கோல்கொண்டா பட்டயம் - கொல்லவாருகளின் சமய பீடங்கள்

 

கொல்லகொண்டா (கோல்கொண்டா) பட்டயம்:-

G.கிருஷ்ணா - 

சிருங்கேரி சாரதா பீடம்

கோலுகொண்டாவின் முகமதுநகர் கிளா (கோட்டை) சுபாவில் உள்ள ஹவேலி பாகா நகரத்தின் ஒரு பகுதியாக உள்ள ரெபல்லேவாடா கிராமத்தைச் சேர்ந்த தானுகாரு கொண்டையாவிற்கு சாதகமாக மன்னர் அப்துல்லா குதுப் ஷா அவர்களால் வெளியிட்ட பட்டயத்தின் ஆங்கில மொழிபெயர்ப்பு பின்வருமாறு. 

இந்த பட்டயம் கி.பி.1941 இல் அறிஞரும் - வரலாற்றாசிரியருமான சுரவரம் பிரதாப ரெட்டியால் பாதுகாக்கப்பட்டது மற்றும் ஜனவரி 9, 1941 அன்று அவரது "கோல்கொண்டபத்ரிகா" என்னும் செய்தித்தாளில் வெளியிடப்பட்டது.

The Andhra Pradesh Journal of Archaeology, Vol -1

கோல்கொண்டா கோட்டையில் இருந்து சுமார் இரண்டு மைல் தொலைவில் உள்ள தர்காவில் வசிக்கும் முத்தமு மல்லையா என்பவரிடமிருந்து இப்பட்டயத்தை தான் கண்டுபிடித்ததாக பிரதாப ரெட்டி அவர்கள் எழுதியுள்ளார். அந்த மசூதி இன்றும் தர்கா என்று அழைக்கப்படுகிறது, மேலும் அவ்விடம் தற்போது நகர பேருந்துகளின் சேவையால் இணைக்கப்பட்டுள்ளது.

பிரதாப ரெட்டியின் கூற்றுப்படி பட்டயம் தெலுங்கு மற்றும் பாரசீக மொழிகளில் எழுதப்பட்டுள்ளது.

பிரதாப ரெட்டியின் வாழ்க்கை மற்றும் பணி குறித்த தனது ஆய்வறிக்கையை தயாரிப்பதற்காக இந்துர்த்தி பிரபாகர ராவ் என்பவர் ஆய்வு செய்து கொண்டிருந்ததைக் கண்டபோது, ​​சமீபத்தில் நான் அவரை அழைத்துப் பேசினேன். பிரதாப ரெட்டியின் எழுத்துக்களில் இருந்து இப்பட்டயத்தை நகலெடுக்க எனக்கு அவர் போதுமானவரை உதவிப்புரிந்தார். 

அறிஞர் - வரலாற்றாசிரியரின் கூற்றுப்படி, முத்தமு கொண்டையா அவரிடம் தனது முன்னோர்கள் "கொண்டா" என்ற குடும்பப்பெயரையும், குடும்பத்தின் கோத்திரமாக "அங்கில்ல" கோத்திரத்தையும் கொண்டிருந்ததாகக் கூறினார். "தானுகாரு" என்றால் ஆடு மேய்ப்பவர் அல்லது பால்காரர் என்று பொருள்.

தானுகாரு கொண்டையாவை தேஷ்முக், தேஷ்பாண்டியா, குல்கர்னி மற்றும் ஒரு உன்னதமானவர் என்று பட்டயத்தில் குறிப்பிடுகிறார்கள்.

Journal of Archaeology of Andhra Pradesh, Vol -1
பக்கம் - 151

பட்டயம் இவ்வாறு கூறுகிறது:

சுல்தான் அப்துல்லா-குதுப்-ஷா, ஔரங்காபாத்தைச் சேர்ந்த சையத்-ஷா-முஸ்தபா-சாஹிப்பிடம் குல்பர்காவில் உள்ள முகாமில், தனது முன்னோர்கள் ஹிஜ்ரி 964ஆம் ஆண்டில், பாகாநகரம் என்ற நகரத்தை உருவாக்க வீணாக முயற்சித்தார்கள் என்று கூறினார். சீசகம்மகுட்டலுவில் (தற்போதைய ஹக்கிம்பேட்டைக்கு அருகில் உள்ள மலைகள்) அஸ்திவாரங்களுக்கு புளகம் (அரிசி, பச்சைப்பயறு கொண்டு சமைக்கப்பட்டது) வழங்கப்பட்டது.

