ஆச்சிப்பட்டி அரண்மனை செப்பேடு

 

ராமபட்டிணம் ஜமீன் பட்டயம்:-

மாவட்டம்:-     கோயம்புத்தூர்

வட்டம்:-     பொள்ளாச்சி

கிராமம்:-     ஆச்சிப்பட்டி

செப்பேட்டில் உள்ள மொழி:-   தமிழ் மொழி

சாலிவாகன வருடம்:-   சாலி.1382, ஆவணி மாதம்

ஆங்கில வருடம்:-  கி.பி.1460, ஆகஸ்ட் மாதம்

அரசர்:-      இம்மடி எர்ரப்ப கவுண்டர்

பொருள்:-   தேவாங்க செட்டியார் சமூக தலைவர்கள் மற்றும் சமூகத்தவர்கள் ஆச்சிப்பட்டி பாளையக்காரர் இம்முடி எர்ரப்ப கவுண்டருக்கு எழுதிக்கொடுத்த சாசனப் பட்டயம்.

செப்பேடு:-

செப்பேட்டின் வரிகள்:- 

1. செனனி சென்ம  சௌ பாக்கியானாம் வாத்தினீ குலசம்பதாம் பதவி பூர்வ புண்ணியானா மலிக்கியதே சென்மபத்திரிகர் சோலைத் ஸ்ரீமன் சாலியவாகன சமார்த்தம் ௲௩௱ 

2. ௮௰௳ கலியுகசகார்த்தம் ௪௲௬௱௰௧ மேல் சொல்ல நின்ற துண்மிதி ௵ ஆவணி நலயத்தில் சுக்கிரவாரம் அத்தநட்சத்திரமும் திரயோதசியும் கூடிய சுபதினத்தில் எழுதிய சிலா

3. சாதன பட்டயம் என்னவென்றால் தாராபுரம் தலத்து செட்டுலை கார மல்லி செட்டி மகன் மல்லி செட்டி சின்னான் செட்டி மகன் வசவன் செட்டி சந்ததிவசவன் செட்டி மகன்

4. சந்தது செட்டி பெத்து செட்டி மகன் குமாரன் செட்டி தாராபுரத்து எசமானர்கள் நாலு பேரும் இருபத்திநாலு நாட்டிலுள்ள பத்தாயிரம் குலச்சாதியார் அதிபதியாகிய இம்மடிப்பட்டம் எற்றப்ப

5. கவுண்டர் அவர்களுக்கு எழுதிவைத்துக் கொடுத்தப்பட் டயம் என்னவென்றால் வாரக்க நாட்டுக்குச் சேர்ந்த தோதவாடி கிராமமும் எறுவாடி பட்டிணத்தில் சவு

6. பெத்தா விரமகுலத்தார் அனைவரும் கூட்டி சாதி ஞாயம் பேசும் போது ஸ்ரீமது இம்மடிப்பட்டம் கோபண்ண மன்றாடியார் அவர்கள் கிராமத்துக்கு வந்தவ

7. யனே வந்திருந்தபடியினால் சாதியார் அனைவொரும் கூட்டி இந்தபடிக்கு நீங்கள் அம்மன் சன்னிதியில் சாதி கூட்டத்துக்குள்ளே நாயவிரோதமாய் வந்திருந்தபடியினாலே அம்மனுக்கு அவுசெகமும் சாதிக்கு விருந்து

8. ம் செய்விக்கவேணுமென்று சொன்னதற்க்கு அவர் அம்மனையும் சாதியையும் பார்த்து உதாசனமான வசனமாய் சொல்லியும் பின்னும் சில தொந்திர சொல்லியும் பின்னும் சில தொந்திரவுகள் செய்கிறதாய் எத்திவை படுமிட

9. த்தில் இனிமேல் இந்த நாட்டில் இருக்க கூடாதென்று அம்மன் உத்தரவு நடப்பிவிச்சு நீங்கள் நம்ம வமுசத்திற்க்கு உடந்தை பட்ட வமுசமான படியினாலே வந்த ஆபத்துக்காக எங்களிடத்தில் வந்து சொல்லி கொண்டதுக்கு

10. நாங்கள் பரயக்கப்பட்டு உங்களையும் அம்மனையும் திரும்பிக் கொண்டு வந்ததைக் குறித்து நீங்கள் முன் சொன்ன பணம் எங்களுக்கு கொடுக்க வேண்டியதில் நீங்கள் எந்த யிடத்திற்கு போகமனதிருக்மோ

