சித்ரதுர்கா மாவட்டம், பூதிஹால் ராஜ்ஜியம்

 

பூதிஹால் ராஜ்ஜியத்தின் வரலாறு:-

மாநிலம் : கர்நாடகா

மாவட்டம் : சித்ரதுர்கா மாவட்டம்

சிற்றரசு : பூதிஹால்

பூதிஹால்  சிக்கநாயக்கன்ஹள்ளி தாலுக்காவில் இருந்து 9 மைல் தொலைவில் உள்ள ஒரு பழமையான நகரம்.

ஹூலியாரின் மேற்கு-வடமேற்கு திசையில், ஹோஸ்துர்கா (சித்ரதுர்கா) - ஹூலியார் செல்லும் சாலையில் ஹபாலி தாலுக்காவில் அமைந்துள்ளது புதிஹால்.

 

பூதிஹால் நகரம் முன்பு தாலுக்காவாக வளங்கியது, அதன் முக்கிய நகரமாகவும் பூதிஹாலே விளங்கியது என்பது குறிப்பிடத்தக்கது.

சிருமன நாயக்கர்:-

பூதிஹால் நகரம் கொல்லவார் சமூகத்தை சேர்ந்த விஜயநகரப்பேரரசின் அதிகாரியான ஸ்ரீமான் நாயக்கர் அல்லது சிருமன நாயக்கரால் நிறுவப்பட்டது. 

சிருமன நாயக்கருக்கு 10,000 பகோடா வருவாய் அளிக்கும் இந்த சிற்றரசு விஜயநகரப் பேரரசால் வழங்கப்பட்டது. புதிஹால்லின் வருமானமான 10,000 பகோடாவில் பாதி தொகையை விஜயநகர பேரரசிற்கு வரியாக செலுத்த நிர்ணயிக்கப்பட்டது.

சிருமன நாயக்கர் கொல்லவார்

முயல் ஒன்று வேட்டை நாய்களை துரத்திய
நிகழ்வு

சிருமன நாயக்கர் முதலில் சுஜிக்கல் என்கிற பகுதியில் குடியேறினார். ஆனால் சுஜிக்கல்லுக்கு 3 கிலோமீட்டர் தொலைவில் உள்ள புதிஹால் என்னும் இடத்தில் முயல் ஒன்று வேட்டை நாய்களைத் விரட்டியடித்த சம்பவத்தை கண்ட பின்பு இந்நிகழ்வு நடந்தேறிய பூதிஹால்லை தனது கோட்டை அமைக்க சிறந்த இடமாக தேர்வு செய்து அங்கு தனது கோட்டையை கட்டிக்கொண்டார். மேலும், தான் நிறுவிய அந்நகருக்கு பூதிபுரா என்று பெயரிட்டு ஆட்சிப்புரிந்துவந்தார்.

குமார மல்லப்ப நாயக்கர்:-

பூதிஹாலின் அரசராக சிறிமய நாயக்கரின் மகன் குமார மல்லப்ப நாயக்கர் அரியணை ஏறினார்.

விஜயநகரப் பேரரசுடன் கருத்து வேறுப்பாடு கொண்டிருந்த அவர். விஜயநகரத்திற்கு வரி செலுத்துவதை நிறுத்திக் கொண்டார், இதன் காரணமாக குமார மல்லப்ப நாயக்கருக்கு எதிராக  விஜயநகரப் போர்ப்படை அணிவகுத்து போரிட்டது இறுதியாக குமார மல்லப்ப நாயக்கர் வீழ்த்தப்பட்டார். பிறகு நரசிங்கராவ் என்னும் அதிகாரி புதிஹால் பகுதிகளின் ஆளுநராக விஜயநகர அரசால் நியமிக்கப்பட்டார். கோட்டையில் விஜயநகர மன்னர்களின் பதினாறாம் நூற்றாண்டை சேர்ந்த பல கல்வெட்டுகள் கிடைக்கின்றன. 

விஜயநகரத்திற்கு பிறகான புதிஹல்:-

புதிஹால் (தற்போதைய ஸ்ரீராமபுரா)

விஜயநகரின் வீழ்ச்சிக்குப் பிறகு, பூதிஹால் தரிகெரே பாளையக்காரர்களால் கைப்பற்றப்பட்டது, ஆனால் மிக விரைவிலேயே பீஜப்பூர் அரசின் படைகள் அப்பகுதிகளை வெற்றிக்கொண்டது, பின்னர் முகலாயர்களின் கீழ் சிரா மாகாணத்தின் ஒரு மாவட்டத்தை உருவாக்கியது. சித்ரதுர்கா மற்றும் மராட்டிய ஆட்சியாளர்களின் வசம் சென்றது, 1761 இல் பூதிஹல் பகுதி ஹைதர் அலியின் ஆட்சியின் கீழ் சென்றது. 1771 இல் மராட்டியர்கள் அதை மீண்டும் கைப்பற்றினர், ஆனால் அது 1774ல் ஹைதர் அலியால் மீட்கப்பட்டது. 1790ல் மீண்டும் மராட்டியர்களின் கைகளுக்கு சென்றது மற்றும் 1792 இல் அமைதி பேச்சுவார்த்தையின் முடிவில் திப்பு சுல்தானால் மீட்டெடுக்கப்பட்டது. இப்பகுதி 19ம் நாற்றாண்டில் தரிகெரே பாளையக்காரர்களுக்கு கீழ்பட்ட கிளர்ச்சியாளர்களின் கீழ் இருந்த கடைசி புகலிடங்களில் ஒன்றாகும். இக்கிளர்ச்சியாளர்கள் கி.பி.1831இல் கிளர்ச்சிகளை இப்பகுதிகளில் மேற்கொண்டு குழப்பங்களை உருவாக்கினர்.

