காப்பு குலத்தலைவரான கொல்லவார் - ஸ்ரீகுர்மம் கல்வெட்டு

 

ஸ்ரீகுர்மம் திருக்கோவில் கல்வெட்டு:-

ஸ்ரீகுர்மநாதசுவாமி திருக்கோவில், ஸ்ரீகுர்மம், ஸ்ரீகாகுளம்

இடம்:-   ஆந்திர மாநிலம், ஸ்ரீகாகுளம் மாவட்டம், ஸ்ரீகுர்மம், ஸ்ரீகுர்மநாதசுவாமி திருகோவில்

சாலிவாகன வருடம்:-  சக வருசம் 1167 சிராவண மாதம், வெள்ளிக்கிழமை

ஆங்கில வருடம்:-   கி.பி.1245, வெள்ளிக்கிழமை, சுக்லபட்சம் 13ம் நாள்

கல்வெட்டில் உள்ள மொழி:-   கல்வெட்டு முழுவதும் தெலுங்கு மொழியிலேயே எழுதப்பட்டுள்ளது.

ஆட்சிக்காலம்:-   ஸ்ரீ வீரநரசிம்மராவுத்த தேவர்

பொருள்:-   ஸ்ரீகுர்மம் திருக்கோவிலுக்கு பசுக்களை தானம் வழங்கியதை கூறும் சாசனம்

கல்வெட்டின் வரிகள்:-

ஸ்ரீகுர்மம் கல்வெட்டு

1, ஸ்வஸ்தி ஸ்ரீ [॥*] ஸகவர்ஷம்புலு

2,  1167 கு நேன்ட்டி வீர ஸ்ரீநரசி-

3, ம்ஹ்யராவுததேவர விஜய-

4, ராஜ்யசம்வத்ரம்புலு 10

5, ஸ்ராஹீ மீன சுக்ல 13 ய ல-

6, க்ஷ்மீவாரமுன ஸ்ரீகுர்மநாத-

7, தேவர லக்ஷ்மிபூமி சஹித-

8, மை மத்யான செஜ்ய ஆவச-

9, ரமுன அரகிம்பு பாயச-

10, தலியலு 5 ண்ணிகி இந்தபுர-

11, முன [கொல்ல] ப்ரோல கோனாரிலோபை (ன)

12, காம்புலு இச்சின ஆனவால மூ-

13, தாலு 25 ஈ[த]ர்ம்மவு ஆசந்திரா-

14, க்கஸ்தாயிகா செல்லங்கலதி ॥ ஸ்ரீ

கல்வெட்டில் கூறப்பட்டுள்ள செய்தி:-

ஸ்ரீகுர்மநாதசுவாமி, ஸ்ரீகுர்மம்

சாலிவாகன சக வருசம் 1167 வீர ஸ்ரீ நரசிம்மதேவராவுத்த தேவர் ஆட்சிப்புரியத் துவங்கி 10ம் வருடங்கள் பூர்த்தயடைந்த தருணத்தில் ஆவணி மாதம் சுக்கில பட்சம் 13ம் நாள் வெள்ளிக்கிழமையில் ஸ்ரீகுர்மம் திருத்தலத்தில் கோவில்கொண்டுள்ள ஸ்ரீகுர்மநாதசுவாமிக்கு மதியவேலை பாயாசம் பிரசாதம் படைப்பதற்காக இந்தபுரம் காப்பு குலத்தின் தலைவரான கொல்லவார் ப்ரோல கோனாரி என்பவர் 25 பசுக்களை ஸ்ரீகுர்மம் கோவிலுக்கு தானமாக வழங்கினார். 

ஆலயத்திற்குரிய மாடு என்பதை அடையாளப்படுத்தும் வகையில் தானம் பெறப்பட்ட பசுக்களின் மீது சக்கிர முத்திரை பதிக்கப்பட்டது.