இங்குதான் ஔரங்கசீப் கோல்கொண்டாவை ஆக்கிரமிக்க தனது படைகளுடன் முகாமிட்டார், ஆனால் அந்த முயற்சி பலனளிக்கவில்லை. மீண்டும் ஒருமுறை சுல்தானான அப்துல்லா 1086 இல் பாகாநகரம் நிர்மாணிக்க மற்றொரு முயற்சியை மேற்கொண்டார், அதுவும் தோல்வியில் முடிந்தது.

இத்தருவாயில், தானுகாரு கொண்டையாவின் முன்னோர்கள் மகாராஜா பிரதாபருத்ர தேவரை திருப்திப்படுத்துவதற்காக வாரங்கல் கோட்டையை கட்டியதையும், அவர்களின் பணித்திறன் பற்றியும் அரசிரிடம் கூறப்பட்டது. 

Journal of Archaeology of Andhra Pradesh, Vol -1
பக்கம் - 152

கொண்டையாவின் முன்னோர்களில் வேறு சில தலைமுறையினர் போனகிரி கோட்டையைக் கட்டினார்கள். அக்காலக்கட்டங்களில் வாழ்ந்த மன்னர்கள் கொடுத்த பட்டயங்களும் கொண்டையாவிடமே இருந்தன.

அங்கில்ல கோத்திரம் மற்றும் சூரிய வம்சத்தை சேர்ந்தவர் கொண்டையா. மேலும், இவர் பசவேஸ்வரரின் சீடரும் ஆவார், (தானுகாரு) கட்டிடவடிவமைப்பாளர் வம்சாவளியைச் சேர்ந்தவர். இவர் ரெபல்லேவாடாவில் (இப்போது இவ்விடம் முழுவதும் ஒரு பாறை வனாந்தரமாக உள்ளது, கோல்கொண்டா கோட்டைக்கு வடக்கே மூன்று மைல் தொலைவில் உள்ளது) நாகஜெர்ரி என்னும் ஒரு சிறிய ஓடைக்கு  அருகில் வாழ்ந்துவந்தார். அதன் பூர்வ பெயர் நாகஜாரி அல்லது நாக நதியாக இருக்க வேண்டும்.

மன்னர் அப்துல்லா இந்த தானுகாரு கொண்டையாவை அழைத்து வந்து அவரை நோக்கி வணங்கியவாறு, "நாங்கள் அஸ்திவாரத்திற்கு புளகம் கொடுத்தோம், ஆனால் எங்கள் முயற்சி தோல்வியடைந்தது ஏன் ?. உங்கள் முன்னோர்கள் போனகிரியையும், வாராங்கல்லையும் கட்டினார்கள். எனவே, நான் நிர்மானிக்கவிருக்கும் பாகா நகரத்தின் கட்டுமானத்தையும் நீங்களே மேற்கொள்ள வேண்டும். இத்தகைய செயலை செய்துமுடிக்க உங்களைத்தவிர வேறு எந்த நகர வடிவமைப்பாளராலும் செய்துவிடமுடியாது."

மன்னர் கேட்டுக்கொண்டதன் பேரில் கொண்டையாவும் நகரைக் கட்ட ஒப்புக்கொண்டார். பணியை மேற்கொள்வதற்கு தயாராவதற்கான பொருளாதாரத்தை அவரிடம் கேட்கும் முன்பே, சாது கோகுல்தாஸின் கிணற்றில் உள்ள தங்க சிலை (பங்காரு புடிலீ) புதிய நகரத்தை நிலைநிறுத்துவதற்கு செல்வத்தின் ஆதாரமாக இருக்கும் என்பதை கொண்டையா சுட்டிக்காட்டினார்.

இந்த கோகுலதாசுக்கு கொண்டையா தினமும் பால் வினியோகம் செய்வார். ஒரு நாள் கொண்டையா சாதுவிடம் பாலுடன் வந்தபோது, ​​ஒரு பெரிய பாத்திரத்தில் கொதிக்கும் எண்ணெயில் சாதுவைக் கண்டார். கொண்டையாவை கண்ட சாது எண்ணெய் பாத்திரத்தை சுற்றி வரச் சொன்னார்.

