்களுக்கெல்லாம் தலைவராக நியமித்தார் மேலும் அவருக்கு விருதுகளாக:-

காண்டா மணி

* பல்லாக்கு
* உபய சாமறம்
* சகசம்பு குடை
* பூசக்கிர குடை
* பசவசகறடால்
* சங்குசக்கிர டால்
* சந்திரகாவி டால்
* மகரடால்
* கருட டால்
* அனுமன் டால்
* பறாங்குசடால்
* பஞ்சவர்ண டால்
* வெள்ளபக்ற டால்
* ஆனைமேலம்பாறி
* ரணபாஷிங்கம்
* கமட்டசறம்
* முத்துச் சறம்
* வீரசங்கிலி
* பாறினிகளம்
* சாமதொரோஹா வெண்டயம்
* சோமத்தலை
* வீரகண்டாமணி



இவ்வாறு பல விருதுகள் கொடுத்து பாளையக்காரர்களுக்கு எல்லாம் முதன்மைகாரன் என்னும் கிறீட்டாதிபதி பதவியும் கொடுத்து

ஆனை மேல் அம்பாரி

* ஆணைமேல் பேரிக்கை
* ஒட்டிகை மேல் நகாறு
* எறுத்து மேல் தம்பட்டம்
* நவபத்து சங்கீத வாத்தியங்கள்
* ஆணை மேல் அம்பாரி
* குதிரை



முதலான பரிசுகளும் தந்து யானை மேல் அமரவைத்து நகர் வளம் வரச்செய்து பாளையக்கார்களின் முதன்மை காரராக பட்டம் கட்டினார். அந்த நாள் முதல் வட பிரதேசத்து சில்லரை பாளையங்களுக்கெல்லாம் முதன்மைகாரராக சகல அதிகாரங்களுடன் விளங்கினார். 




சல்லிப்பட்டி பாளையம் உருவான வரலாறு:-




குச்சில பொம்ம நாயக்கரின் மகன் பரப்பேதாதுல நாயக்கர் இவருக்கு இரண்டு பிள்ளைகள் பிறந்தனர் அவர்கள்:-


1, எத்துல முத்தே நாயக்கர்

2, எரம நாயக்கர்



இவர்கள் ராயர் சமஸ்தானத்தில் அதிகாரங்கள் பெற்றவர்களாக இருந்த காலத்தில் ராயர் அவர்கள் தென்னாட்டிற்கு கம்பளத்தார்களை அனுப்பி அங்கு அவர்களுக்கு பாளையங்கள் கொடுத்து பாளையக்காரர்களாக ஆக்கினார். அப்போது தான் இளையவனாகிய எரம நாயக்கருக்கு நல்லுறுக்க நாட்டில் அக்கா தங்கச்சி மலைக்கு மேற்கு குடமறுக்கு சீத்தகல்லுக்கு கிழக்கு தளவாயி பேட்டை கரைக்கு தெற்கு முதுவர் சீமை எல்லை எடமலைக்கு வடக்கு இவ்விடங்களுக்கு உட்பட்ட மற்றும் காளைமலைக்கு உட்பட்ட 11காத தூரத்திற்கு உட்பட்ட பாளையத்திற்கு எரம நாயக்கரை பளையக்காரராக ராயர் நியமித்து உத்தரவிட்டார். ராயரின் ஆணைப்படி எரம நாயக்கர் நல்லுறுக்கு நாட்டில் உள்ள அழகாபுரிக்கு வந்து சேர்ந்தார். ராயர் கூறியபடியே தன்னுடைய அதிகாரத்திற்கு உட்பட்ட பகுதியில் குளங்கள் வெட்டி, சல்லிப்பட்டி என்னும் ஊரை உருவாக்கி அவ்வூருக்கு உட்பட்ட 14 கிராமங்களுக்கும் பாளையக்காரராக  சகல மரியாதைகள் மற்றும் விருதுகளுடன் முடிசூட்டிக்கொண்டார்.



அந்த நாள் முதல் சாலிவாகன சகாப்தம் 1268 முதல் 1723 வரை 455 வருடங்களாக எரம நாயக்கர் வம்சம் சல்லிப்பட்டி பாளையத்தை ஆண்டுவந்தனர்





சல்லிப்பட்டி பாளையத்தின் வம்சாவழிகள்:-



1, எரம நாயக்கர் - (30 வருடங்கள் பட்டமிருந்தார்)

2, சம்பால நாயக்கர் - (24 வருடங்கள் பட்டமிருந்தார்)

3, சகசம்பால நாயக்கர் - (18 வருடங்கள் பட்டமிருந்தார்)

4, மயிலப்ப நாயக்கர் - (14 வருடங்கள் பட்டமிருந்தார்)

5, குறிச்சி நாயக்கர் - (32 வருடங்கள் பட்டமிருந்தார்)

6, கதிர் நாயக்கர் - (27 வருடங்கள் பட்டமிருந்தார்)

7, கணகாண்டி நாயக்கர் - (19 வருடங்கள் பட்டமிருந்தார்)

8, ரணவீராண்டி நாயக்கர் - (22 வருடங்கள் பட்டமிருந்தார்)

9, அமனாண்டி நாயக்கர் - (... வருடங்கள் பட்டமிருந்தார்)

10, சல்லி வீரப்ப நாயக்கர் - (26 வருடங்கள் பட்டமிருந்தார்)

11, கும்மன நாயக்கர் - (... வருடங்கள் பட்டமிருந்தார்)

12, பெரியமலையாண்டி நாயக்கர் - (9 வருடங்கள் பட்டமிருந்தார்)

13, ராமலிங்கமலையாண்டி நாயக்கர் - (24 வருடங்கள் பட்டமிருந்தார்)

14, சின்னமலையாண்டி நாயக்கர் - (15 வருடங்கள் பட்டமிருந்தார்)

15, அமணலிங்கம நாயக்கர் - (26 வருடங்கள் பட்டமிருந்தார்)

16, லிங்காண்டி நாயக்கர் - (12 வருடங்கள் பட்டமிருந்தார்)

17, நல்லமுத்து நாயக்கர் - (29 வருடங்கள் பட்டமிருந்தார்)

18, அமணாண்டி நாயக்கர் - (19 வருடங்கள் பட்டமிருந்தார்)

19, வேங்கடபதி நாயக்கர் - (40 வருடங்கள் பட்டமிருந்தார்)

20, ரங்கப்ப நாயக்கர் - (30 வருடங்கள் பட்டமிருந்தார்)

21, பெரிய நல்லமுத்து நாயக்கர் - (10 வருடங்கள் பட்டமிருந்தார்)






சல்லிப்பட்டி பாளையக்காரர்கள் பற்றிய குறிப்புகள்:-




முதலாம் பட்டக்காரரான எரம நாயக்கர் காலத்தில் பாலாற்றின் கரையின் தெற்கு மலைமேல் கதரனாய பொருமாள் எழுந்தருளி இருப்பதை அறிந்து பங்குனி மாதம் மலையை சுற்றி தேரோட்டம் நடத்தினார். மேலும் சல்லிப்பட்டி கிராம தேவதை கோவில்களுக்கு மானியங்கள் வழங்கினார். அவர் வாழ்ந்த காலத்தில்  ஊர் மக்கள் மத்தியில் மிகவும் பிரசித்தி பெற்று விளங்கினார்.



இரண்டாம் பட்டக்காரர் சாம்பல நாயக்கர் காலம் முதல் பதினெட்டாம் தலைமுறையான அமணாண்டி நாயக்கர் காலம் வரை அதிகாரத்துடனும் ஆயுதங்களுடனும் ஆளும் சமஸ்தான அரசர்களுக்கு கட்டுப்பட்டு வரிப்பணத்துடன் ஆண்டுக்கு ஒரு யானை விதம் வழங்கி வந்துள்ளனர். ஆளும் அரசர்களுக்கு அன்புக்கு பாத்திரமாக இருந்து சல்லிப்பட்டி பாளையத்தை ஆண்டு வந்துள்ளனர்.

ஐதர் அலி

பத்தொன்பதாம் பட்டமான வேங்கடபதி காலத்தில் மைசூர் அரசன் ஜதர் அலி அரண்மனை ஆணைப்படி 1000 மைசூர் வீரர்கள் 500 சல்லிப்பட்டி வீரர்களுடன் பாலக்காட்டு ராஜாவின் மீது வேங்கடபதி போர் தொடுத்தார் போரில் பாலக்காட்டு படைகளை வீழ்த்தி, அரண்மனையையும் கைப்பற்றி வெற்றிப்பெற்று வீரமரணம் அடைந்தார்.



இருபதாம் பட்டம் ரங்கப்ப நாயக்கர் காலத்தில் அப்போதைய மைசூர் அரசன் திப்பு சுல்தான் அரண்மனைக்கு 9010 வரி பணம் ஆண்டு 1க்கு செலுத்தி வந்து 14 கிராமங்களை கொண்ட சல்லிப்பட்டியை ஆண்டுவந்தார்.



21ம் பட்டமான பெரிய நல்லமுத்து நாயக்கர் ஆங்கிலேய சர்காருக்கு வரி செலுத்தாமல் போராடி வந்தார். பின்பு நல்லமுத்து நாயக்கர் தலைமறைவானார். தலைமறைவாக இருந்தவரை ஆங்கிலேய அரசு பிடித்து குற்றவாளியாக அறிவித்து அவரை கொலை செய்தது. பின்பாக நல்லமுத்து நாயக்கரின் மகன் மற்றும் அவர் சார்ந்த மக்களை திண்டுக்கல்லில் சிறைவைத்தது. அவருடைய மகனுக்கு மட்டும் மாதம் 1விறகம் என்ற அளவில் பணம் தந்து உதவியது.

கம்பளத்தார் பாளையங்கள் - நிலக்கோட்டை ஜமீன்

நிலக்கோட்டை பாளையப்பட்டு
வரலாறு:-





நிலக்கோட்டை ஜமீன் வம்சாவழிகள் குறித்த அரசு ஆவணத்தில் இருந்து எளிமைப்படுத்தி எழுதப்பட்டது.

