பாவகடா நாயக்கர்கள் வரலாறு

பாவகடா நாயக்கர்கள் வரலாறு:-

பாவகடாவின் வரலாறானது கிறிஸ்து பிறந்த காலத்திற்கும் முற்பட்டது. இருப்பினும் தெளிவான சான்றுகளுடனான வரலாறுகள் 1565 கி.பி. இல் இருந்து தான் கிடைக்கின்றன.




16ம் நூற்றாண்டின் இறுதியில் ஒரு சுதந்திர அரசு விஜயநகர பேரரசின் ஆசியோடு எழுச்சிப்பெற்று 18ம் நூற்றாண்டு வரை சுமார் 2 நூற்றாண்டுகள் நிலையான ஆட்சியை வழங்கியது. இவர்கள் முதலில் விஜயநகரபேரரசிற்கு விசுவாசமாகவும் பின் ஹைதர் அலி மற்றும் திப்ப சுல்தானுக்கு விசுவாசப்பட்டவர்களாக இருந்து. இறுதியாக மைசூர் உடையார்களிடம் மன்னர் மானியம் பெற்றுவந்தனர். இவ்வாறாக வரலாற்றில் தங்களது கால் தடத்தை ஆழ பதித்தவர்கள் தான் பாவகடா நாயக்கர்கள்.




பாலப்ப நாயக்கர்:-

பாலப்ப நாயக்கர் (கற்பனை படம்)

பாலப்ப நாயக்கரின் பூர்வீகம்:-



பொதுவாக வரலாற்று ஆய்வாளர்கள் ஒரு அரச வம்சத்தின் பூர்வீகத்தை ஆராய்வதில் மிகுந்த ஆர்வம் கொள்கிறார்கள். பிரபலமான தென்னிந்திய அரசுகளின் தோற்றத்தை கவனித்தால் நாம் எளிமையாக அவற்றுள் உள்ள பூர்வீக  ஒற்றுமை  அறியலாம்.  இத்தைகய தென்னிந்திய அரசுகளுள் சிலர் தங்களை கடவுளின் நேரடி தூதுவராக கூறிக்கொள்கிறார்கள். இதுபோன்றே பார்த்தால் விஜயநகர பேரரசின் பூர்வீகம் பற்றியும் பல விவாதங்கள் உண்டு. பெரும் பேரரசுகளின் பூர்வீகத்தை அறிவதைவிட சிறிய அரசுகளின் பூர்வீகம், அரசின் பரப்பளவு மற்றும் ஆட்சிமுறை ஆகியவற்றை குறித்த தெளிவான ஆவணங்கள் நாம் எளிமையாய் புரிந்து கொள்ள உதவுகிறது. நாயக்கர்கள் என்பவர்கள் எங்கெல்லாம் கோட்டை கட்ட இருந்ததோ அங்கெல்லாம் பேரரசின் அனுமதி பெற்று கோட்டை கட்டி ஆண்டனர். இவ்வாறகவே 15ம் நூற்றாண்டின் இறுதியில் நாயக்கர்கள் எழுச்சிப்பெற்றனர். இவைகள் பெரும்பாலும் கிருஷ்ணதேவராயர் மற்றும் ராமராயர் காலத்தில் நிகழ்ந்தன. ஆனால் வரலாற்றில் ஆச்சரியம் மூட்டும் விதமாக பாவகடா நாயக்கர்கள் ராமராயரின் இறப்பிற்கு பின்னரே தோன்றினர். பெணுகொன்டாவை வேங்கடபதி ராயர் (1586 - 1614) ஆண்டுகொண்டிருந்த காலத்தல் பாவகடா நாயக்கர்கள் அவ்வளவு பிரபலமானவர்களாக இல்லை. வெங்கடபதி ராயர் மரணத்திற்கு பின்பு தான் பாவகடாவில் கோட்டை கட்டி முடிக்கப்பட்டு பாவகடா நாயக்கர்கள் பெரும் புகழ் பெற துவங்கனார்கள். இத்தகைய பின்புலங்கள் மூலமாக பாவகடா அரசை நிறுவியவரின் பூர்வவீகம் குறித்து அறியலாம்.



மெக்கன்சியின் ஆவணங்கள் கூறும் தகவல்களை நாம் கவனமாக நோக்குவதன் மூலம் நாம் பாவகடா நாயக்க வம்சத்தை நிறுவியவர் பாலப்ப நாயக்கர் என்பதை அறியலாம். இவர் குத்தி பிரதேசத்தை (ராயலசீமாவின் பகுதி) பூர்வீகமாக கொண்டவர். இவருக்கு இரு சகோதரர்கள் இருந்தனர் ஒருவர் அஜ்ஜப்ப நாயக்கர் மற்றோருவர் திம்மப்ப நாயக்கர் (குத்தி பிரதேசம் தற்போதைய சீமாந்திராவின் அனந்தப்பூர் மாவட்டத்தில் உள்ளது).



குத்தி பிரதேசம் என்பது விஜயநகரபேரசின் அரசியல் மையமாக கருதப்பட்டது. பாலப்ப நாயக்கரும் அவரது தம்பிகளும் குத்தி பிரதேசம் விட்டு சிக்கபல்லபுரா பகுதிக்கு குடிப்பெயர்ந்தனர். சில அறிஞர்கள் கூற்றுப்படி பாலப்ப நாயக்கரின் முன்னோர்கள் விஜயநகர பேரரசர்களிடம் பணிப்புரிந்து வந்ததாகவும் தலைக்கோட்டை போருக்கு பின்பு தான் அவர்கள் குத்தி தேசம் வந்ததாகவும் கூறுகின்றனர். இத்தகவல்கள் மெக்கன்சியின் கருத்தில் உள்ள உண்மை தன்மையை நமக்கு தெளிவு படுத்துகிறது. இதை அடிப்படையாகக் கொண்டு பாவகடா நாயக்க வம்சத்தை தோற்றுவித்த பாலப்ப நாயக்கர் தெலுங்கை பூர்வீகமாக கொண்டவர் என்று உறுதிப்படுத்தலாம்.

குத்தி பிறதேசம்

சாதி மற்றும் குடிப்பெயர்வு:-




இந்த கேள்வியானது பலர் மனதில் ஆவலை தூண்டலாம்.
மெக்கன்சியின் ஆவணங்களின்படி பாலப்ப நாயக்கர் "எர்ர கொல்ல" என்னும் மேய்ச்சல் நில சமுகத்தை சார்ந்தவர்.

கர்னல் மெக்கன்சி, பாவகடா கைப்பீது குறிப்பு

Mysore Gazetteers, Tumkur District , Page - 195

Mysore Gazetteers, Chitaldroog District, page - 502

கி.பி.15 மற்றும் 16ம் நூற்றாண்டுகளில் பெரும் அளவிலான மக்கள் ஆந்திராவில் இருந்து கர்நாடகம் மார்கமாக தமிழகத்திற்கு குடிப்பெயர்ந்ததை வரலாறு கூறுகிறது இதற்கு சான்றாக:- ஹாகல்வாடி நாயக்கர்கள், யலஹங்கா நடா பிரபுக்கள், சித்ரதுர்கா மற்றும் நாயகனஹத்தி நாயக்கர்களை கூறலாம். இத்தகைய பெரும் குடிபெயர்வு நிகழ காரணமானது வீரம் மிக்க நபர்கள் தென் கர்நாடக பகுதி கைப்பற்றி தனது மக்களை குடியேற்ற அத்தருணம் சிறந்ததாக இருந்தது என்பது தான். இவை மேற்கூறப்பட்டுள்ள நாயக்க அரசுகள் மூலம் நாம் அறியலாம். எனவே பாலப்ப நாயக்கர் ஒரு அரசு நிறுவுவதையே நோக்கமாக கொண்டு கர்நாடகத்தின் செழிப்பான பகுதிக்கு வந்தடைந்தார்.



