72 ராயலசீமை பாளையப்பட்டுகள்

ராயலசீமா தெலுங்கு பாளையங்கள்:-

ராயலசீமா  (சீமாந்திரா)

ஆந்திர பகுதிகளில் நிலவிய உள்நாட்டு குழப்பங்கங்கள், வியாபாரிகள் மற்றும் நாட்டின் பொதுமக்களிடம் நடைப்பெற்ற வழிப்பறி கொள்ளைகள், கொலைகள் முதலியவைகளை தடுக்கவும், பொதுமக்களிடம் வரி வசூல் செய்யவும், போர் எற்படும் காலங்களில் பேரரசுக்கும் படை அனுப்பி உதவுவதற்காகவும் விஜயநகர பேரரசர்களால் பாளையப்பட்டுகள் உருவாக்கப்பட்டு அதற்குரிய பாளையக்காரர்கள் நியமிக்கப்பட்டனர். இப்பாளையப்பட்டுகள் நிலவியல் அமைப்பின் ரீதியாக இருவகைகளாக பிரிக்கலாம் அவை:-



* மேற்கு பாளையங்கள் (ராயலசீமா பாளையங்கள்)


* வடக்கு பாளையங்கள் (சர்கார் (அ) கடலோர ஆந்திர பாளையங்கள்)






ராயலசீமை மண்டலம்:-




14 மற்றும் 16 ஆம் நூற்றாண்டுகளுக்கு இடையில் , ஹம்பியை (தற்போதை கர்நாடகா) தலைநகராகக் கொண்டு செழித்திருந்து ஆண்டுக்கொண்டிருந்த விஜயநகர பேரரசின் மன்னர்கள், தெற்கு ஆந்திர பகுதிகளின் சிறந்த நிர்வாகக் கட்டுப்பாட்டுக்காக ராயலசீமாவில் கனிசமான எண்ணிக்கையில் தலைவர்களை நியமித்தனர். இந்த தலைவர்கள் "பாளையக்காரர்கள்" என்று அறியப்பட்டனர், மேலும் அந்தந்த பகுதிகளின் சட்டம் ஒழுங்கு மற்றும் வருவாய் வசூலுக்கும் இவர்களே பொறுப்பானவர்களாக விளங்கினர்.

தலைக்கோட்டை போர்

1565 இல் தலைக்கோட்டை போரில் பாமனி சுல்தான்களின் ஒருங்கிணைந்த வலிமையால் விஜயநகர பேரரசு தோற்கடிக்கப்பட்டு அழிக்கப்பட்டது. விஜயநகர் ராஜ்ஜியத்தின் வீழ்ச்சியின் விளைவாக, பிராந்தியத்தின் மீதான முழு அதிகாரமும் ஹைதராபாத்தின் கோல்கொண்டா ஆட்சியாளர்களிடம் சென்றது.

ஐதராபாத் நிஜாம்

பலவீனமான கோல்கொண்டா நிர்வாகத்தால் வீரம் மிகுந்த ராயலசீமா பாளையக்கார்களை கட்டுப்படுத்த முடியாததால் ராயலசீமாவின் பாளையக்காரர்கள் விரைவில் தங்களை சுதந்திர ஆட்சியாளர்களாக பிரகடனப்படுத்திக் கொண்டனர். இதுபோன்ற நிகழ்வினால் குறைந்தது 200 உள்ளூர் அதிகார மையங்கள் தோன்றின. இந்த பாளையக்காரர்களின் உள்நாட்டு கலகங்களின் காரணமாக சட்டவிரோதப்போக்கை கட்டுப்படுத்த முடியாமல் ஐதராபாத் நிஜாம் கர்னூல், அனந்தபூர், பெல்லாரி மற்றும் கடப்பா ஆகிய நான்கு மாவட்டங்களை ஆங்கிலேயருக்குக் கொடுத்துவிட்டார்.

தாமஸ் மன்ரோ

பிரிட்டிஷ், குறிப்பாக தாமஸ் மன்ரோவின் நிர்வாகம், பாளையக்காரர்களை கட்டுப்படுத்த கடுமையான நடவடிக்கைகளைப் பயன்படுத்தியது - கலகத்தில் ஈடுபட்ட பாளையக்காரர்கள் பொது வெளியில்   தூக்கிலிடப்பட்டு மரணதண்டனை வழங்கப்பட்டது  - ஆனால் பிரிட்டிஷாரின் எந்த முயற்சியும் பாளையக்காரர்களிடம் எடுபடவில்லை.