அப்போது திடீரென அந்த சாது அவரை தூக்கி கொதிக்கும் எண்ணெயில் வீச முயன்றார். ஆனால் கொண்டையா அதை எதிர்த்து நின்று அந்த சாதுவையே கொதிக்கும் எண்ணெயில் வீசினார். கொண்டையா அதிசயித்து ஆச்சரியப்படும் வகையில், சாதுக்கள் மறைந்து அந்த பாத்திரத்தில் ஒரு தங்க சிலை கிடைத்தது. பின்னர் கொண்டையா, மன்னர் இப்ராகிமுக்கு அச்சிலையை வழங்கினார். சிலையின் ஒரு அங்கம் உடைந்திருந்தாலும், மறுநாளே அந்தச் சிலை சாதுர்யமாக கண்டெடுக்கப்பட்டது.

கர வருட (1087 ஹிஜ்ரி), வெள்ளிக்கிழமை பத்ரபத மாதம் சுத்த பஞ்சமி நாள், இரவில் பதிமூன்று காதிகள் அளவிலான புளகம் மீண்டும் அஸ்திவாரங்களுக்கு அர்ப்பணிக்கப்பட்டது, பின்னர் முழுமையாக கோட்டையும் கட்டப்பட்டது. 

கொண்டையா காட்டிக்கொடுத்த செல்வத்தின் உதவியுடன், சுல்தானின் கோட்டை முழுமையாகக் கட்டப்பட்டது.

கோட்டை கட்டப்பட்ட பிறகு, சுல்தான் அப்துல்லா-குத்ப்-ஷா தனது ராஜகுருவிடம், "இந்த தானுகாரு கொண்டையா" தேவகல்யாணத்திலிருந்து வந்து, தான் தங்குவதற்காக இங்கு ரெபல்லேவாடாவைக் கட்டியுள்ளார். அவர் மர்ரிமாதா எல்லம்மா என்ற தெய்வத்திற்கான கோவிலையும் நிறுவினார். இந்த ஆலயம் இன்றும் உயிர்ப்புடன் உள்ளது இக்கோவில் நாகஜெர்ரியின் மேற்குக் கரையில் இருந்து நூறு கெஜம் தொலைவில் அமைந்துள்ளது. 

ஒரு பாறாங்கல்லில் காவி நிறக்கோடுகளை வரைந்து வர்ணம் பூசப்பட்டுள்ளது, அது தெய்வத்தைக் குறிக்கும், தற்போது சிலர் அங்கு ஒரு சிறிய அமைப்பில் ஒரு கோவிலை பிரதிபலிக்கும் கட்டிடத்தை கட்டிவைத்துள்ளனர்.

நாகஜெர்ரி பகுதியானது இப்போது மாட்டு மந்தைகள் சூழ்ந்த இடமாக உள்ளது. இதில் கவனிக்க வேண்டிய மற்றொரு விஷயம் என்னவென்றால், எல்லம்மாவின் சன்னதி எப்போதும் ஒரு ஆலமரத்திற்கு அருகே எழுப்பப்படுகிறது. சில இடங்களில் சில மரங்களுக்கு தெய்வீகத்தன்மையுடையதாகக் கூறி அங்கு மல்லண்ணா பெயரில் மடம் எழுப்புவதும் காலங்காலமாக இருந்துவரும் மரபாக உள்ளது.

Journal of Archaeology of Andhra Pradesh, Vol -1
பக்கம் - 153

இது சிறிய மற்றும் பழைய மசூதிக்கும், மயானத்திற்கும் அருகில் உள்ள நாகஜாரியிலிருந்து சிறுது தொலைவில் அமைந்துள்ள இடமாக அடையாளம் காணப்பட்டுள்ளது. அவ்விடத்தில் அவர் தனது யாதவ மடத்துடன் இருக்கிறார். மேலும், அங்கு அவர் கட்டளையிட்டால் அனைத்து செல்வாக்குடனும் தனது விவகாரங்களை நடத்தக்கொள்ள முடியும் . ஆனால், இவர் இவ்வளவு பெரிய செல்வாக்குடைய மனிதர் என்பதை நாம் இத்தனை நாட்களாக உணரவில்லை.

நாங்கள் விசாரித்தபோது, ​​​​அவர் தனது திறமையையும் தனது சக்திகளையும் காட்டினார். தங்கச் சிலையையும், செல்வத்தின் மூலத்தையும் நமக்குக் காட்டியிருந்தார். அவர் செல்வத்தின் தெய்வமான லக்ஷ்மி தேவியின் செல்லப்பிள்ளை. அதன் காரணமாகவே அவரால் நமது ஆசைகளை நிறைவேற்ற முடிந்தது. அவரால் நமது சிம்மாசனம் பாதுகாப்பாக உள்ளது. எனவே அவருக்கு என்ன தேவை என்பதை தயவுசெய்து அவரிடம் கேட்டறிந்து தெரிவிக்கவும் எனக்கூறினார். சுல்தானின் ராஜகுருவான, சையத் ஷா முஸ்தபா, கொண்டையாவிடம், "உங்கள் விருப்பத்தை உங்களிடமிருந்து தெரிந்து கொள்ளும்படி சுல்தான் என்னிடம் கூறினார், நீங்கள் வயதானவர், பெரியவர். நீங்கள் என்ன வேண்டுமானாலும் கேட்கலாம்" எனக்கூறினார்.