மெக்கன்சி அவர்கள் பாலப்ப நாயக்கர் மற்றும் அவரது சகோதரர்களும் குத்தியில் இருந்து சிக்கபல்லபூர் வந்ததை கூறினாலும் அவர்கள் வந்த வழியை எந்த ஆவணங்களும் தெரியப்படுத்தவில்லை. ஒருவேலை அவர்கள் அனந்தபுரம், தர்மாவரம் புக்கபட்டிணம் மற்றும் பால சமுத்திரம் வழியாக சிக்கபல்லபூர் வந்தடைந்து இருக்கலாம் ஏனெனில் குத்தியில் இருந்து சிக்கபல்லபூர் வருவதற்கான ஒரே வழி இது தான்.  இன்றளவும் இவ்வழித்தடமே முக்கியமான வழியாக உள்ளது. மேலும் இதையே ரணதுல்லாகான் பெங்களூர் மீது படையெடுத்து சென்ற தேசிய நெடுஞ்சாலை N.H.4 வழிதடமாக பயன்படுத்தினான் இத்தகைய ஆதாரங்களை கொண்டு நாம் வழிதடத்தை நிறுவலாம்.

வழித்தடங்கள்

ஹவாலி பைரே கவுடாவின் ஆதரவு:-




ஆங்கில ஆவணங்கள் சிக்கபல்லபுராவை இருப்பிடமாக பாலப்ப நாயக்கரை பற்றி கூறும் போது அவர் மிகுந்த வீரமுடையவர், பேரரழகு மற்றும் புத்திக்கூர்மை மிக்கவர் என பதிவு செய்துள்ளது அக்காலத்தில் சிக்கபல்லபுராவை ஆட்சி செய்தவர் ஹவாலி பைரே கவுடா.



கல்வெட்டுகளின் படி பாலப்ப நாயக்கர் பைரே கவுடா, அவந்தி நாட பிரபு வின் பேரன் என்றும் ஹவாலி பைரப்ப கவுடாவின் மகன் என்றும் கூறப்பட்டுள்ளது. 1610ம் ஆண்டு கல்வெட்டு ஒன்று பைரே கவுடாவை  விஜயநகர வெங்கடபதி ராயரின் (1586 - 1614) சமக்காலத்தவர் என கூறுகிறது மேலும் அவர் இம்மாடி பைரபுரா என்ற ஹனபி கிராமத்தில் உள்ள ஊரை புட்டண்ண பண்டிதா என்பவருக்கு நன்கொடையாக வழங்கினார். இத்தகைய பின்புலங்கள் பாலப்ப நாயக்கர் 1590ம் ஆண்டு வாக்கில் சிக்கபல்லபுராவுக்கு வந்ததிருக்கலாம். ஒருமுறை பாலப்ப நாயக்கருக்கு பைரே கவுடாவை சந்திக்கும் வாய்ப்பு கிடைத்தது இது பாலப்ப நாயக்கரின் வாழ்க்கையில் மிகப்பெரிய திருப்புமுனையை ஏற்படுத்தியது. பைரே கவுடாவிற்கு வெகுகாலமாக குழந்தை பேரு இல்லை எனவே அவர் பாலப்ப நாயக்கரை சந்தித்தபோது அவரது அறிவு, வீரம் மற்றும் அழகை கண்டு மகிழ்ந்து போன பைரே கவுடா பாலப்ப நாயக்கரை தனது மகனாக தத்தெடுத்துக் கொண்டார். மேலும் பைரே கவுடா பாலப்ப நாயக்கரின் சகோதரர்களையும் தனது படையில் உயர்ந்த பதவிகளை கொடுத்து பணியமர்த்தி அவர்களுக்கு போர்கலை சார்ந்த பயிற்சிகளையும் வழங்கினார். பைரே கவுடாவின் கருணையும், அரவணைப்பும் பாலப்ப நாயக்கர் மற்றும் அவரின் சகோதரர்கள் வாழ்வில் வரமாகவும், திருப்புமுனையாகவும் அமைந்தது.




பாலப்ப நாயக்கர் தனது வலிமையை காட்டுதல்:-

பைரே கவுடா மற்றும் சன்னபைர தேவியின் தத்து புத்திரனாக பாலப்ப நாயக்கருக்கு தனது வலிமை மற்றும் திறமையை வெளிக்காட்ட வாய்ப்புகள் கிடைத்தன. இது பெணுகொண்டாவை வெங்கடபதி ராயர் (1586 -1614) ஆண்ட காலக்கட்டத்தில் நிகழ்ந்தவை என மெக்கன்சியின் ஆங்கில ஆவணங்கள் கூறுகிறது.



பெணுகொண்டா துர்கா வின் அரசர் வெங்கடபதி ராயர் குத்தி தேசத்தை ஆண்டு வரும் இஸ்லாமியருக்கு எதிராக போரிட சிக்கபல்லபுராவின் பாளையக்காரரான பைரே நாயக்கரை படை அனுப்ப கோரினார். பேரரசரின் கோரிக்கையை ஏற்று பைரே நாயக்கர் வலிமைமிக்க படைதலைவர்களை உள்ளடக்கி தனது படையை பாலப்ப நாயக்கர் தலைமையில் அனுப்பி வைத்தனர். வளர்ப்பு தந்தையின் ஆசையை நிறைவேற்ற பாலப்ப நாயக்கர் தன் படையுடன் பெணுகொண்டா சென்று அங்குள்ள பிற பாளையங்களின் படைகளையும் அழைத்துக்கொண்டு குத்தி வந்தடைந்தார். வெங்கடபதி ராயர் இந்த பெரும் படைக்கு தலைமை தாங்க பாளையக்காரர்களை அழைத்தார். இது மிகவும் ஆபத்தான பொறுப்பு என்பதால் எந்த பாளையக்காரரும் முன்வரவில்லை. இறுதியாக பாலப்ப நாயக்கர் தான் படைக்கு தலைமை ஏற்பதாக கூறி வீரத்துடன் முன்வந்தார். மேலும் குத்தி இஸ்லாமிய படைகளை ஒன்று அல்லது இரண்டு நாட்களுக்குள் வீழ்த்திவிட்டு பெணுகொண்டா திரும்புவேன் என பேரரசரிடம் சபதம் செய்தார்.

வெங்கடபதி ராயர்

 ஆவணங்களின்படி அதில் ஷா ஸ்ரீ ரங்க ராயர் (வெங்கடபதி ராயரின் சகோதரர்) (1578 - 1586) காலத்தில் பெணுகொண்டாவை முற்றுகையிட்டபோது. குத்துப் ஷா ரங்க ராயருக்கு உதவும் விதமாக அதில் ஷா படையை பெணுகொண்டாவை விட்டு விரட்டினார். ஆனால் சில காலத்திற்கு பிறகு அரசியல் சூழ்நிலைகள் மாறி முன்பு உதவியாய் இருந்த குத்துப் ஷாவே ஸ்ரீரங்க ராயரை படைகளை தாக்கி அதானி, கொண்டைவீடு மற்றும் அதனை சுற்றி பகுதிகளை கைப்பற்றிக்கொண்டார். ஸ்ரீரங்கா மரணத்திற்கு பிறகு அவரின் சகோதரர் முதலாம் வெங்கடபதி ராயர் மன்னராக முடிசூடிய பிறகு. முகமது குத்துப் ஷா கைப்பற்றிய அதானி மற்றும் கொண்டைவீடு கோட்டைகளை மீட்கும் முயற்ச்சியாக தனது பாளையக்காரர்களை ஒன்று திரட்டி பாலப்ப நாயக்கர் தலைமையில் படையை உருவாக்கி குத்தி கோட்டையை மீட்டு வருமாறு கூறி அனுப்பிவைத்தார். வெங்கடபதி ராயருக்கு பாலப்ப நாயக்கர் மீது அதித நம்பிக்கை இருந்தது ஏனெனில் பாலப்ப நாயக்கர் குத்தி தேசத்தை பூர்வீகமாக கொண்டவரானதால் அவருக்கு குத்தி தேசத்தின் புவியியல் அமைப்பு பற்றி அறிந்திருப்பார் என்றும் அவரின் உறவினர் ஏராளமாக குத்தி தேசத்தில் உள்ளதால் உதவிகள் கிடைக்குமென்றும் மேலும் குத்தி கோட்டையின் நுணுக்கமான இடங்களை பாலப்ப நாயக்கர் அறிந்திருப்பார் என்பதயும் உணர்ந்தே நம்பிக்கை கொண்டார். இதன் காரணமாகவே பாலப்ப நாயக்கரும் எந்த வித தயக்கமும் இன்றி போரில் விஜயநகர படைக்கு தலைமையேற்க முழுமனதுடன் ஒப்புக்கொண்டார்.





