கொல்லவாருக்குரிய காசியப கோத்திரம்

காசியப கோத்திரம் கொண்ட கொல்லவார்கள்:-





கொல்லவாருகளின் கோத்திங்களுள் காசியப கோத்திரமும் ஒன்று அத்தகு கோத்திரத்தின் பிதாவாக காசியப மகரிஷியின் சிறப்பைக் குறித்து புராணத்தின் வாயிலாக கீழ்கண்டவாரு நாம் காணலாம்.

காசியப கோத்திரத்து கொல்லவாருகள்

கோலா என அழைக்கப்படும் கொல்லவாருகள்

கோலா/கொல்லவாருகள்

காசியப மகரிஷியின் சிறப்பை உணர்தும் புராணம்:-

பிரபஞ்ச பிதா காசியப மகரிஷி

பரசுராமர் - கார்த்தவீர்யார்ஜூனன் போர்:-





தத்தாத்ரேயரிடம் உலகை ஆளும் வரத்தை பெற்ற கார்த்தவீர்யார்ஜூனன் மதுவிற்கு அடிமைப்பட்டு, புலனடக்கம் இன்றி மக்களையும், தனக்கு கீழ்பட்டிருந்த மன்னர்களையும் துன்புறுத்தி நாட்டை ஆண்டு வந்தான்; 




ஒரு முறை கார்த்தவீரிய அர்ஜூன்ன் வருணனிடம், தனக்கு நிகரான வலிமை கொண்டவன் இப்பூலகில் ஒருவன் இருக்கின்றானா எனக் கேட்ட பொழுது, வருணன் அதற்கு முனிவர் ஜமதக்னியின் மகன் பரசுராமரைக் கைக்காட்டினார்.

ஜமதக்னி மகரிஷி

கார்த்தவீரிய அர்ஜூனன் படைவீரர்களுடன் பரசுராமரைத் தேடிச் சென்ற போது, ஆசிரமத்தில் இருந்த பரசுராமரின் தந்தை ஜமதக்னி முனிவர் வளர்த்து வந்த காமதேனு பசுவை கவர்ந்து சென்றதுடன், அச்செயலை தடுத்த ஜமதக்னி முனிவரின் தலையையும் கொய்தான்.




கார்த்தவீரிய அர்ஜூச்சுனனின் அறநெறி கடந்த செயலை அறிந்த, கோடாரியை படைக்கலமாகக் கொண்ட ஜமதக்னியின் (விஷ்ணுவின் அவதாரம்) மகன் பரசுராமன், கார்த்தவீரிய அர்ஜூனனையும், பூவுலகில் வாழும் மற்ற அனைத்து சத்திரியர்களையும் கொன்று ஒழித்தார். இதன் விளைவாக உலகில் குழப்பம் ஏற்பட்டது,

பரசுராமர்

ஆயிரம் க்ஷத்திரியர்களை தோற்கடித்த பிராமணரான பரசுராமருடனான போரில் அனைத்து முக்கிய தலைவர்களும் அழிந்துவிட்டனர், இருப்பினும் தர்ம வழியில் ஆட்சி நடத்திவந்த சந்திர வம்சத்தை சேர்ந்த மன்னர் துஷ்யந்தன் மற்றும் சூர்ய வம்சத்தை சேர்ந்த ஹரிச்சந்திரனின் மகனான அரசன் ரோகிதஸ்வானையும் கொல்லாது உயிருடன் விட்டுவிட்டார். இந்நிகழ்வுகளின் பிறகு பரசுராமரின் புராணம் காட்டுத்தீ போல் பரவியது, அதேபோல் அவரது செயல்களின் விளைவாக உலகில் பொருங்குழப்பமும் ஏற்பட்டது.




பரசுராமரின் கோடாறிக்கு பலியாகாமல் எஞ்சியிருக்கும் சில மன்னர்கள் கர்த்தவீர்யார்ஜுனனின் இடத்தை தாங்கள் நிரப்ப லட்சியம் கொண்டிருந்தனர். அதிகார பசியுள்ள க்ஷத்திரியர்கள் சக்ரவர்த்தி ஆகப் பயன்படும் இந்த வாய்ப்பை அவ்வளவு சுலபமாக விடமாட்டார்கள் என்பதை பரசுராமர் அறிந்திருந்தார், ஆனால் தலைகனம் கொண்ட ஒரு க்ஷத்திரியர் கூட அந்த வகையான அதிகாரத்தை மீண்டும் வைத்திருக்க விடக்கூடாது என்பதில் பரசுராமர் உறுதியாக இருந்தார். எனவே அகஸ்தியர், கர்க மகரிஷி, வசிஷ்டர், கனவர் மற்றும் விஸ்வாமித்ரர் உள்ளிட்ட மூத்த ரிஷிகளிடம் அவர் ஆலோசனை கேட்டார், ரிஷிமார்கள் அனைவரும் க்ஷத்திரியர்களை வீழ்த்தி அவர்களின் ராஜ்ஜியங்களை கைப்பற்றிய பரசுராமரே பூவுலகின் மன்னராக முடிசூட வேண்டும் வலியுறுத்தினர்!. தனது மாமன் விஸ்வாமித்திரருடன் பரசுராமர் இம்முடிவுக்குரிய சாத்தியங்களைப் பற்றி விவாதித்து தனது நிலைப்பாட்டை விளக்கினார், "உலகை ஆள நான் விரும்பவில்லை, மாமா, அதுவே எனது லட்சியங்களில் இறுதியானது. அதிகாரம், பதவி அனைத்தும் எவ்வாறு ஒரு நொடியில் சிதைந்துவிடும் என்பதை நான் கண்கூடாக பார்த்தேன், ஒருப்போதும் அதன் வலையில் சிக்கிக் கொள்ள நான் விரும்பவில்லை. ஆனால், பாதிப்புக்குள்ளான மற்றொரு கொடுங்கோலன் உலகின் ஆட்சியாளராக பொறுப்பேற்க நான் விரும்பவில்லை!" எனக் கூறினார்.