11. அந்தயிடத்துக்கு சாமியை எடுத்துக் கொண்டு போங்களென்று சொல்ல அப்ப அம்மனை எடுக்கும் போது அம்மன் அந்தயிடம் விட்டு இளகாமலிருந்த படியினாலே சாதியார் அனைவோருக் கூடி அம்மன் இந்த விடம் வி

12. ட்டு இளகாமலிருக்க வேண்டியதென்னவென்று அம்மனை உத்தரவு கேள்க்கும் போது அம்மன் ஆச்சிப்பட்டி கட டெமனவாகவும் நான் இவ்விடத்திலே தானே நில நாட்டாய் இருக்கவேணு

13. மென்று அம்மன் உத்தரவான படியினாலே நாங்கள் அம்மன் உத்தரவுக்கு விரோதமாய் இன்னொருயிடத்துக்கு போக கூடாது ஆகையால் அம்மனை இவ்விடத்திலே தானே நீங்கள் அம்மனையும் நில நாட்டு

14. செய்துவைத்து எங்களையும் சவரட்சனை செய்து கொள்ள வேணுமென்று கேட்டதைக்குறித்து அந்தப்படிக்கு அம்மனையும் அவர்களையும் வைத்து சவரட்சனை செய்து வருகிறபடியினாலே

15. நீங்கள் எங்களைக் குறித்து இவ்வளவு பிரவத்தனப்பட்ட படினாலேவும் நீங்கள் இந்த சீர்மைக்கு அதிபதியான படியினாலேவும் இந்த தெவ எங்கவமுசத்திற்க்கு உடந்தப்பட்டபடியினா

16. லயும் தாராபுரம் எசமனரும் சாதி அனைவரும் கூடி உங்களுக்கு கொடுக்கப்பட்ட எசமான ஸ்தானம் என்ன வென்றால் தேவாக்கு கேட்டு அம்மனையும் எடுத்துக் கொண்டு நல்லூர்க்க நாடுச 

17. முத்தூருக்கு போகலா மென்று சாதிஅனை வோரும் கூட்டிவரும். போதுமேல்படி கோப்பண மன்றாடியாரசன் சேகரத்துடனே பின் துடர்ந்து வந்து எல்லைப்பள்ளத்துக்குத் தெற்கே ஆச்சி

18. பட்டிக்கும் வடக்கே தடுத்து ரெகனை வய்து அம்மனைப் பிடிங்கிக் கொண்டு போறதாய் எத்தனைப்பட்டது தெரிந்து சில செட்டுக்காரர் ஆச்சிபட்டிக்கு அரண் மணையாரிடத்துக்கு வந்து முன்நடந்த

19. சங்கதிகளை எல்லாம் சொல்லி இப்ப இந்த வேளையில் எங்கமானத் தையும் பிராணத்தையும் கார்த்து அம்மனையும் தப்புவித்து கொண்டு வந்தால் உங்களுக்கு இரநூறு பொன் வீரராயன் பாத

20. காணிக்கையாக வைத்து குடுக்கிறோமென்று சொன்னபடியினாலே அரண்மனையாரும் சனசேகரத்துடனே அவ்விடம் போய் மேல்ப்படி கோப்பண மன்றாடியாரைக்கண்டு நம்ம எல்லைக்குள்

21. ளே வந்திருக்கப்பட்ட சனங்களையும் அம்மனையும் ராசிசெய்த அளய்த்துக்கொண்டு போக வேணுமே கவிராகனை செய்யக்கூடாதென்று சொன்னதற்க்கு நம்முடைய எல்லையிலிருந்து எடுத்து

22. க்கொண்டு ஓடிவந்தப்படியினாலே நாங்கள் பின்துடர்ந்து வந்து இவடத்தில் குறுக்காட்டி என் கிறாமத்துச் சுவாமியை நான் கொண்டு போற என்று சுவாமியை நிராகரித்தப் படியினாலே இருபேர்பா

23. ராயகாறருமனக் கலந்து அப்பிறமிப்ப நம்சிலசன  மிகன்பாடு கெடுகளாக மேற்ப்படி கோப்பண கவுண்டரை முடிக்கிவைத்து போட்டு மேல்ப்படி செட்டுக்காரரையும் அம்மனையும் எடுத்துக்