நாயகடானா மற்றும் குத்தியை கைப்பற்றுதல்:-



படைக்கு தலைமையேற்று குத்தி சென்ற பாலப்ப நாயக்கர் அவ்வூரில் குத்தி கோட்டையை பற்றி அறிந்திருந்த தனது உறவினரான ஒரு கிழவர் மூலம் விஷயங்கை கேட்டு அறிந்துக்கொண்டு தன்னுடன் வந்த மற்ற பாளையக்காரர்களிடமும் ஆலோசனை நடத்திவிட்டு குத்தி கோட்டையை தாக்கி ஆச்சரியமூட்டும் விதமாக கோட்டையை கைப்பற்றினார். கோட்டையை கைப்பற்றிய வெற்றிச்செய்தியோடு பெணுகொண்டா சென்று ராயரிடம் கூறி தனது சபதத்தை நிறைவேற்றினார்.  பாலப்ப நாயக்கரின் இச்செயலால் மிகிழ்ச்சியடைந்த வெங்கடபதி ராயர் அவருக்கு பாலவொலலு (தற்போதைய பாலவள்ளி), காமடூரு, ஹைனசமுத்திரம் முதலிய முன்று கிராமங்களையும், விலை உயர்ந்த நகைகள் மற்றும் தனது இராஜ்ஜியத்தின் தலைமை கருவூல அதிகாரியாக நியமித்தும் சிறப்பித்தார்.
வெங்கடபதி ராயரிடம் சகல மரியாதைகளையும் பெற்றுக்கொண்டு சிக்கபல்லபுரா திரும்பிய பாலப்ப நாயக்கர். இதன் பிறகாக தனது இருப்பிடத்தை பாலவொலலுவிற்கு மாற்றிக்கொண்டார். மீண்டும் ஒருமுறை தனது வலிமை மற்றும் அரசியல் ராஜதந்திரத்தை காட்ட பாலப்ப நாயக்கருக்கு ஒரு வாய்ப்பாக வந்தது  பாவகடா பிரதேச படையெடுப்பு.
மெக்கன்சியின் அவணங்கள் பின்வருமாறு பாவகடாவை பாலப்ப நாயக்கர் கைப்பற்றிய விதத்தை கூறுகிறது.




பாவகடாவை கைப்பற்றி கோட்டை கட்டுதல்:-

பாவகடா மலை

பாவகடா மலையை ஆக்கிரமித்து தங்கி இருந்த திருடர்கள் குழுவிற்கு ராஜவந்தியை சேர்ந்த சில கொல்லவார் இனப்பெண்கள் பால் மற்றும் சில பொருட்களைக் கொடுத்து உதவி வந்தனர் இவ்வாறாக தாங்கள் விநியோகித்த பொருட்களுக்கு பிரதிபலனாக பணம் பெற்றுக்கொண்டு வந்தனர். ஒரு நாள் ராஜவந்தியை ஆண்டு வந்த கவுடா பாவகடா மலையடிவாரத்தில் வியாபார சம்பந்தமாக பேசுவதற்காக காத்திருந்தார். திருடர்களின் தலைவனான வீரநாகதேவன் அவரை சந்திக்க வந்தார் பேச்சுவார்த்தை சுமுகமாக முடித்து இருவரும் கைகுலுக்கியும், ஒருவரை ஒருவர் மரியாதையுடன் அணைத்தும் கொண்டனர். இறுதியாக இருவரும் தங்கள் இருப்பிடங்களுக்கு திரும்பினர். மலை உச்சியை அடைந்த வீர நாகதேவன் தனது கூட்டாளிகளிடம் நான் ராஜவந்தி கவுடாவை அணைத்ததால் அசுத்தம் அடைந்துவிட்டேன் எனவே இதிலிருந்து தூய்மை அடையவேண்டும் எனக்கூறினான். வீரநாகதேவனின் இத்தகைய நியாயமற்ற நடவடிக்கையை அறிந்த கவுடா அவன் மீது மிகுந்த கோபத்திற்கு ஆளாகி அவனை ஒடுக்க நினைத்தான். இதனால் கவுடா பாலவொலலுவில் இருந்த பாலப்ப நாயக்கருக்கு ஒலையனுப்பி பாவகடா மலையில் உள்ள வீரநாகதேவன் தலைமையிலான கொள்ளையர்களை அச்சுறுத்தலை ஒடுக்க வேண்டி கேட்டுக்கொண்டான். இச்செய்தியை பொருமையாக கேட்டுக்கொண்டிருந்த பாலப்ப நாயக்கர் வீரநாகதேவனை ஒடுக்கு ஒப்புக்கொண்டார் ஏனெனில் வீரநாகன் ராஜவந்தி கவுடாவின் சாதியையும், கடவுளையும் பற்றி தவறாக கூறினான் என்பதை அறிந்த பின்னர் தனது முடிவை பாலப்ப நாயக்கர் கூறினார். பிறகு பாலப்ப நாயக்கர் வீரநாகதேவனின் பலம் மற்றும் அவனோடு தொட்புடையவர்களை  கண்காணிக்க ஒரு சில ஒற்றர்களை அனுப்பினார். மேலும் கொள்ளையர்களுக்கு உதவிவந்த கொல்லவார் இன பெண்ணிடமும் உதவி கேட்டார். அதை எர்ர கொல்ல குல மங்கை வீரநாகதேவனை மலை உச்சியில் சந்தித்து தனக்கு தரவேண்டிய பாக்கி பணத்தை தருமாறு கூறினாள். இதற்கு வீரநாகதேவன் தன் கூட்டாளிகள் அனைவரும் கொள்ளையடிக்க சென்றுள்ளனர் அவர்கள் வந்தவுடன் பாக்கி பணத்தை வட்டியுடன் தருவதாக கூறினான். இச்செய்தியை அந்த பெண் ராஜவந்தி கவுடாவிடம் தெரிவிக்க கவுடாவும் இச்செய்தியை பாலப்ப நாயக்கருக்கு ரகசியமாக அனுபப்பினார். இச்சந்தர்பத்தை பயன்படுத்திக்கொள்ள நினைத்த பாலப்பர் தனது படையோடு நல்லிரவில் பாவகடா மலை உச்சிக்கு சென்று வீரநாகதேவனை சிறைப்பிடித்து அவன் தலையை வெட்டி இறைவனுக்கு பலிகொடுத்தார் மேலும் தன் படைகளின் துணைக்கொண்டு வீரநாகனின் கூட்டாளிகளையும் கொன்று ஒழித்தார். பாவகடா மலையில் இயற்கை அழகை கண்டு ரசித்த பாலப்ப நாயக்கர் அங்கேயே தங்க விரும்பினார். எனவே அவருக்காக அழகிய கோட்டை ஒன்று அங்கே கட்டப்பட்டு அன்று முதல் அவரின் இருப்பிடமாக பாவகடா கோட்டை மாறியது. மேலும் அந்த மலையில் பாலப்ப நாயக்கர் பாம்பு போன்ற வடிவம் கொண்ட ஒரு பெரிய பாறையை கண்டார் எனவே அம்மலைக்கு பாமுகொண்டா (நாகமலை) என பெயரிட்டார். பாவகடா கோட்டை 1600ம் ஆண்டு வாக்கில் கட்டப்பட்டிருக்க வேண்டும். 1602 மற்றும் 1671 ஆகிய ஆண்டுகளில் வெளியிடப்பட்ட கல்வெட்டுகளில் பாவகடா மலையின் பெயர் பாகொண்டே (பாமுகொண்டா) என் குறிப்பிடப்பட்டுள்ளது. எனவே பாவகடா மலை உச்சியில் ஒரு அழகிய கோட்டையை கட்டிய புகழ் பாலப்ப நாயக்கரையே சாரும். இக்கோட்டையை கட்டும் பெறுப்பை



* யலனூரு பண்டியல்லண்ணா போயி

* நாகண்ண போயி

* சவிரா பண்டி

* பல்லண்ணா போயி



மற்றும் வட்டா இனத்தை சேர்ந்த பிறதலைவர்களுக்கும் பாலப்ப நாயக்கர் வழங்கினார். பொறுப்பை ஏற்றவர்கள் 60 கொத்தளங்கள், 3 அடுக்கு அடுக்கு கிணறுகள் மற்றும் 14 வாயில்களை கொண்ட மிகுந்த அழகுடைய கோட்டையை கட்டி முடித்தனர். பிற்காலத்தில் அனந்தபூர் பீமநாயக்கரின் மகன்கள் இக்கோட்டையின் மதுரகிரி நுழைவுவாயிலில் தூண்களை அமைத்தனர். இதன் காரணமாகவே பொது பாளையா என்ற பெயர் வழங்கப்படுகிறது.