நிலக்கோட்டை அரண்மனை 

கூளப்ப நாயக்கர் பரம்பரை வரலாறு:-



மதுரை நாயக்க வம்சத்தின் உறவினர்களும், மதுரை ஜில்லா திண்டுக்கல் தாலுகாவை சேர்ந்த நிலக்கோட்டை பளையப்பட்டின் பாளையக்காரர்களுமாகிய கூளப்ப நாயக்கரின் வம்சாவழி விவரம் யாதெனில்:-



முற்காலத்தில் விஜயநகரத்தின் மீது  தில்லி பாதுஷ்ஷா படையெடுத்து வந்த போது தனது அரசவையில் மகா ஸ்ரீ இராயர் சிகப்பு வஸ்திரத்தை கொண்டு வந்து வைத்து தனக்கு முன்பிருந்த படை தலைவர்கள் மற்றும் தளபதிகளிடம் உங்களில் யாருக்கு இல்லற வாழ்வில் ஆசையில்லையோ, தன் உயிரின் மீது ஆசையில்லையோ ஆவர்கள் இந்த சிகப்பு வஸ்திரத்தையும் தாம்பூலத்தையும் பெற்றுக்கொண்டு அவர்கள் போர்களம் வேண்டும் என ஆணையிட்டார் அப்போது நிலக்கோட்டை பாளைய வம்சாவழியினரின் முன்னோரான பெஞ்சை வல்லக்கர் கோத்திரத்தில்  பிறந்த மாக்கள நாயக்கர் மற்றும் அவர் சார்ந்த படையும் போர்களம் சென்று தில்லி பாதுஷ்ஷாவின் படைகளை துவம்சம் செய்து முறியடித்து விட்டு வெற்றிச் செய்தியும் விஜயநகரம் சென்றனர். இதனால் மிகுந்த மன மகிழ்ச்சி அடைந்த ராயர் மாக்கள நாயக்கரின் படைக்கு வெகுமதிகளாக:-



* வெள்ளை குதிரை
* வெள்ளை சுருட்டி
* வெள்ளை கொடை
* வெள்ளை கறடால்
* வெண் சாமரம்



மற்றும் சிறிது ஆபரணங்கள் மற்றும் வஸ்திரங்களையும் தந்து நீங்கள் திண்டுக்கல் மதுரிபுரிக்கு (மதுரை) மேற்கே நிலையாக கோட்டைக் கட்டி ஆண்டு கொள்ளுங்கள் என கூறி மாக்கள நாயக்கரை மதுரைக்கு அனுப்பிவைத்தார். தனக்கு கொடுக்கப்பட்ட பாளையப் பகுதிக்கு வந்த மாக்கள நாயக்கர் அவ்விடத்தில் ஒரு மண் கோட்டை கட்டினார். மேலும் அவ்வூருக்கு நிலக்கோட்டை என பெயர் சூட்டினார். பிறகு ராயரவர்கள் நிலக்கோட்டையை வளப்படுத்த காடுகளை வெட்டி விளை நிலங்களாகவும், குடியிருப்புகளாகவும் மாற்ற மாக்கள நாயக்கருக்கு பணம் கொடுத்து உதவினார். மேலும் மாக்கள நாயக்கர் கேட்டுக்கொண்டதன் பேரில் வெறும் காடாக புதர் மண்டிக்கிடந்த நிலக்கோட்டைக்கு 10 வருடங்கள் வரி விலக்கு அளித்து உத்தரவிட்டார். உத்தவுக்கு பிறகாக மாக்கள நாயக்கர் காடுகளை திருத்தி செழிப்பான பூமியாக மாற்றி பின் விஜயநகரத்திற்கு 1000 பொன் வரியாக கொடுத்து வந்தார்.




பட்டம் ஆண்ட வாரிசுகள் வரலாறு:-




முதல் பட்டம்:-


நிலக்கோட்டை பாளையத்தின் முதல் பட்டமான மாக்கள நாயக்கர் 12 வருடங்கள் நிலக்கோட்டையை ஆண்டு வந்தார்.




இரண்டாம் பட்டம்:-

முதலாம் கூளப்ப நாயக்கர் 

2வது பட்டமாக மாக்கள நாயக்கரின் மகன் கூளப்ப நாயக்கர் பட்டத்திற்கு வந்தார். சிறுவயதில் அரசனானதாலும், கள்ளர்களின் நாட்டில் செய்து வந்த திருட்டு முதலான இடையூறுகளினாலும் அப்போது மதுரையை ஆண்டுக்கொண்டிருந்த பண்டியன் பொறுப்பில் சில காலம் இருந்தார். அச்சமயம் வீர சேகர சோழன் பாண்டியன் மீது படையெடுத்தான். இதனால் விஜயநகரம் சென்ற பாண்டியன் கிருஷ்ண தேவராயரிடம் சென்று உதவி கேட்டார். எனவே ராயர் தனது அரசில் அப்போதை சந்திரகிரியின் ஆளுநராக இருந்த நாகம நாயக்கர் மதுரை பாண்டியனுக்கு மீட்டு தரச்சொல்லி அனுப்பிவைத்தார். பின் கொட்டியம் நாகம நாயக்கர் கலகம் செய்து விஸ்வநாத நாயக்கர் மதுரையின் அரசரானார். பிறகாக நாகம நாயக்கரிடம் கூளப்ப நாயக்கர் கேட்டுக்கொண்டதற்கு இணங்க அப்போதைய மதுரை மன்னரான விஸ்வநாத நாயக்கரும் தளவாய் அரியநாத முதலியாரும் இணைந்து 72 பாளைங்களுக்கு 72 கோட்டைகள் கட்டி அதற்குறிய எழுபத்திரண்டு பாளையக்காரர்களையும் நியமனம் செய்தனர். அவ்வாறு நிலக்கோட்டை பாளையமும் புதிய கோட்டையும் மேலும் புதிய பகுதிகளாக வத்தலகுண்டு, முன்னாடி மங்களம் மற்றும் ஆத்தூர் முதலிய ஊர்களும் கூளப்ப நாயக்கருக்கு வழங்கப்பட்டது.



கைதாத்துக்கோட்டை பஞ்ச பாண்டியர்களுக்கு எதிரான போருக்கு உதவுமாறு விஸ்வநாத நாயக்கர் விடுத்த அழைப்பை ஏற்று கூளப்ப நாயக்கர் போரில் ஈடுபட்டு பஞ்ச பாண்டியர்களை வீீீீழ்த்திவிட்டு மதுரை திரும்பினர். கூளப்ப நாயக்கரின் செயலால் மகிழ்ச்சி அடைந்த விஸ்வநாதர் அவருக்கு பரிசுகள் வழங்கி கௌரவித்தார். இதன்பிறகாக ஒருமுறை விஸ்வநாத நாயக்கர் திருசுரபுரத்திற்கு தன் படைகளுடன் நிலக்கோட்டை வழியாக செல்லும்போது கூளப்ப நாயக்கர் விஸ்வநாதரையும் அவரது படைகளையும் தன் அரண்மனைக்கு அழைத்துச்சென்று விருந்து கொடுத்தும், தன் பாளையத்திற்கு உட்பட்ட கிராமங்களையும், குளங்களையும் சுற்றிக்காண்பித்து அவர்களை உபசரித்தார் இதனால் விஸ்வநாதர் பெரிதும் சந்தோஷப்பட்டு உன்போல் உபசரிப்பவர் யாருமில்லை. நீ செலுத்தும் வரிப்பணம்  போதும் என்றும் கூறி மேலும் கூளப்ப நாயக்கருக்கு "ஒன்பதூர் கூளப்ப நாயக்கர்" என்று பெயரும் கொடுத்து மகிழ்ந்தார். இவ்வாறாக தயாள குணம் கூளப்ப நாயக்கர் பல தனது ஆட்சிக்காலத்தில் பல தான தருமங்களை செய்து 22 வருடங்கள் பட்டம் ஆண்டார்.




மூன்றாம் பட்டம்:-


மூன்றாவது பட்டம் பெரிய சுத்தம நாயக்கர் மதுரைக்கு வரிச்செலுத்தி 25 வருடங்கள் பட்டமிருந்தார்.




நான்காம் பட்டம்:-


நான்காவது பட்டம் 2ம் கூளப்ப நாயக்கர் முன்பு போலவே
மதுரைக்கு வரிச்செலுத்தி 30 வருடங்கள் பட்டமிருந்தார்.




ஐந்தாம் பட்டம்:-


ஜந்தாவது பட்டம் பெரிய நாகம நாயக்கர் மதுரைக்கு முறையாக வரிச்செலுத்தி 30 வருடங்கள் பட்டமிருந்தார்.




ஆறாம் பட்டம்:-


ஆறாவது பட்டம் 3ம் கூளப்ப நாயக்கர் மதுரைக்கு வரிச்செலுத்தி 25 வருடங்கள் பட்டமிருந்தார்.




ஏழாம் பட்டம்:-


ஏழாவது பட்டம் சிந்தம நாயக்கர் மதுரைக்கு வரிச்செலுத்தி 30 வருடங்கள் பட்டமிருந்தார்.




எட்டாம் பட்டம்:-


எட்டாவது பட்டம் நாகம நாயக்கர் கோபழ நரசிங்கபெருமாள் கோவிலையும், உபயநாச்சியார் கோவிலையும் கட்டி பிரதிஷ்டை செய்து 25 வருடம் பட்டமிருந்தார்.




ஒன்பதாம் பட்டம்:-


ஒன்பதாவது பட்டம் பெரிய மாக்கள நாயக்கர் திம்மராய பெருமாள் கோவிலை கட்டி பிரதிஷ்டை செய்து கோவிலுக்கு அருகாமையில் மன்னவறாதி குளத்தையும் வெட்டி சிறப்பு செய்தார். 25 ஆண்டுகள் பட்டமிருந்தார்.




பத்தாம் பட்டம்:-


பத்தாவது பட்டம் 4ம் கூளப்ப நாயக்கர் 2000 வரிப்பணம் மதுரைக்கு செலுத்திக்கொண்டு ஆண்டுவந்தார். முத்திலாபுரம் குளத்தை வெட்டினார். அழகர் கோவிலை கட்டி பிரதிஷ்டை செய்து 25 வருடங்கள் பட்டமிருந்தார்.




பதினோராம் பட்டம்:-


பதினோராவது பட்டம் பிட்டு கூளப்ப நாயக்கர் 2000 வரிப்பணம் செலுத்தி 30 வருடங்கள் பட்மிருந்தார். 




பன்னிரெண்டாம் பட்டம்:-


பன்னிரெண்டாவது பட்டம் தண்டு கூளப்ப நாயக்கர் இவர் சீவலசெருகில் நரசிம்மர் கோவிலைக்கட்டி பிரதிஷ்டை செய்து சித்தாபுரம் அக்ரகாரமும், குளமும் கட்டினார். மேலும் ராமபையன் சேதுபதி மீது படையெடுத்தபோது இவரும் உடன் சென்று போரிட்டார் அப்போது சேதுபதி பாம்பனாத்துக்கு சென்று தலைமறைவானார் இருப்பினும் விடாது சென்று சேதுபதியை அணைக்கட்டிப் பிடித்து வந்தார் கூளப்பர் இதனால் அவருக்கு தண்டு கூளப்ப நாயக்கர் என ராமபையர் அவருக்கு பட்டம் கொடுத்தார். இவர் 25 வருடம் பட்டமிருந்தார். 





பதிமூன்றாம் பட்டம்:-

திருமலை நாயக்கரின் மைத்துனர் நாகம நாயக்கர்

விறலிவிடுதூது 

பதிமூன்றாவது பட்டம் விறலிவிடுதூது கேட்ட நாகம நாயக்கர். நக்கனூத்தில் அக்ரகாரம் கட்டி, குளமும் வெட்டி, நிலக்கோட்டையை கல்கோட்டையாகவும் மேம்படுத்தி கட்டினார். இவர் பட்டமிருந்தது 30 வருடங்கள்.

கல்கோட்டை

பதினான்காம் பட்டம்:-


பதினான்காவது பட்டம் கூளப்ப நாயக்கர் இவர் கரியாம்பட்டி குளத்தையும், சீரங்கபாடி குளத்தையும் வெட்டினார். ஈசுவரன் கோவிலை கட்டினார். 25 வருடங்கள் பட்டமிருந்தார்.




பதினைந்தாம் பட்டம்:-


பதினைந்தாவது பட்டம் சிந்தம நாயக்கர் 
இவர்காலத்தில் ஐதர் அலி திண்டுக்கல்லை கைப்பற்றினான் பிள்ளையாநத்தம் மற்றும் பித்தாளை பட்டிணத்திற்கு இடாக வரிப்பணம் செலுத்து அப்பகுதியை மீட்டுக்கொள்ளுமாறு நிலக்கோட்டை சிந்தம நாயக்கருக்கு செய்தி அனுப்பினார். எனவே ஐதரின் தலைநகரான ஸ்ரீ ரங்கப்பட்டிணத்திற்கு 5000 வரிபணம் செலுத்தினார் ஆனால் ஐதர் அலி தனது வாக்கு தவறி பிள்ளையாநத்தம் மற்றும் பித்தாளை பட்டிணத்தை சிந்தம நாயக்கருக்கு கொடுக்காமல் தானே எடுத்துக்கொண்டான். இவர் 30 வருடங்கள் பட்டமிருந்தார்.