24. க் கொண்டு ஆச்சிப்பட்டிக்கு மகிழ புறமாய் ஆத்தோரத்தில் அம்மனை இறக்கி வைத்து அம்மனுக்கு அவிசகமும் வந்த சனங்களுக்கு விருந்து முதலாவதும் வமுசத்தில் வாயிசெ

25. ட்டுமைக்காரில் கூடி முதமையாயிருந்து கொண்டு நம்மவர் களான சாதியில் நடவாத நாலு குள்ளத்திற்க்கு தீர்வை முதலானா தற்க்கும் கூடிவிருந்து அரண்மனைக்குள்ளமும் பாகு

26. பட சணமும் உங்களுக்கு முன்பும் சாதி குள்ளம் பின்புமாய் இந்தப்படிக்கு எசமான் ஸ்தனமான உங்க காவலிந்த நாட்டுக்குச் சேத்த ஆச்சிபட்டி கிறாமமும் ஆவ

27. லப்ப நாயக்கர் சீர்மை தேவ னாயக்கர் சீர்மை நாகய்ய னாயக்கர் சீர்மை போடினாயக்கர் எத்தலப்ப னாயக்கர் சீர்மை எற்றம னாயக்கர் சீர்மை சம்பைய்யனா

28. யக்கர் சீர்மை வாண்றா யக்கவுண்டர் புலியாண்ட கவுண்டர் ஆனமலை சீர்மை ஊத்துக்குளி பெரும் படைப்ப சீர்மை வெங்கல நாட்டு கொல்லங்கோட்டு

29. சீர்மை கொங்கு மலயான பரியந்திரம் சாதி வழக்கப்படி அடக்கி நடத்திக்கொள்ளவும் வனத்க்கப்படிக்கு யாதாமொருவர் நடவாதே போனால் அவனிடத்தில் அரண்மனைக்கு

30. இருபத்தி நாலு பொன்னும் சாதிக்கு இருபத்திநாலு பொன்னும் வாங்கி அவனை சாதியில் சேர்த்தி அடக்கி நடத்திக்கொள்ளவும் இந்த பண்ணிரண்டு கிராமத்திலுள்ள

31. சாதியார் ஆச்சிபட்டி அம்மன் கோவில் தீர்வை தீர்த்துக் கொள்ளவும் இதுக்கு சாட்சி சவுண்டே ஸ்வரி இருமனங்க தவாகு, கல்யாண வெங்கிடா சலபதி முத்துவைய்யண

32. கவுண்டன் பொங்குலுக்கி நாடு சோரி செட்டி மகன் தாசு செட்டி மெத்தகாடு முத்து கிருஷ்ண செட்டி ஆல நாடு கொயமுத்த மருகுகிருஷ்ண றாயபேட்டை கட்டமனை தந்தனசெ

33. ட்டியார் இதற்க்கு யாதாமொரு வன் விகாதம் செயதா அசு-வத்திரி சுவத்தி ஸ்ரீயத்தி கோ வத்தி வீரமத்தி இந்த பஞ்ச பாதகமடைத்து காசியிலே கெங்ககரையிலே காராம்பசுவை

34. கொன்ற தோசத்திலே போகக்கடவது சாதனப்படிக்கு பயந்து நடந்த வனுக்கு ஆயிர ஆரோக்கியமும் புத்தி சந்தானமும் அஷ்ட அய்சூ வம்யமும் உண்டா யிருப்பான்

35. இந்தப்படிக்கு கல்லும் காவேரிபுல்தும் பூமி சந்திராதித்தருள வர்க்கும் தேவாங்குவமுச முள்ளவர்க்கும் கொருவை முசமுள்ளவாக்கும்  கொழு குறை

36. வில்லாமல் நடப்பி விச்சு கொல்லுகிறது இந்தப்படிக்கு தாராபுரத்து எசமானர் நாலுபேரும் பத்தாயிரம் குல சாதிவார் அனைவரும் கூடி ஆச்சு

37. பட்டியில் அம்மன் முன்னிலைக்கு தகுதிவைத்துக் கொடுத்த பட்டயம் சவுண்டேசுவரி இருமலிங்க சுவாமி துணை.