குறிப்பு:-

பாஞ்சாலங்குறிச்சி பாளைய முன்னோர்கள் முயல் நாயை விரட்டிய
நிகழ்வை காணுதல்

முயல், வேட்டை நாய்களை துரத்தும் நிகழ்வு பூதிஹால் ஆட்சியாளர்களுடைய வரலாற்றில் மட்டுமின்றி விஜயநகரப்பேரரசு மற்றும் பாஞ்சாலங்குறிச்சி பாளையக்கார்களின் வரலாற்றிலும் இடம்பெறுகின்றது. 

* முயல் வேட்டை நாயை துரத்தியதை ஹரிஹர, புக்கர் கண்ட இடமான ஹம்பியில் தான் விஜயநகரப்பேரரசின் தலைநகரை நிறுவினார்கள்.

* முயல் வேட்டை நாயை துரத்திய இடத்தில் தான் வீரப்பாண்டிய கட்டபொம்மனின் முன்னோர் பாஞ்சாலங்குறிச்சி கோட்டையை கட்டினார்.

பின்னிணைப்பு:-

* சிருமனா சரிதே - ஸ்ரீ ராமகவி

கண்டமநாயக்கனூர் வம்சாவளி விவரங்கள்

 

கண்டமநாயக்கனூர் பாளையப்பட்டு வம்சாவளி:-

கண்டமனூர் ஜமீன்தார் திருமலை ராமகிருஷ்ண சாமியப்ப நாயக்கர்

திருமலைபள்ளம் பாளையக்காரான கண்டமநாயக்கர் வம்சாவளி:-

வில்சன் - பக். 429, XXVI-4. 

டெய்லர் - தொகுதி. III, பக். 378-9. 

அலமாரி எண். 17-5-45. 

REST. தொகுதி. III, பக். 451-3. 

தொகுப்பு. 17-5-20, பிரிவு 3.

கண்டம நாயக்கர், வைகை ஆற்றின் கிழக்கே உள்ள ஒரு வனப் பிரதேசமான வரிசை நாட்டில் (வருசநாடு), ஒரு பாளையத்தை நிறுவி 15 ஆண்டுகள் ஆட்சி செய்தார். விஸ்வநாத நாயக்கர் கண்டம நாயக்கரின் வம்சத்தை தனது குமாரவர்கங்களில் ஒன்றாக சேர்த்துக்கொண்டார். மேலும், அவர்களை மதுரையின் 57 வது கொத்தளத்தின் பாதுகாவலராக நியமித்தார். மற்றும் அவர்களுக்கு காவல் நிலங்களை வழங்கி தனது 72 பாளையங்களுள் ஒரு பாளையத்தின் பாளையக்காராக நியமித்தார். பின்னர் கயத்தாறு மற்றும் பிற இடங்களில் பாண்டிய மன்னரின் சட்டவிரோத மகன்களுக்கு (பஞ்ச பாண்டியர்கள்) எதிராக அரியநாயக முதலியார் மற்றும் இப்பாளையக்கார குடும்பத்தைச் சேர்ந்த கேசவ நாயக்கரின் கீழ் ஒரு படை அனுப்பப்பட்டது. 

[ இத்தோடு மெக்கன்சியால் தொகுக்கப்பட்ட இக்கைபீது முழுமை பெறாமல் முடிவடைகிறது. ]

பிரிவு - 4

கண்டமநாயக்கன் வம்சாவளி (மதுரை ராஜ்ஜியத்தின் பாளையக்காரர்):- 

இப்பாளையக்காரரின் தோற்றம் சாலிவாகன சகாப்தம் 1342க்கு (கி.பி: 1420) மேல், இப்பாளைகார இனத்தின் முன்னோடி மதுரை நாட்டிற்கு வேறு சிலருடன் வந்தடைந்தார். அவர்களில் ஒருவர் தம்பிரான் அல்லது தவசி ஆவார், இவர் தவசிமாடுவின் பாளையக்காரராக இருக்கக்கூடும் எனத் தோன்றுகின்றது.