பதினாறாவது பட்டம்:-



பதினாறாவது பட்டம் கூளப்ப நாயக்கர். இவர் நாளையில் திண்டுக்கல்லுக்கு சையது சாகிப் வந்தார் அவரிடம் 5900 வரிப்பணம் செலுத்தி 15 வருடங்கள் பட்டம் ஆண்டு வந்தார்.




பதினேழாவது பட்டம்:-

ஜமீன் கூளப்ப நாயக்கர் 

பதினேழாவது பட்டம் கூளப்ப நாயக்கர். ஐதர் அலியிடம் இருந்த திண்டுக்கல் ஆங்கிலேய அரசின் கீழ் சென்றது. அப்போது நிலக்கோட்டையில் கடும் வறட்சி, மழை இல்லாததாலும் கிஸ்தி கட்ட முடியவில்லை. மக்களை துன்புறுத்த ஆரம்பித்தனர் ஆங்கில அதிகாரிகள். இது கூளப்ப நாயக்கர் காதுக்கும் எட்டியது. அந்த அதிகாரியை கொல்ல திட்டம் வகுக்கப்பட்து. மதுரையில் இருந்து குதிரையில் வரி வசூல் செய்ய வந்த அதிகாரி முசுவனூத்து அருகே வெட்டி கொல்லபட்டான். அந்த இடத்திற்கு சட்டைக் காரன் மேடு என்று இன்று அழைக்க படுகிறது. (சட்டைக் காரன் = வெள்ளைக்காரன்) நம் ஆண்களுக்கு அன்று மேல் சட்டை அணியும் பழக்கம் இல்லை) இந்த சம்பவம் ஆங்கிலேயரை கோபம் அடைய செய்தது. மேலும் ஆங்கில அரசு தடை செய்த போர் கருவிகளை கூளப்ப நாயக்கர் வைத்து இருந்ததால் ஆங்கில அரசு நிலக்கோட்டையை பிடிக்க் வந்தது. கூளப்ப நாயக் ஆங்கில அரசுக்கு எதிராக போரை அறிவித்தார் (1797) .அதற்காக 10000 கள்ளர்களை ஆனையூரிலிருந்து (ஆனைமலை கள்ளர்கள்) அழைத்து வந்து அவர்களுடன் இணைந்து ஆங்கிலேயருக்கு எதிராக போர் செய்தார். இந்த போரில் கூளப்ப நாயக் கொரில்லா போர் முறையை பின்பற்றினார். பல முனையிலிருந்தும் ஆங்கில வீரரர்கள் தாக்கப்பட்டார்கள். நிலைகுலைந்த ஆங்கில அரசு அடுத்த நாள் பல வீரர்களை மதுரையிலிருந்து வரவழைத்தது. மீண்டும் ஒரு வாரம் கழித்து கலெக்டர் தலைமையில் ஒரு படை வந்தது. கலெக்டருக்கு யரோ ஒருவன் கோட்டையின் வரைபடம் கொடுத்ததன் காரணமாக ஆங்கியேரின் பலம் ஓங்கியது. இறுதியில் ஆங்கிலேயர் வெற்றி பெற்றனர். கூளப்ப நாயக் தப்பி ஓடிவிட்டார்.



 ஆங்கில அரசு கூளப்ப நாயக்கரை பிடித்து தருவோர்க்கு 1000 வராகன் பொன்னும், பிள்ளைகள் மனைவியை பிடித்து தருவோர்க்கு 500 வராகன் பொன்னும் என அறிவித்தது. மூன்று வருடங்களாக அவரை பிடிக்க் முடியவில்லை. அதனால் ஆங்கில அரசு கூளப்ப நாயக்கர் மனைவி மக்கள் பிடிபட்டனர் என்ற பொய்யான தகவலை பறை சாற்றினர். நாயக்கர் காதுக்கும் இது எட்டியது. பதறிப் போனார் நாயக்கர். வேறு வழியின்றி சரணடைய எண்ணி கலை கூத்தாடி வேஷம் போட்டு சென்றார். ஆங்கில அதிகாரிகளில் பிடிக்க பட்டு சிறையில் அடைக்கபட்டு குதிரைக்கு கொள் வைக்கும் வேலை நாயக்கருக்கு கொடுக்கபட்டது. தூக்கில் போட்டால் கிளர்ச்சி செய்வார்கள் என்ற பயமும் மற்றும் அவரின் ஒவீரத்திற்காகவும் அவரை விடுதலை செய்தது. ஆனால் அவருடைய சொத்துகள் அனைத்தையும் ஏலம் விட்டது. அவருடைய சொத்துகளுக்கு எவ்வித சம்மந்தமும் இல்லாத ஆங்கில அரசு அவருடைய சொத்துகளை ஏலம் விட்டது கொடுமையிலும் கொடுமை .





நிலக்கோட்டை ஜமீன் வம்சாவழிகள்:-




1, மாக்கள நாயக்கர் - 12 வருடங்கள் பட்டமிருந்தார்

2, கூளப்ப நாயக்கர் - 25 வருடங்கள் பட்டமிருந்தார்

3, பெரிய சிந்தம நாயக்கர் - 25 வருடங்கள் பட்டமிருந்தார்

4, கூளப்ப நாயக்கர் - 30 வருடங்கள் பட்டமிருந்தார்

5, பெரிய நாகம நாயக்கர் - 30 வருடங்கள் பட்டமிருந்தார்

6, கூளப்ப நாயக்கர் - 25 வருடங்கள் பட்டமிருந்தார்

7, சிந்தம நாயக்கர் - 30 வருடங்கள் பட்டமிருந்தார்

8, நாகம நாயக்கர் - 25 வருடங்கள் பட்டமிருந்தார்

9, பெரிய மாக்கள நாயக்கர் - 35 வருடங்கள்

10, கூளப்ப நாயக்கர் - 25 ஆண்டுகள் பட்டமிருந்தார்

11, பிட்டு கூளப்ப நாயக்கர் - 30 ஆண்டுகள் பட்டமிருந்தார்

12, தண்டு கூளப்ப நாயக்கர் - 25 வருடங்கள் பட்டமிருந்தார்

13, நாகம நாயக்கர் - 30 வருடங்கள் பட்டமிருந்தார்

14, கூளப்ப நாயக்கர் - 25 வருடங்கள் பட்டமிருந்தார்

15, சிந்தம நாயக்கர் - 30 ஆண்டுகள் பட்டமிருந்தார்

16, கூளப்ப நாயக்கர் - 15 ஆண்டுகள் பட்டமிருந்தார்

17, கூளப்ப நாயக்கர் - 27 ஆண்டுகள் பட்டமிருந்தார்

காமய கூளப்ப நாயக்கர் 

  

கம்பளத்தார் பாளையங்கள் - தாராபுரம் துக்குடி ஜமீன்

தாராபுரம் துக்குடி பாளையப்பட்டு வரலாறு:-




தாராபுரம் ஜமீன் வம்சாவளி குறித்த அரசு ஆவணத்தில் இருந்து எளிமைப்படுத்தி எழுதப்பட்டது

தாராபுரம் பாளையம்

தேவநாயக்கர் பரம்பரை (கம்பளத்தார் வரலாறு):-



தாராபுரம் துக்குடி பொள்ளாச்சி தாலுகாவின் பாளையக்காரான தேவநாயக்கர் வம்சாவளியின் வரலாறு என்னவென்றால்.

ஸ்ரீ கிருஷ்ணன்

முன்னொரு காலத்தில் வராகநாட்டில் கோபால வம்சமான கம்பள குலம் யாதவ கோத்திரத்தில் ஆதியில் உருவானது. முல்லை நிலம், முல்லை மாலை, வசவசங்கறடால், ஒற்றை கொம்பு, கூடாரம், ஆயகுளல் இதுமுதலான விருதுகள் உண்டு.



பிற்காலத்தில் துவாரகாபுரி பட்டணத்தை சேர்ந்த ஆயர்பாடியில் பட்டணத்தில் கம்பளத்தார் பிரசித்தி பெற்று வாழ்ந்து வந்தனர். இங்கு ஸ்ரீ கிருஷ்ணர் வளர்ந்த வீடுகள் கம்பளத்தாரின் வீடுகளாக இருந்தன. மேலும் கிருஷ்ணரிடம் இருந்து கம்பள குலத்திற்கு கருட கொடி, அனுமன் கொடி, சந்திர வட்ட குடை, தவள சக்கிரம் முதலிய பொருட்கள் கிடைத்தன.

யாதவ குல கம்பளத்தார்

இப்படி பெரும் புகழுமாக கம்பளத்தார்கள் ஆயர்பாடியில் வாழ்ந்த காலத்தில் ஆயர்பாடி பட்டிணத்தை சேர்ந்த கிருஷ்ண மதுரையில் தேவநாயக்கரும் அவர் மகன் செகதேவநாயக்கரும் பரம்பரை பரம்பரையாக பெரும் புகழோடு ஆண்டு வந்தனர்.



அக்காலத்தில் அஸ்தினாபுரத்தை பெரும் ராஜாதி ராஜர்கள் ஆண்டு வந்தனர் அவர்களது மேலாண்மையின் கீழ் தேவநாயக்கர் வம்சாவளிகள் கிருஷ்ண மதுரையை ஆண்டு வந்தார்கள்.



பின்னாளில் அஸ்தினாபுரம் டில்லி என பெயர்பெற்று துலுக்கர்கள் இராஜ்ஜியமாக மாறி பாதுஷ்ஷா ராஜ அதிகாரத்திற்கு வந்த நாளில் கிருஷ்ண மதுரையை பாலமவார் உட்பிரிவை சேர்ந்த தேவநாயக்கரின் வம்சாவளியான பாலம சித்தம நாயக்கர் ஆண்டுக்கொண்டிருந்த காலத்தில் அப்போது டில்லியின் அரசரான பாதுஷ்ஷா கம்பள சாதியினரை அழைத்து கம்பளத்தார் பெண்ணை தனக்கு திருமணம் செய்து வைக்கும் படி கேட்டார். ஆனால் துலுக்கனுக்கு பெண் தர கூடாத என்ற தீர்மானத்துடன் இருந்த கம்பளத்தார்கள் பெரும் குழுக்களாக டில்லியை விட்டு கிளம்பி வரும் நேரத்தில் பாதுஷ்ஷாவின் படைகள் கம்பத்தாரை பின் தொடர்ந்து வந்து யுத்தம் செய்தனர். கம்பள மக்கள் ஆணைகுந்தி பிரதேசத்தை நோக்கி வரும் வழியில் கொண்டகீ நதி குறுக்கிட்டு ஆக்ரோஷமாக ஓடிக்கொண்டிந்தது. கவலை அடைந்த கம்பளத்தார்கள் தங்களின் குல தெய்வமான கிருஷ்ணரையும், தங்களின் பொம்ம தேவதையையும் பிராத்தனை செய்தனர் இதனால் அங்கு இருந்த மரங்கள் ஒன்றுப்பட்டு ஆற்றின் குறுக்கே பெரும் பாலமாக விழுந்தது. கம்பள மக்கள் இறைவனுக்கு நன்றி செலுத்திவிட்டு பெரும் கூட்டமாக அந்த பாலத்தின் மீது ஏறி ஆற்றை கடந்து மறுக்கரையை அடைந்தவுடனே கம்பள மக்களுக்கு பாலாமாய் இருந்த அந்த மரங்கள் பாதுஷ்ஷா படைகள் வந்தவுடனே மரங்கள் தானாகவே முறிந்து பாலத்தை சிதைத்தது இதனால் அக்கரைக்கு செல்ல முடியாத பாதுஷ்ஷா படைகள் பெருத்த ஏமாற்றத்துடன் வந்த வழியே திரும்பிச் சென்றனர். 