அதற்கு கொண்டையா, "கொல்லவாருகளின் பன்னிரண்டு துணைப்பிரிவுகளுக்கும் மற்றும் குறும கொல்லவாருகளின் இரண்டு துணைப்பிரிவுகளுக்கும் நான் குருவானவன்". 

நான் யாதவ பீடத்தின் தலைமை அதிகாரி. 

தற்காலத்தில் மனுகல்லு என்று பெயர் மாற்றப்பட்ட இவ்விடம் என்றென்றும் "கொல்லகொண்டா" என்று அழைக்கப்படவேண்டும்.

"கொல்லகொண்டா என்றே அழைக்கவும்".

1465-ம் ஆண்டு பிரதாபருத்ர மகாராஜா என் முன்னோர்களுக்கு வழங்கிய பட்டயத்தை புதுப்பிக்க வேண்டும்.

கொல்லவாரோ அல்லது குறுப கொல்லவாரோ எக்காரணம் கொண்டும் கொல்லப்படக்கூடாது. மீறி கொல்லப்பட்டால் சுல்தானின் சிம்மாசனம் அழிந்துவிடும். செல்வத்தின் தெய்வம் உடனே அகன்றுவிடுவாள். 

அதோடு கோட்டைப் பகுதிக்குள் எல்லம்மா சன்னதியும், கோட்டைப் பகுதிக்குள் அல்லாமல் வெளிப்புறத்தில் மல்லண்ணா மடமும் உள்ளது. இவைகள் அளவீடு செய்யப்பட்ட நிலங்கள், எங்கள் ஆக்கிரமிப்பில் இருந்த பகுதி, ஆட்சியாளரின் உத்தரவின் பேரில் இந்நிலங்கள் எங்கள் வசமே ஒப்படைக்கப்பட வேண்டும்.

பிரதாபருத்ர மகாராஜாவால் வழங்கப்பட்ட விருதுகளை, இங்கு வெளியே முகமதிய அரசர்களிடம் பணியாற்றுபவர்களும், யாதவ பீடத்தைப் பின்பற்றுபவர்களும், கடவுள், பிராமணர்கள் மற்றும் 110 மன்னர்கள் மீது விசுவாசமும் பக்தியும் கொண்டவர்களுமான நாங்கள், அவ்விருதுகளை தாங்க முழுமையான அதிகாரம் பெற்றிருக்க வேண்டும். 

எங்களுக்கு வழங்கப்பட்ட கீழ்கண்ட பிருதுகளை அனுபவிக்க அதிகாரத்தை வழங்க வேண்டும்.