பாவகடா கோட்டை

பாவகடா மலையில் உள்ள பாம்பு பாறை

பெணுகொண்டாவை பாதுகாத்தல்:-

பெணுகொண்டா கோட்டை

பாவகடாவை பாலப்ப நாயக்கர் ஆண்டுக்கொண்டிருக்கும் போது பெணுகொண்டா காக்கும் மற்றோரு வாய்ப்பு அவருக்கு கிடைத்தது. இந்த நிகழ்வு பாலப்ப நாயக்கருக்கு மேலும் ஒரு அதிர்ஷ்ட கதவை திறந்தது. மன்னர் வெங்கடபதி ராயர் குத்தி பிரதேசத்தை பாலப்ப நாயக்கர் உதவியுடன் கைப்பற்றிய பிறகு அவர் அதானி கோட்டையை மீட்பதற்கான படையெடுப்பில் ஈடுப்பட்டிருந்த வேளையில் பெணுகொண்டாவில் இருந்த ஆயுத கிடங்கில் இடி மின்னல் தாக்கி பெரும் தீவிபத்து ஏற்பட்டது மன்னர் இல்லாத போது ஏற்பட்ட இந்த விபத்தில் பல மக்கள் உயிரிழந்தனர். தீயில் பெணுகொண்டா முழுவதும் எரிந்துக்கொண்டிருந்தது. இதை அறிந்த பாலப்ப நாயக்கர் தனது படைகளுடன் பாவகடாவில் இருந்து பெணுகொண்டா விரைந்து கோட்டையை தீயில் இருந்து பெரும் முயர்ச்சி செய்து மீட்டார். இச்தகவலை பாலப்ப நாயக்கர் சிக்கபல்லபுராவில் இருந்த தனது வளர்ப்பு தந்தையான  பைரே கவுடாவிடமும் மற்றும் குத்தியில் இருந்த வெங்கடபதி ராயரிடமும் கொண்டு சேர்த்தார். இதன் விளைவாக பெணுகொண்டா விரைந்த வெங்கடபதி ராயர் தீவிபத்தில் இருந்து பெணுகொண்டாவை மீட்ட பாலப்ப நாயக்கரின் பெருமுயர்ச்சியையும், வீரத்தையும் பாராட்டி அவரை கௌரவிக்கும் விதமாக அவருக்கு 24 ஊர்களை வெங்கடபதி ராயர் வழங்கினார்.

1. கண்ணமெடி
2. ராகிகுண்டா
3. குண்டுலபள்ளி
4. கௌரா சமுத்திரம்
5. நல்லிகெனஹல்லி
6. காமனகொண்டா
7. வட்ரேவு
8. ஜலப்பள்ளி
9. தோம்துமரி
10. நாகலம்மடிகி
11. புகடூரு
12. கங்காவரம்
13. மாச்சராஜனஹள்ளி
14. கியாடி குண்டா
15. பெண்ட்லிஜீவி
16. கியாதகன செர்லு
17. கியாதிகுண்டா
18. பியாடனூர்
19. கடபலகேரே
20. வீரூப்பசமுத்திரம்
21. நேரலகுண்டா
22. கௌடெடி
23. கும்மகட்டா
24. கும்மணஹள்ளி

இந்த 24 ஊர்களுடன் சங்கு, சக்கரம், கண்டியம், பல்லக்கு, பட்டநாபி, கடகம், அனுமன் மற்றும் கருடன் உருவம் பொறித்த பாதுகாப்பு கவசம், யானை மற்றும் அழகிய அரண்மனை ஒன்றையும் பரிசளித்தார். மேலும் பாவகடா ராஜவம்சம் இந்த விருதுகளை இறுதிவரை பயன்படுத்த அனுமதி வழங்கினார். இறுதியாக வெங்கடபதி ராயர் பாலப்ப நாயக்கரை அமரநாயக்கராக நியமித்து ஆணையிட்டார். அமரநாயக்கர் பதவி மற்றும் சகல விருதுகளுடன் பாவகடா திரும்பிய பாலப்ப நாயக்கருக்கு ஒரு பேர் அதிர்ச்சி காத்திருந்தது அது பாலப்ப நாயக்கரின் வளர்ப்பு தந்தையான பைரே கவுடா சிக்கபல்லபுராவில் மரணமடைந்தார் என்கிற செய்தி அறிந்து அங்கு விரைந்து தனது வளர்ப்பு தந்தைக்கு இமசடங்குகளை செய்துவிட்டு பாவகடா திரும்பினார். அதே நேரத்தில் அவரின் சகோதரன் அஜ்ஜப்ப நாயக்கரும் நோய்வாய்ப்பட்டு இறந்தார். தன்னுடைய சகோதரனை வீருப்ப சமுத்திரத்தில்  எரியூட்டிவிட்டு அங்கு அவருக்கு நினைவுச்சின்னம் ஒன்றையும் எழுப்பினார். மேலும் பாவகடாவில் இருந்த அவரின் மற்றொரு தம்பியான திம்மப்ப நாயக்கரும் சிறுது காலத்தில் மரணமடைந்தார். தொடர் மரணங்களால் கவலையுற்றார் பாலப்ப நாயக்கர் இருப்பினும் விரைவாக மீண்டும் இயல்பு நிலைக்கு திரும்பி நாட்டின் நிர்வாகத்தின் மீது கவனம் செலுத்தினார். பாலப்ப நாயக்கர் ஸ்ரீ கோபாலசுவாமி கோயிலை பாலவொலலு என்னும் ஊரில் எழுப்பினார். கோபால சுவாமி சிலை வீருப்பசமுத்திரத்தில் இருந்து எடுத்து வரப்பட்டு கோவிலில் வைத்து பிரதிஷ்டை செய்யப்பட்டது.



பாலப்ப நாயக்கர் ஆட்சியில் அனைத்துவிதமான சலுகைகளையும் வணிகர்களுக்கு வழங்கினார் இதனால் பவகடாவில் மக்கள் தொகை செழித்து வளர்ந்தது. சாதாரண மனிதனாக இருந்த பாலப்ப பைரே கவுடாவின் கருணையால் பாலப்ப நாயக்கராக உயர்ந்து பின் பெணுகொண்டாவில் வெங்கடபதி நாயக்கரால் தொட்ட பாலப்ப நாயக்கர் என வழங்கப்பட்டார். தொட்ட பாலப்ப நாயக்கர் நன்கொடைகள் வழங்குவது மற்றும் மற்றும் மதம் சார்ந்த விஷயங்களில் தாராள மனம் கொண்டவராக இருந்தார் மற்றும் தனது செயல்களால் வெகுஜன மக்களின் தலைவராக மாறினார்.