இதுவரை கவனித்ததில், முழுக்க முழுக்க கனிவான பாளையக்காரர்களாகவே இவர்கள் தோன்றுகிறார்கள்; 

நாகம நாயக்கர் காலத்தில் ஒரு குறிப்பிட்ட அரசை போர்தொடுத்து வீழ்த்தும் வழிக்காட்டுதல் இவ்வம்சத்தின் தலைவராருக்கு வழங்கப்பட்ட அதே நேரத்தில் ஒரு பாளையப்பட்டினையும் அவர் பெற்றார். மதுரைக் கோட்டையின் கொத்தளங்களுள் ஒன்றினை பாதுகாக்கும் பொறுப்பினை இப்பாளையக்காரர் கொண்டிருந்தார்.

கயத்தாற்றிலும் மற்ற பிற இடங்களிலும் ஐந்து கோட்டைகளைக் கட்டி ஆண்டு வந்த பாண்டியனின் ஐந்து முறைகேடான மகன்களுக்கு (பஞ்ச பாண்டியர்கள்) எதிரான போரில் இந்த கண்டமனூர் பாளையக்காரருக்கு ஒரு குறிப்பிடத்தக்க பங்கு இருந்தது.

[ இந்த இடத்தில் ஆவணம் திடீரென முடிகிறது; நிச்சயமாக, முழுமையற்ற ஆவணம் ]

குறிப்பு:-

திருமலைப்பள்ளம் என்பது தேனி, வருசநாட்டின் பண்டையப் பெயராக இருக்கக்கூடும்.

நெகமம் ராணியார் கல்வெட்டு

 

சின்ன நெகமம் கல்வெட்டு:-

அசல் கல்வெட்டு

 இடம்:  திருப்பூர் மாவட்டம், சின்ன நெகமம் ஸ்ரீ செல்வ சென்றாயப்பெருமாள் கோயில்

 காலம்:  கி.பி. 19ஆம் நூற்றாண்டு

 அரசர்/அரசி:-  வல்லகொண்டம தேவநாயக்கரின் அரசி வெள்ளையம்மன்

 செய்தி:  நிகமம் பாளையக்காரரின்  மனைவியார் அவர்களது உத்தரவின்படி பூமிநாதபிள்ளை சென்றாயப் பெருமாள் கோயிலில் திருப்பணிகள் செய்தமை.

கல்வெட்டு வரிகள்:-

1. ? சார்வரி வருசம் ஆவினி, மாசம் 11க் தேதி பெரிய னிகமத்திலிருக்குங் காணியாழருடைய செற்குல வமுச

2. த்தில் குமாரசாமி பிள்ளையவர்கள் பூத்திரர்கள் பூமினத பிள்ளையெங்கிரவர் னிகம பாழயகாறாகிய முத்

3. துவல்லக்கொண்டம தேவயனாயக்கருடைய யிசமானி வெள்ளையம்மனவர்கள் உத்திரவுப்பிரகாரத்துச் சின்ன 

4. னிகம ஸ்ரீ சென்னறாயப்பெருமாளுக்கு அஷத்தகிரி கலங்கல்சய கொப்பகிரி மகாமணடபந் துழசி மண்டபம் தீர்த்ததொ

5.ட்டி தீர்த்தகிணரு கலக்கெருடகம்பம் பொங்கமடப்பள்ளி தூங்க மஞ்சத்தொட்டி னகரு சுத்து மதள்யிதிலடங்கலான வெலை 

6. களையும் மெப்படி யிசமானி வெள்ளையம்மனவர் ளுத்தரவுப்பிரகாரத்துக்யிருந்து வேலைகளை முடித்து வைத்துக்

7. கொடையுபயம்...

கல்வெட்டில் கூறப்பட்டுள்ள செய்தி:-

செல்வ சென்றாய பெருமாள் கோவில்

சார்வரி வருடம் ஆவணி மாதம் 11ம் தேதி பெரிய நெகமம் கிராமத்தில் உள்ள காணியாளரான சேற் குல குமாரசாமி பிள்ளையின் மகனான பூமிநாத பிள்ளை என்பவர் நெகமம் பாளையக்காரர் முத்துவல்லக்கொண்டம தேவராயக்கருடைய அரசி வெள்ளையம்மாள் (வெள்ளயம்மன்) உத்தரவின் பேரில் சின்ன நெகமம் சென்றாயப்பெருமாள் கோவிலில் 

1, கொப்பகிரி மகாமண்டபம்

2, துளசி மண்டபம்

3, தீர்த்த தொட்டி

4, தீர்த்தக் கிணறு

5, கருடக்கம்பம் (கொடிமரம்)

6, பொங்க மடப்பள்ளி (பிரசாதக் கூடம்)

7, மஞ்சத்தொட்டி

8, நகர சுற்று மதில்கள்

9, அஷ்டகிரி கருங்கல்

நெகமம் அரசி வெள்ளையம்மாள்

ஆகியவைகளை சீர் செய்து நெகமம் ராணி வெள்ளையம்மாளின் உத்தரவின் பேரில் திருப்பணி செய்யப்பட்டது.