செப்பேட்டில் உரைக்கப்படும் செய்தி:-

ஆவணி மாதம் வெள்ளிக்கிழமை நாள் அஸ்த நட்சத்திரமும், திரயோதசியும் கூடிய நன்நாளில் எழுதிய சிலாசாசன பட்டயம் என்னவன்றால் தாராபுரம் ஊரின் செட்டுலை கார மல்லி செட்டியின் மகன் மல்லி செட்டி, சின்னான் செட்டியின் மகன் வசவன் செட்டி, சந்ததிவசவன் செட்டியின் மகன் சந்தது செட்டி, பெத்து செட்டியின் மகன் குமாரன் செட்டி ஆகிய இந்த தாராபுரத்து எஜமானர்கள் நான்கு பேரும் இருபத்திநான்கு நாட்டிலுள்ள பத்தாயிரம் குலச்சாதியார்களுக்கு அதிபதியாகிய இம்மடிப் பட்டம் கொண்ட ஆச்சிப்பட்டியின் அரசர் எர்ரப்ப கவுண்டர் அவர்களுக்கு எழுதிவைத்துக் கொடுத்தப்பட்டயம் என்னவென்றால் 

வாரக்க நாட்டுக்குச் சேர்ந்த தோதவாடி கிராமம் எறுவாடி பட்டிணத்தில் வாழும் சவு பெத்தா விரமகுலத்தார் அனைவரையும் அழைத்து சாதி கூட்டத்தில் பேசும் போது திருவாளர் இம்மடிப் பட்டம் கொண்ட வெள்ளியன்கிரி அரசரான கோபண்ண மன்றாடியார் அவர்கள் தனது ஆட்சிக்கு உட்பட்ட அக்கிராமத்தில் நடக்கும் தேவாங்கர் சாதி கூட்டத்திற்கு அனுமதி இல்லாமல் நியாய விரோதமாக வந்திருந்தபடியால் தேவாங்கர் சாதியார் அனைவரும் திரண்டு இவ்வாறு நீங்கள் அம்மன் சன்னிதியில் சாதி கூட்டத்துக்குள்ளே நியாயவிரோதமாக வந்திருந்தபடியினால் அதற்கு பரிகாரமாக அம்மனுக்கு சடங்கு பூஜைகளும், எங்கள் சாதிமக்களுக்கு விருந்தும் செய்து வைக்கவேண்டுமென்று சொன்னதற்கு கோபண மன்றாடியார், கோபப்பட்டு அவர்களின் அம்மனையும், தேவாங்கர் சாதியையும் பார்த்து உதாசினமான வசனங்கள் பேசியும், மேலும் அவர்களுக்கு பல தொந்தரவுகளைக் கொடுத்தும் வந்த காரணத்தினால் இனிமேல் இந்த நாட்டில் நாம் இருக்ககூடாதென்று முடிவு செய்து அம்மனின் உத்தரவை பெற்றிட தேவாக்கு கேட்டு பின் அம்மன் சிலையை எடுத்துக் கொண்டு நல்லூர்க்க நாடான சமுத்தூருக்கு போகலாமென்று சாதிமக்கள் அனைவரும் முடிவு செய்து பயணப்பட்டு வருகின்ற சமயத்தின் போதுமேற்படி கோப்பண மன்றாடியார் படைகளுடன் பின் தொடர்ந்து வந்து எல்லைப்பள்ளத்துக்குத் தெற்கே ஆச்சிபட்டிக்கும் வடக்கே அவர்களை தடுத்து சிறை வைத்து அம்மனைப் பிடிங்கிக் கொண்டு போய்விட்டார்கள்.

இதனை அறிந்துக்கொண்ட சில செட்டுக்காரர் ஆச்சிபட்டி அரண்மணையாரான எர்ரப்ப கவுண்டரிடத்தில் வந்து நடந்த விவரங்களை எல்லாம் சொல்லி இப்பொழுது இந்த வேளையில் எங்களின் மானத்தையும், பிராணத்தையும் காத்து அம்மனையும் மீட்டுக் கொண்டு வந்தால் உங்களுக்கு இருநூறு பொன் வீரராயன் பாதக்காணிக்கையாக வைத்து நாங்கள் குடுக்கிறோமென்று சொன்னக் காரணத்தால் அவர்களின் மீது பரிதாபப்பட்டு ஆச்சிப்பட்டி இம்முடி எர்ரப்ப கவுண்டர் தனது படைகளுடன் அவ்விடம் போய் மேபடி கோப்பண மன்றாடியாரை சந்தித்து எனது எல்லைக்குள்ளே வந்திருக்கின்ற மக்களையும், அம்மனையும் முறைப்படி பேசி சமாதானம் செய்து அழைத்துப்போக வேண்டுமே தவிர, அவர்களை துன்புறுத்தல் செய்யக்கூடாதென்று சொன்னதற்கு கோபண மன்றாடியார் எங்களுடைய எல்லையிலிருந்து அம்மனை எடுத்துக்கொண்டு இம்மக்கள் ஓடிவந்தப்படியினால் தான் நாங்கள் பின்தொடர்ந்து வந்து இவ்விடத்தில் தடுத்து நிறுத்தி என் கிராமத்து சுவாமியை நான் கொண்டு போகிறேன் என்று கூறி எர்ரப்ப கவுண்டரின் பேச்சை நிராகரித்தப் படியினால் இருவருக்கும் யுத்தம் எற்பட்டு இறுதியாக கோப்பண கவுண்டரை வீழ்த்தி மேற்படி செட்டுக்காரரையும் அம்மனையும் இம்மடி எர்ரப்ப கவுண்டர் மீட்டெடுத்துக் கொண்டு வந்து ஆச்சிப்பட்டிக்கு மகிழப்புறமாய் ஆத்தோரத்தில் இறக்கி வைத்தார்.