வீரபாலப்ப நாயக்கர் (1620-1630 கி.பி):-



பாலப்ப நாயக்கருக்கு மூன்று மகன்கள்:-



1, தாளப்ப நாயக்கர்

2, வீரபாலப்ப நாயக்கர்

3, திம்மப்ப நாயக்கர்



இவர்களில் மூத்தவரான தாளப்ப நாயக்கர் 10வயிதிலேயே மரணமடைந்ததால். பாலப்ப நாயக்கரின் இறப்புக்கு பிறகு அவரது இரண்டாவது மகனான வீரபாலப்ப நாயக்கர் அரியணை ஏறினார். வீரபாலப்பரை பொறுத்தவரை மிகுந்த அறிவு கூர்மை மிக்கவர், வில்வித்தையில் கரைகண்டவர் மற்றும் பல மொழிகளில் பேசும் புலமை மக்கவர்.




தனது தந்தையின் இறுதிச்சடங்கை கொல்லவார் குல வழக்கப்படி செய்து முடித்துவிட்டு வீரபாலப்ப நாயக்கர்  பாவகடா ராஜ்ஜியத்தை ஆண்டு வந்தார்.
இவரது ஆட்சிக்காலத்தில் ரத்னகிரி மன்னரால் கடுமையான கிளர்ச்சிகள்  நடைபெற்றன. இஸ்லாமிய அரசர் அதில்ஷாவிடம் சிரா பகுதியை பறிக்கொடுத்த ரத்னகிரி அரசர் தனக்கு ஏற்பட்ட இழப்பை ஈடுசெய்வதற்காக சிராவை சுற்றியுள்ள பாவகடா அரசின் கீழ் உள்ள பகுதிகளை முற்றுகையிட்டு பாவகடாவின் சிஔபகுதிகளை கைப்பற்றினார். அப்போது பாவகடாவின் அரசரான வீரபாலப்ப நாயக்கர் ரத்னகிரியின் அரசரான சார்ஜா ரங்கப்ப நாயக்கருக்கு எதிராக தனது படைகளை ரத்னகிரியின் ஆதிக்கத்தை தடுத்து நிறுத்த அனுப்பினார். இருபடைகளுக்குமான போர் ஹரவே சமுத்திரத்தில் நடந்தது போரின் இறுதியில் பாவகடா படைகள் ரத்னகிரியிடம் தோற்று ஹரவே சமுத்திரம் பகுதியை இழந்தது. இதை தவிர வேறு எந்த முக்கிய நிகழ்வும் வீரபாலப்பர் காலத்தில் நிகழவில்லை. வீரபாலப்பர் இறந்த பிறகு அவரின் தம்பி திம்மப்ப நாயக்கர் அரியணை ஏறினார்.



திம்மப்ப நாயக்கர் (1630-1650 கி.பி):-



திம்மப்பநாயக்க ஆட்சியின் போது பாவகட நாயக்கர்கள் ராயதுர்கா பாளையக்காரர்களுக்கு எதிராக போராட வேண்டியிருந்தது. ராயதுர்கா பாளையக்காரர், பெத்தவெங்கடபதி நாயக்கர் பாவகட நாயக்கர்களுக்கு சொந்தமான கம்பத்தூரு மீது தாக்குதல் நடத்தி பாவகடா அதிகாரிகளை திருப்பி அனுப்பினார். மேலும் தான் கைப்பற்றிய இடத்தில் அவரது ஆட்சியைத் தொடர்ந்தார். இதற்குப் பிறகு, திம்மப்ப நாயக்கரின் மகன் இரண்டாம் பாலப்பநாயக்கர் ஆட்சிக்கு வந்தார்.



இரண்டாம் பாலப்பநாயக்கர் (1650-1675 கி.பி):-



நிர்வாக வசதிக்காக, பாலப்பநாயக்க தனது இராஜ்ஜியத்தை கன்னமெடி மற்றும் பாவகடா என இருமாகாணங்களாக பிரித்தார். அவர் தனது சகோதரர் தாளப்ப நாயக்கரை கன்னமேடியின் ஆட்சியாளராக   நியமித்தார். தாளப்ப நாயக்கருக்கு திம்மப்ப நாயக்கன் என்ற மகன் பிறந்தான். இந்த வம்சத்தின் மிகவும் சக்திவாய்ந்த ஆட்சியாளராக இவர் திகழ்ந்தார். தாளப்ப நாயக்கரின்  மரணத்திற்குப் பிறகு, அவரது மகன் திம்மப்பா ராஜ்ஜியத்தை ஆட்சி செய்ய தொடங்கினார். பாலப்பநாயக்கர் பாவகாடாவை ஆளும் போது, ​​அண்டை நாட்டு பாளையக்காரர்
பாவகடா ராஜ்ஜியத்தின் மீது தாக்குதல் நடத்தினார். ஆனால் இத்தாக்குதலில் இருத்து பாலப்பநாயக்கனால் தனது ராஜ்ஜியத்தைப் பாதுகாக்க முடியவில்லை.
(எ.கா): - நிடகல்லுவின் பாளையக்காரரான மும்மடி ஹொட்டண்ணா நாயக்கர் பாவகடா மீது போர் அறிவித்தார்
இதன்காரணமாக பாலப்பநாயக்கருக்கும், ஹொட்டன்னா நாயக்கருக்கும் இடையே காமனகொண்டாவில் பயங்கரமான போர் நடந்தது. இறுதியாக காமனகொண்டா கோட்டை
ஹோட்டண்ணாவின் கைகளுக்கு சென்றது. பாலப்பநாயக்கரின் தோல்வியைக் கேட்டு, அவரது உறவினரான திம்மப்பநாயக்கன்
கோபமடைந்து உடனடியாக பாவகாடா சென்று தனது பெரியப்பாவான
பாலப்பநாயக்கரையும் அவரது மகனையும் கைது செய்து அவர்களை வீட்டுச் சிறையில் அடைத்தார். திம்மப்ப நாயக்கர் தலைநகரை காப்பதையே குறிக்கோளாக கொண்டு செயல்பட்டார். மேலும் ஒரு சிறிய கோட்டையை பாவகடா மலை உச்சியில் கட்டினார். பிறகாக மலையடிவாரத்தில் ஒரு அழகிய மாளிகையை உருவாக்கி அதனை சுற்றிலும் மிகுந்த பலமுடைய பெரிய கோட்டைகளை கட்டிமுடித்தார். இவ்வாறு மிகத்திறமையாக பாவகடா ராஜ்ஜியத்தை காக்கும் பெரும் சவாலை எதிர்கொண்டார் திம்மப்பநாயக்கர்.

கோபாலசுவாமி 

பாவகடாவில் வாழ்ந்த பெரியோர்கள் சிலர் திம்மப்ப நாயக்கரிடம் முந்தைய நாயக்கர்கள் பாலவள்ளியில் கோபால சுவாமிக்கு செய்யவேண்டிய பூஜைகளை சரிவர செய்யதவறியது தான் பாவகடாவின் தற்போதைய நிலைக்கு காரணம் எனக்கூறினர். இதை உணர்ந்த மன்னர் கோபாலசுவாமி சிலையை பாலவள்ளியில் இருந்து கொண்டு வந்து பாவகடா மலை உச்சியில் ஒரு கோவிலை நிர்மானித்து அங்கு சுவாமி சிலையை பிரதிஷ்டை செய்தார். மேலும் எதிரிகளிடமிருந்து தங்களையும் ராஜ்ஜியத்தையும் காக்க வேண்டி கோபாலசுவாமிக்கு பூஜை செய்யப்பட்டு விழாக்கள் கொண்டாடப்பட்டன.





