கம்பளத்தார் பளையங்கள் - மெட்ராத்தி ஜமீன்

மெட்ராத்தி பாளையப்பட்டு வரலாறு:-







மெட்ராத்தி பாளையப்பட்டு வம்சாவழி குறித்த அரசு ஆவணத்தில் இருந்து எளிமைப்படுத்தி எழுதப்பட்டது.

மெட்ராத்தி ஜமீன்

மெட்ராத்தி பளையக்கார்கள் பூர்வ வரலாறு:-

மெட்ராத்தி கிராமம்

தாராபுரம் துக்குடி சக்கிரகரி தாலுகா மெட்ராத்தி பாளையக்காரான பாலம முத்துரங்கப்ப நாயக்கர் வம்சாவழி குறித்த வரலாறு என்னவென்றால்:-



பூர்வகாலத்தில் யாதவ குலமான கம்பள சாதி மக்கள் அனைவரும் தில்லி பாதுஷா ராஜ்ஜியத்தில் இருக்கின்ற சமயத்தில் மெட்ராத்தி பாளையக்காரர்களின் முன்னோரான பாலம நத்தம நாயக்கர் ஜாகீராக இருந்து ஆண்டு வந்த காலத்தில் பாதுஷா கம்பள சாதியில் பெண் கேட்டு வந்தார். துலுக்கருக்கு பெண் கொடுக்க மறுத்து இரவோடு இரவாக ராயர் சமஸ்தானத்திற்கு கம்பள மக்கள் அனைவருடன் பாலம நத்தம நாயக்கரும் வந்தடைந்து ராயர் சாமஸ்தானத்தில் இருந்த கல்யாணிபுரம் என்கிற ஊரில் தங்கள் புதிய குடியிருப்புகளை அமைத்து வாழ்ந்து வந்தனர். ஒருநாள் ராயரவர்கள் பாலம நத்தம நாயக்கரை அழைத்து " நீங்கள் இங்கு குடிபெயர்ந்து வர காரணம் என்ன" என கேட்டார்? அதற்கு நத்தம நாயக்கர் துலுக்கனுக்கு பெண் கொடுக்க மறுத்து கம்பள சாதியினர் ராயர் சமஸ்தானம் வந்த கதையை கூறினார் இதனை கேட்டு மகிழ்ந்த ராயர் நத்தம நாயக்கரை தனது சமஸ்தானத்தில் உள்ள ஐநூறு படை வீரர்களுக்கு சர்தாராக நியமித்து ஆணை வழங்கினார். இவ்வாறாக நத்தம நாயக்கர் ராயர் ராஜ்ஜியத்தில் ஜாகிராக பெணுகொண்டாவில் இருந்த காலத்தில் தெற்கு தேசத்தில் கள்ளர்கள் மற்றும் புலிகளில் தொல்லை அதிகமாக இருந்ததால் அதை சீர் செய்ய வேண்டி நத்தம நாயக்கரை விஜயநகரபேரரசர் ராயர் அனுப்பினார். தனது மக்களுடன் தென்தேசம் வந்த பாலம நத்தம நாயக்கர் கள்ளர்களை ஒடுக்கு, புலிகளை விரட்டியடித்து அப்பகுதியின் காடுகளை திருத்தி மேட்டுவாவியை சீர்செய்து ஊர்களை உருவாக்கி அதற்கு மேட்டுராத்தி என பெயரிட்டுவிட்டு பெணுகொண்டா திரும்பி ராயரை கண்டு அவரிடம் தான் தென் தேசத்தில் செய்த காரியங்களை விரிவாக எடுத்துக்கூறினார். இதனால் நத்தம நாயக்கரின் பேரில் பெருமகிழ்ச்சி ராயர் நீ சீர் செய்த இடங்களுக்கு நீயே உரிமையானவனாக இரு எனக்கூறி குமாரவர்க்கம் என பட்டமும் கொடுத்து அவரது தீரத்தை பாராட்டி 