இதன்பிறகு அம்மனுக்கு பூஜைசடங்குகளும், வந்த மக்களுக்கு விருந்து முதலானவைகளையும் தேவாங்கர் சாதியின் செட்டுமைக்காரர்கள் கூடி முதன்மையாயிருந்து செய்துவைத்தார்கள்.

பின்பு இவர்களை நேக்கி எர்ரப்ப கவுண்டர் "தேவாங்கர் சமூகத்தவர்களான நீங்கள் எங்களின் வமுசத்திற்கு உடந்தை பட்ட வமுசமான படியினால் உங்களுக்கு வந்த ஆபத்தினை எங்களிடத்தில் வந்து சொல்லியக் காரணத்தால் நாங்கள் முயற்சி செய்து உங்களையும், அம்மனையும் திரும்பிக் கொண்டு வந்ததைக் குறித்து நீங்கள் முன் சொன்ன பணம் எங்களுக்கு கொடுக்க வேண்டியதை நீங்களே வைத்துக்கொண்டு எந்த இடத்திற்கு போக மனவிருப்பப்படுகிறீர்களோ அவ்விடத்திற்கு சாமியை எடுத்துக் கொண்டு போய்விடுங்கள்" என்று சொன்ன காரணத்தினால்  தேவாங்கர்கள் ஆலயத்திலிருந்து அம்மன் சிலையை எடுக்கும் போது அம்மனின் சிலை அவ்விடம் விட்டு சிறிதும் நகராமல் ஆணித்தரமான இருந்த படியினால் தேவாங்க சமூகத்தவர்கள் அனைவரும் கூடி அம்மனை இந்த இடம் விட்டு எப்படி நகர்த்தி கொண்டு செல்வது என ஆலோசித்த போது அம்மனிடமே உத்திரவு கேட்கலாம் என சமூகத்தார்கள் முடிவு செய்து தெய்வவாக்கு கேட்கிற பொழுது அம்மன் ஆச்சிப்பட்டியில் நான் இவ்விடத்திலே நிலையாக இருக்கவேண்டுமென்று உத்தரவு கொடுத்த படியால் அம்மன் உத்திரவுக்கு விரோதமாய் இன்னொருயிடத்துக்கு போககூடாது. ஆகையால் ஆச்சிப்பட்டியின் மன்னராகிய நிங்களே அம்மனை இவ்விடத்தில் பிரதிஸ்டை செய்துவைத்து எங்களையும் அரவணைப்பு செய்துக் கொள்ள வேண்டுமென்று வேண்டுகோள் விடுத்தனர். 

அம்மக்களின் வேண்டுகோளை ஏற்று அம்மனையும் அவர்களையும் அரவணைத்துக் கொண்டார் எர்ரப்ப கவுண்டர். 