கம்பளத்தார் விஜயநகரம் வருதல்:-

புக்கராயர் 

துலுக்கர்களிடம் இருந்து இறையருளால் தப்பிய கம்பளத்தார்கள் ராயர் சமஸ்தானத்திற்கு உட்பட்ட ஆணைகுந்தி வந்தடைந்தனர். அப்போது விஜயநகரத்தின் கொல்லவார் அரசராக இருந்த புக்கராயர் கம்பள இன மக்கள் விஜயநகரம் வந்த செய்தியை அறிந்து அந்த இனக்குழுவில் இருந்த பாலால சித்தம நாயக்கரையும், சல்லிக்குச்சி பொம்ம நாயக்கரையும் அரசவைக்கு அழைத்து வரும்படி உத்தரவிட்டார். இவர்கள் இருவரும் ராயரிடம் தாங்கள் வந்த காரணத்தையும் கதையும் தெரிவித்தனர். இதன்விளைவாக ராயர் கம்பள இனமக்கள் விஜயநகரத்திலேயே தங்கிக்கொள்ளலாம் என ஆணை செய்தார். பின்னாளில் விஜநகருக்கு பணிந்த சிற்றரசர்கள் கலகம் செய்துக்கொண்டிருந்தனர் அப்போது ராயர் பாலால சித்தம நாயக்கரையும் அவரின் மச்சனர் சல்லிக்குச்சி பொம்ம நாயக்கரையும் அழைத்து கலகத்தை ஒடுக்கும் படியும் அவ்வாறு ஒடுக்கினால் தனது அரசவையில் அவர்களை குமார வர்க்கமாக சேர்த்துக்கொள்வதாகவும் வாக்களித்தார். எனவே பாலால சித்தம நாயக்கரும், சல்லிக்குச்சி பொம்ம நாயக்கரும் தங்களது கம்பளத்தார் படைகளுடன் சென்று கலகத்தை ஒடுக்கி அடக்கினர் இச்செய்தி ராயரை சென்றடைந்ததால் மகிழ்ச்சி அடைந்த
ராயர் அவர் இருவரையும் குமார வர்க்கமாக நியமித்தார்.





ஒருமுறை ராயர் சமஸ்தானத்தின் மீது பாதுஷ்ஷா படையெடுத்து வந்தபோது அவர்களை பாலால சித்தம நாயக்கரின்  படை விரட்டி அடித்தது. தோல்வியடைந்த பாதுஷ்ஷா இரண்டாம் முறை படையெடுத்து வந்தான். இம்முறையும் அவனை வென்று அவனது குதிரைக்கு அணிவிக்கப்பட்டிருந்த முன்கவசம், பின்கவசம், முக கவசன், மணி  ஆகிய வற்றை சித்தம நாயக்கர் குதிரைக்கு மாட்டி வெற்றிச்செய்தியோடு ராயரின் அரண்மனையில் ராயருக்கு முன்பாக குதிரை மீது ஏறி தன் கையில் பிடித்திருந்த கட்டாரியோடு சலாம் செய்தார். இதனால் பெரு மகிழ்ச்சி அடைந்த ராயர் அவுறா பாலமகட்டாரி என்றும் ராய ராவுத்த கண்டரெண்ரும் பட்டத்தை வழங்கி சிறப்பித்தார். மேலும் 

கட்டாரி

1, ரணகளம்
2, ரண பாஷிக்கிம்
3, கலிகிதுறாயி
4, சந்திர வளையம்
5, சாமது ரோஹா
6, வெண்டயம்
7, நிகளம்
8, வீர கட்டாமணி
9, சிம்மலாடம்
10, பல்லக்கு
11, உபயசாமறம்
12, குஞ்சம்
13, காளாஞ்சி
14, விசிறி
15, சவுரி
16, சல்லி
17, விதவிதமான வெட்டுப்பாவாடைகள்
18, பூசக்கிர குடை, சிங்கடால்
19, மீீீனடால், புலிக்கொடி
20, சர்பக்கொடி
21, பஞ்சவர்ணடால்
22, வெள்ளைபக்கறடால்
23, செகசம்ப்புக்கொடை
24, சங்குசக்கிர சுருட்டி
25, சூரியபான்
26, ஆனைமே லம்பாரி
27, ஆனைமேல்பேறிகை
28, ஒட்டகைமேல் நகாறு
29, குதிரை மேல் டக்கா
29, எருது மேல் தம்பட்டம்
30, ரவுலத்து சங்கீத வாத்தியம்
31, சிக்கு மேளம்
32, பட்டு கட்டியம்



 முதலிய பரிசுகளும் வாத்தியங்களும் கொடுத்து




1, முத்துச்சரம்
2, தும்பி பதக்கம்
3, கெண்டபேறுண்ட பதக்கம்
4, சிங்கமுக பதக்கம்
5, முங்கைமுதாறி
6, முச்தொண்டி
7, பச்சொண்டி
8, அம்பீரதாயத்து



 முதலிய ஆபரணங்களும் கொடுத்து
கெனகனகபீதாம்பர வஸ்திரகங்ளும் கொடுத்து, நகர்வலம் வரச்செய்து. ராயர் சமஸ்தானத்திற்கு குமார வர்கமாக இருக்குமாறு உத்தரவிட்டார்.



தாராபுரம் பாளையப்பட்டு உருவான வரலாறு:-



பாலால சித்தம நாயக்கர் விஜயநகரத்தில் இருந்த காலத்தில் அவருக்கு 7 மகன்கள். அவர் விஜயநகரத்தின் குமாரவர்க்கமாக இருந்த காலத்திலேயே தெற்கில் மதுரையின் சமஸ்தானாதிபதியாக பதவியேற்றார்.
அவர் காலத்தில் மதுரை ராஜ்ஜியம் எங்கும் காடுகளாய், கள்ளர்களின் திருட்டுமாய் சிறப்பிழந்து இருந்தது இந்த அறிகையை இராயரிடம் சமர்பித்தின் பேரில் புக்க ராயரவர்கள் கம்பளத்தார்களை அழைத்து யார் யார் மதுரை ராஜ்ஜியத்தின் பகுதிகளுக்கு சென்று நிலைமையை சீர் செய்கிறார்களோ அவர்கள் சீர்செய்த பகுதிகளை அவர்களே சூரியன் சந்திரன் உள்ளவரை வம்ச பாரம்பரியமாக பாளையக்காரர்களாக ஆண்டுக்கொள்ளலாம் என ஆணையிட்டார். அப்போது தாராபுரம் பளையக்காரர்களின் முதாதையரான பாலம சித்தம நாயக்கரின் மகன் பள்ளிகொண்டம நாயக்கர் அவரின் குமாரன் ராயக்கொண்டம நாயக்கர் ஆகியோர்கள் தெற்கு நோக்கி வந்து கணுவாக்கு உட்பட்ட தாராபுரத்தின் கீழ்புறம் அமராவதிக்கரை ஓரம் உள்ள பிறமயம் என்ற ஊரை உருவாக்கி அவ்விடத்தில் தீங்கு செய்பவர்களை எல்லாம் அடக்கி அரண்மனைக்கு கீழ்படிபவர்களாக செய்துவிட்டு அதற்கு பின் தாராபுரத்திற்கு மேற்கே சென்று மங்கலம் பல்லா கோவில் என்னும் சீமையை உருவாக்கி அங்கு அவரின் இஷ்ட தெய்வமான வல்ல கொண்ட சுவாமியை பிரதிஷ்டை செய்து அதன் மேற்கே ஆனைமலையை சேர்ந்த மேமங்கலம் பறதலம் உண்டாக்கி, மங்கலத்திற்கு மேற்காக, நிகமு, வகுத்தன் பாளையம் என்ற ஊர்களை நிறுவி அவ்வூர்களில் உள்ள கள்ளர்கள் மற்றும் பிற தீய தொழிற் சாதிகளையும் அடக்கி அரண்மனைக்கு கீழ் படிய செய்துக்கொண்டு வந்த வேலையில்.

அமராவதி ஆறு

ராயர் அவர்கள் பாலால சித்தம நாயக்கர் செய்து வரும் காரியங்களை கேட்டு மகிழ்ச்சியடைந்தார். ராயக் கொண்டம நாயக்கருக்கு தேவநாயக்கர் என்றும் பல்ல நாயக்கர் என்றும் இரண்டு மகன்கள் இருந்தனர். இரண்டாம் பிள்ளைக்கு மங்கலம் சீமை தந்து மங்கலம் பல்லன கோவில் பாளையக்காராக முடிசூட்டினார்.
மூத்த பிள்ளை தேவநாயக்கருக்கு நிகமும் பளையக்காரர் என்று முடிசூட்டி ராயரின் தயவால் நிகமும் வகுத்தன் பாளையம், பிறமயம் இவை உள்ளடக்கிய பளையத்திற்கு நீயே ஆண்டுக்கொள் என்ற படியினாலே ராயர் சமஸ்தானத்தின் குமார வர்க்கமாவும், பாளையக்காரர்களாகவும் இருந்து வந்தனர்.





தாராபுரம் ஜமீன் வம்சாவளிகள்:-




அந்த நாள் முதல் சாலிவாகன சாபுதம், 1268இல் இருந்து 1716 வரை 448 ஆண்டுகள் தாராபுரத்தின் ஜமீன்களாக பட்டமேற்று தேவநாயக்கர் வம்சாவழி ஆண்டது. அவ்வாறு ஆண்ட பாளையக்காரர்கள்:-



1, ராயக் கொண்டம நாயக்கர் மூத்த மகன் தேவநாயக்கர் - (பட்டமிருந்தது 66 ஆண்டுகள்)

2, அபரஞ்சி கொண்டம நாயக்கர் - (பட்டமிருந்தது 40 ஆண்டுகள்)

3, குமார வல்ல கொண்டம நாயக்கர் - (பட்டமிருந்தது 29 ஆண்டுகள்)

4, தேவநாயக்கர் - (பட்டமிருந்தது 32 ஆண்டுகள்)

5, விஜய வல்ல கொண்டம நாயக்கர் - (பட்டமிருந்தது 16 ஆண்டுகள்)

6, வெங்கடாத்திரி நாயக்கர் - (பட்டமிருந்தது 30 ஆண்டுகள்)

7, சிகுராமவல்ல கொண்டம நாயக்கர் - (பட்டமிருந்தது 29 ஆண்டுகள்)

8, சிகுராம வல்ல கொண்டம நாயக்கர் - (பட்டமிருந்தது 21 ஆண்டுகள்)

9, தேவநாயக்கர் - (பட்டமிருந்தது 26 ஆண்டுகள்)

10, வல்ல கொண்டம நாயக்கர் - (பட்டமிருந்தது 14 ஆண்டுகள்)

11, அபரஞ்சி கொண்டம நாயக்கர் - (பட்டமிருந்தது 22 ஆண்டுகள்)

12, கொடுகு பல்ல நாயக்கர் - (பட்டமிருந்தது 35 ஆண்டுகள்)

13, தேவநாயக்கர் - (பட்டமிருந்தது 40 ஆண்டுகள்)

14, ரங்கப்ப நாயக்கர் - (பட்டமிருந்தது 30 ஆண்டுகள்)

15, முத்து குமார வேலாயித நாயக்கர் - (பட்டமிருந்தது 10 ஆண்டுகள்)





தாராபுரம் ஜமீீீன் கட்டுப்பட்ட பேரரசுகள்:-




தாராபுரம் பாளையக்காரர்கள் ராயர் சமஸ்தானத்திற்கு கட்டுப்பட்டும் அரண்மனை உத்தரவை மதித்தும் பாளையத்தை ஆண்டு வந்தார்கள்.