விஸ்வாமித்திரரின் ஆலோசனை:-

விஸ்வாமித்ரர்

இப்பிரச்சனைக்கு உபாயம் கூறும் விதமாக பிரம்மரிஷி விஸ்வாமித்ரர் புத்திசாலித்தனமாக ஒரு ஆலோசனையை முன்வைத்தார், "எங்கள் அனைவரின் ஒருங்கிணைந்த கருத்தை ஏற்று, உனது செயல்களால் எழுந்த இந்த பெருஞ் சிக்கலுக்கு தீர்வாக  பொறுப்பை நீயே ஏற்றுக்கொள்வதே சிறந்த வழி. நீ சிம்மாசனத்தில் அமர்ந்தாலும் இல்லாவிட்டாலும், அர்ஜுனின் ராஜ்ஜியத்தின் மீது உனது சொந்த இறையாண்மையை நிறுவ நீ ஒரு அஸ்வமேத யாகத்தை ஏற்பாடு செய்ய வேண்டும், கார்த்தவீர்யனை போன்ற ஒரு கொடுங்கோல் ஆட்சியாளனாக அல்ல, மாறாக உலகிற்கு ஒழுங்கைக் கொண்டுவர வேண்டும். "இந்த யாகம் நீ வாழும் வரை, இவ்வுலகை ஆட்சிப்புரிய நினைக்கும் கொடுங்கோலர்களுக்கு இது ஒரு அறிவிப்பாக இருக்கும். எந்த ஆநீதி கொடுங்கோலனும் மீண்டும் தலைத்தூக்க நீ விரும்பவில்லை என்றால் நீயே அரியணையில் அமர வேண்டும் என்ற கட்டாயமில்லை, அதற்கு மாற்றாக ஒரு பொருத்தமான நபரை நாம் பின்னர் தேடிக்கொள்ள முடியும், ஆனால் இப்போதைக்கு அரச சிம்மாசனத்தில் ஒரு வெற்றிடம் இருக்க அனுமதிக்க முடியாது" எனக்கூறி விஸ்வாமித்திர மகரிஷி முடித்தார்.




பரசுராமருக்கு பிரம்மரிஷி என்ன சொல்ல வருகிறார் என்று புரிந்தது. சிம்மாசனத்தை நிரப்பாமல் விட்டுவிடுவதால், உலக மக்கள் ஒரு அரசு இல்லாமல் பெரும் சிக்கல்களை சந்திப்பார்கள். மக்களுக்கு இடையில் யார் உலகை ஆளுவது என்னும் போட்டி ஏற்பட்டு பெரும் நாசம் விளையும். இதை தடுக்க அஸ்வமேத யாகத்தை தவிர வேறொன்றுமில்லை, அனைத்து வேத யக்ஜங்களிலும் மிகவும் கடினமானதாக பரவலாக அங்கீகரிக்கப்பட்ட அஸ்வமேத யாகத்தை ஏற்பாடு செய்வது என்பது, குறைந்தது பலரைக் கொன்ற குற்றத்தையும், தந்தையை இழந்த வருத்தத்தையும் மனதில் இருந்து விடுவிக்கும் என பரசுராமர் நினைத்தார்.




சாஸ்திர, சம்பிதாயங்களின்படி ஒரு திருமணமான குடும்பஸ்தராக இருப்பவர் தான் இந்த விழாவை நிகழ்த்த வேண்டும், அவரது தந்தை இல்லாத நிலையில், பரசுராமருக்கு உதவக்கூடிய ஒரே நபர் பிருகு முனிவரின் பேரனும், ஜமதக்னி மகரிஷியின் தந்தையும், பரசுராமரின் சொந்த தாத்தாவுமான ருச்சிக மகரிஷி மட்டுமே. எனவே தனது தாத்தா பாட்டிகளை சந்திக்க அவர் உஜ்ஜைனுக்கு விரைந்தார்.
தனது மகனை இழந்ததற்காக வருத்தத்தில் இருந்த தம்பதியனர் திறந்த கரங்களுடன் தங்களது பேரன் பரசுராமனை சோகம் கலந்த மகிழ்ச்சியுடன் கட்டித்தழுவினர், பிறகு ருச்சிக மகரிஷி தனது பேரனின் அஸ்வமேத யாக அழைப்பிற்கு பதிலளித்தார், "நான் என் வாழ்க்கையில் இரண்டாவது முறையாக சன்யாசம் மேற்கொண்டுள்ளேன், எனவே நான் மீண்டும் ஒரு முறை பொருள் உலகின் அங்கமாக மாற முடியாது. எங்கள் மருமகளான உங்கள் தாய்க்கு மோட்சம் வழங்குவதே நான் வழங்கக்கூடிய ஒரே உதவி. இந்த நேரத்தில் நாங்கள் உங்களுடன் வருவோம், உன் அன்னை ரேணுகாவை மீண்டும் அழைத்து வருவோம், ஏனென்றால் ஜனபவத்தில் எங்களை தவிர யாரும் மிச்சமில்லை".