* அம்பாரி (யானை மீது அமர பயன்படும் ஆசனம்), 

* சந்திராயுதம் (சந்திரன் வடிவ கை), 

* மகர தோரணம் (முதலை சின்னங்கள் கொண்ட ஆபரணம்), 

* பகதி திவிதீலு (பகல் நேர தீபங்கள்), 

* நெமலி பிஞ்சாலு (மயில் இறகுகள்), 

* புஜ கீர்த்துலு (தோள் பட்டைதில் அணியில் கவசம்), 

* கிரீடாலு (கிரீடங்கள்), 

* பூச்சக்ர கொடுகுலு (ஒரு பெரிய அலங்கார குடைகள்), 

* ஆப்தாகிரி (சூரிய ஒளியில் இருந்து நிழல் தரும் குடைகள்), 

* பாலீகா (பல்லக்குகள்), 

* நகாரா (மேளம்), 

* நாகுபோது (நௌபாத்), 

* ஹனுமந்து நிஷானி (அனுமன் சின்னம் கொண்ட கொடி) , 

* எணுகுமார தமகா (யானை மீது வைக்கப்படும் மேளம்), 

* ஒண்டே மீடா தம்கா (ஒட்டகத்தின் மீது ஏற்றப்படக்கூடய மேளம்), 

* ரணபேரிக்கை (போரின் போது ஒலித்த மேளம்), 

* சிம்மமூதி கடியாலு (சிங்கத்தலைகள் கொண்ட வளையல்கள்), 

* மகர குண்டனாலு (முதலை சின்னங்களுடன்  கூடிய காது வளையங்கள்), 

* சிம்ம தலாதமுலு (சிங்கத்தலைகளை பதக்கங்களாகக் கொண்ட கணுக்கால்கள்),

* கருட படிகலு (பருந்து உருவங்கள் கொண்ட தலை ஆபரணங்கள்),

* ஹனுமந்த சக்ரமுலு (அனுமனின் சின்னங்களைக் கொண்ட சக்கரங்கள்),

* அல்லா பத்மமுலு (இஸ்லாமிய சின்னங்கள்), சங்ககாலு (சங்குகள்), 

* வீராணமுலு (வீரர்களின் சின்னங்கள்),

* ஸ்ரீராம கொனிதாலு ( ஜனகான் தாலுக்கா கொமரவெல்லியில் உள்ள ஸ்ரீ ராமர் கோவிலில் காணப்படும் ஆபரணங்களை ஒத்தது),

* பசவச்சக்கர கொடுகுலு (பசவாவின் சக்கர சின்னங்கள் கொண்ட குடைகள்)  

உட்பட அனைத்து பிருதுகளும், உபகரணங்களும். 

Journal of Archaeology of Andhra Pradesh, Vol -1
பக்கம் - 154

யாதவ பீடம் 5007ஆம் ஆண்டு அக்ஷய வருடம் மற்றும் 195585002 மகாராஜா பிரதாபருத்ர தேவர் தனது ஐம்பத்தாறு ராஜ்ஜியங்களுக்கும் கட்டளையிட்ட ஆண்டை ஒட்டி நிறுவப்பட்டது. 

இந்த உத்தரவின்படி... மரிமாதா, ரெபல்லேவாடாவில் உள்ள மசூதி, மல்லண்ணா மடம் ஆகியவை பராமரிக்கப்பட வேண்டும். ஒதுகுல் (தூபம் போடுதலுக்குரிய உபகாரங்கள்) மற்றும் சிராக் (ஆலய விளக்கு) ஆகியவற்றின் பராமரிப்பு மற்றும் பழுதுபார்ப்புகளை கண்டிப்பாக கவனிக்க வேண்டும். எல்லம்மா சன்னதிக்கும் மல்லண்ண மடத்துக்கும் இடையே உள்ள அளவீடு செய்யப்பட்ட நிலம், கொம்மாவரத்தில் (மேடக் மாவட்டத்தில் உள்ள கொம்மாரம் அல்லது கொமாவரம்) ராமசுவாமிகுட்டாவில் (ஒரு குன்று) வழங்கப்பட்ட 305 பிகாஸ் (219 ஏக்கர்) நில அளவைத் தொடர வேண்டும். மல்லண்ணா மற்றும் பீரண்ணா ஆகிய தெய்வங்களுக்கு தோகப்பட்டி மற்றும் சராயித்தட்டி ஆகிய ஊர்களில் நடைபெறும் ஜாதராக்கள் (திருநாள் அல்லது உற்சவங்கள்) தொடர வேண்டும். இந்த ஜாதராக்களை நடத்துவதற்கு ஆண்டுதோறும் தொகை வசூலிக்க கொண்டையாவை அனுமதிக்க வேண்டும். இந்தப் பணிகளில் அரசு தலையிடக்கூடாது. அரசாங்கம் எப்போதும் ஒதுகுல் மற்றும் சிராக் ஆகியவைகளை பராமரிக்க வேண்டும்.

பிரதாபருத்ரா மகாராஜாவால் எங்களுக்கு வழங்கப்பட்ட அனைத்து வசதிகளும், உரிமைகளும் கடைபிடிக்கப்பட வேண்டும், மேலும் அனைத்து உத்தரவுகளும் விரைவான முறையில் அனைத்து இடங்களுக்கும் சென்று தெரிவிக்கப்பட வேண்டும்.

கோல்கொண்டாவை யார் ஆட்சி செய்தாலும், அவர் ஒவ்வொரு ஆண்டும் தமது வாரிசுகளின் ஆசியைப் பெற வேண்டும். எந்த பாதுஷாவும் அவ்வாறு செய்யத் தவறினால், சிம்மாசனத்திற்கு ஆபத்து நேரிடும் (ஹதக் ராகலடு). ஆட்சி செய்பவர் துருக்கியராக இருந்தாலும் சரி, தெலுங்கராக இருந்தாலும் சரி. 