மந்தெச்சுலவாரு சமூக - சிறுக்குறிப்பு

 

மந்தெச்சுலு சமூகத்து கிஷ்டையாவின் பேட்டி:-

Role of Traditional Flok Media in Rural Areas , Pg : 64

மந்தெச்சுலு சமூகத்தை சேர்ந்த கிஷ்டையாவின் கருத்துப்படி, மந்தெச்சுல என்ற சொல் தெலுங்கு வார்த்தையான 'மந்த' என்பதிலிருந்து தோன்றியது, இதன் பொருளானது கால்நடை மந்தை மற்றும் மந்தையின் மீது அனைத்து அதிகாரங்களும் உடையவர்கள் என்பது பொருள். 

இச்சொல்லின் மற்றொரு பொருள் என்னவென்றால், இச்சமூகத்தின் வம்சாவளிகள் அனைவரும் யாதவ ராஜாவின் கால்நடை மந்தையில் பிறந்தார்கள் என்பதாகும், எனவே அவர்கள் மந்தச்சோல்லு என்று அழைக்கப்படுகிறார்கள். 

இவர்களை பொதுமக்கள் போடபோத்ரபோல்லு என்றும் அழைக்கிறார்கள். ஆனால் கிஷ்டையா தங்களை பொதுமக்கள் போடபோத்ரபோல்லு என்று அழைப்பது ஒரு பிழையான சொல் எனக்கூறுகிறார். ஆனால் மறுபுறம் தங்கள் சமூகம் மந்தச்சொல்லு என்னும் பெயரை விட போடபோத்ரபோல்லு என்ற பெயரில் தான் மிகவும் பிரபலமானவர்கள் என்பதை ஒப்புக்கொள்கிறார்.

அவர்கள் ஜங்கம் சமூகத்தின் (கானடி ஜங்கம்) மற்றும் தீருபாலு கோத்திரத்தை சேர்ந்தவர்கள் என்பது அவர்களுடைய பேட்டியில் தெரியவந்துள்ளது. ஆனால் கிஷ்டையா தங்களின் சாதி குறித்தான விவரங்களில் பல குழப்பங்கள் நிலவுவதாக கூறுகிறார். அவரைப் பொறுத்தவரை, மந்தெச்சுலவாருகள் கொல்ல (யாதவ்) சமூகத்தைச் சேர்ந்தவர்கள் மற்றும் இந்தச் சமூகத்தில் பன்னிரண்டு உட்பிரிவுகள் உள்ளன. அவை 

1, எர்ர கொல்ல

2, பாக்கநாட்டி கொல்ல

3, சதனம் கொல்ல

4, பூஜ கொல்ல

5, ஆ கொல்ல

6, முஷ்டி கொல்ல

7, குறும கொல்ல

8, கங்கெட்ல கொல்ல

9, கம்ப கொல்ல

10, கர்ண கொல்ல

11, கண்டல பிச்சகுண்ட்ல கொல்ல  

12, ஆல கொல்லா. 

ஆகிய உட்பிரிவுகளுள் இச்சமூகத்தினர் ஆல கொல்ல பிரிவைச் சேர்ந்தவர்கள், மேலும் மந்தெச்சுலவார்களுடைய மூதாதையர்களின் அரசர் எர்ர கொல்லவார் பிரிவைச் சேர்ந்த மன்னர் கட்டமராஜூ ஆவார். இந்த கொல்லவார் சமூகத்தின் பன்னிரண்டு பிரிவுகளுள் முன்னுரிமை வரிசையில் முதன்மையாக உள்ளவர்கள் எர்ர கொல்லவார்கள்.

குறிப்பு:-

* இந்த மந்தெச்சுலவாரு என்பவர்கள் கொல்லவார் (யாதவா) புராணங்கள், காட்டமராஜூ புராணம், ஸ்ரீகிருஷ்ண புராணம் ஆகியவைகளை பாடி நடிப்பதையே குலத்தொழிலாகக் கொண்டவர்கள். இவர்கள் கொல்லவார்களின் வீட்டின் முன் காட்டமராஜூவின் புராணத்தை தாளத்துடன் பாடி நடனமாடி பணம் அல்லது உணவுப்பண்டங்களை பெற்றுச்செல்வார்கள். இவர்கள் கொல்லவார் சமூகத்தை சார்ந்து வாழும் தாசரி வகை சமூகத்தவர்களாவர்.

* எர்ர கொல்லவார்களுடைய சாலிப் பாடலில் குறிப்பிடப்பட்டிருந்த சில தகவல்களை இந்த மந்தெச்சுலவார்களின் பேட்டி உறுதிப்படுத்துகின்றது.

(கொல்லவார் திருமண சாலிப்பாடல் இணைப்பு: https://gollanaicker.blogspot.com/2021/07/blog-post.html?m=1)  

கொல்லவார் திருமண சாலிப்பாடல் - 2

 

கரூர், எர்ர கொல்லவார் திருமண சாலிப்பாடல் 2:-

பாடலின் வகை:-  சாலிப் பாடல்

சேகரிக்கப்பட்ட ஊர் :-  கரூர் மாவட்டம்

பாடலின் மொழி:-  சமஸ்கிருதம், தமிழ், தெலுங்கு

பாடல் பாடப்படும் நிகழ்வு:-  

இராஜகம்பளத்து எர்ர கொல்லவார்களின் இல்லத் திருமணம்

பாடலின் வரிகள்:-

முதல் பக்கம்

இரண்டாம் பக்கம்

முதல் பக்கம்:-

கைதார வாழ்த்துப்பா!