ருச்சக மிகரிஷி

காஷ்யப மகரிஷியின் சிறப்பை ருச்சகர் உரைத்தல்:-





பரசுராமரின் முகத்தில் ஏற்பட்ட ஏமாற்றத்தைப் பார்த்த ருச்சிக மகரிஷி பரசுராமரின் தலையைத் தடவிக்கொடுத்து, 'நான் யாகத்தின் ஒரு பகுதியாக இருக்க முடியாது என்றாலும், பொருத்தமான உபாயத்தை பரிந்துரைப்பதன் மூலம் நான் உனக்கு உதவ முடியும்'. "தேவர்களுக்கும், தெய்வங்களுக்கும் மற்றும் இந்த கிரகத்தில் உள்ள பெரும்பாலான உயிரினகளுக்கும் தந்தையான காஷ்யப மகரிஷி, என்னுடைய மாமா, இந்த மகத்தான சடங்கை செய்ய அவரையும் அவரது மனைவி அதிதியையும் விட சிறந்தவர் வேறு யாரும் இருப்பதாக நான் நினைக்கவில்லை. இந்த யுகத்தின் முதல் மனிதரான மனுவின் கொள்ளுத்தாத்தாவும் காஷ்யபரே ஆவார். தெய்வங்களின் தாய் மற்றும் மனிதகுலத்தின் தாத்தாவின் முன்னிலையில் நடைப்பெறவிருக்கும் புனிதத்தை யாகத்தை கற்பனை செய்து பார்" என பரசுராமரிடத்தில் ருச்சிக மகரிஷி கூறினார். ருச்சிக ரிஷியின் ஆலோசனையை பரசுராமர் உடனடியாக ஒப்புக் கொண்டார், "அது சரியானதே! சூர்யவம்சம் மற்றும் சந்திரவம்சம் ஆகிய இரண்டு குலங்களும் பிரதானமாக காஷ்யப மகரிஷியிலிருந்து தோன்றிவைகளாகும், மேலும் எங்கள் வம்சத்தின் மிக மூத்த உறுப்பினரான காஷ்யபர் இம்மாபெரும் விழாவை தானே நிகழ்த்துவது மிகச்சிறந்தாக இருக்கும்", என ஆய்ந்து பரசுராமர் காஷ்யப மகரிஷியை இறுதி செய்தார்.






காஷ்யபரை கொண்டு அஸ்வமேத யாகம் நடத்தல்:-




பரசுராமர் தனது தாத்தா ருச்சக ரிஷியிடம் காஷ்யபரை தொடர்பு கொண்டு அஸ்வமேத யாகத்தில் பங்கேற்க அனுமதி பெற்றுவருமாறு கேட்டுக்கொண்டார். காஷ்யப்மிர் (காஷ்மீர்) என்ற அழகிய பள்ளத்தாக்கில் வசித்து வந்த காஷ்யப மகரிஷி மற்றும் அவரின் மனைவி அதிதி, அஸ்வமேத விழாவில் பங்கேற்க ஒப்புக் கொண்டனர், கிரகத்தில் இருக்கும் அனைத்து ரிஷிகள் மற்றும் முனிவர்களுக்கும் விழாவில் பங்கேற்க அழைப்பு விடுக்கப்பட்டிருந்தனர். விஸ்வாமித்ரரின் உதவியுடன், பரசுராமர் ஒரு மாத காலத்திற்குள் விழாவிற்கு தேவையான எல்லாவற்றையும் ஏற்பாடு செய்ய முடிந்தது, சயாத்திரி மலைகளின் மிக உயர்ந்த சிகரத்தில் நிர்ஜால ஏகாதசியின் புனித நாளில் சடங்கு தொடங்கி நிறைவாக நடந்தேறியது.

காகத்தியர்கள் கொல்லவார்களுக்கு விதித்த வரித்தொகை - கல்வெட்டு

காகத்திய பேரரசன் பிரதாபருத்ரன் காலத்தைய கந்துகுரு கல்வெட்டு:-

காகத்திய பேரரசன் பிரதாபருத்ரன்

இடம் : 



நல்லகொண்டா மாவட்டத்தின் தேவர்கொண்டா தாலுகாவிலுள்ள கந்துகுரு கிராமத்தில் உள்ள பழைய சிவன் கோயிலுக்கு அருகே ஒரு கல் தூணின் மூன்று பக்கங்களிலும் கல்வெட்டு பொறிக்கப்பட்டுள்ளது.




மொழி :  



இந்த பதிவு தெலுங்கு எழுத்துக்களில் உள்ளது. சமஸ்கிருதத்தில் உள்ள சில துல்லியமற்ற வாக்கியங்களை தவிர்த்து மற்ற பகுதிகள் அனைத்தும் தெலுங்கு உரைநடை முறையில் அமைந்துள்ளது.





குறிப்பு: 

காத்திய பேரரசு கால நாணயம்

சின்னா என்பது காத்திய பேரரசின் பண அளவீட்டு முறை ஆகும்.







கல்வெட்டு:-

   





கல்வெட்டின் தொடக்கம்:-




ஒருக்கல்லை (மொதலிபட்டிணம்) தலைநகராகக் கொண்டு காகத்திய பேரரசை ஆட்சி செய்து கொண்டிருந்த ஸ்வயம்புதேவின் தாமரை தெய்வீக பாதங்களின் மீது பக்தியுள்ள பக்தரான அனுமகொண்டபுராவின் பிரபுவான காகத்திய பேரரசர் பிராதாபருத்திர மகாராஜாவைப் பற்றி கல்வெட்டு தொடங்குகிறது. 1238 ஆம் ஆண்டு சக வருடம், பிரகாசமான முதல் நாள் வியாழக்கிழமை அன்று, பதினெட்டு கிராம சமூகங்கள் (அஷ்டதாச பிரஜைகள்) மற்றும் கந்துகுரு கிரமத்தின் கர்ணங்கள் ஆகியோர் பேரரசரின் சம்மதத்துடன் வரிகளை கந்துகுருவின் இறைவன் ராமநாதேவருக்கு பரிசுகளாக கீழ்கண்டவாரு வழங்கினர் .






கல்வெட்டு கூறும் செய்திகள்:-




1. கந்துகுரு கிராமத்தின் ஏரிகளுக்கு பின்னால், உள்ள வளமான நன்செய் நிலத்தின் 1 சின்னா வரி வசூலிக்கப்பட்டது.