பாளையக்காரர்கள் தங்களின் போட்டியாளர்களிடம் மிகவும் கடுமையாக நடந்துக்கொண்டனர். எதிராளிகளை எப்போது பின்தொடர்ந்து, அவர்களின் அடுத்த தலைமுறையினர் வரை பழிவாங்கி கொன்று ஒழிக்கும் சுபாவம் கொண்டிருந்தனர்.




பல ஆண்டுகளாக, பாளையக்காரர்கள் தங்களது தொடர்ச்சியான சேவையை உறுதி செய்வதற்காக தங்களுக்கு விஸ்வாசமான குடும்பங்களுக்கு நிதி உதவியை வழங்கி வந்தனர். மரணம் அல்லது ஏதேனும் பாதிப்பு ஏற்பட்டால், பாதிக்கப்பட்டவர்களின் குடும்பங்களை எப்போதும் கனிவுடன் கவனித்து வந்தனர். மக்களுக்கும் பாளையக்காரர்களுக்குமான உறவு மிகவும் வழுத்து இருந்தது எனவே எந்த ஒரு பாளையக்காரையும் அந்திய ஆட்சியாளர்களால் எளிதில் தண்டிக்க முடியவில்லை. பொது ஜனங்களின் பேராதரவு பெற்றவர்களாய் ராயலசீமா பாளையக்காரர்கள் விளங்கிய காரணத்தினால் அந்திய ஆட்சியாளர்களின் முழு ஆதிக்கத்திற்கு உட்படாமல் ராயலசீமை திகழ்ந்தது என்பது குறிப்பிடத்தக்கது.





ராயலசீமாவின் 72 பாளையங்கள்:-




மேற்கு (அ) ராயலசீமா பாளையங்களின் விவரங்கள் பின்வருமாறு காணலாம்.