தாளப்ப நாயக்கர் மற்றும் திம்மப்ப நாயக்கர் (1675-1688 கி.பி):-



தாளப்ப நாயக்க ஆணவம் மிக்க நடத்தை கொண்ட மனிதர். அவரது ஆட்சி 12 ஆண்டுகள் நீடித்தது. அவரைச் சூழ்ந்திருந்த சிற்றரசர்களிடம் நல்லிணக்கத்தை ஏற்படுத்த தவறினார். அதன் விளைவாக, பல போர்கள் வெடித்தன. மிடிகேஷியின் ஆட்சியாளரான தொண்டதராயா பவகடாவிற்கு எதிராக போர் நடத்தினார். அவர் ஹிரெதொன்டப்பா கவுடா என்றும் அழைக்கப்பட்டார்.
இந்த மிடிகேஷியின் தொண்டதராயா  மும்மடி சிக்கப்பகவுடாவின் மகன் ஆவார். அவரது காலத்தில் ஹிரெதொன்டப்பா கவுடா தனது பிரதேசத்தை நீட்டிக்க விரும்பினார். எனவே அவர் பாவகடாவின் மீது படையெடுத்தார் ஆனால் ஹிரெதொன்டப்பா கவுடா கண்ணமேடிக்கு அனுப்பி
தாளப்ப நாயக்கர் தனது மாநிலத்தை பாதுகாத்தார். ஆனால் மீண்டும் ஹிரெந்தொண்டப்ப கவுடா பாவகடாவை பிடிக்க அணிவகுத்துச் சென்றார். இருவருக்கும் இடையே பயங்கரமான போர் நடந்தது. இந்த போரில் தாளப்ப நாயக்கர்
தோற்கடிக்கப்பட்டு பாவகடாவுக்கு திரும்பினார். இதனால் கண்ணமேடி ஹிரெதொன்டப்ப கவுடாவின் கைகளில் அகப்பட்டது. கண்ணிமேடியை ஹிரெதொன்டப்ப கவுடா ஆட்சி செய்து சிறிது காலத்திற்கு பிறகு நட்பின் அடையாளமாக மராட்டியர்களிடம் ஒப்படைக்கப்பட்டது.



சில நாட்களுக்குப் பிறகு, மராட்டியர்கள் பாவகடாவைத் தாக்கி தாளப்பநாயக்கரை தோற்கடித்தனர்.
இவ்வாறு அவர்கள் கௌடெட்டி, மச்சிராஜனஹள்ளி,
சௌலபுரம், கும்மகட்டா, விருபசமுத்ரம், கங்காவரம், நெரலகுண்டே மற்றும்
திருமணி போன்ற பகுதிகளை கைப்பற்றினர். இது போலவே, தாளப்பநாயக்கர் தனது பல பிரதேசங்களை இழந்தார். இறுதியாக அவர் நோய்வாய்ப்பட்டு காலமானார்.
இவருக்கு திம்மப்ப நாயக்கன் என்ற மகன் உண்டு. தாளப்ப நாயக்கர் இறந்த பிறகு, அனைத்து மூத்தவர்களின் சம்மதத்தையும் பெற்றுக்கொண்டு, திம்மப்பநாயக்கர் 1700 ஆம் ஆண்டில் பாவகடா சிம்மாசனம் ஏறினார். அவர் அரசராக பதவியேற்ற போது மிகவும் இளையவராக இருந்தார்.
44 ஆண்டுகள் இவர் ஆட்சி செய்ததாக நம்பப்படுகிறது. அவர் ஏழைகளை பெரிதும் நேசித்தார். அவர் சமாதானத்தை விரும்புபவராக திகழ்ந்தார். திம்மப்பநாயக்கர் வெங்கம்மா என்ற மங்கையை மணந்து  மூன்று மகன்களைப் பெற்றார் அவர்கள்:-


1, பெத்த திம்மப்பநாயக்கர்
2, சிக்க திம்மப்பநாயக்கர்
3, சிக்க வெங்கடபதி நாயக்கர்.



அவரது மூத்த மகன் பெத்த திம்மப்ப நாயக்கர் வில்வித்தையில் மிகவும் கைத்தேர்ந்தவராக விளங்கியதுடன் மிகுந்த அழகுடையவராகவும் இருந்தார். எனவே அவரது தந்தையான திம்மப்ப நாயக்கர் தன் மகனுக்கு பொருத்தமான ஒரு அழகான மருமகளைத் தேட முயன்றார்.



சாதி மோதல்:-



சிக்கப்பா கவுடா, பாவகடா மாகாணத்தின் அண்டை நகரமான ராஜவந்தியின் கவுடாவிற்கு ஒரு அழகான மகள் இருந்தாள். இதைக் கேட்டதும்,
திம்மப்பநாயக்கர் அந்த பெண்ணை தனது மகனுக்கு திருமணம் செய்துவைக்க ஆசைப்பட்டும் இதற்கு
சிக்கப்பகவுடாவின் விருப்பத்தை கோரியும் ஓலை அனுப்பினார். பாவகடாவின் ஆங்கில ஆவணத்தில் சிக்கப்பகவுடாவின் பதில் குறித்து பின்வருமாறு பதிவு செய்யப்பட்டுள்ளது:-  "நீங்கள்  எர்ர கொல்ல சாதியைச் சேர்ந்தவர். எங்களுடையது வேறு சாதி". அது எப்படி
மற்ற சாதியினருடன் திருமண உறவு இருக்க முடியுமா? எனக் கூறினார். ராஜவந்தியின் கவுடா
‘குஞ்சிடிகா’ சாதியைச் சேர்ந்தவர் என்பது ஏற்கனவே அறியப்பட்டுள்ளது. எனவே அவர் அந்த திட்டத்தை நிராகரித்தார். இது மீண்டும் சாதிய மோதலுக்கு வழிவகுத்தது.
சிக்கப்பா கவுடாவின் வார்த்தைகளால் ஆத்திரமடைந்த திம்மப்ப நாயக்கர் ராஜவந்தியை தாக்கி சூரையாடினார். இறுதியாக அவர் சிக்கப்பா கவுடா கைது செய்து பாவகடாவில் உள்ள சிறையில் அடைத்தார். சில நாட்களுக்குப் பிறகு, அவரை விடுவித்து, ராஜவந்தியை மீண்டும் ஆட்சி செய்ய அனுமதித்தார். தனது மகனின் திருமண முறிவுக்குப் பிறகு, திம்மப்ப நாயக்கர்
அவரது உறவினரான தாசப்பா மற்றும் அகசனபல்யாவின் மகளான அச்சம்மா அழைத்து வந்து திருமணம் செய்துவைத்தார் . அச்சம்மா "லட்சுமம்மா" என்றும் அழைக்கப்பட்டார். அவரது இரண்டாவது மகனான
சிக்கதிம்மப்ப நாயக்கருக்கு, தளவாய் சந்திரய்யாவின் மகளான சஞ்சீவம்மாவை திருமணம் செய்துவைத்தார் .



பெத்த திம்மப்ப நாயக்கா (1744-1774 கி.பி.):-



"பெத்த" என்றால் தெலுங்கில் மூத்தவர் என்று பொருள். கன்னடத்தில் இது "தொட்ட" எனப்படுகிறது  தொட்ட திம்மப்ப நாயக்கர். தனது நத்தையான திம்மப்பநாயக்கர் இறந்த பின்னர் ரக்‌தக்ஷி ஆண்டு 1745ல் ஆட்சி அதிகாரம் அடைந்தார் . பாவகடாவின் முக்கிய நாயக்கர்களில் ஒருவராக இவர் கருதப்படுகிறார். தொட்ட திம்மப்ப நாயக்கர் அவரது பொதுப்பணிகளுக்கு பிரபலமானவர். ஏரிகள் மற்றும் குளங்களை அமைப்பதன் மூலம் நீர்ப்பாசனத்தை ஊக்குவித்தார்
பொம்மத்தான ஹல்லி, கௌரஸமுத்ரா மற்றும் நலிஜெனபள்ளி ஆகிய இடங்களில் இவ்வாறே அவர் வேளாண்மையை ஊக்குவித்தார்.
கௌரஸமுத்ரா ஏரி பகுதியில் ஒரு புதிய கிராமத்தையும் நிறுவினார், மற்றும் அதற்கு "திம்மப்ப நாயக்கனஹள்ளி" என்று பெயரிட்டார்.பெத்த (தொட்ட) திம்மப்ப நாயக்கரின் காலத்தில் பாவகடா மாகாணத்தின் சில பகுதிகளை மராட்டியர்கள்  கைப்பற்றினர்.
திம்மப்ப நாயக்கர் அவைகளைத் திரும்பப் பெற முயன்றார். எனவே அவர் தனது இராணுவத்தை திரட்டிக்கொண்டு
மராட்டியர்கள் மீது தாக்குதல் நடத்தி மராத்தா அதிகாரிகளை தோற்கடித்து,
விருபசந்திரா, மாதீரச்சொண்டாபள்ளி, தொம்மதுமுரி, நெரலெகுண்டே,
செல்லபுரம் கிராமம் மற்றும் கும்மகட்டாவைக் கைப்பற்றினார். மேலும், மராட்டிய அதிகாரிகள் வந்து
பாவகடா நகரத்தை தாக்கி  சூறையாடிவிட்டு, பெத்த திம்மப்ப நாயக்கரை சிறையில் அடைத்தனர்
பெத்த திம்மப்பாவின் தம்பியான சிக்கவெங்கடபதி நாயக்கர் அண்ணனுக்கு பின் அரியணை ஏறினார்.