கங்கணம்

* பல்லக்கு
* உபயசாமரம்
* சுறுட்டி
* தீவிட்டி
* வீரகங்கணம் 



முதலான 32 விருதுகளும் 18 வாத்தியங்களும் கொடுத்து கௌரவம் செய்து மேட்டராத்தி பாளையக்காரர் மற்றும் மன்சுபேதாரன என்ற பட்டங்களையும் கொடுத்து அனுப்பினார் ராயர். ராயர் சமஸ்தானத்தில் மிகுந்த புகழ் பெற்றவராய் மேட்டராத்தி வந்தடைந்த பாலம நத்தம நாயக்கர் மெட்டராத்தியை சுற்றியுள் நான்கு திசைகளிலும் உள்ள காடுகளை சுத்தமாக சீர் செய்து ஊர்களை உண்டாக்கி பாளைக்காரராக ஆண்டு வந்தார். 




அந்த நாள் முதல்  சாலிவாகன சகாப்தம் 1301 இல் இருந்து 1712 விரோதிகுறுது வருஷம் வரை அவரது வம்சாவழியினர் மெட்ராத்தி பாளையத்தை சீரும் சிறப்புமாக ஆண்டுவந்தனர்.





மெட்ராத்தி பாளைய வம்சாவழிகள்:-




 மெட்ராத்தி பாளைய வம்சாவழிகள் பின்வருமாறு:-



1, பாலம நத்தம நாயக்கர் - (50 வருடங்கள் பட்டமிருந்தார்)

2, முத்து ரங்கப்ப நாயக்கர் - (45 வருடங்கள் பட்டமிருந்தார்)

3, கஸ்தூரி நாயக்கர் - (32 வருடங்கள் பட்டமிருந்தார்)

4, பெத்த வீர நாயக்கர் - (41 வருடங்கள் பட்டமிருந்தார்)

5, நத்தம நாயக்கர் - (22 வருடங்கள் பட்டமிருந்தார்)

6, பெம்மை நாயக்கர் - (18 வருடங்கள் பட்டமிருந்தார்)

7, ரங்கசாமி நாயக்கர் - (35 வருடங்கள் பட்டமிருந்தார்)

8, தமிளகொண்டம நாயக்கர் - (16 வருடங்கள் பட்டமிருந்தார்)

9, பொம்மைய நாயக்கர் - (24 வருடங்கள் பட்டமிருந்தார்)

10, நத்தம நாயக்கர் - (18 வருடங்கள் பட்டமிருந்தார்)

11, முத்து ரங்கப்பநாயக்கர் - (15 வருடங்கள் பட்டமிருந்தார்)

12, பொம்மைய நாயக்கர் - (60 வருடங்கள் பட்டமிருந்தார்)

13, நத்தம நாயக்கர் - (35 வருடங்கள் பட்டமிருந்தார்)





திருமலை நாயக்கர் மானியம்:-




பிற்காலத்தில் மதுரை ராஜ்ஜியத்தின் மன்னரான திருமலை நாயக்கர் மேட்டராத்தி பாளையத்திற்கு காணியூரில் பாதியை காவலுக்கும்,  முங்கலடி மாநிலம் நஞ்சையை மானியமாக வழங்கினார்.





அரசுகளுக்கு கீழ்படிந்த மெட்ராத்தி பாளையம்:-




ராயர் அவர்கள் காலத்து முதல் பட்டமான பாலம நத்தம நாயக்கர் முதல் 13ம் பட்டம் நத்தம நாயக்கர் வரை வம்ச பாரம்பரியமாக ராஜ்ஜியத்தை ஆண்டு வந்த அரசர்களின் உத்தரவை கடைப்பிடித்து மிகுந்த ஒழுக்கத்துடன். மேட்டராத்தி பாளையத்தை சிறப்பாக ஆண்டு வந்தனர் என்பது குறிப்பிடத்தக்கது.



1712 ஆங்கிலேயர் முதல் பாளையம் ஜமீனாக மாற்றப்பட்டு ஜமீன்தார்களாக சர்க்காரின் உத்தரவுகளை மதித்து மெட்ராத்தியை காத்து வந்தனர்.

மெட்ராத்தியில் உள்ள கம்பளத்தார் நடுகல்