மதுரை தேசாதிபதி திருமலை நாயக்கர் ஆட்சிக்காலத்தில் திருமலை நாயக்கரின் அரண்மனை ஆணை ஏற்ற பளையக்காரர்களின் செயல்பாடு இருந்தது.



பிற்காலத்தில் மைசூர் சமஸ்தானத்தின் காலத்தில் பெறமயம் மற்றும் வகுத்தன் பாளையம் போன்ற கிராமங்களுக்கு வசூலிக்கப்பட்ட புதிய விரி கட்டணத்தை செலுத்தி மைசூர் அரசுக்கு கட்டுப்பட்டு ஆண்டு வந்தது.



ஆங்கிலேயர் காலத்தில் சென்னல் மேடோசு கோயமுத்தூரை முகாமிட்ட சமயத்தில் அப்போது பட்டமிருந்த வேலாயித நாயக்கரை சந்தித்து பேசினார் இருவருக்கும் நல்ல நட்பு ஏற்பட்டு ஆங்கிலேய எதிர்ப்பு இன்றி பாளையத்தை நல்லபடியாக கவனித்து வந்தனர்.

பலிஜா வரலாறு

பலிஜா (அல்லது) பலிஜவாரு:-

பலிஜா பிரிவின் தோற்றம்:-



விஜயநகர சமுக பொருளாதாரத்தின் முதுகெலும்பாக திகழ்ந்த பிரிவு பலிஜா பரிவு ஆகும். கடற்கரை துறைமுகங்களை தங்கள் ஏற்றுமதி, இறக்குமதிகள் மூலம் தனது கட்டுப்பாட்டில் வைத்திருந்த பெரு வணிக குழுவாக பலிஜா திகழ்ந்தது. 

Symbols of Substence Court and State in Nayaka Period Tamilnadu
Velcheru Narayana Rao, David Dean Shulman, Sanjay Subrahmanyam
Page - 74

 



கிருஷ்ணதேவராயர் ஆட்சிக்காலத்தில் சாதிய ஒற்றுமையை ஏற்படுத்தவும் மற்றும் பல ஊர்களுக்கு சென்று வணிகத்தை மேற்கொள்ளவும் ஒரு சாதி உருவாக்க விரும்பினார். அதன்படி அதிகபட்சமாக கன்னடத்தை தாய் மொழியாகக் கொண்ட லிங்காயத்துக்களான பனாஜிகா பிரிவையும், மற்றும் தெலுங்கை தாய்மொழியாகக் கொண்ட கொல்லவார், கவரா மற்றும் காப்பு முதலிய சாதிகளையும், குறைந்த அளவில் கம்மா, இடிகா, வெலமா போன்ற சாதிகளை ஒன்று திரட்டி அவர்களை இணைத்து பலிஜா என்னும் பெரும் பிரிவை உண்டாக்கினார் எனக் கூறப்படுகிறது. இருப்பினும் ராயருக்கு முன்பாகவே பலிஜா பிரிவு இருந்தது என்ற கருத்தும் ஏற்கக்கூடியதாகவே உள்ளது. பலிஜா என்னும் சொல்லின் மூலத்தை ஆராயும் போது பலஞ்சியா என்னும் சொல்லே பிற்காலத்தில் பலிஜா திரிபு பெற்றதாக கருதப்படுகிறது. "பலிஜா" என்னும் சொல்லின் பொருள் பலம்பொருந்திய வணிகக்குழு என்பது ஆகும்.  இப்பிரிவில் சேர்ந்தவர்கள் சிலரை ராயர் தனது படைப்பிரிவு தலைவர்கள், வீரர், அமைச்சர்கள் முதிலிய பொருப்புகிளில் இவர்களை நியமனம் செய்தார் மேலும், விஜயநகர தேசம் முழுவதிலும் இவர்களை அனுப்பி வணிகம் செய்யவும் முழு அனுமதி தந்தார்.





பலிஜாவின் பிரிவுகள்:-



மேற்கூறிய சாதிகளை உட்பிரிவுகளாக உள்ளடக்கி பலிஜா பிரிவு உருவாக்கப்பட்டது அதன்படி:-

Madras District Gazetteers - F.J.Richards
Page - 179,  Year - 1918

"கொல்ல பலிஜாக்கள் அநேகமாக கொல்லவார்கள். இவர்கள் தங்களை நாயுடுக்கள் என்று அழைத்துக்கொள்வார்கள். கம்ம பலிஜாக்கள் கம்மவார்களுடன் அடையாளம் காணப்படலாம், மேலும் லிங்க பலிஜா அல்லது சிவச்சார் கவரை என்பது கன்னட லிங்காயத்துகளுக்கான பிரபலமான சொல்லாக தெரிகின்றது.

முசுகு பலிஜாக்கள் என்று அழைக்கப்படுகிறார்கள், ஏனென்றால் பெண்கள் வீட்டை விட்டு வெளியேறும் போது தலையை மூடிக்கொள்கிறார்கள் (முசுகு = முக்காடு). இவர்களின் பழக்கவழக்கங்கள் காஜூலு பலிஜாக்களின் பழக்கவழக்கங்களை ஒத்திருக்கிறது". 

காஜூலு பலிஜா (கவரா) (இன்றளவும் வழக்கில் உள்ளது):-

வளையல்

கவரா அல்லது கவரை இனத்தை சேர்ந்த பலிஜா மக்கள் தங்களை காஜூலு (வளையல்) பலிஜா என அழைத்துக்கொண்டனர். இவர்களது பிரதான தொழிலாக ஊர்களிலும், சந்தைகளிலும் சென்று வளையல் வியாபாரம் செய்வது ஆகும். மதுரை அரசிகளுக்கு வளையல் அணிவிப்பதற்காக தமிழகம் அழைத்து வரப்பட்டனர். இவர்கள் நாயுடு என அழைக்கப்படுகிறார்கள்.





கொல்ல பலிஜா (கொல்லவார்) (இன்றளவும் வழக்கில் உள்ளது):-

பசு

கொல்ல பலிஜவாருகள் கோபதி பலிஜாக்கள் எனவும் தற்காலத்தில் அழைக்கப்படுகிறார்கள். கோபிட்ட, கோப அல்லது கோபதி பலிஜா கோ+பிட்ட என்றால் கோ+பாலர் அதாவது கொல்லவார்  என்று பொருள்படும். கொல்ல பிரிவினர் பலிஜாவோடு இணைக்கப்பட்ட போது அவர்களது தொழில்களாக இருந்தது பசுக்கள் மற்றும் கால்நடைகளை பராமரிப்பது மற்றும் பால், நெய், தயிர், வெண்ணெய் தயாரித்து விற்பனை செய்வது மற்றும் பாலை முதலாகக் கொண்டு செய்யப்படும் திண்பண்டங்கள் தயாரிப்பது முதலிய தொழில்களை செய்துவந்தனர். இவர்கள் பொதுவில் நாயுடு, நாயக்கன், செட்டி என அழைக்கப்படுகின்றனர்.

பலிஜவாரு புராணத்தில் குறிப்பிட்டுள்ளப்படி: 

கொல்ல பலிஜவாரு

கொல்ல பலிஜவாரு - பலிஜவாரு புராணம்

இவர்கள் பூர்வத்தில் விஜயநகர சமஸ்தானத்தாருடைய கோக்களைப்பாது கார்த்துக்கொண்டிருந்தார்கள். கோபாலர் என்ற பதத்திலிருந்து "கொல்லர்" என்ற சுருக்கப்பெயராக நாளவட்டத்தில் மருவியதுபோலும், இவர்களுள் 274 உட்பிரிவினர்கள் இருக்கினும், இவர்களில் முக்கிய மானவர்கள் பத்துப்பெயர்களாம். இவர்கள் விவரமாவன.

(1) ஆலகொல்லவாரு - கஞ்சாமில் 21638-விஜாகப் பட்டணத்தில் - 114820-கோதாவரியில் 1717×-ஆக 185569-குடிகளிருந்தார்கள். (2) 

(2) ஏர்ரகொல்லலு - கோதாவரியில்23709 - கிருஷ்ணா மாவட்டத்தில் 22149, நெல்லூரில் - 4489, கடப்பையில் - 3166, கர்னூலில் - 4993, கோயமுத்தூரில் - 2003ஆக 172633-குடிகளிருந்தார்கள். 

(3) காணகொல்லலு -கடப்பையில் 322619-கர்னூலில் - 14112, அனந்தர்தப்பூரில் - 2179, வட ஆர்காட்டில் - 8199, பல்லாரியில் - 7455, நெல்லூரில் - 1756. ஆக 92215-குடிகளிருந்தார்கள்.

(4) மேகலகொல்லலு -கஞ்சா:பில் 20531 - விசாகப் பட்டணத்தில் 2272-ஆக 23002-குடிகளிருந்தார்கள். 

(5) பக்கநாட்டிகொல்லலு -சர்னூலில் 10864-பல்லாரியில் . 4171 ஆக 16717-குடிக.பிருந்தார்கள்.

(6) பூஜகொல்லலு -கிருஷ்ணாவில் 495211-நெல்லூரில் 56971-கட ப்பையில் 25916-கர்னூரில் 19618-ஆக 155075-குடிகளிருந்தார்கள். 

(7) பூனிகொல்லலு -கோதாவரியில் - 10108, கிருஷ்ணாவில் - 10144, நெல்லூரில் - 36606, கடப்பையில் - 6785, வட ஆர்காட்டில் - 26531, ஆக 94252 குடிகளிருந்தார்கள். 

(8) பூரிகொல்லலு -கிருஷ்ணாவில் 22143-நெல்லூரில் - 9147,ஆக 3338- குடிகளிருந்தார்கள்.

(9) பொக்கிஷ கொல்லலு -பல ஜில்லாக்களில் 22250-குடிகளிருந் தார்கள். 

இவர்களையே அஸ்தாந்திர கொல்லர்களென்று சொல்லலாம். இவர்கள் மஹா சத்தியவந்தர்களாக இருந்தபடியால் விஜயநகர சமஸ்தான பதியின் பொக்கிஷத்துக்கு முக்கிய போஷகாமர்களாக இருந்தார்கள். இவர்களில்ஒரு வகுப்பார் சில வருஷங்களுக்குமுன், மறுமணம் செய்துக்கொண்டும் வந்த தோடு, பூஜகொல்லர்களில் பெண்கள் தம் கணவர்கள் துஷ்டராக இருக்கிற விஷயத்தில், கலியாணச்செலவைக் கொடுத்துவிட்டு விலக்கிக்கொள்ளலாமாம்

சாத்தாதாரர்கள் இவர்களுக்கு குருமார்களாம். பலிஜவாரோடு போஜன பிரதி போஜனம் செய்துக்கொண்டும், நாயுடுகாரென்றப் பட்டத்தைதரித்துக் கொண்டுமிருக்கினும், மற்ற நடவடிக்கைகளில் இவர்கள் ஸ்ரீகிருஷ்ணமூர்த்தியை சார்ந்த யாதவ குலத்தைச் சார்தவர்கள். ஒருகாலத்தில் சங்கமவகுப்பைச் சார்ந்த ஹரிஹரராயலு, புக்கதேவராயலு முதலான வித்தியாநகராதிபர்களாக இருந்த அரசர்கள் இவர்களுடைய முன்னோர்களாம்.