சிக்கவெங்கடபதி நாயக்கர்:-



அரியணைக்கு வந்த பிறகு, சிக்கவெங்கடபதி மராட்டியர்களின் சிறையிலிருக்கும் தனது அண்ணன்  டோட்ட திம்மப்ப நாயக்கரை விடுவிக்க பல முயற்சிகளை மேற்கொண்டார்.
அதற்காக அவர் மைசூர் சென்று ஹைதர் அலியிடம் உதவி கோரினார். தனது அண்ணனை மீட்டு தந்தால் பாவகடா ஹைதர் அலிக்கு விசுவாசமாக இருக்கும் என உறுதி அளித்தார் மேலும், ஆண்டுக்கு பத்தாயிரம் ரூபாய்  செலுத்துவதற்கான ஒப்பந்தத்திலும் கையெழுத்திட்டார்.



இதனால் மகிழ்ச்சி அடைந்த ஹைதர் அலி அவர்களுக்கு இடையே மத்தியஸ்தம் செய்து தொட்ட திம்மப்ப நாயக்காவை மராட்டா சிறையில் இருந்து மீட்டுத்தந்தார். சகோதரர் விடுதலையான பிறகு, சிக்கவெங்கடபதி சிம்மாசனத்தை அவரிடம் ஒப்படைத்துவிட்டு, அண்ணனின் உதவியாளராக நின்றார். இது சகோதரர்களிடையே அன்பை காட்டுகிறது. இவ்வாறு இந்த இரண்டு சகோதரர்களும் பாவகடாவின் முன்னேற்றத்திற்காக கடுமையாக பாடுபட்டனர். அவர்கள் 1774 வரை பாவகடாவை ஆட்சி செய்தனர். டோடா திம்மப்ப நாயக்கர் 1774 ஆம் ஆண்டில் மரணமடைந்தார். அவருக்கு இரண்டு மனைவிகள் லட்சுமம்மா, ராமச்சந்திரம்மா மற்றும் இரண்டு மகன்களும் இருந்தனர்.




ஹைதர் அலியின் தாக்குதல்:-

ஹைதர் அலி

தொட்ட திம்மப்ப நாயக்கரின் மரணத்திற்குப் பிறகு அவரது மூத்த மகன் பெத்த திம்மப்ப நாயக்கர் கார்த்திகை மாதத்தின் ஏழாம் வெள்ளிக்கிழமை விஜய சம்வத்ஸரா ஆண்டு 1774ல் அரியணைக்கு வந்தார்
 இந்த காலகட்டத்தில், ஹைதர் அலி மைசூரில் ஒரு சர்வாதிகாரியாக ஆட்சி செய்து கொண்டிருந்தார். அவர் உள்ளூர் தலைவர்களை நியமிப்பதற்கு எதிராக இருந்தார். முன்பு ஹைதர் அலி, மராட்டியர்கள் தெற்கு கர்நாடகா மீது அவர்களின் அதிகாரிகள் மூலம் படையெடுத்து பல மாகாணங்களை கைப்பற்றினர். இதன்விளைவாக, ஹைதர் அலி மராட்டியர் ஆளும் பகுதிகள் மீது தாக்குதல் நடத்தினார்,
மராட்டிய அதிகாரிகளை வெளியேற்றிவிட்டு அந்த பகுதிகளை தனது கட்டுப்பாட்டிற்கு கொண்டு வந்தார். மேலும் மதுகிரி, நிதுகல், மிடிகேஷி கோட்டைகளை நிர்வகிக்க தனக்கு விசுவாசமான அதிகாரிகளை நியமித்தார். அவ்வாறு 1774 ஆம் ஆண்டில் இந்த பகுதிகளை நிர்வகிக்க பிரதானி வெங்கப்பையாவை ஹதர் நியமித்தார். டோட்ட திம்மப்ப நாயக்கரின் காலத்தில்,
பாவகடா நாயக்கர்கள் ஹைதர் அலியுடன் நல்ல உறவைக் கொண்டிருந்தனர், மேலும் ஆண்டுக்கு வரியாக பத்தாயிரம் ரூபாய் பணம் செலுத்தி வந்தனர். பெத்த திம்மப்ப நாயக்கரின் மரணத்திற்குப் பிறகு இந்த நட்புறவு முழுவதும் சரிந்தது. எனவே ஹைதர் அலி மிதிகேஷி, நிதுகல், மதுகிரி மற்றும் சிராவை கைப்பற்றினார், மேலும் தனது பிரதானி வெங்கப்பையாவுக்கு பாவகடா கோட்டையைத் தாக்கவும் உத்தரவிட்டார். அவரது உத்தரவுப்படி, வெங்கப்பையா பாவகடா கோட்டையை தாக்கினார். ஆனால் அவனால் கோட்டையின் நுழைவு வாயிலை உடைக்க முடியவில்லை. தாக்குதல்
ஐந்து மாதங்கள் வரை தொடர்ந்தது. இறுதியாக வெங்கப்பையாவின் படை வெற்றிகரமாக கோட்டைக்குள் நுழைந்தது. பாவகடாவின் இராணுவம் தைரியமாக போராடிய போதிலும், அவர்கள் தங்கள் கோட்டையை இழந்தனர். ஹைதரின் படைகள் அரண்மனைக்குள் நுழைந்து பெத்தப்ப நாயக்கரையும் அவரது சகோதரர்களான சிக்கப்பா மற்றும் சிக்கவெங்கடபதிநாயக்ரையும் கைது செய்து அழைத்துச் சென்றனர்.
அவர்களின் முழு குடும்பமும் மதுகிரி சிறையில் அடைக்கப்பட்டனர்.




பிரதானி வெங்கப்பய்யாவின் நிர்வாக நிலை:-



பிரதானி வெங்கப்பையா நாயக்கர் குடும்பத்தை பராமரிப்பதற்காக அவர்களுக்கு கிராமம் ஒன்றை வழங்கியதாக ஆங்கில பதிவு கூறுகிறது. பிரதானி வெங்கப்பய்யா பாவகடாவுக்குச் சென்று மாகாணத்தின் விவரங்களை முழுமையான சேகரித்தார். பாவகடா மாகாணத்தில் சில கிராமங்கள் இணைக்கப்பட்டன
அண்டை மாகாணங்களில் கைப்பற்றப்பட்ட பகுதிகளையும் அவர் பாவகடாவுடன் இணைத்தார்.
மேலும் அவர் இவைகளை கவனிப்பதற்காக சுப்பாராவ் என்பவரை அமல்தாராக நியமித்தார்.
1775. சித்ரதுர்காவின் மடகரை நாயக்கர்களை தோற்கடிக்கும் நோக்கத்துடன், ஹைதர் அலி
1777 இல் மூன்றாவது முறையாக சித்ரதுர்காவை நோக்கி படையெடுத்தார். போருக்கு செல்லும் வழியில், ஹைதர்
அலியின் இராணுவம் பாவகடா அருகே முகாமிட்டது. பாவகடா மலையின் உச்சியில் இருந்து சுற்றியுள்ள பகுதிகளின்அழகைப் பார்த்ததன் மூலம்
அந்த இடத்தை தனது வலுவான தளமாக மாற்ற ஹைதர் அலி முடிவு செய்து தனது அதிகாரிகளுக்கு மலையில் சுவர்களை வலுப்படுத்தும் பணியை முடிக்கச்சொல்லி கட்டளையிட்டார். பிரதானி வெங்கப்பய்யா உடனடியாக பாவகடா கோட்டையையும் நகரத்தையும் பலப்படுத்த தொடங்கினார்,
இவ்வாறு அவர்கள் ஹைதர் அலியின் ஆணையை ஏற்று பாவகடாவை மக்களின் நகரமாக உருவாக்கினார்.