சூரியனும், சந்திரனும் இருக்கின்ற வரையில் அவர் அத்தகைய ஆசீர்வாதங்களைப் பெற வேண்டும். ஆட்சியாளரின் குடை நிழல் தரும் வரை, எங்கள் குலத்தவர்களை ஆதரிக்க வேண்டும், ஒவ்வொரு பரகானாவிலும் (கிராமங்களின் தொகுப்பு) எங்கள் மக்கள் மரியாதைக்குரிய பதவிகளில் இருக்க வேண்டும். இருபத்தொரு சர்கார்களிலும் (மாகாணங்கள்) எங்களின் மக்களுக்கு எப்போதும் தாங்கள் உதவிப் புரியவேண்டும். அப்படி எந்த ஆதரவும் வழங்கப்படாவிட்டாலும், எங்கள் மக்கள் யாரையாவது நீங்கள் புண்படுத்தினாலும், அவர்கள் வேதனையுடன் ஏதாவது சொன்னாலும், இந்த சுல்தான் அரசாங்கம் அழிந்துவிடும். எங்கள் மக்கள் யாரேனும் கண்ணீர் சிந்தினால் லட்சுமி தேவி இந்த நாட்டை விட்டு வெளியேறுவாள். அவ்வேளையில் அரியணையானது அந்நிய அரசர்களின் கைகளுக்குச் செல்லும்.

இது தவிர.... திருட்டு வழக்குகள் தவிர்த்து, எங்களின் மக்கள் சம்பந்தப்பட்ட மற்ற அனைத்து வழக்குகளும் எங்களால் விசாரிக்கப்படும், அத்தகைய வழக்குகளை கையாள அரசாங்கத்திற்கு உரிமை இல்லை.

கோல்கொண்டா சாம்ராஜ்ஜியத்தின் கீழ் உள்ள அனைத்து அரசுகளிலும் அல்லது பேரரசாக இருந்த ஐம்பத்தாறு ராஜ்ஜியங்களிலும், மல்லண்ணா, பீரண்ணா, சௌடம்மா, மற்றும் தாகருஜோகு சுவாமி ஆகிய தெய்வங்களின் ஜாத்ராக்களை (திருவிழாக்கள்) நடத்துவதற்காக, மடத்திற்கு வரி வசூலிக்கும் அதிகாரம் வழங்கப்பட வேண்டும். பன்னிரண்டு கொல்லவாரு துணைப்பிரிவுகளும், இரண்டு குறும கொல்லவாரு உபஜாதிகளும் அவர்களின் குருவான கொண்டையாவும் ஒவ்வொரு ஆண்டும் இந்தக் கோரிக்கையை முன்வைக்கும் போதும், ​​அரசின் ராஜகுரு இதை ஒப்புக்கொண்டு, சுல்தானிடம் இந்தக் கோரிக்கையை தெரிவித்தார். ஐம்பத்தாறு ராஜ்ஜியங்கள் மற்றும் அவரது முத்திரை மற்றும் கையொப்பத்தின் கீழ் கொண்டையாவின் கோரிக்கைகள் இதே போன்ற உத்தரவுகளின் மூலம் நிறைவேற்றப்பட்டது.

சிருங்கேரி சங்கர மடம்

எங்களுடைய எல்லா மடங்களிலிருந்தும் தொகையைச் சேகரிக்க எங்களுக்கு அதிகாரம் அளிக்கப்பட்டது. ஒவ்வொரு வீட்டிலும் (வீட்டுக்காரர்) ஒரு ரூபாய் பாத்யமாக (காணிக்கை) கொடுக்க வேண்டும். ஆடு வைத்திருப்பவர் ஒரு ஆட்டை பாத்யமாக கொடுக்க வேண்டும். மாடு வைத்திருப்பவர்கள் ஒரு ரூபாய் கொடுக்க வேண்டும். கைத்தறி வைத்திருப்பவர்கள் ஒரு ரூபாய் கொடுக்க வேண்டும். இசைக் கச்சேரி நடத்துபவர்கள் ஐந்து ரூபாய் கொடுக்க வேண்டும். 

இசைக் குழுக்களுடன் இணைக்கப்பட்ட ஒவ்வொரு மல்லண்ண மடமும் ஐந்து ரூபாய் செலுத்த வேண்டும்.

தென் காசி என்று புகழப்படும் கோலனுபாகாவில் காடகோட்டையாவை தெய்வமாக வழிபடும் மடம் தலா ஐந்து ரூபாய் செலுத்த வேண்டும். சித்தய்யாவை வழிபடும் சித்தேஸ்வரம் மடம் ஐந்து ரூபாய் செலுத்த வேண்டும்.