2. கோவில்கள் மற்றும் பிராமணர்களுக்கு தானமாக வழங்கப்பட்ட நிலத்திற்கு 1 சின்ன என்கிற விகிதத்தில் வரி விதிக்கப்பட்டது.



3. நெசவாளர்கள் வைத்தகருக்கும் கைத்தரி எந்திரம் ஒவ்வொன்ருக்கும் தலா 1 சின்ன பணம் வரிவிதிக்கப்பட்டது.



4. கம்பளி ஆடைகள் நெய்யும் கொல்லவாரின் துணை-சாதியான குருமர்களுக்கு அவர்கள் வைத்திருக்கும் கம்பளிதறி எந்திரம் ஒன்றூக்கு தலா ஒரு சின்னா பணம் வரியாக விதிக்கப்பட்டது



5. கொல்லவாருகளை பொறுத்தவரையில் அவர்கள் பராமரித்து வரும் மந்தை ஒன்றுக்கு 1 சின்னா பணம் வரியாக நிர்ணயிக்கப்பட்டது.



6. போர்வீரர்களுக்கு அவர்களின் ஊதியத்தில் இருந்து 1 சின்னா வரிப்பிடித்தம் செய்யப்பட்டது.



7. கோமட்டி (வணிக சாதி) ஒரு வீட்டிற்கு ஒரு சின்ன என்கிற அளவில் வரி வசூலிங்கப்பட்டது.



8. எண்ணெய் ஆலைகளின் உரிமையாளர்களுக்கு, அவர்கள் வைத்திருக்கும் ஆலை ஒன்றுக்கு 1 சின்னா பணம் என்கிற விதத்தில் வரி வசூலிக்கப்பட்டது.



இங்கே குறிப்பிடப்படும் தேவ-கனுகா என்பது கோயிலின் எண்ணெய் ஆலை, இது என்று தெரிகிறது.



சில சமயங்களில் வரியிலிருந்து கோவில் ஆலைகளுக்கு விலக்கு அளிக்கப்பட்டது.



9. வண்ணார்களின் வீடு ஒன்றுக்கு இரண்டு சின்னா பணம் என்ற வகையில் வரிவசூல் செய்யப்பட்டது



10. கம்மாளர்களின் வீடு ஒன்றுக்கு இரண்டு சின்னா பணம் என்ற வகையில் வரிவசூல் செய்யப்பட்டது.



11. வாடாகாக்களின் (கல் அறுப்பவர்) வீடு ஒன்றுக்கு இரண்டு சின்னா பணம் என்ற வகையில் வரிவசூல் செய்யப்பட்டது.



12. மங்களிகளின் (முடிதிருத்துபவர்) வீடு ஒன்றுக்கு இரண்டு சின்னா பணம் என்ற வகையில் வரிவசூல் செய்யப்பட்டது.



13, கும்மரிகள் (குயவர்) பானை செய்யும் சக்கிரம் ஒன்றிற்கு 1 சின்னா வரி விதக்கப்பட்டது



14. இரண்டு சின்னங்கள் மற்றும் ஒரு அட்கு (ஒரு வீட்டிற்கு?)



15. மாதிகாக்கள் (செருப்பு தைப்பவர்) வீடு ஒன்றிற்கு தலா 2 சின்னா வரியாக பெறப்பட்டது. 



16, இடிகாக்களின் (புகையிலை, போதை பொருள் விற்பனையாளர்) வீடு ஒன்றிற்கு தலா 2 சின்னா வரியாக பெறப்பட்டது.



17. உப்பு-பெனமுகளின் (உப்புவிற்பவர்) உப்பளம் ஒன்றிற்கு ஒரு சின்னா பணம் வசூலிக்கப்பட்டது.



18. பொற்கொல்லர்களின் உலை ஒன்றுக்கு ஒரு சின்னா வரி வதிக்கப்பட்டது



19. ருத்ரசமுத்ர (ஏரி) க்குப் பின்னால் இரு பருவங்களில் நீர்ப்பாசனம் பூமிக்கு உண்டான வரியும் குறிப்பிடப்பட்டுள்ளது.



20. ராஜாவுக்கு செலுத்த வேண்டிய பொது வரி கோயிலுக்கு வழங்கப்பட வேண்டும்.



21. ஒரு தும்மு தானியங்கள் அரசரின் சார்பாக வறண்ட நிலங்களில் இருந்து கோவில்களுக்கு வழங்கப்பட்டது.



22, ஷெட்டிகள் தானியங்களை விற்பனை செய்யப்படும்போது 3 அடைகள் கோவிலுக்கு வரியாக செலுத்தப்பட வேண்டும்.



23, சந்தை நிலம் குத்தகைதாரர்கள் இரண்டு மதா பணங்கள் வரியாக மன்னருக்கு செலுத்த வேண்டும். 



24, பாசனத்தின் போது நீர் திறந்து விடும் செர்வ-நிரு-வது என்னும் அரசு பணியாளர்களுக்கு தேச-வந்த-மானியம் என்ற பெயரில் நிலங்கள் வழங்கப்பட்டன.