திப்பு சுல்தானின் நிர்வாகம்:-

திப்பு சுல்தான் 

சிறிய அளவிலான நிர்வாகத்தை ஒழுங்கமைக்க திப்பு சுல்தான் ஒரு முயற்சியை மேற்கொண்டார்,
வருமானத்தை சமன் செய்ய, அவர் நிடகல்லு பகுதியின் சில கிராமங்களை பாவகடாவுடன் இணைத்தார். இதே கொள்கையை திப்பு சுல்தானும் தொடர்ந்தார். திப்பு சுல்தான்
பாவகடாவுக்குச் சென்று, அதன் வருவாய்களை ஆராய்ந்து, சில கிராமங்களை ராயதுர்கா மற்றும் பெணுகொண்டா முதல் பாவகடா வரை இணைக்க உத்தரவிட்டார். அவரது உத்தரவுப்படி, ரோடம்
ராயதுர்கா பகுதியைச் சேர்ந்த பகுதி, பெணுகொண்டா மற்றும் திருமணி பகுதி ஆகியவை பாவகடா மாநிலத்துடன் இணைக்கப்பட்டன. பவகடா நாயக்கர்களால் மலையின் உச்சியில் கட்டப்பட்ட கோபாலசுவாமி கோயில்
பவகாடாவை புதுப்பித்தல் என்ற பெயரில் 1787 இல் இடிக்கப்பட்டது.
கோயிலை இடித்தபின், அதே இடத்தில் ஒரு மசூதியைக் கட்டினார். அது இன்றும் அங்கே காணக்கிடைக்கிறது.
இந்த 3 கட்டணங்களின் வருவாய் நிர்வாகத்தை திப்பு சுல்தான் ஒப்படைத்தார்
ஒரு வருவாய் அதிகாரி ருஸ்துங்கன். மேலும் ரோடம் சுங்கவரி பிரிக்கப்பட்டது
வருவாய் நிர்வாகத்திற்கான பாவகடா.ஆனால் ராப்டே மற்றும் ஹொனாபுரா கிராமங்கள்
ரோடம் சுங்கவரி பாவகடா சீமையில் (பகுதி) தக்கவைக்கப்பட்டது.
1970 ஆம் ஆண்டில், பிரிட்டிஷ் இராணுவம் பெங்களூரு பகுதியைத் தாக்கியது.
திப்பு சுல்தானுக்கு எதிராக போரிட காரன்வாலீஸ் பிரபு தலைமையில் படை தயாரானது. காரன்வாலீஸ் பிரபுவுடன் படையில் ஜெனரல் மிடோனோவும் இருந்தார். இதற்கிடையில், பெத்த திம்மப்ப நாயக்கர் (பிரதானி வெங்கப்பையாவால் சிறையில் அடைக்கப்பட்டவர்) சிறையில் இருந்தது, விடுவிக்கப்பட்டார், அவர் விடுதலையான பிறகு பாவகடா கோட்டையைத் தவிர சில பகுதிகளை ஆளத் தொடங்கினார். ஒரு வருடம் கழித்து, அவர் பாவகடாவையும் கைப்பற்றினார். இந்த நேரத்தில், திப்பு தோற்கடிக்கப்பட்டு பிரிட்டிஷ் உடனான ஒரு ஒப்பந்தத்திற்கு கையெழுத்திட்டார்.
எனவே திப்பு மற்றும் ஆங்கிலேய படைகள் தங்களுக்குள் சமாதான ஒப்பந்தம் செய்துக்கொண்டு தங்கள் இடங்களுக்குத் திரும்பும்போது, ​​திப்புவுக்குத் பாவகடா ஏற்கனவே பெத்த திம்மப்ப நாயக்கரின் ஆட்சியில் இருப்பது தெரியவந்தது. நிதி நெருக்கடியில் சிக்கி இருந்த திப்பு, சிறிய இராஜ்ஜியங்களின் பகுதிகள் மீது தாக்குதல் நடத்த முடிவு செய்தார்.
எனவே பாவகடாவை திரும்ப கைப்பற்ற தனது படையை அனுப்பினார். திப்பு இராணுவம் வந்தவுடன், திப்பு இராணுவத்தால் முற்றுகையிட பட்டவுடனே பெத்த திம்மப்ப நாயக்கர் பாவகடாவில் இருந்து தப்பி சென்றார். எனவே பாவகடா கோட்டைக்குள் நுழைந்து அதைக் கைப்பற்றினர் திப்புவின் படைகள். மேலும் திப்புவின் அதிகாரிகள் பாவகடா பகுதியின் நிர்வாகத்தை வெற்றிகரமாக, 1799 வரை பராமரித்து வந்தனர். இதற்கிடையில், திப்பு 1795 இல் பாவகடா கோட்டைக்கு வந்தார். கோட்டையின் கொள்ளை அழகு மற்றும் ஸ்திரத்தன்மையால் கவரப்பட்ட அவர் பாவகடாவிற்கு பக்தேஹாபாத் என மறுபெயரிட்டார். 1799 இல் ஆங்கிலேயர்களுக்கு எதிரான போரில் திப்பு சுல்தான் கொல்லப்பட்டார். மேலும்,
பாவகடாவின் அரசரான பெத்த திம்மப்ப நாயக்கர், கர்னல் அலெக்சாண்டர் ரீட்டை சந்தித்து அவரின் அனுமதியைப் பெற்று அடுத்த இரண்டு மாதங்களுக்கு பாவகடாவை ஆட்சி செய்தார். பிறகு
திப்புவின் ஆட்சிப் பகுதிகள் முழுவதுமாக பிரிட்டிஷாரால் கைப்பற்றப்பட்டு, இந்த பகுதிகளை மைசூர் உடையார் மகாராஜாவிடம் ஒப்படைத்தது பிரிட்டிஷ். இதன் விளைவாக பாவகடா மைசூரின் பாளையமானது மேலும் மைசூர் மன்னர்களை கவனிக்க ஒரு பிரதிநிதியும் நியமிக்கப்பட்டார். மைசூர் மகாராஜாவுக்கு அதிகாரம் கிடைத்தபோது பூர்ணய்யா மீண்டும் மைசூர் திவான் ஆனார். அவர் பாளையக்காரர்களுக்கு ஒரு உத்தரவை அனுப்பினார். அது பாளையக்காரர்கள் அனைவரும் தங்கள் கட்டுப்பாட்டில்
பகுதிகளை மைசூர் அரசின் அதிகாரிகளிடம் ஒப்படைக்க வேண்டும் என்பதாக இருந்தது. மேலும் அவர் கர்னல் டோல்ஃப்ரியின் தலைமையில் திம்மாஜி பந்தலுவுடனான ஒரு சிறிய இராணுவத்தையும் அனுப்பினார். இதனால் ஏமாற்றமடைந்த பாவகடா மன்னர் திவான் பூர்ணையாவை சந்தித்தனர், ஆனால் பயனில்லை. இறுதியாக அவருக்கு மன்னர் ஓய்வூதியம் வழங்கப்பட்டு பாளையம் பறிக்கப்பட்டது. மைசூர் மகாராஜா மும்மடி கிருஷ்ண ராஜேந்திர உடையாரின் உத்தரவின் பேரில், பாவகடாவுக்கு அமர்தாராக பூர்ணய்யா நியமிக்கப்பட்டார். இதனால்
பாவகடா மைசூர் மகாராஜாவின் கட்டுப்பாட்டில் முழுமையாக வந்தது.

பாவகடா நாயக்க வம்சாவழிகள்