துவஜம் (கொடி):

1, கொல்லவாருக்கு = ரிஷப துவஜம்

2, தெலுங்கு கொல்லவாருக்கு = சங்கு துவஜம்

 - பலிஜவாரு புராணம் (பக் - 71d)

 

கிருஷ்ண பலிஜா (பூசலவாடு / தாசரி பலிஜா) (இன்றளவும் வழக்கில் உள்ளது):-

பூசல என்பது தாசரிகளின் துணை-சாதிகளில் ஒன்றாக கருதப்படுகிறது. இந்த பூசலவாருகள் மணி நாயுடுகள் என்றும் அழைக்கப்படுகிறார்கள். பூசல (மணி), தாசரி (கடவுளின் சேவகர்), பூசல நாயுடு, விஷ்ணு பலிஜா, புக்க தாசரி, கிருஷ்ண பலிஜா, தாசரி பலிஜா, பூவுல (பூக்கள்) பலிஜா மற்றும் பூசல (மணி) பலிஜா போன்ற பெயர்களாலும் வழங்கப்படுகிறார்கள். பூசல பலிஜாக்கள் பெரும்பாலும் மணிகளை விற்கும் தொழில் ஈடுபடுகிறார்கள்.  

இந்த பெயர்கள் அனைத்தும் சமீபத்திய தோற்றம் கொண்டவை என்றும் நகர்ப்புற குடியேற்றவாசிகளால் அவர்களின் குறைந்த சமூக அந்தஸ்தை உயர்த்துவதற்காக ஏற்றுக்கொள்ளப்பட்டதாகவும் கூறப்படுகிறது. தெலுங்கானா பிராந்தியத்தின் கிராமப்புறங்களும் பூசாலவாருகள் தங்களை பூசலவந்துலு அல்லது பூசல தசாரி என்று அடையாளப்படுத்துகின்றனர்.

இவர்கள் அழகுசாதன பொருட்களை விற்கும் பயண வணிகர்கள். அவர்களில் சிலர் ராயலசீமா மாவட்டத்தில் தாசரி என்ற பெயருடன் அடையாளம் காணப்படுகின்றனர். ஹசன் (1920) பதிவுகள் தாய் பூசல்வாடு அல்லது தண்டே தசரி என்பது கண்ணாடி மணிகளை விற்கும் தாசரியில் ஒரு குழு. தண்டே தாசரி அல்லது பூசல்வாடு முதலில் தங்கள் குருக்களான காஞ்சியின் மகா தாத்தாச்சாரிய சுவாமிகளின் பல்லக்குத் தாங்கிகளாக ஈடுபட்டனர். அவர்களின் பக்தியால் மகிழ்ச்சி அடைந்த ஒரு குருக்கள் இவர்களின் ஆதி மூதாதையருக்கு ஒரு தண்டத்தை (கைத்தடி) வழங்கினார். இவர்களின் முக்கிய சமூகம் தாசரி என்று அவர்கள் கூறுகிறார்கள், இதிலிருந்து அவர்களின் முன்னோர்களின் தொழில்களைப் பொறுத்து வெவ்வேறு குழுக்கள் உருவாகியுள்ளன. பூசல பலிஜாக்கள் கடவுளுக்கு சேவை செய்வதற்காக நியமிக்கப்பட்டதாக நம்பப்படுகிறது. மேலும், அவர்கள் கடவுளின் சேவகர்களாகவும் (தாசரி) கருதப்படுகின்றனர். அவர்களில் சிலர் திருப்பதி வெங்கடேஸ்வரருக்கு பூக்கள் மற்றும் மாலைகளை தொடுத்து வழங்கிவரும் இறைத்தொண்டும் புரிவர், எனவே அவர்கள் பூவுல தாசரி என்றும் அழைக்கப்படுகின்றனர். 

மக்கள்தொகை: தமிழகத்தில் தர்மபுரி, சேலம், கோயம்புத்தூர், மெட்ராஸ், தென் ஆற்காடு, வட ஆற்காடு மற்றும் மதுரை ஆகிய மாவட்டங்களில் அவை பரவி வாழ்கின்றனர். மேலும் அவர்கள் ஆந்திராவின் அனைத்து மாவட்டங்களிலும் வாழ்கிறார்கள். கிருஷ்ண பலிஜாக்கள் வீட்டில் தெலுங்கில் பேசுகிறார்கள். அவர்கள் தமிழ் மற்றும் கன்னட மொழிகளை நன்கு அறிந்தவர்கள். எழுத்து மொழியாக தமிழ் அவர்களால் பயன்படுத்தப்படுகிறது. அவர்கள் தெலுங்கில் பூசலா என்னும் பேச்சுவழக்கை ஆந்திராவில் உபயோகிக்கின்றனர்.

சமூக அமைப்பு: உறவு: தாசரி பலிஜாக்கள் குலம் மற்றும் குடும்பப் பெயர்களில் சமூகப் பிரிவுகளைக் கொண்டுள்ளனர். அவர்களில் ஜிலக்கர, மிரியாலு, சூர்ய, சந்திர, பவி மற்றும் யாதவர் என்ற ஆறு குலங்கள் உள்ளன.

இவர்களின் குடும்பப்பெயர்களே இவர்களது வம்சாவளியைக் குறிக்கின்றன மற்றும் இவர்களின் திருமண உறவை முடிவுசெய்கின்றன. இந்த தாசரி பலிஜாக்கள் தங்களை நாயுடு சாதியில் ஒருப்பிரிவினராக கருதுகின்றனர். 

நாயுடு சாதியில் ஐந்து உட்பிரிவுகள் உள்ளன, அவைகள். 

1, மணி நாயுடு குலம்

2, முசுகு குளம்

3, காஜூல குலம்

4, கொல்ல குலம் 

 

5, கம்ம குலம் 

ஆகியன தொழில்களை அடிப்படையாகக் கொண்டவை. 

பூசல பலிஜா சமூகத்தில் ஆறு கோத்திரங்கள் உள்ளன, அவை. 

1, ஜிலகர கோத்திரம்

2, மிரியாலு கோத்திரம்

3, சூர்ய கோத்திரம்

4, சந்திர கோத்திரம்

5, பவி கோத்திரம்

6, யாதவ கோத்திரம்

ஆகியன திருமண முறைகளுக்காக இயக்கையாக வகுக்கப்பட்டுள்ளன. மேலும், இக்கோத்திரங்கள் இரண்டு பெரும் பிரிவுகளாக வகைப்படுத்தப்பட்டுள்ளன,

 

1, சஹோதரா (சகோதரர்கள் வகை) 

2, மாமா மச்சானர் (மைத்துனர் வகை). 

ஒரே கோத்திரங்களில் திருமணம் செய்ய இச்சமூகத்தில் தடைசெய்யப்பட்டுள்ளது. 

காப்பு பலிஜா  (வழக்கில் இல்லை):-

அரிசி

கிராம மற்றும் நகரச் சந்தைகளில் விவசாயப் பெருட்களான அரிசி, பருப்பு, காய்கறி மற்றும் பழங்கள் போன்றவற்றை விளைவித்து விற்பனை செய்த காப்பு இன மக்களும் பலிஜாவின் ஒரு பிரிவாகக் சேர்க்கப்பட்டனர். பலிஜா பிரிவில் இருந்த கம்மா பிரிவினரும் இத்தைய தொழில்களிலேயே ஈடுபட்டனர். இவர்கள் நாயுடு என அழைக்கப்படுகிறார்கள்.

பலிஜவாரு புராணத்தில் உள்ளபடி:

காபு அல்லது ரெட்டிவாரு:

இவர்கள் பல ஜில்லாக்களில் பரவி இருக்கும் விவசாயிகர். காபு = என்றால் காவல்காான்.ரெட்டி என்றால் = இரட்டு=இரெட்டி=ரட்டி=ரட்டூர்=ரஸ்திரகூட் டார் = அரசன், ஒருகாலத்தில் பிரபலர் ஆதியில் ரெட்டிபாடியி லிருந்தோர். இவர்களை சாலுகியர், பல்லவர், பலலாலர், அடிக்கடித் தாக்கியடித்தாலும் 1323௵ Ghiyas-ud - din - Loghluk கியாசட்டீன் டோகலாக் வாரங்கள் நாட்டு பிரதாபருத்திரனை பிடித்தபிறகு இந்த காபுகளில் அனேகர் ஜமீன்தாரர்களானார்கள் - ஒருகாலத்தில் மில்டெரி உத்தியோகத்தி லிருந்த வெலமவாரே அதைச்சார்ந்தவர்களென சிலர் கருத்து-உண்மைத் தெரியவில்லை.

இவர்களில் 840- உட்பிரிவினராகவும், இவர்களில் அடியில் கண்டவர்கள் முகியஸ்தராகவும் இருக்கிறார்கள் -அவர்களாவன.

ஐயோத்திவாரு - 21278 குடிகள் சேட்டிவாரு -29419

பலிஜவாரு - 38697 

பூமன் சிவாரு- 29597

தேசூருவாரு - 26441 

காஜுலுவாரு - 302 162

கண்டிகோட்டிவாரு - 18903

கம்மபுரிவாரு - 11500

கோட்டிவாரு - 91200

குஞ்செட்டிவாரு - 8812 

மொராசவாரு - 40931 

மொட்டேடிவாரு - 145391

அரகண்டிவாரு - 13873

பக்கநாட்டிவாரு - 226338 

பல்லேவாரு - 22693

பண்டவாரு - 455, 134 

பெத்தகண்டிவாரு - 201270

போகநாட்டிவாரு - 87820

பொங்கநாடுவாரு -27887 

தெலகாவாரு - 18796

வெலநாட்டிவாரு -19682

இவர்களில், ஐயோதியவாரு=இவர்கள் திருநெல்வேலியிலும்,(200-பெயர்)

மதுரையிலுமிருக்கிறார்கள். இவர்களுக்கு ரெட்டிகளெனவும், ஐயோதியாவிலிருந்து வந்த பெருமையுடையார். ஐயோதியாரெட்டி மாப்பிள்ளைக்கு, மிதலைரெட்டி பெண்ணை கேட்பது வழக்கம். இவர்களுக்கு வைணவர் புரோகிதரில்லை. தாலிக்கு தங்கபொட்டில்லை, மாப்பிள்ளையின் தங்கை அல்லது தமக்கைமகளைகட்டும் வழக்கமுண்டு.

இவர்களுடைய சீர்சடங்குகளைப்பற்றி ஆராயும்போது இவர்கள் சந்திரவமிச க்ஷத்திரிய பலிஜவார் வகுப்பைச் சார்ந்தவர்கள் அல்லரென்று ஸ்பஷ்டமாகிறபடியால் (அதாவது காப்புகள் பலிஜர்கள் கிடையாது) விரிவாக எழுதாமல் விட்டோம்.

துவஜம் (கொடி):

ரெட்டிவாருக்கு = பஞ்சவர்ணகேதன துவஜம்

- பலிஜவாரு புராணம் (பக் 72d)

பெரிகே பலிஜா (இன்றளவும் வழக்கில் உள்ளது):-

உப்பு

பெரிகே என்றால் உப்பு என்று பெருள்படும். உப்பு வணிகம் செய்ததனால் பேரிகே பலிஜா என அழைக்கப்பட்டனர். இவர்கள் பொதுவில் செட்டி என அழைக்கப்படுகிறார்கள்.