விட்டலபதி நாயுடுவின் தப்பிரெட்டிப்பள்ளி கைப்பீது

தப்பிரெட்டிப்பள்ளி கைப்பீது:-

யகர்லபாலெம் பாளையம்

விஜயநகர பேரரசர் சதாசிவ ராயரின் ஆட்சிக்காலத்திற்கு பின்னர் நாடு அராஜக நிலைக்குத் தள்ளப்பட்டது, போயர்கள் மற்றும் பிற குற்றப் பழங்குடியினர்கள் துவ்வூர் சீமை நாட்டைக் கொள்ளையடிக்கத் தொடங்கினர். எனவே, சீமையில் அமைதியைக் காத்து நிலைநாட்ட "எக்கரை கொல்ல" சமூகத்தைச் சேர்ந்த வீரனேனி விட்டலபதி நாயுடுவை அரசாங்கம் நியமித்ததுடன், அவரது பராமரிப்பு மற்றும் வாழ்வாதாரத்திற்காக கஞ்சிகுண்டா கிராமத்தின் ஒரு பகுதியை பாளையமாக வழங்கினர். விட்டலபதி நாயுடு அவர்கள் "யகர்லபாளயம்" என்ற ஒரு குடியேற்றத்தை நிறுவி அங்கே தனது சில ஆதரவாளார்களுடன் வசித்து வந்தார். காலப்போக்கில் அவர் மேலும் பல புதிய கிராமங்களை நிறுவினார்.

அப்துல்-ஹசன்-குதுப்-ஷா (தனீ-ஷா)

சிட்டிவோலு ஆளுநர்கள் துவ்வூர், சென்னூரு, போர்மமிலா, படேவோலு மற்றும் பிற சீமைகளின்  மீது தங்கள் ஆதிக்கத்தை விரிவுபடுத்தியபோது, ​​விட்டலபதி நாயுடுவின் மகன்களான  பெத்த நாகப்ப நாயுடு மற்றும் சின்ன நாகப்ப நாயுடு ஆகியோர் ஆளுநர்களை (அல்லது கோல்கொண்டா இசுலாமிய அரசாக இருக்கலாம்) அணுகி, தங்களுக்கு அதிகமான கிராமங்களை வழங்குமாறு கேட்டுக்கொண்டனர். நாட்டின் அமைதிக்கு எந்த வித பங்கமும் ஏற்படாமல் காத்து வருகின்ற காரணத்தினால், அவர்களுக்கு திப்பிரெட்டிபள்ளி கிராமம், அதாவது முடிரெட்டிபள்ளி, ஆற்ரெட்டிபள்ளி மற்றும் கஞ்சர்லபுரம் ஆகிய கிராமங்களை உள்ளடக்கிய பாளையம் வழங்கப்பட்டது. மேலும்  அவர்களுக்கு தங்களின் ஆட்சிக்கு உட்பட்ட பகுதிகளை கடந்து செல்லும் வணிக பெருட்களின் மீது வதிக்கப்படும் வரித்தொகைகளை முழுவதும் அனுபவிக்கும் உரிமையும், அனுமதியும் வழங்கப்பட்டது. 

தங்க வராக நாணயங்கள்

இப்பாளையத்திற்கு 600 வராகங்களை வருடாந்திர வரியாக யகர்லபாலெம் பாளையக்காரர்கள் அரசுக்கு செலுத்த வேண்டும் என ஒப்பந்தம் போடப்பட்டது.  . யகர்லபாலெம் பாளையக்காரர்களுக்கு உரிமைகளை வழங்கும் "பர்வானா" என்னும் இந்த சாசனம் இசுலாமிய ஆளுநர் தனீ-ஷாவால் (அப்துல்-ஹசன்-குதுப்-ஷா) வழங்கப்பட்டதாக கூறப்படுகிறது.

மதுரை நாயக்க சமஸ்தானத்து 72 பாளையங்கள்

மதுரை நாயக்க அரசின் பாளையப்பட்டுகள்:-

மதுரை நாயக்க அரசின் பரப்பளவு

கிருஷ்ணதேவராயரால் மதுரை சமஸ்தானத்தின் ஆளுநராக நியமிக்கப்பட்ட கொட்டியம் விஸ்வநாத நாயக்கரவர்கள் தனது தளவாயான அரியநாத முதலியாரின் உதவியுடன் மதுரை கோட்டையின் திருமஞ்சன வாசலை சுற்றி தனது ராஜ்ஜியம் முழுவது வடுக நாட்டில் உள்ளது போலவே பாளையப்பட்டு முறையை நிறுவி தனது மதுரை அரசை 72 ஆட்சிப்பகுதி பாளையங்க்களாக பிரித்து அதற்குரிய பாளையக்கார்களை நியமனம் செய்தார். அவ்வாறு நியமிக்கப்பட்ட பாளையக்காரர்களில் பெருபாலானவர்கள்



1, இராஜகம்பளத்து நாயக்கர்

           மற்றும்

2, மறவர்



சமுகங்களை சார்ந்தவர்களாகவே இருக்கும்படியாக விஸ்வநாத நாயக்கரால் வழங்கப்பட்டது.





அமரநாயக்கர் விஸ்வநாதர் மதுரை நாயக்கராக ஆனார்:-

கிருஷ்ணதேவராயர் 

கிருஷ்ணதேவராயர் (1509-1529 கி.பி.), தனது பேரரசை 200 க்கும் மேற்பட்ட ஆட்சிமண்டலங்களாக பிரித்திருந்தார். அக்காலக்கட்டத்தில் மதுரை மண்டலம் விஸ்வநாத நாயக்கரின் (1529-1564 கி.பி.) கட்டுப்பாட்டில் இருந்தது. 1535 முதல் 1537 கி.பி. வரை விஜயநகரத்தில் வாழ்ந்த போர்த்துகீசிய பயணி ஃபெர்னோ நுனிஸ் என்பவர் விஜயநகர பேரரசுக்கு உட்பட்டு 200 அமரநாயக்கர்கள் (ஆளுநர்) இருந்ததாக கூறுகின்றார்.