Journal of Archaeology of Andhra Pradesh, Vol -1
பக்கம் - 155

அனைத்து மடங்களும் ஒவ்வொரு ஆண்டும் தங்களின் வசூலை பிரதான மடமான மல்லண்ணா மடத்திற்கு செலுத்த வேண்டும். அபராதத் தொகையை மடத்தின் கருவூலத்தில் செலுத்த வேண்டும். பிரதாபருத்ர மகாராஜாவின் உத்தரவின் பேரில் சுல்தான் வழங்கிய பட்டயத்தில் கீழ்க்கண்டவர்கள் தங்கள் கையொப்பங்களை இட்டுள்ளனர்.

சிருங்கேரி மடாதிபதி ஸ்ரீவித்யாரண்யரிடம்
ஹரிஹரர் மற்றும் புக்கர் ஆசிபெறுதல்

பீடங்கள்:

1, ஸ்ருங்கேரி (சிருங்கேரி) மடம்

2, புஷ்பகிரி மடம்

3, விருபாக்ஷா மடம்

4, கனகம்மா மடம்

5, மத்வாச்சார்யுல மடம்

6, வினோதிவாரி பீடம்

7, கனுபார்த்திவாரி பீடம்

8, வீரபோஜன பீடம்

9, ராமானுஜ பீடம்

10, அய்யாளம் பீடம்

11, ஈரமாளிகராயணி பீடம்

12, ஹஸ்தினாபுரம்

13, ?

14, ?

பன்னிரண்டு கொல்லவாரு துணைப் பிரிவுகள்: 

1,எர்ர கொல்ல

2, முஷ்டி கொல்ல

3, கரினே கொல்ல

4, பாகநாட்டி கொல்ல

5, பூஜ கொல்ல

6, மொதட்டில்லு கொல்ல

7, நல்ல சதனப்பு கொல்ல

8, குஜராத்தி கொல்ல

9, கம்ப கொல்ல

10, பெய்ய கொல்ல

11, வெய்ய கொல்ல மற்றும் 

12, சித்த கொல்ல

இரண்டு குறும கொல்லவாரு துணைப்பிரிவுகள்:

1. பட்டி கங்கணமு, 

2. உன்னி கங்கணமு ஆகிய இரு குறும கொல்லவாரு துணைப்பிரிவுகள்.

இப்படிக்கு.......

பணிவுடன், யாதவர்களுக்கு பணிப்புரிபவனான...... 

சிங்கபூபாலராவ் சாக்கின் ரச்சர்லா.

இப்பட்டயம் 1249 ஹிஜ்ரி (இஸ்லாமிய வருடக்கணக்கு) ஆண்டில் சுல்தான் நிஜாமுத்துல்லா காலத்தில் தானகாரு கிஸ்டய்யாவிற்கு சாதகமாக சந்துலாலாவாலும், பின்பு 1273 ஹிஜ்ரி ஆண்டில் சலார் ஜுங்கா என்பவராலும் புதுப்பிக்கப்பட்டது. அசல் பட்டயம் கி.பி.1652 இல் கோல்கொண்டா சுல்தான் அப்துல்லா-குதுப்-ஷாவால் வெளியிடப்பட்டது. 

சுருக்கமாக:-

தலைமைத்துவங்கள் மற்றும் பாளையங்களை தவிர, யாதவர்களுக்கு அவர்களின் மத சக்திகளின் காரணமாக பீடங்களும் (இருக்கைகள்) வழங்கப்பட்டன.

உதாரணமாக, 1425ல் (சக சம்வத்சரம்) வாரங்கலின் மகாராஜாவான ஸ்ரீ பிரதாப ருத்ரதேவரால், ஸ்ரீ கொண்டைய்யா என்னும் குருவிற்கு, பதினான்கு இருக்கைகளின் தலைவராக வழங்கப்பட்ட சாசனத்தின் படி, வாரங்கலின் யாதவர்களிடையே பதினான்கு இருக்கைகள் (பீடங்கள்) இருந்தன. கி.பி. 1560இல் சுல்தான் குதுப்-ஷாகிப்-பின்-அப்துல்லாவால் பாக்யநகர் நிறுவப்பட்டபோது யாதவர்களின் உரிமைகள் ஏற்றுக்கொள்ளப்பட்டு அங்கீகரிக்கப்பட்டன, மேலும் மனுகல்லு என்று மாற்றப்பட்ட பெயருக்கு பதிலாக "கோல்கொண்டா" என்ற பெயர் சூட்டப்பட்டது. 