எண்.	பாளையத்தின் பெயர்	பாளையக்காரர் பெயர்	குலம் (அ) சாதி
1	கொத்தகோட்டா	பெருமப்ப நாயர்	கொல்லவாரு
2	கப்பத்ரெல்லா	சோடா மடப்ப நாயர்	கொல்லவாரு
3	துடிகொண்டா	மல்லப்ப நாயர்	கொல்லவாரு
4	பண்டிகோணா	ராம நாயர்	கொல்லவாரு
5	பந்திகோணா	வெங்கடப்ப நாயுடு	கொல்லவாரு
6	மத்திகெரா	மல்லிகார்ஜூன நாயுடு	கொல்லவாரு
7	அஸ்பரி	குரிஜிஜி எல்லண்ண போயடு	கொல்லவாரு
8	யகர்லபாலெம்	புருஷ ராம நாயுடு	கொல்லவாரு
9	மணதப்பம்பாலெம்	பக்கே எல்லம்ம நாயுடு	கொல்லவாரு
10	ஜனுலாவரம்	பசிவி நாயுடு	கொல்லவாரு
11	புத்தூர்பள்ளம்	துலிபசி நாயுடு	கொல்லவாரு
12	பாலகொண்டப்ப நாயனி பள்ளி	மச்சினேனி கொண்டப்ப நாயுடு	கொல்லவாரு
13	கோணராஜூபள்ளம்	எர்ரபசிவி நாயுடு	கொல்லவாரு
14	தொண்டூரு	பெத்த கோபால நாயுடு	கொல்லவாரு
15	சென்மும்பள்ளி	பாப்ப நாயுடு	கொல்லவாரு
16	கொண்ட்ரேடுபள்ளி	திம்மள நாயுடு	கொல்லவாரு
17	கொத்தகோட்டா	சின்ன கோபால நாயுடு	கொல்லவாரு
18	தாசராபள்ளி	வீரனெயினி சித்தப்ப நாயுடு	கொல்லவாரு
19	யகராலபாலெம்	வீரனெயினி வித்தலப்ப நாயுடு	கொல்லவாரு
20	முடிரெட்டிபாலெம்	பெத்த நாகப்ப நாயுடு	கொல்லவாரு
21	புல்லசெருவு	பாப்ப நாயக்கர்	போயர்
22	பசவபூர்	நுண்டிகேசுலு நாயக்கர்	போயர்
23	பொல்லுபள்ளி	ஜெல்லி பசவப்ப நாயக்கர்	போயர்
24	தொர்னால	ஜெல்லி திவாகர நாயக்கர்	போயர்
25	போடேயசெருவு	ராம நாயக்கர்	போயர்
26	ஓபலம்	வெங்கட நாயக்கர்	போயர்
27	சர்லகுண்டா	-	போயர்
28	சிங்கசனிபள்ளி	-	போயர்
29	சனுகொண்டல	வெங்கண்ண நாயுடு	போயர்
30	பொருமாமில்லா	சேஷசெலபதி நாயக்கர்	போயர்
31	கப்பத்ரெல்லா	பெத்த நாயுடு	போயர்
32	உள்ன்டகொண்டா	பெத்த மெட்டி நாயுடு	போயர்
33	அதானி	பரமப்ப நாயுடு	போயர்
34	கொங்கொண்டல	நல்லவெங்கப்ப நாயுடு	போயர்
35	கோடகொண்டா	வெங்கடப்ப நாயுடு	போயர்
36	கண்டிகோட்டா	ஜூதுக்கி ராய்டு	போயர்
37	செனம்பள்ளி	பாப்ப நாயுடு	போயர்
38	சென்னபள்ளி	-	போயர்
39	எத்துலபண்டி	-	போயர்
40	பண்டில்லபண்டி	வெங்கடப்ப நாயுடு	போயர்
41	கூட்டி	ராமப்ப நாயுடு	போயர்
42	யடிக்கி	எர்ரம்ம நாயுடு	போயர்
43	தடிபத்திரி	வெங்கடப்ப நாயுடு	போயர்
44	தெலிகி	பெபூலி வெங்கடப்ப நாயுடு	போயர்
45	எத்துலதொட்டி	பாப்ப நாயுடு	போயர்
46	கோட்ட கொண்டா	குஜ்ஜல பரமப்ப நாயுடு	போயர்
47	பண்யம் வெங்கடப்ப நாயுடு	ராம நாயர்	போயர்
48	கொருவுகல்லு	பெத்த அம்மி நாயுடு	போயர்
49	ஹுலகொண்டி	ஹந்தப்ப நாயுடு	போயர்
50	துடேபள்ளி	போரி மல்ல நாயர்	ஏகரி
51	எகுவ மாரப்ப குண்டா	வெங்கடப்ப நாயுடு	ஏகரி
52	திகுவ மாரப்ப குண்டா	திம்மப்ப நாயுடு	ஏகரி
53	கல்லூரு	-	ஏகரி
54	தும்பா	-	ஏகரி
55	புளிசெர்ல	-	ஏகரி
56	பங்காரி	-	ஏகரி
57	குடிபேட்ட	ராம நாயர்	ஏகரி
58	சட்டிவாரிபாலெம்	பசவப்ப நாயர்	முத்துராச்சா
59	மலசெருவு	சின்ன நாயர்	முத்துராச்சா
60	சோம்பள்ளி	மல்லப்ப நாயுடு	முத்துராச்சா
61	மடிச்செருவு	பசவந்த் நாயர்	முத்துராச்சா
62	மல்யால	வெங்கடபதி நாயர்	முத்துராச்சா
63	ரொம்பிசெர்ல	வீரப்ப நாயர்	முத்துராச்சா
64	பட்லபூர்	வசந்தப்ப நாயுடு	முத்துராச்சா
65	கொடபாடு	லங்கி ரெட்டி	காப்பு
66	நரசப்பூர்	கிருஷ்ணா ரெட்டி	காப்பு
67	உப்பலூரு	நரசிம்மா ரெட்டி	காப்பு
68	மண்டபம்பள்ளி	புட்டமு கிருஷ்ண ரெட்டி	காப்பு
69	ரச்செர்ல	கலூரி புட்ட ரெட்டி	காப்பு
70	நல்லமனேனிபள்ளி	வெங்கடபதி நாயுடு	கம்மவாரு
71	மத்தினேனிபள்ளம்	மோடி நாயுடு	கம்மவாரு
72	முத்தயால்பாடு	கிருஷ்ணப்ப நாயுடு	சாலி

குறிப்பு:-




விஜயநகர பேரரசின் காலம் முதல் ஆங்கிலேயர்கள் ஆட்சி வரை இப்பாளையக்காரர்கள் தங்களின் ஆட்சிப் பகுதியின் குறுநில மன்னர்களாக ஆண்டு வந்தனர். இப்பாளையக்காரர்களின் வம்சாவழி குறித்த விவரங்களை தொகுத்தவர் மெக்கென்சி துரையவர்கள் ஆவார்.




பொதுவாகவே வடுக நாட்டில் ஏற்படுத்தப்பட்ட அனைத்து பாளையங்களும் 70 எண்ணிக்கைக்கு குறையாமல் இருக்கும். இதை அடிப்படையாக வைத்தே மதுரையின் ஆளுநராக இருந்த விஸ்வநாத நாயக்கர் 72 பாளையங்களை மதுரையை சுற்றி நிறுவினார் எனக் கூறப்படுகிறது.