தாய்தந்தை ஒன்றாகப்போய் தம்பிக்கு பெண் கேட்கும்போது, ஜக்கம்மா தேவியைக் கண்டேன்,சந்திர சூரியனைக் கண்டேன், முப்பத்தி முக்கோடி தேவாதி தேவர்களைக் கண்டேன். நெத்தியிலே பங்காரு பாரசம் மின்னக் கண்டேன், கையிலே கங்கணத்தைக் கண்டேன்.  கக்கத்தில் கட்டாரியைக் கண்டேன். வெற்றிவேல் வருவதைக் கண்டேன்.

பெத்திராஜூ கணிந்தி, கோபாலகிருஷ்ணடு கணிந்தி, ஆவுலு கணிந்தி காட்டம  ராஜூ கணிந்தி, கொல்ல ராஜூ கணிந்தி,  நல்ல ராஜூ  கணிந்தி, மனி கொல்ல தேவுடு கணிந்தி, மனி எச்சயினி கொல்ல எர்ர கொல்ல.

கொல்லராஜூ கொண்ட வல்லராஜூ ஆவாரம் பூவைக் கண்டேன். மாந்தோரணத்தைக் கண்டேன். சத்யலோகத்தைக் கண்டேன். பூமாதேவியைக் கண்டேன். ஆகாய வாணியைக் கண்டேன்.

சப்த கன்னிலு ராகம் கிஞ்சன்ட, பூலோக கன்னிலு போஜனம் எய்யன்ட், நித்ய கன்னிலு  சோபனம் பாடன்ட, மாதிகவோடு பூ கொடுகு பட்டன்ட.

இரண்டாம் பக்கம்:-

பட்டல, சேரல, கொட்டுலு, கொம்முலு, சீருலு, பங்காரு குண்டுலு, பாரசம் கம்மல, முத்துக்கள் மின்ன, கழுத்தில் தங்கசரங்களும் மின்ன, மார்பில் வைரம் வைடூரியம் மின்ன, இடுப்பில் ஒட்டியாணம் மின்ன காலுக்கு மிச்சுலு, சேத்திக்கி உங்கராலு, சங்கு சேவிண்டி சொக்கர மீனாட்சிக்கு சோபனம் பாடன்ட.

நித்திப் பூஜை, பச்சத் தோரணம், பன்னிரண்டு கம்பம் உண்டானதப்பா அத்தைப் பேச்சை நித்தம் கேளு, மாமன் பேச்சை மறுக்காம கேளு.

ஆக்குலு சித்துலு போக்க பலுமுலு, ராகுலான ராகு பூமி, குறுகலான குறுக பூமி,ராகு பூமி,ரக பூமி,அழுகு மழுகு துக்க செல்ல. பூமிலி உடிசி நவாப்பு தேசாலு உடிசி,டெல்லி பாதுசாவுலு தேசம் உடிசி, எச்சயினி கொல்ல கம்பளானிக்கி, ஐயா மேமு, அச்சுகொல்ல,பொக்சுகொல்ல, தோரகொல்ல, தொட்டகொல்ல, சந்திரகொல்ல, சூரியகொல்ல, எச்சயினி கொல்ல பெண்டிலி அட்ட சொப்பி ஒத்திமய்யா மேமு.

ஐயா மேமு, கல்லேரி தாட்டி, முள்ளேறி தாட்டி, அரவநாடு தாட்டி, கொறவநாடு தாட்டி, கொங்குநாடு தாட்டி, மேலோகம் கீலோகம் தாட்டி ஓத்தியாய மேமு, அல்ல ஒச்செ நவுடு,உரும சத்து இட்டிமய்யா ஏமட்ட விசாரிச்ச நவுடு,ஏர்ர கொல்ல கம்பளானிக்கி பெண்டிலட்ட சொப்பித்திரட்ட சூடாலட்ட ஒத்திமண்டய்யா,மீறு பச்சி பிய்யாலு,ஆக்குலு, போக்கல அன்னி இத்திரட்டே மேமு, பிறப்பு, வளர்ப்பு, ஆதிகண்ட எல்லா, நசி சொப்பிச்சேன்டய்யாமேமு பெத்தல ஆலிசிகன்டய்யா மீரு...

பாடலின் விளக்கம்:-

தாய் தந்தை ஒன்றாகப்போய் தம்பிக்கு பெண் கேட்கும்போது, ஜக்கம்மா தேவியைக் கண்டேன், சூரிய சந்திரர்களை கண்டேன், முப்பத்தி முக்கோடி தேவாதி தேவர்களைக் கண்டேன். நெத்தியிலே தங்க பாரசம் மின்னக் கண்டேன், கையிலே கங்கணத்தைக் கண்டேன்.  கக்கத்தில் கட்டாரியைக் கண்டேன். வெற்றிவேல் வருவதைக் கண்டேன்.

