கொல்லக்கொண்டா (கோல்கொண்டா) வரலாறு

கோல்கொண்டா:-

கொல்லக்கொண்டா  (கோல்கொண்டா)

கோல்கொண்டா பெயர்காரணம்:-




கோல்கொண்டா என்னும் பெயர் தெலுங்கு வார்த்தைகளான கொல்லக்கொண்டா என்பதில் இருந்து மருவிய சொல் ஆகும். கொல்ல + கொண்டா என்பதற்கு கொல்லவார் மலை என்று பொருள்படும்.




கொல்லக்கொண்டா வரலாறு:-




தற்போதைய தெலங்கானா மாநிலத்தின் தலைநகரான ஐதராபாத்துக்கு மேற்காக 8 கி.மீ தொலைவில் அமைந்துள்ள சரித்திர பாரம்பரியம் மிக்க இடம் தான் கொல்லகொண்டா (கோல்கொண்டா).




முன்னொரு காலத்தில் தெலங்கானா பிராந்தியத்தில் பசுமையான இயற்க்கை எழில் கொஞ்சும் மலையில் சில கொல்லவார்கள் தங்கள் ஆடு மாடுகளுடன் மலைமீது குடியேறி தங்கள் இருப்பிடத்தை அமைத்துக்கொண்டு கால்நடைகளை மேய்த்து வாழ்ந்து வந்ததால் இம்மலை "கொல்லக்கொண்டா" என பெயர் பெற்றதாக கூறுவர்.

கோல்கொண்டா கோட்டை

பிற்காலத்தில் கொல்லகொண்டாவில் கொல்லவார் மன்னர்கள் மலை மீது கோட்டைக்கட்டி மட்கோல் பகுதியை குறுநில மன்னர்களாக ஆண்டு வந்தனர். இதை மெய்பிக்கும் விதமாக எட்கர் தர்ஸ்டனின் கூற்றுப்படி:- "மட்கோல் பகுதிகளின் குறு நில மன்னர்களாக இருந்த கொல்லவார்கள் யார் கொல்லக்கொண்டா என பெயர் இம்மலைக்கு வழங்க காரணமாக இருந்தார்களோ அவர்கள் கட்டிய கோட்டைகளும் மற்றும் அவர்கள் பற்றிய புராண கதைகளும் இன்றும் கோல்கொண்டா கொல்லவார்களின் மலை என்பதற்கு சாட்சியாக விளங்கிக்கொண்டிருக்கிறது" என்னும் வரிகள் மெய்ப்பிக்கிறது. கி.பி பதினான்காம் நூற்றாண்டில் கொல்லகொண்டா பகுதிகளை ஆட்சி செய்த குறுநில கொல்லவார் மன்னர்களை வீழ்த்திய காகத்தியர்கள் கொல்லக்கொண்டாவை தனது ராஜ்ஜியத்திற்குள் இணைத்துக்கொண்டனர் பின்பு கி.பி 16 நூற்றாண்டில் கோல்கொண்டா கோட்டையை சுல்தான்கள் கைப்பற்றி கோல்லகொண்டாவை தங்களது ஆட்சிப்பகுதியாக மாற்றிக்கொண்டனர்.

சுல்தான்கள் கட்டிய கோட்டை

கொல்லகொண்டாவின் சிறப்புகள்:-




* உலகில் முதன்முதலாக வைரங்கள் கண்டெடுக்கப்பட்ட பகுதியாக கோல்கொண்டா திகழ்கிறது


* கோல்கொண்டா கோட்டையின் முன் வாசலில் சிறுகைத்தட்டல் சத்தம் கேட்டால் கூட 300 அடி கோபுரம் எதிரொலிக்கும் வகையில் விசேஷ ஒலியியல் அமைப்பு கொண்டு கட்டப்பட்டதாக உள்ளது.

சார்மினார்

 * ஐதராபாத் சார்மினாரின் வாயிலையும் கோட்டையையும் இணைக்கும் சுரங்கப்பாதை இங்கு இருப்பதாக உள்ளூர் வாசிகளால் நம்பப்படுகிறது.


* உலகத்திலேயே அதிக வைரங்கள் தோண்டி எடுக்கப்பட்டது இங்கு தான்.

கோஹினூர் வைரம்

* நுர் உல் அயின் வைரம், கோஹினூர் வைரம், கோப் வைரம், ரீஜெண்ட் வைரம் முதலிய உலக பிரசித்திப்பெற்ற வைரங்கள் இங்கிருந்து தான் தேண்டி எடுக்கப்பட்டன.


* பண்டைய காலத்தில் கோல்கொண்டா நகரம் வைரத்தின் சந்தையாக இருந்தது குறிப்பிடத்தக்கது.




ஆந்திர கொல்லவார்களின் வழக்கம்:-

கோதாவரி ஆறு

அந்திர பகுதியை சேர்ந்த கொல்லவார்கள் அனைத்து வருட தெலுங்கு யுகாதி நாட்களிலும்
கொல்லக்கொண்டாவை சுற்றி உள்ள கொல்லவார் கிராமங்களுக்கு தங்களின் ஊர்களில் இருந்து புறப்பட்டு கோதாவரி ஆற்றைக்கடந்து சென்று அங்கு கூடி தங்களின் அரச மரபு மூதாதையர்களின் பெயர்களைக்கூறி பாராயணம் செய்து வழிப்படுகின்றனர். பிறகு தங்கள் அரசு எவ்வாறு வீழ்ந்தது என்பதை விளக்கும் ஓவியங்களையும் இங்குள்ள அனைத்து மக்களின் பார்வைக்கு காட்சிப்படுத்துகின்றனர்.