விஸ்வநாத நாயக்கர் 

அமரநாயக்கர்கள் என்பவர்கள் நிதி மற்றும் இராணுவ படை போன்ற சேவைகளை விஜயநகர பேரரசுக்கு வழங்கும் நிர்வாக வசதிக்காக ஏற்படுத்தப்பட்டதாகும். கிருஷ்ணதேவராயர் தனது ஆட்சியின் இறுதி ஆண்டுகளில் விஸ்வநாத நாயக்கரை மதுரையின் ஆளுநராக நியமித்தார் (அதாவது 1529 கி.பி. ஆண்டுவாக்கில்). எனவே, விஸ்வநாத நாயக்கரே மதுரை நாயக்க அரசின் நிறுவனர் ஆவார். விஸ்வநாதரின் அற்புதமான குணங்கள், அசாதாரண காலங்களில் சிறந்த ஆட்சியாளராக செயல்படும் இயல்பு ஆகியவை விஜயநகர பேரரசில் பணியாற்றியபோதே அவருக்கு பயிற்றுவிக்கப்பட்டவைகளாக இருந்ததால் மதுரை நாயக்க அரசை மிகுந்த வலிமையுடையதாக கட்டமைக்க நிர்வாகத்தை முறைப்படுத்தி வலுவான அடித்தளம் அமைத்தார்.
விஸ்வநாத நாயக்கரின் கீழ் மதுரை, திண்டுக்கல், திருச்சிராப்பள்ளி, கருர், திருநெல்வேலி, கன்னியாகுமரி, ராமநாதபுரம், சேலம், கோயம்புத்தூர் மற்றும் ஒரு
இன்றைய தமிழ்நாட்டின் திருவிதாங்கூர் பகுதிகள் ஆகியவை இருந்தன.





மதுரை கோட்டையை பலப்படுத்துதல்:-

தளவாய் அரியநாத முதலியார்

சேவப்ப நாயக்கா தஞ்சாவூர் நாட்டைக் கைப்பற்றுவதற்கு முன்பு (1532 கி.பி. இல்), விஸ்வநாத
நாயக்கர் மதுரை மற்றும் தஞ்சாவூர் பகுதிகளின் ஆளுநராக இருந்தார். இதன் விளைவாக தனது சிறந்த நிர்வாக திறனை பயன்படுத்தி பிற்காலத்தில் ஏற்பட இருந்த தஞ்சை மற்றும் மதுரை நாயக்க அரசுகளுக்கு வலுவான அஸ்திவாரம் இட்டவர் விஸ்வநாத நாயக்கர். இதன்பிறகான நாட்களில் திருச்சிராப்பள்ளி மதுரை பிரதேசத்தின் ஒரு பகுதியாக மாறியது, மேலும் வல்லம் கோட்டை தஞ்சை நாயக்கர்களின் அதிகார வரம்பில் சேர்க்கப்பட்டது. திருச்சிராப்பள்ளியின் பாதுகாப்பு விஸ்வநாத நாயக்கரால் மேம்படுத்தப்பட்டது, மதுரை நாயக்கராக, விஸ்வநாத நாயக்கர் பொறுப்பேற்ற பிறகு முதல் வேலையாக தளவாய் அரியநாத முதலியார் மற்றும் கேசவய்யா நாயக்கர் போன்ற முக்கியமான இராணுவ அதிகாரிகளின் உதவியுடன் மதுரை கோட்டையை எட்டு வாயில்களுடன் பலப்படுத்தினார்.





பாளையங்களின் உருவாக்கம்:-




விஜயநகரபேரரசர் கிருஷ்ணதேவராயரை போலவே விஸ்வநாத நாயக்கரும் தனது
மதுரை ராஜ்ஜியத்தில் ஒரு புதிய முறையை அவரின் தளவாய் அரியநாத முதலியாரின் உதவியுடன் அறிமுகப்படுத்தினர், 
அம்முறையின்படி தனது மதுரை ராஜ்ஜியத்தை 72 கோட்டைகளாகப் பிரித்தார், அவை "பாளையம்" என்று அழைக்கப்பட்டன.






மதுரை சமஸ்தானத்து 72 பாளையங்கள்:-




மதுரையின் மன்னர் விஸ்வநாத நாயக்கர் ஆட்சிக் காலத்தில் ஏற்படுத்தப்பட்ட பாளையங்களின் விவரங்களை பின்வருமாறு காணலாம்.