பெத்திராஜூ கணிந்தி, கோபாலகிருஷ்ணனை கணிந்தி, ஆவுலு கணிந்தி காட்டமராஜூ கணிந்தி, கொல்ல ராஜூ கணிந்தி,  நல்ல ராஜூ  கணிந்தி, நம் கொல்ல தேவன் கணிந்தி, நம் எச்சாயினி கொல்ல எர்ர கொல்ல.

கொல்லராஜூ, மாமலை வல்லராஜூ ஆவாரம் பூவைக் கண்டேன். மாந்தோரணத்தைக் கண்டேன். சத்யலோகத்தைக் கண்டேன். பூமாதேவியைக் கண்டேன். ஆகாய வாணியைக் கண்டேன்.

சப்த கன்னிகள் ராகம் இசைக்க, பூலோக கன்னிகள் விருந்துகள் பரிமாற, நித்திய கன்னிகள்  சோபனம் பாட, மாதிகவார் பூக் குடை பிடிக்க.

உடைகள், சேலைகள், கொட்டுகள், கொம்முலு, சீர்கள், தங்க குண்டுலு, பாரசம் கம்மல்கள், முத்துக்கள் மின்ன, கழுத்தில் தங்கசரங்களும் மின்ன, மார்பில் வைரம் வைடூரியம் மின்ன, இடுப்பில் ஒட்டியாணம் மின்ன காலுக்கு கொலுசு, கைகளில் மோதிரங்கள், சங்கு முழங்க சொக்கநாதர், மீனாட்சிக்கு சோபன கீதம் பாடுங்கள்.

நித்திய பூஜை, பச்சைத் தோரணம், பன்னிரண்டு கம்பம் உண்டானதப்பா அத்தைப் பேச்சை நித்தம் கேளு, மாமன் பேச்சை மறுக்காம கேளு.

ஆக்குலு சித்துலு போக்க பலுமுலு, ராகுலான ராகு பூமி, குறுகலான குறுக பூமி,ராகு பூமி,ரக பூமி,அழுகு மழுகு துக்க செல்ல. நாடுகளை விட்டு நவாப்பின் தேசங்களை விட்டு,டெல்லி பாதுஷாக்களின் தேசங்களை விட்டு, மேன்மையான கொல்ல கம்பளத்துக்கு, ஐயா நாங்கள்,

* அச்சு கொல்ல,

* பொக்சு கொல்ல, 

* தோர கொல்ல, 

* தொட்ட கொல்ல, 

* சந்திர கொல்ல, 

* சூரிய கொல்ல, 

எச்சயினி கொல்லவாருக்கு திருமணம் எனக் கூறி வந்தோமைய்யா.

ஐயா நங்கள், கல்லேரி தாண்டி, முள்ளேறி தாண்டி, அரவநாட்டை தாண்டி, கொறவநாட்டை தாண்டி, கொங்குநாட்டை தாண்டி, மேல்லோகம் கீழ்லோகம் தாண்டி வந்தோமைய்யா நாங்கள், அவ்வாறு வரும் பொழுது, உருமி சத்தம் கேட்டோமைய்யா என்ன என்று விசாரித்த பொழுது, ஏர்ர கொல்ல கம்பளத்திற்கு திருமணம் எனக் கூறியதாலே காணலாம் என வந்தோம்மையா,நீங்கள் பச்சரிசி, இலைகள், போக்கல அகிய அனைத்தும் கொடுத்தீர்கள் என்றால் நாங்கள், பிறப்பு, வளர்ப்பு, ஆதிகண்ட எல்லா, நசி சொப்பிச்சேன்டய்யா மேமு பெத்தல ஆலிசிகன்டய்யா நீங்கள்....

பாகம் 1:-

* கொல்லவார் திருமண சாலிப்பாடல்

ஆனைமலை பாளையக்காரர்கள் - Francis Hamilton Buchanan

 

ஆனைமலை பாளையக்காரர்களை பற்றி புக்கணான்:-

பிரான்சிஸ் ஹேமில்டன் புக்கணான்

ஆனைமலை பாளையக்காரர்கள் எண்ணிக்கை பன்னிரெண்டு. அவர்களில் கோபண கவுண்டர் (புரவிபாளையம் பாளையக்காரர்) என்று அழைக்கப்படும் ஒருவரிடம் இருந்து என் தகவல் எடுக்கப்பட்டது. அவர் கூறுகிறார், ஆறு தலைமுறைகளுக்கு முன்பு அவர்கள் மதுரையின் ராஜாவான திருமலை நாயக்கரால் நாட்டிற்கு அனுப்பப்பட்டனர். அவர்களில் பலர் தெலுங்கை பூர்வீகமாகக் கொண்டவர்கள், ஆனால் யாரும் மதுரை குடும்பத்தைச் சேர்ந்தவர்கள் அல்ல. அவர்கள் ஒவ்வொருவரும் வருடாந்திர வரித்தொகைகளை செலுத்தினர், மேலும், அவரவரது பாளையத்தின் அளவிற்கு ஏற்ப, குறிப்பிட்ட எண்ணிக்கையிலான கண்டஷாரர்கள் (போராளிகள்) அல்லது காலாட்படை வீரர்களைத் தக்கவைத்துக் கொள்ள வேண்டியிருந்தது. அழைக்கப்பட்ட போதெல்லாம், பளையக்காரர்கள் இந்த காலாட்படையினருடன் களத்தில் பணியாற்ற வேண்டும்; ஆனால் பின்னர் இதற்கு உபகாரமாக அவர்கள் ராஜாவிடமிருந்து பட்டா அல்லது வாழ்வாதாரத்திற்கான பணம் பெற்றனர். ஒவ்வொரு கண்டஷாரரும் ஒரு சிறிய பண்ணை வைத்திருந்தார், அதில் அவர் அல்லது அவரது குடும்பத்தினர்களை பராமரிப்பதற்கும் மற்றும் சுய உணவு, உடை போன்ற தேவைகளை பூர்த்தி செய்துக்கொள்ளவும் பயிரிட்டனர். 

