சூரிய வம்ச கொண்டய்யா - கோல்கொண்டா சாசனம்

 

கொண்டய்யாவும் அவரது வம்சமும்:-

கோலகொண்டா பத்ரிகா என்னும் செய்தித்தாழில் முதன்முதலில் 9 ஜனவரி 1941ல் வெளியானது கோல்கொண்டா சாசனம். அந்த சாசனத்தின் கொண்டய்யா பற்றியும் அவரது வம்சாவளியினர் பற்றியும் அச்செய்தித்தாளில் வெளியான விவரங்கள் கீழ்கண்டவாறு தெரிவிக்கின்றன.

சூரியவம்சம் அங்கில்ல கோத்திரம் கொண்டய்யா:-

கொண்டய்யா பரம்பரையினர் வம்ச பாரம்பரியமாக காத்துவரும் கோல்கொண்டா சாசனத்தில் அங்கில்ல கோத்திரம் சூரியவம்சம் பசுவேஸ்வர குருவின் சீடர் கொண்டய்யா என்று பொறிக்கப்பட்டுள்ளது. 

கோல்கொண்டா சாசனம் குறிப்பிடும் கொண்டய்யா அவர்கள் கொல்லவாரில் எர்ரி கொல்ல பிரிவை சேர்ந்தவர் என்பது குறிப்பிடத்தக்கது.

கொண்டய்யாவின் வழித்தோன்றல் மல்லண்ணா:- 

இந்த சாசனம் இப்போது கொல்ல குலத்தவரான முத்தமு மல்லண்ணாவிடம் உள்ளது. முற்காலத்தில் இந்த மல்லையாவின் குடும்பப்பெயர் "கொண்டவாள்ளு" என்பதாகும். அதாவது கொண்டய்யா குடும்பத்தார் என்பது அதன் பொருள். இவரது கோத்திரப் பெயர் அங்கிள்ள கோத்திரம். 

இது அங்கில்ல கோத்திரம் என்று சாசனத்தில் எழுதப்பட்டது. கோலகொண்டா கோட்டையிலிருந்து அரை மையில் தொலைவில் உள்ள "தர்க்கா" என்னும் கிராமம் அவரது வசிப்பிடமாகும்.

சுல்தானால் வழங்கப்பட்ட ஜமீன் நிலங்கள்:-

தோஷாவரு ஜமீனு, என்பது சுல்தானால் வெகுமதியாக வழங்கப்பட்ட நிலங்களை குறிக்கின்றது. இது பார்சி வார்த்தை போல் தெரிகிறது. 

இந்நிலங்கள் தற்போது அரசால் ஆக்கிரமிக்கப்பட்டு ராணுவத்திற்காக அடித்தளம் போடப்பட்டு பங்களாக்கள் கட்டப்பட்டு வருகின்றன. இப்பகுதி தான் சாசனத்தில் குறிப்பிடப்பட்டுள்ள தோஷா பூமி, இதுவே கொண்டய்யாவிற்கு கோல்கொண்டா சுல்தான் அப்துல்லா-குதுப்-ஷாவால் வெகுமதியாக வழங்கப்பட்ட நிலம்.

அந்நிலங்களுக்கு உரிமையுள்ள வாரிசு இந்த சாசனம் வைத்திருக்கும் மல்லண்ணாவே ஆவார். அவரது அறியாமை மற்றும் ஏழ்மையின் காரணமாக இந்த நிலம் அரசுக்குச் சொந்தமாகிவிட்டதே தவிர இந்நிலங்கள் வலுக்கட்டாயமாக அபகரிக்கப்படவில்லை.