பலிஜவாரு புராணத்தில் உள்ளபடி:-

பெரிகபலிஜவாரு:

கம்மவாரு விளைவிக்கும் தானியம் முதலானதுகளைப் பைகளிற் போட்டு மாடுகளின்மேல் கொண்டுபோய்த் தூரதேசங்களில் வியாபாரம் செய்பவர்களுக்கு பெரிக பலிஜவாரு என்று பெயர். சிலர், இவர்களை பிரிகிபலிஜவாரென்று சொல்லதுமுண்டு. அதாவது ஆதியில் பரசுராமர் க்ஷத்திரியர்களை நாசமாக்க கங்கணம் கட்டிக்கொண்டு வந்தபோது, இவர்கள் அப்பாசுராமருக்கு பயந்துக்கொண்டு, தெற்கே ஓடிவந்து விட்டபடியால், இவர்களை பிரிக்கி = பயந்து வந்தவர்களென்றும் சொல்லுகிறார்கள். இவர்களுடைய விவாஹகாலங்களில் பெரிகையென்ற மாட்டின்மேற் போடும், கோணிப்பையில் புல்லை சிறைப்பித்துக்கட்டி அந்தப் பையின்மேல் நடித்திரங்களைப்போல பல வர்ண புள்ளிகளை வைத்து அலங்கரித்து பூஜை செய்தபிறகே, தாலியைக் கட்டுவது வழக்கம். இவர்களுக்குள் அம்மி மிதித்தல் முதலான சடங்குகளில்லே - சத்தி கட்டாரி ஆயுதங்களை வைத்து வணங்குவதுண்டு - இவர்களில் அனேகர் உப்பு மூட்டைகளையும், கோணிப்பைகளை தைத்தமூட்டைகளையும் மாடுகளின், மேல் கொண்டுபோய் வியாபாரம் செய்து நாளாவட்டத்தில் சிலர் ஜமீன்தாரர்களானார்கள். இக்குடும்பத்தில் அனேகர் இப்போது இராஜமஹேந்திரம், விசாகப்பட்டணம் ஜில்லாக்களில் நல்ல அந்தஸ்தி லிருக்கிறார்கள். சமீப காலத்துக்கு முன் பரமபதமடைந்த புகழுடம்பினராகிய ஸ்ரீ மஹரரஜா கோடே நாராயண கஜபதிராயலு காரும், விசாகப் பட்டணத்தின் திலகங்களைப் போலிருந்த,

ஸ்ரீ நரசிங்க ராமலுகாரும், ஐக்காராயலுகாரும், குருப்பம்ஜமீன்தாரவர் களும் இந்த வகுப்பைச் சார்ந்தவர்களாம். இவர்களுக்கு அந்த பிராந்தியங்களில் பாபுகாரு, வஜீருகாரு, இராவ்காரு, இராணிகாரு, என்றாதி பட்டங்களை வழங்கி வருகின்றனர். சுகதுக்கச் சடங்குகளை வடநாடுகளை அனுசரித்து நடத்தி வருகிறார்கள். சென்னை முதலான சில விடங்களில் நாயடுகாரு என்ற பட்டத்தையும் இந்த பிராந்தியத்திற்கேற்றபடி சடங்குகளையும், வழங்கிவருகிறார்கள். சென்னை ஐகோர்ட்டு இண்டர் பிரிட்டராகவும், பிறகு டிஸ்டிரிகட்டு முனிசீபு முதலான உத்தியோகங்களை வகித்துவந்த ஸ்ரீ பண்டல இராமசுவாமி நாயடுகாரும் இந்த வகுப்பைச் சார்ந்தவராம். கி - பி. 1901 - ௵ சென்னை காணிஸ்வரி கணக்கின்படி, இந்த ராஜதானியில்22, 732-பெரிகபலிஜவாருகள் இருந்தார்கள்.

- பலிஜவாரு புராணம் (பக் 67d)

வட பலிஜா (இன்றளவும் வழக்கில் உள்ளது):-

மீன்

கடல் வணிகம் மற்றும் மீன்கள், நண்டுகள் போன்ற கடல்சார் உணவு பொருட்களை சந்தைகளில் வணிகம் செய்த மக்கள் வட பலிஜா என அழைக்கப்பட்டனர்.

பலிஜவாரு புராணத்தில் உள்ளதின் படி :

வாட பலிஜவாரு:

இவர்கள் மைஸ்தானாதிபதிகள் பெரிய நதி, கடல் முதலானவைகளைக் கடந்துபோகும்போது அதிகசத்தியத்தோடும், சாமார்த்தியத்தோடும், தோணி பரிசல் கப்பல்களை யோட்டினவர்கள். இவர்களில் சிலர் வலச பலிஜவாராம். இவர்கள் சமஸ்தானத்துக்குவேண்டிய பலவித சரக்குகளைப் பலதேசங்களுக்கு போய்வாங்கிவந்து சமஸ்தானத்துக்குள் வியாபாரம் செய்து, வரும்படியில் நான்கில் ஒருபாகம் சமஸ்தானத்துக்குச் சுங்கமாகக்கட்டி வந்தார்கள். கி பி. 1901-௵ காணிஷ்வரி கணக்கின்படி 4,70,989-குடிகளிருந்தார்கள்.

- பலிஜவாரு புராணம் (பக் d69)

செட்டி பலிஜா (இன்றளவும் வழக்கில் உள்ளது):-



செட்டி பலிஜா என்பது கர்நாடகத்தின் பண்ட் இனமக்களை கொண்டு உருவாக்கப்பட்ட வணிகப்பிரிவு. இவர்கள் செட்டி என அழைக்கப்படுகிறார்கள்



பலிஜவாரு புராணத்தின்படி:

செட்டிபலிஜவாரு:

இவர்களைத் தெலுங்குச் செட்டிகள் என்று சொல்வது முண்டு. இவர்கள் இருபத்துநான்கு மனையார் என்றும் சொல்லிக்கொள்ளுகிறார்கள். இவர்கள் ஆதி சரித்திரம் பின்வருமாறு:- " புருதிவீசன்" என்னும் மன்னவன், அந்தகாசுரனால் அவஸ்தைப்பட்டுச் சிவனிடம் முறையிட அச்சிவன் உத்திரவினால் பிரம்மா வந்து அந்த அந்தகாசுரனைக் கொன்று. அவன் மண்டை ஓடுகளைத் திராசு தட்டங்களாகவும், முதுகெலும்பைத தண்டமாகவும், நரம்புகளைக் கயிறுகளாகவும் தொடுத்து திராசாக்கி வியாபாரம் செய்து பிழைக்கும்படி சொல்ல; அவனும் அப்படியே செய்து புத்திரரில்லாக் குறையால் புத்திர காமேஷ்டியாகம் செய்ய ; அவன் மனைவி சுஜனாபையின் வயிற்றில் 24 ரிஷிகளே, 24 புத்திரர்களாகப் பிறந்ததாகவும், அந்த இருபத்திநான்கு பெயரே வங்குருவன், கத்தவங்குரவன், வாஜவன், மராட்டியன், கயாவன், தில்லைவான், ரெட்டயன், பிடுவான், கவலைவான், தவழைவான், கோலவான் கனத்தவான்,பல்லவன், மும்முடிவான், கோட்டைவான், அம்மைவான், மங்களவான், பக்ஷவவான், லகாகயன், நனவிதியான், மதலவான், பலவிதீயான, இராயலுவான், என்ற 21 தெலுங்கு வமிசத்தார்களானதாகவும், இவர்களில் மும்முடியானுக்குக் காஞ்சீபுரத்தில் முடிசூட்டியும், மங்களவானுக்கு குசலவதி நகரத்தில் முடிசூட்டியும், மற்ற 22 பெயர் மந்திரிகளாகக்கொண்டு ஆண்டு வருகையில்; சோழனுடைய உத்தரவின்படி கப்பல் தயார் செய்து தென்கடல் வழியாக மலையாளத்துக்குப்போய் வியாபாரம் செய்ய; அச்சேரன் இவர்களைச் சுங்கம் கேட்க; இரு கக்ஷிகாரர்களுக்கும் சண்டையு ண்டாக, அச்சண்டையில் சேரன், மடிய அவன் குமாரத்தி சிரோன் மணி கருமம் செய்து கோரளத்தை யாண்டதாகவும், - பிறகு பாண்டியனுடைய துஷ்ட குடிகளுக்கு இவர்கள் அடைக்கலம் கொடுத்து ஆதரிக்க, அப்பாண்டியனுக்கு தம் சிரங்களைக் கொடுக்க காமாக்ஷியின் மகிமையால், சிறங்களைப் பெற்றதாகவும், பிறகு சோழன் இவர்கள் குடும்பத்தில் ஒருபெண்ணைக் கேட்க. பொன் பிரதிமையைச் செய்து காமாக்ஷியின் மகிமையால் உயிர் கொடுத்ததாகவும்; பிறகு கூர்ச்சரநாட்டு குருகோவிந்தனோடு எதிர்த்துச் சண்டையிட்டு அவனைக்கொன்று, அவனுடைய பெண்களை நாயகிகளாகக் கொண்டதாகவும், தம் சொந்தநாயகிமார் அக்கினிகுண்டத்தில் விழுந்து இறந்ததைக் காமாக்ஷியம்மன் மகிமையால் உயிர்பெற்றதால் அந்தக் காமாக்ஷி அம்மையே குலதெய்வமாகக் கொண்டாடி வருகிறதாகவும் சொல்லுகிறார்கள். இதுவிஷயத்தில் வெறொரு கதையும் உலாவுகிறது - அதாவது; இவர்கள் கூச்சரநாட்டரசனோடு சண்டைக்குப் போனபோது இவர்களுக்கு எதிரியினால் அபாயமுண்டாகும் குறிப்பை நாய்கள் வந்து அறிவிக்கும் என்றும், அப்போது தம் அரிவையர் அக்கினிகுண்டத்தில் விழவேண்டுமென்றும் சொல்லிப்போக, அந்தநாய்களை எரும்புற்றுக் கருகீல் கட்டிவைக்க, அவைகளை எரும்புகள் கடித்த்போது நாய்கள் சகிக்கமுடி யாமல் சேந்நீரோடு ஓடிவந்து குறைக்க, இவர்கள் பெண்டுகள் பார்த்து பயந்து அக்கினி பிரவேசமானதாகவும்; அதன்மேல் இந்த செட்டிபலிஜர்கள் தமக்கு மனைவிகளில்லாக் குறைவினால், கொங்குநாட்டு வேளாளப் பெண்களை வைப்பாட்டிகளாகக் கொண்டதாகவும்; ஆகவே, இப்போதும் இவர்களுடைய மனைவிகளுக்கு இவர்கள் தாலியைக்கட்டாமல், பந்துக்களான பெண்டுகளைக் கொண்டு தாலியைக்கட்டுவித்தும், கைகளுக்கு வளையல்கள் போடாமலும், சுவாமி முதலானச் சடங்குகளைச் செய்யும்போது ஸ்திரிகளில்லாமலும் புருஷர்கள் மாத்திரம் செய்து வருகிறார்களாம்.- இவர்களை 1901-௵ம் கானிஷ்வாரி கணக்கின்படி

95,984 குடிகளென்றும், வடுகர் என்றும் எழுதியிருக்கிறார்கள் போலும் - இவ்வகுப்பார்களில் அநேகர் வர்த்தக வியாபாரங்களைச் செய்து தனவந்தர்களாக இருக்கின்றார்கள். கோயமுத்தூர் முதலான விடங்களிலிருக்கும் இவர்களிற் சிலர் பேசும் பாஷை தமிழ், தெலுங்குக் கலந்து கொச்சையாகப் பேசிவருகிறார்கள்.

துவஜம் (கொடி):

தெலுங்கு செட்டியாருக்கு = சரது துவஜம்

- பலிஜவாரு புராணம் (பக் d69)

லிங்க பலிஜா (பனாஜிகா) (இன்றளவும் வழக்கில் உள்ளது):-

எண்ணெய் வித்துக்கள் 

கர்நாடகத்தில் பசவண்ணர் உருவாக்கிய லிங்காயத்தை பின்பற்றும் பனாஜிகா மக்கள் தீவிர சைவ மதத்தை சார்ந்த கன்னடம் பேசும் லிங்காயத்துக்கள் ஆவர். பனாஜிகாக்கள் கொல்ல, காப்பு, வெலமா ஆகிய ஆகிய சாதிகளின் கலப்பு என்னும் கூற்றும் உண்டு இவர்களின் தொழில்களாக எண்ணெய் வித்துக்களை உற்பத்தி செய்து எண்ணெய் எடுத்து பல ஊர் சந்தைகளில் விற்பனை செய்து வந்தனர். இவர்களை லிங்க பலிஜா என அழைக்கின்றனர். இவர்கள் நாயுடு, ரெட்டி என அழைக்கப்படுகிறார்கள்.