Journey from Madras through Mysore, Canara and Malabar, pg - 327

ஒவ்வொரு கிராமத்தின் தலைமை கண்டஷாரரும் ஒரு பெரிய பண்ணையை வைத்திருந்தார், மேலும் பாளையக்காரரின் கீழ் அவர் படைத்தலைவராகவும் செயல்பட்டார்; இதுபோக தனது பண்ணையின் லாபத்தில் இருந்து அவர் தனது படைகளுக்கான ஆயுதங்களை வழங்க வேண்டிய கட்டாயம் ஏற்பட்டது. ஒவ்வொரு பாளையங்களிலும் சில கிராமங்கள் இவ்வாறு கண்டஷாரர்களிடையே பிரிக்கப்பட்டன; மற்றவைகள் வாடகைக்கு விடப்பட்டன, அதில் கிடைக்கும் தொகையில் மூலம் பாளையக்காரர் தனது குடும்பத்தையும் பராமரித்து, மன்னருக்கு செலுத்தவேண்டிய வரிகளையும் செலுத்தினார்.

Journey from Madras through Mysore,
Canara and Malabar, pg - 328

அனைத்து வகையான அதிகார வரம்பு, உரிமையியல் மற்றும் இராணுவ அதிகாரங்களுடன் தனது சொந்த பாளையத்திற்குள் உயிர்பிக்கும் மற்றும் அழிக்கும் சக்தியினை பாளையக்காரர் கொண்டிருந்தார்.

ஆனைமலையின் பன்னிரண்டு பாளையக்காரர்களில், 

ஐந்து பேர் தெலுங்கு இனமான வேக்கிளியர் குலத்தைச் சேர்ந்தவர்கள்;

1, நெகமம்

2, துங்காவி

3, ஆவலப்பன்பட்டி

4, சோத்தம்பட்டி

5, மெட்ராத்தி

நான்கு பேர் தமிழ் இனமான வேளாளர் சமூகத்தை இனத்தை சார்ந்தவர்கள்;

1, சமத்தூர்

2, ஊத்துக்குளி

3, கொட்டாம்பட்டி

4, மைவாடி

ஒருவர் கொல்லர் தொட்டியர் குலத்தவர், அதே தெலுங்கு இனத்தை சார்ந்தவர்;

1, ராமபட்டிணம்

மற்றொருவர் புலுவர் குலத்தவர், இவர் மலையாளி இனத்தை சார்ந்தவர்;

1, புரவிபாளையம்

 

மற்றும் பன்னிரண்டாவது விருப்பாச்சி குடும்பத்தைச் சேர்ந்தவர், (வல்லக்கவார்)

1, விருப்பாட்சி

அதன் தலைவர் தற்போது ஒரு வகையான கிளர்ச்சியில் ஈடுபட்டிருக்கிறார். 

கோபண கவுண்டரின் பாளையத்தில் 60 கிராமங்கள், 1000 கண்டஷாரர்களை (போராளிகள்) பராமரித்தார், மேலும் 40,000 வீரராய பணம்  அல்லது 9,511.7 பணத்தில் இரண்டே முக்கால் பங்கு வரியாக செலுத்தப்பட்டது. ஹைதர் அலியின் அரசாங்கம், தனது இராணுவத்தை புரவிபாளையம் பகுதியில் இருந்து முற்றிலுமாக நீக்கும் வரை, இந்நிலை தொடர்ந்தது. கோபண கவுண்டருக்கு கொடுக்கப்பட்ட இனாம் ஆறு கிராமங்கள் அல்லது அவரது பாளையத்தின் பத்தில் ஒரு பங்கு. இந்த இனாம் நிலப்பரப்பில் அவர் முன்பு தனது பாளையத்தின் மீது வைத்திருந்த முழு அதிகார வரம்பையும் தக்க வைத்துக் கொண்டார்; ஏனெனில், கிழக்கிந்திய கம்பெனி அரசாங்கத்தின் ஆட்சியில், குறுநில அதிகாரிகள் அல்லது நிலம் வைத்திருப்பவர்களின் வாழ்க்கை மற்றும் சொத்துக்கள் ஆகியன அவரவர்களின் விருப்பத்திற்கு உடனடியாக ஒப்படைக்கப்படுகின்றன. திப்பு சுல்தானின் ஆதிக்கத்தின் கீழ், கோயம்புத்தூரின் அசோப் அல்லது ஆயுதப்படை அதிகாரியான காதர் அலி கான், பாளையக்காரர்களை ஹைதர் அலி ஆண்டுக்கொள்ள அனுமதித்த நிலங்களுக்கு வரி செலுத்தும்படி கட்டாயப்படுத்தினார், மேலும் அவர் தனது அதிராங்களை உபயோகித்து பாளையக்காரர்களின் ஆயுதங்களை பறித்த காரணத்தினால் அவர்கள் முற்றிலும் நிராயுதபாணிகளாக்கப்பட்டனர்; ஆனால் அவர்கள் உரிமையியல் மற்றும் குற்றவியல் அதிகார வரம்புகளை தங்கள் வசம் தக்கவைத்துக் கொள்ள அனுமதிக்கப்பட்டனர். 