எண்.	பாளையத்தின் பெயர்	பாளையக்காரர் பெயர்	குலம் (அ) சாதி
1	கண்டம நாயக்கனூர்	கண்டம நாயக்கர்	இராஜகம்பளம்
2	கன்னிவாடி	அப்பிய நாயக்கர்	இராஜகம்பளம்
3	பாஞ்சாலங்குறிச்சி	ஜக வீரப்பாண்டிய கட்டபொம்மு நாயக்கர்	இராஜகம்பளம்
4	அம்மைய நாயக்கனூர்	அம்மைய நாயக்கர்	இராஜகம்பளம்
5	நிலக்கோட்டை	கூளப்ப நாயக்கர்	இராஜகம்பளம்
6	ரோசலைப்பட்டி	-	இராஜகம்பளம்
7	எட்டையபுரம்	ஜகவீர ராம எட்டப்ப நாயக்கர்	இராஜகம்பளம்
8	நத்தம்	லிங்கம நாயக்கர்	இராஜகம்பளம்
9	தொட்டப்ப நாயக்கனூர்	தொட்டப்ப நாயக்கர்	இராஜகம்பளம்
10	மருங்காபுரி	பூச்சைய நாயக்கர்	இராஜகம்பளம்
11	இராமகிரி	சாமய நாயக்கர்	இராஜகம்பளம்
12	வாராப்பூர்	கம்பைய நாயக்கர்	இராஜகம்பளம்
13	பதவள நாயக்கனூர்	பதவள நாயக்கர்	இராஜகம்பளம்
14	காமய நாயக்கனூர்	காமய நாயக்கர்	இராஜகம்பளம்
15	தும்பிச்சி நாயக்கனூர்	தும்பிச்சி நாயக்கர்	இராஜகம்பளம்
16	வெள்ளியங்குன்றம்	கணக்கராமைய கவுண்டர்	இராஜகம்பளம்
17	காசையூர்	-	இராஜகம்பளம்
18	ஆத்திப்பட்டி	-	இராஜகம்பளம்
19	கடவூர்	முத்தா நாயக்கர்	இராஜகம்பளம்
20	குமரவாடி	லெக்கைய நாயக்கர்	இராஜகம்பளம்
21	உத்தப்ப நாயக்கனூர்	உத்தப்ப நாயக்கர்	இராஜகம்பளம்
22	விருப்பாட்சி	திருமலை சின்னப்ப நாயக்கர்	இராஜகம்பளம்
23	பழனி	சென்னவ நாயக்கர்	இராஜகம்பளம்
24	கம்பம்	-	இராஜகம்பளம்
25	போடிநாயக்கனூர்	திருமலை போடி நாயக்கர்	இராஜகம்பளம்
26	இளசை	-	இராஜகம்பளம்
27	எர்ரசக்க நாயக்கனூர்	கந்தப்ப நாயக்கர்	இராஜகம்பளம்
28	காடல்குடி	கீர்த்தி வீர நாயக்கர்	இராஜகம்பளம்
29	கோம்பை	அப்பாஜி கவுடா	இராஜகம்பளம்
30	கொல்லப்பட்டி	கெஜ்ஜலப்ப நாயக்கர்	இராஜகம்பளம்
31	முல்லையூர்	-	இராஜகம்பளம்
32	இடையக்கோட்டை	இரக்குடி திப்பைய நாயக்கர்	இராஜகம்பளம்
33	ஆயக்குடி	கொண்டம நாயக்கர்	இராஜகம்பளம்
34	மேல்மாந்தை	சிருமலை நாயக்கர்	இராஜகம்பளம்
35	ஆற்றங்கறை	பெத்தண்ண நாயக்கர்	இராஜகம்பளம்
36	கல்போது	-	இராஜகம்பளம்
37	நாகலாபுரம்	சௌந்தரப் பாண்டிய நாயக்கர்	இராஜகம்பளம்
38	மதுவார்பட்டி	-	இராஜகம்பளம்
39	சக்கந்தி	-	இராஜகம்பளம்
40	வீரமலை	காமைய நாயக்கர்	இராஜகம்பளம்
41	கூடலூர்	-	இராஜகம்பளம்
42	சந்தையூர்	கோப்பைய நாயக்கர்	இராஜகம்பளம்
43	மலையப்பட்டி	-	இராஜகம்பளம்
44	கோலார்பட்டி	தனிப்புலி கலங்காத கண்டப்ப நாயக்கர்	இராஜகம்பளம்
45	குளத்தூர்	அனுசமல் நாயக்கர்	இராஜகம்பளம்
46	கோட்டையூர்	-	இராஜகம்பளம்
47	ஏழுமலை	ஏழுமடை நாயக்கர்	இராஜகம்பளம்
48	தோகைமலை	வசுவப்ப நாயக்கர்	இராஜகம்பளம்
49	தேவாரம்	முத்துசாமி நாயக்கர்	இராஜகம்பளம்
50	படதூர்	-	இராஜகம்பளம்
51	மாம்பரை	தொப்பள நாயக்கர்	இராஜகம்பளம்
52	இலக்கையனூர்	லக்கய நாயக்கர்	இராஜகம்பளம்
53	தலைவன்கோட்டை	இரட்டைக்குடை இந்திர தலைவனார்	மறவர்
54	ஊற்றுமலை	இருதாலிய மருதப்ப பாண்டியன்	மறவர்
55	சுரண்டை	வெள்ளைத்துரை பாண்டிய தேவர்	மறவர்
56	சிவகிரி	சங்கிலி வீரப்பாண்டிய வன்னியனார்	மறவர்
57	சிங்கம்பட்டி	நல்லக்குட்டி தீர்த்தபதி	மறவர்
58	நெற்கட்டுஞ்செவ்வல்	வீரக்குல ராமசிந்தாமனி புலித்துரை பாண்டியன்	மறவர்
59	மணியாச்சி	தடிய தலைவனார் பொன் பாண்டியன்	மறவர்
60	ஏழாயிரம் பண்ணை	இரட்டைக்குடை வன்னியனார்	மறவர்
61	படமாத்தூர்	கௌரி வல்லப தேவர்	மறவர்
62	சொக்கம்பட்டி	சின்னனைஞ்சாத் தலைவனார்	மறவர்
63	ஊர்க்காடு	சேதுராமத் தலைவனார்	மறவர்
64	சேத்தூர்	ராஜா ராமப்பாண்டிய தேவர்	மறவர்
65	கடம்பூர்	சீனீ வல்லாள சொக்கத்தலைவனார்	மறவர்
66	அழகாபுரி	சின்னத்தம்பி வன்னியர்	மறவர்
67	கொல்லம் கொண்டான்	வீரப்புலி வண்டை தேவர்	மறவர்
68	பெரியகுளம்	ராமபத்ர நாயக்கர்	பலிஜா
69	குருவிகுளம்	பெம்மசானி பெத்தவீரப்ப நாயக்கர்	கம்மவாரு
70	மன்னார்கோட்டை	ராமசாமி சின்ன நாயக்கர்	இராஜகம்பளம்
71	சமுத்தூர்	வாணராயக் கவுண்டர்	வேளாளக் கவுண்டர்
72	பாவாலி	முத்துசெல்லமாச்சாரி செட்டியார்	இராஜகம்பளம்    (பிறகு) செட்டியார்

பாளையங்கள் ஏற்படுத்த நிர்வாக ரீதியிலான காரணங்கள:-




1, மதுரை நாடு மிகவும் வறண்டிருந்தது மற்றும் பெரும்பாலான இடங்கள் காடுகளாக இருந்தன.