கோல்கொண்டா சாசன குறிப்பு

இஸ்லாமிய வருடமான ஹிஜ்ரி ஆண்டு 1071 இல் சுல்தான் குதுப்-ஷாகிப்-அப்துல்லாவால் வழங்கப்பட்ட சாசனத்தின்படி, கொண்டைய்யா சுல்தானுக்காக கோட்டையைக் கட்டிக் கொடுத்தார்,

அந்த இடத்தின் மர்மத்தைத் தீர்ப்பதில் அவரது செல்வாக்கை பயன்படுத்தினார், மேலும் அவருக்காக நிலத்தடியில் புதைக்கப்பட்டிருந்த தங்க நாணயங்களையும் கண்டுபிடித்துக் கொடுத்தார். 

 

கொண்டைய்யாவின் உதவிகளுக்கு கைமாறாக சுல்தான் அவருக்கு பதினான்கு பீடங்களையும் மற்றும் பன்னிரெண்டு பிரிவு கொல்லவார்கள் மற்றும் ஆடுமேய்ப்பர்களான குறுப கொல்லவார்களின் தலைவர்களுக்குரிய உரிமைகள் மற்றும் சலுகைகளையும் கொடுப்பதற்கான பட்டயத்தை வழங்கினார். 

கொண்டைய்யா, பசவேஸ்வரர் என்னும் துறவியின் (லிங்காயத்து சமூகத்தவர்) சீடராக இருந்தாலும், யாதவ பீடங்களின் தலைவராக இருந்தார். இந்த காலக்கட்டத்தில் கொல்லவார்கள் வீரசைவ மதத்தினுடைய செல்வாக்கின் கீழ் இருந்திருக்கலாம், இருப்பினும் அவர்கள் யாதவ வகைக்குள்ளாகவே இணைக்கப்பட்டிருந்தனர்.

கொல்லவாருகளின் பீடங்கள் மற்றும் பிரிவுகள் 

* சாசனத்தின் முழு உரையின் பிரதியை எனக்கு வழங்கிய செகந்திராபாத் ஸ்ரீ வீரய்யா அவர்களுக்கு நான் நன்றி கூட கடமைப்பட்டுள்ளேன்.

* பீடங்கள்:

1, ஸ்ருங்கேரி (சிருங்கேரி) மடம்

2, புஷ்பகிரி மடம்

3, விருபாக்ஷா மடம்

4, கனகம்மா மடம்

5, மத்வாச்சார்யுல மடம்

6, வினோதிவாரி பீடம்

7, கனுபார்த்திவாரி பீடம்

8, வீரபோஜன பீடம்

9, ராமானுஜ பீடம்

10, அய்யாளம் பீடம்

11, ஈரமாளிகராயணி பீடம்

12, ஹஸ்தினாபுரம்

13, ?

14, ?

* பன்னிரெண்டு கொல்லவார் பிரிவுகள்:

1, எர்ர கொல்ல

2, முஷ்டி கொல்ல

3, கரினே கொல்ல

4, பாகநாட்டி கொல்ல

5, பூஜ கொல்ல

6, மொதட்டில்லு கொல்ல

7, நல்ல சதனப்பு கொல்ல

8, குஜராத்தி கொல்ல

9, கம்ப கொல்ல

10, பெய்ய கொல்ல

11, வெய்ய கொல்ல மற்றும் 

12, சித்த கொல்ல

* இரண்டு குறும கொல்லவார் பிரிவுகள்:

1. பட்டி கங்கணம்

2. உன்னி கங்கணம்

குறிப்பு:-

சிருங்கேரி பீடம் :

ஸ்ரீ ஆதிசங்கர பகவத் பாதாள்

கர்நாடகத்தில் மிகுந்த பழமையும், தனிச்சிறப்பும், பெரும்புகழும் கொண்ட சிருக்கேரி பீடத்தை நிறுவியவர் ஸ்ரீஆதிசங்கராச்சாரியார் ஆவார்.

* விஜயநகரப்பேரரசின் சங்கம வம்சத்தார்கள் சிருங்கேரி மடத்தை பின்பற்றுபவர்களாக இருந்தனர்.

* சிருங்கேரி பீடத்தின் அப்போதைய மடாதிபதியான ஸ்ரீவித்யாரண்யர் குருதேவர் அவர்களில் வழிகாட்டுதலும், ஆசிகளையும் பெற்றே ஹரிஹரர் ராயர் மற்றும் புக்கராயர் விஜயநகரப்பேரரசை நிறுவினர் என்பதும் வரலாற்றில் குறிப்பிடத்தக்கது.