திப்பு சுல்தான்

பத்து ஆண்டுகளுக்கு முன்பு, திப்பு சுல்தான் இவர்களை இஸ்லாமியர்களாக ஆக்க, முயல்வதன் மூலம், பாளையங்களை கைப்பற்ற முயன்றார்; ஆனால் இவர்கள் கொச்சி ராஜாவின் ராஜ்ஜியத்திற்கு தப்பிச் சென்று, ஸ்ரீரங்கப்பட்டிணம் அரசு வீழும் வரை அங்கேயே தொடர்ந்தனர்.

ஹைதர் அலி இவர்களுக்கு இனாமாக விட்டுச்சென்ற நிலங்கள் தற்போது வரி செலுத்துவதற்காக மீட்கப்பட்டுள்ளன, இந்நிலங்கள் திப்பு சுல்தானுடைய ஆட்சியின் தொடக்கத்தில் நான்கில் மூன்று பங்காக இருந்தது; மேலும் தற்போது இவர்களின் அதிகார வரம்பு தாசில்தார்களை போலவே உள்ளது, தவிர அவர்கள் நிலங்களை உபயோகிக்கும் விதத்தில் அரசாங்கம் தலையிடாது. உண்மையில், இவர்கள் தற்போது கிட்டத்தட்ட வங்காளத்தின் ஜமீன்தார்களுடைய நிலையில் தான் உள்ளனர், காவல்துறை விஷயங்களில் அவர்களுக்கு ஒரு சிறிய அதிகாரம் மட்டுமே உள்ளது, மற்றும் வரையறுக்கப்பட்ட உரிமையியல் அதிகார வரம்பும் கொடுக்கப்பட்டுள்ளது மற்றும் அவர்களின் வரிகளும் மிகவும் மிதமானவைகளாகவே உள்ளது. 

Journey from Madras through Mysore, Canara and Malabar, pg - 329

கோபண கவுண்டர் குற்றம் சாட்டுகிறார், அவர் தனது வசூலில் நான்கில் மூன்று பங்கை செலுத்துகிறார்; ஆனால் திரு. ஹர்டிஸ் அவர்கள் கோபண மன்றாடியாரின் லாபத்தை 40 சதவீதமாக மதிப்பிடுகிறார். முன்பு, நாட்டில் குழப்பங்கள் நிலவிய போது, ​​இந்த தலைவர்களின் பாளையங்களில், பெரிய பிரச்சனைகள் இல்லாத காரணத்தினால் அணுக முடியாத நிலையில், துன்பத்தில் இருப்பவர்களுக்கு புகலிடமாக இப்பாளையங்கள் திகழ்ந்தன; ஆனால் கம்பெனி அரசாங்கம் அப்புறப்படுத்தப்பட்ட நபர்களுக்கும் முழுமையான பாதுகாப்பு அளித்துள்ளதால், இங்கு தங்கியிருந்த பெரும்பாலான மக்கள் தங்களது முன்னாள் குடியிருப்பு இடங்களுக்கே மீண்டும் திரும்பினர்; அந்த கணக்கில் பாளையக்காரர்களின் ஜமீன்களில் தற்போது குறைந்த எண்ணிக்கையிலான மக்களே வசிக்கின்றனர். ஆயுததாரிகளின் உதவியின்றி பாளையக்காரர்கள் தங்களது வரிகளை வசூலிக்கின்றனர். கண்டஷாரர்கள் தாசில்தார்களாக அதிகாரம் செலுத்த அனுமதிக்கப்படுகின்றனர்; ஆனால் அவர்கள் வருவாயைச் சேகரிப்பதை விட, காவல்துறை அதிகாரிகளாகவே பாளையக்காரர்களுக்கு சேவை செய்கிறார்கள்.

குறிப்பு:-

மேற்கண்ட விவரங்களை பிரான்சிஸ் புக்கணான் 1807ஆம் ஆண்டு தான் எழுதிய Journey From Madras Through the Countries of Mysore, Canara and Malabar என்னும் பயணக்குறிப்பு நூலில் விவரித்துள்ளார்.