2, இத்தகைய பகுதிகளில் மக்கள்
பாதுகாப்பைப் பெற முடியவில்லை. கொலை மற்றும் கொள்ளைகள் ஆங்காங்கே ஏற்பட்ட வண்ணம் இருந்தது.




எனவே விஸ்வநாத நாயக்கர் 1535 கி.பி இல் பாளையக்கார் முறையை நிறுவினார். பாளையக்காரர்கள்
தங்களது கோட்டைகளில் இருந்து பாளையத்தை நிர்வகிப்பதே அவர்களின் பங்கு. பாளையக்காரர்கள் அனைவரும் மதுரை அரசிற்கு கட்டுப்பட்ட குறுநில மன்னர்களாக செயல்பட்டனர். ஒவ்வொரு பாளையமும் ஒரு பாளையக்காரரால் ஆளப்பட்டது. மதுரைக் கோட்டையின் 72 கொத்தளங்கள் ஒவ்வொன்றையும் பாதுகாக்கும் பொறுப்பை அவர் பிரித்தளித்தார் ’. பாளையங்களின் மொத்த எண்ணிக்கையும், அதற்குரிய அதிகாரங்களும் அவ்வப்போது மாற்றப்பட்டன. பின்னாட்களில் விஜயநகர பேரரசின் கீழ் சிற்றரசாக இருந்ததால் 73 வது பாளையமாக திருவிதாங்கூர் சேர்க்கப்பட்டது. திருமலை நாயக்கரின் காலத்தில், பாளையங்களின் எண்ணிக்கை 82 ஆக விரிவடைந்தது.





பாளையக்காரர்களின் பொறுப்புகள்:-




பாளையக்காரர்கள் மதுரை நாயக்க அரசின் துணை அதிகாரிகளாக இருந்தனர். பாளையக்காரரின் கடமையானது:-



1, ஒரு நிலையான இராணுவத்தை பராமரித்தல் மற்றும் அவசியம் கருதி கோரப்படும்போது மதுரை அரசுக்கு அப்படைகளை அனுப்பி உதவி வழங்குவதும் ஆகும்



2, பாளையக்காரர்களின் அதிகார வரம்பில் வருவாய் மற்றும் அவரது ஆட்சிப்பகுதிக்கு உட்பட்ட பகுதிகளில் நீதியை நிர்வகித்தல் ஆகியவை அடங்கும்.




3, விவசாயிகள் தாங்கள் செலுத்த வேண்டிய வரித்தொகையை பாளையக்காரின் முகவரிடம் செலுத்துவார், அவர் அத்தொகையை பாளையக்காரரிடம் கொண்டு சேர்ப்பார், இறுதியாக  அத்தொகைகளை முறையே பாளைக்காரர்கள் பேரரசுக்கு செலுத்திவிடுவர். எனினும்,
காவல் செய்வதே பாளையகாரர்களின் அடிப்படைக் கடமையைக் வழங்கப்பட்டது.



4, பாதுகாப்பிற்காக மதுரைக்கு ‘ஒவ்வொரு பாளையக்காரர்களின் சார்பாகவும் பரிந்துரைக்கப்பட்ட 100 எண்ணிக்கைக்கு குறையாத வீரர்கள் மதுரை கோட்டையை காவல் செய்ய அனுப்பிவைக்கப்படுவார்கள். 



5, பாளையக்காரர்கள் மதுரை இராஜ்ஜியத்தின் கீழ் உள்ள பகுதிக்கு உள்ளூர் இராணுவத் தளபதிகளாக செயல்பட்டனர்.




6, பாளையகாரர்கள் சட்டம் ஒழுங்கு மற்றும் பாதுகாப்பின் பாதுகாவலர்களாக கருதப்பட்டனர். குற்றங்களைக் கண்டறிந்து நீதியை வழங்குவதற்கான பணி அவர்களிடம் ஒப்படைக்கப்பட்டது . வருவாய் சேகரித்தல் மற்றும் இராணுவ படையை பராமரித்தல் போன்ற நடவடிக்கைகள் மேற்க்கொள்வதில் தங்கள் பகுதிகளில் பாளயக்காரர்களே உச்சபட்ச அதிகாரமையமாக திகழ்ந்தனர்.




7, போர்கள் அற்ற சாதாரண காலங்களில் தொண்டு நடவடிக்கைகள், காடுகளை அழித்தல், நீர்ப்பாசன பணிகள் மற்றும் கிராமங்களை உருவாக்குதல் போன்ற அறச்செயல்களை பாளையக்காரர்கள் மேற்கொண்டனர்.




8, மதுரை நாயக்க அரசின் வீழ்ச்சிக்கு பின் ஏற்பட்ட ஆங்கிலேயர்கள் ஆட்சிக்காலத்தில் பாளையங்கள் அனைத்தும் ஜமீன்களாக மற்றப்பட்டு பாளையக்கார்கள் ஜமீன்தார்களாக மாற்றம் பெற்றனர்.





சிலப் பாளையக்காரர்களின் புகைப்படங்கள்:-

கண்டமனூர் ஜமீன்தார்

எட்டுப்பாளையங்களின் பாளையக்காரர்கள்

கடவூர் ஜமீன்தார்

ஊர்காடு ஜமீன்தார்

நிலக்கோட்டை ஜமீன்

சேத்தூர் ஜமீன்தார்

கொல்லம் கொண்டான் ஜமீன்தார்

எட்டையபுரம் ஜமீன்தார்

பெரிகுளம் - தொட்டப்ப நாயக்கனூர் ஜமீன்தார்கள்

குருவிகுளம் ஜமீன்தார்

சிங்கம்பட்டி ஜமீன்தார்

போடி நாயக்கனூர் ஜமீன்தார்