பலிஜவாரு புராணத்தின் படி:

இலிங்கபலிஜவாரு அல்லது லிங்காயிதுலு:

என்பவர்கள் ஆதியில் விஜயநகரத்தி லிருந்த பொதுசைவர்களாகவிருந்தும், பிறகு வைணவர்களாகி தம் சமஸ்தானத்தை ஸ்ரீரங்கபட்டணம் மைசூரில் ஸ்தாபித்தபோது அங்கிருக்கும் சிவாசாரியர்களைப் பார்த்து லிங்கம் தரித்து சுத்த சைவமானார்கள் போலும். இவர்களில் லிங்கபூஜைசெய்வோருக்கு ஐங்கமவாரென்றும், விவசாயிகளுக்கு ரெட்டிகளென்றும், வர்த்தகம் செய்வோருக்கு கண்டமுவாரென்றும், உத்தியோகஸ்தர்களுக்கு நாயுடுகாரென்றும் பெயர் இவர்கள் குடுமி,மீசை, தாடியை சவரம் செய்துகொண்டும், மது மாமிசத்தை யுண்ணாமலும், பிராம்மணாள் வீட்டிலும் ஜலபானம் செய்யாமலும் இருக்கிறார்கள். இவர்களுக்குள் ஒருக்கால்கன்னியா விதவா விவாஹமும் நடந்துகொண்டு வந்தது. கி.பி. 1901௵ம் கானிஷ்வாரி கணக்கின்படி இந்த ராஜதானியில் 138518 லிங்காய்த்துக்கள் இருந்தார்கள்.

இந்த லிங்கபலிஜவாரு உண்டானதற்கு வேறொரு காரணமுண்டென சிலர் அபிப்பிராயப் படுகிறார்கள் - அதாவது ஸ்ரீ சந்திரவமிச க்ஷத்திரிய ஆந்திர குடும்பத்தைச் சார்ந்த சாலுகிய விஜ்ஜலராஜன், தனது பிரதான மந்திரியும், தண்டநாயக்கருமாக இருந்த பசுவருடைய சகோதிரி பத்மாவதியை விவாஹம் செய்துக்கொண்டதாகவும், அந்த பத்மாவதியின் சகோதிரராகிய பசுவர் லிங்காயத்து மதத்தை ஸ்தாபித்தவருமானபடியால், அந்த பத்மாவதியின் மக்களில் சிலர் தமது தாய் மாமனாராகிய பசுவருடைய அந்த லிங்காயத்து மதத்தை அனுஷ்டித்துவர, அவர்கள் சந்ததிகளே பிற்காலத்தில் லிங்க பலிஜவாராகியதாக எண்ணம். அதற்கு திருஷ்டாந்தமாகச் சொல்லும் காரணங்களாவன. இந்த சந்திரவமிச க்ஷத்திரியர்களில் 

வாரங்கல் கணபதிராஜ வமிசத்தைச் சார்ந்த கணபதி தேவருக்கும், அவர் மனைவிருதிரம்மகாருக்கும் - ஞானாம்பா என்னும் கன்னிகை பிறக்க, அப்போது கி.பி. 1190-1258 தாரணிகோட்டையிலாண்டு வந்த ஜயின அரசனுக்கு இராஜகீய விஷயத்தைக்கருதி அந்த ஞானாம்பாளை விவாஹம் செய்துக்கொடுக்க, அவர்களுக்கு பிறந்த புகழ்பெற்ற பிரதாபருத்திரன் தன் தந்தையின் ஜயினமதத்தைத் தழுவாமல், தன் தாயாருடைய வைணவ மதத்தைத் தழுவி விருத்திசெய்து வந்ததாக சரித்திரம் முறையிடுகிறபடியாலும் இதே மாதரியாகவே சந்திரவமிச ஆந்திரர்களில் ஒருகிளையாராகிய சாலுக்கியரில் விமலாதித்தியன், இராஜேந்திர சோழனுடைய தங்கைகுந்தி தேவியையும், அவர்கள் குமாரன் இராஜ இராஜ சோழனுடைய குமாரத்தி ருமாங்கியை விவாஹம் செய்துக்கொண்ட படியாலும், தஞ்சையிலாண்ட அச்சுதப்பு நாயடுகாரு ஒரு பாண்டியன் குமாரத்தியை விவாஹம் செய்துக்கொண்டபடியாலும்; ஆகப் பாண்டியரும், சோழர்களும், ஜயினர்களும், ஒருவருக்கொருவர் கொள்வினை கொடுப்பினைச் செய்துக் கொள்வது சகஜமென்றும் எண்கிறார்கள். இப்படி ஒரு வகுப்பான பெண்ணை மற்றோர் வகுப்பார் விவாகம் செய்துக்கொள்வதுத்தகும், ஏனெனில், இவர்கள் யாவரும் கூத்திரியர்கள்;ஆனால், இந்தபசுவரோபிராம் மண குலதிலாக'. இப்படிப்பட்ட வுயர்குலத்துப் பெண்ணாகிய பத்மாவதியை க்ஷத்திரியகுல விஜ்ஜலன் விவாஹம் செய்துக்கொண்டது எப்படியோ தெரியவில்லை, இந்த விவாஹத்தை உண்மை என்றும், இந்த விஜ்ஜலனை, பசுவருடைய தூண்டுதலினால் வாஜதேவர், மல்லய்ய, பொம்மண்ணா என்றவர்கள் கொன்றதாக சென்னபசுவபுராணத்தில் செப்பி இருப்பதாகவும், தென்னிந்திய சரித்திர சாசன கிரந்தம் 25 -27வது பக்கங்களில் டாக்டர் ஆப்போர்ட்டு சாஸ்திரியும் சொல்லி இருக்கிறார். அந்த சென்னபசுவ புராணம் எமக்கு கிட்டாமையால் உண்மையறியக் கூடவில்லை.

- பலிஜவாரு புராணம் (பக் 54d)

இடிகா பலிஜா (வழக்கில் இல்லை):-

கள்

கள் இறக்குதல், புகையிலை மற்றும் போதை வஸ்த்துக்களை உற்பத்தி செய்து சந்தைகளில் வணிகம் செய்தவர்களாக இவர்கள் கருதப்படுகின்றனர். இவர்கள் நாயுடு என அழைக்கப்படுகிறார்கள்.




ஜனப பலிஜாக்கள் (சலுப்புச் செட்டிகள் ):-

பட்டுச்சேலைகள்

ஜனப என்றால் சணல் கயிறு என்று பொருளாகும். இவர்கள் சணல் வைத்து கோணி தைப்பவர்களாகவும் இருந்திருக்கிறார்கள். மேலும், தறி வைத்து பட்டுத்துணிகளை உற்பத்தி செய்து மன்னர் முதல் பொதுமக்கள் வரை அக்காலத்தில் வணிகம் செய்வந்துள்ளனர். இந்த ஜனப பலிஜவாருகள் Edgar Thurstun அவர்கள் 24 மனை தெலுங்கு செட்டியார்கள் எனவும்

  குறிப்பிடப்படுகிறார்கள்.



பலிஜவாரு புராணத்தில் குறிப்பிட்டுள்ளதின்படி:

ஜனப பலிஜவாரு:

இவர்கள் சமஸ்தானபதிகளுக்கு வேண்டிய பட்டுசரிகைத் துணிகளை செய்து கொடுத்துக்கொண்டு வந்தவர்கள். இவர்களை புஷ்பால பலிஜவாரு என்றும் வழங்குவதுண்டாம். இக்காலத்தில் இவர்களில் அநேகர் தீக்குச்சி, 

சாய துணிமணிகளை விற்றுவந்தாலும், பெரும்பாலார் தரித்திர தசையடைந்க்கோணிப்பை முதலானதுகளைத் தைத்தும், துரைமார்கள் வீட்டிற்கு சீட்டி முதலான ஹாகர் வியாபாரம் செய்து வருகிறார்கள். தமிழ்நாடுகளில் இவர்களுக்கு சலுப்புசெட்டிகளென்று பெயராம் - மதுரையில் இவர்களுடைய ஒரு வகுப்பாருடைய மனைவிகள் தமிழ்பேசி உருகிறார்கள். கி. பி. 1901 ௵ம் 82,362 குடிகளிருந்தார்கள்.

துவஜம் (கொடி):

1, ஜனபவாருக்கு = ஹிரன்ய துவஜம்

2, வன்னஜனபவாருக்கு = கண்டபேரண்ட துவஜம்

- பலிஜவாரு புராணம் (பக் 68d)

இவர்கள் கலந்த தொகுப்பு பிரிவாக பலிஜா திகழ்ந்தது. மேலும் மேற்கண்ட சாதி மக்கள் கோட்டை பலிஜா மற்றும் பேட்டை பலிஜா என்னும் இருவேறு பிரிவுகளாக செயல்பட்டனர்.





கோட்டை பலிஜா:-



அரசை சார்ந்து அரண்மனைகளில் தங்களது வணிகத்தையும், தொழிலையும் மேற்கொண்டவர்கள் கோட்டை பலிஜா என அழைக்கப்பட்டனர். இவர்கள் அரசர் தங்களுக்கு எதிரா செயல் பட்டால் அரசரையும் கொல்லும் செல்வாக்கு மிக்கவர்கள். படைபிரிவுகள் மற்றும் அரச நிர்வாகத்தில் பணியாற்றுபவர்கள் கோட்டை பலிஜாக்கள் இவர்களை தேச பலிஜா எனவும் வழங்குவர்




பேட்டை (சந்தை) பலிஜா:-



பொது மக்களையும், சந்தை பொருளாதாரத்தையும் சார்ந்து வணிகத்தையும், தொழிலையும் மேற்கொண்டவர்கள் பேட்டை பலிஜா என அழைக்கப்பட்டனர்.





பலிஜா கட்டமைப்பு சிதைந்ததற்கான காரணங்கள்:-



பல சாதிகளை திரட்டி ராயரால் உருவாக்கப்பட்ட பலிஜா பிரிவு ராயர் காலத்திற்கு பிறகு சிதைய துவங்கியது. இதற்கான முக்கியமான காரணமாக பலிஜாவிற்குள் இணைக்கப்பட்ட சாதிகள் தங்கள் குல வழக்கம் , சடங்குகள், திருமண முறை ஆகியவற்றின் காரணமாக அவர்களால் ஒரு குழுவாக இணைய முடியவில்லை. எனவே பெரும்பாலான குழுக்கள் பலிஜா பிரிவை ஏற்றுக்கொள்வில்லை. வணிக பிரிவினர்கள் மட்டுமே அப்படியே தங்கிவிட்டனர்.

இருப்பினும் கொல்ல, கவரா, காப்பு முதலிய சாதிகளில் இருந்து பலிஜாவில் இணைந்த சில குழுக்கள் இன்றும் கோபிட்ட, காஜூலு, பேரிகே என்ற பெயரில் பலிஜாவின் பிரிவுகளாக உள்ளனர். மேலும் கருநாடகத்தின் பனாஜிகா மக்கள் பெரும்பாலானோர் தங்களை லிங்க பலிஜா என்றே அடையாளப்படுத்தி கொள்கின்றனர்.