இம்முடி எர்ரப்ப கவுண்டராகிய நீங்கள் எங்களைக் குறித்து இவ்வளவு அக்கரை கொண்ட படியினாலும் நீங்கள் இந்த சீர்மைக்கு அதிபதியான படியினாலும் இந்த அம்மன் எங்கள் வம்சத்திற்கு உடந்தப்பட்டபடியினாலும் தாராபுரம் எஜமானர்களும் சாதிமக்கள் அனைவரும் கூடி உங்களுக்கு கொடுக்கின்ற உறுதிமொழி என்னவென்றால்:

கூடியுள்ள சனமும், உங்களுக்கு முன்பும் சாதிக்குள்ளும் பின்புமாய் உள்ள அனைவரும் இந்தப்படிக்கு கூறுகின்றோம் எங்களின் எஜமானரான உங்களின் காவலுக்கு உட்பட்ட நாடான ஆச்சிப்பட்டி சீமையும்,  ஆவலப்ப நாயக்கர் சீமை, தேவ நாயக்கர் சீர்மை, நாகய்ய நாயக்கர் சீமை, போடி நாயக்கர், எத்திலப்ப நாயக்கர் சீமை (தளி), எற்றம நாயக்கர் சீமை, சம்பைய நாயக்கர் சீமை, வாண்றாய கவுண்டர் சீமை (சமுத்தூர்), புலியாண்ட கவுண்டர் ஆனமலை சீமை, ஊத்துக்குளி சீமை, பெரும்படைப்ப சீமை (கொச்சி) மற்றும் வெங்கல நாட்டு கொல்லங்கோட்டு சீமை ஆகிய கொங்கு மலையாள எல்லை சீமைகளின் சமூக-சமூதாய வழக்கத்திற்கு கட்டுப்பட்டு அடங்கி நடந்துக்கொள்ளவும் அப்படி சமூக வழக்கத்தை யாராவது பின்பற்றி நடக்காமல் போனால் அவனிடத்திலிருந்து அரண்மனைக்கு இருபத்தி நான்கு பொன்னும், சாதிக்கு இருபத்திநான்கு பொன்னும் அபராதமாக வாங்கிக்கொண்டு மீண்டும் அவனை சாதியில் சேர்த்து அடங்கி நடத்திக்கொள்ளவும் மேலும், இந்த பண்ணிரண்டு கிராமத்திலுள்ள எங்கள் சாதியார்கள்கள் அனைவரும் ஆச்சிபட்டி அம்மன் கோவிலில் தீர்வை தீர்த்துக் கொள்ளவும் இதற்கு சாட்சியாக சவுண்டேஸ்வரி அம்மனும், கல்யாண வெங்கிடாசலபதியும் (ஆச்சிப்பட்டி கல்யாண வெங்கடேச பெருமாள்) மேலும்,

முத்துவைய்யண கவுண்டன், பொங்குலுக்கி நாட்டின் சோரி செட்டி மகன் தாசு செட்டி, மெத்தகாடு முத்து கிருஷ்ண செட்டி, ஆலநாடு கொயமுத்த மருகு, கிருஷ்ணறாயபேட்டை கட்டமனை தந்தனசெட்டியார் ஆகியோரின் முன்னிலையில் வாசித்து எழுதப்பட்ட இப்பட்டயத்திற்கு விரோதமாக மீறி நடப்பவர்கள் பஞ்ச பாதகமடைத்து காசியிலே கங்கைக்கரையிலே காராம்பசுவைக் கொன்ற தோஷத்தை பெறுவார்கள்.

மேலும் இவ்விசயங்களுக்கு கட்டுப்பட்டு பயந்து நடப்பவனுக்கு நீண்ட ஆயுளும், ஆரோக்கியமும், மக்கட் பேரும், அஷ்ட ஐஸ்வர்யங்களும் பெற்று வாழ்வான்.

இந்தப்படிக்கு கல்லும், காவேரியும், பூமியும், சந்திரன் சூரியனும் உள்ளவரையும் தேவாங்கர் வம்சத்தில் உள்ளவர்களுக்கும், கொரு வம்சத்தில் உள்ளவர்களுக்கும் குற்றம் குறைவில்லாமல் இவ்விதிகளையும், முறைகளையும் நடைமுறைப்படுத்த தீர்மானித்துக் கொள்கிறோம்.

இப்படிக்கு தாராபுரத்து எஜமானர்கள் நான்குபேரும் பத்தாயிரம் குல சாதிக்காரர்கள் அனைவரும் கூடி ஆச்சிப்பட்டியில் அம்மன் முன்னிலையில் எழுதிவைத்துக் கொடுத்த பட்டயம்

சவுண்டேசுவரி இருமலிங்க சுவாமி துணை.

குறிப்பு:-

* இம்மடி (இம்முடி) பட்டம்:

ஆச்சிப்பட்டி மற்றும் புரவிப்பாளையம் மன்னர்களுக்கு விஜயநகரப்பேரரசின் உயரிய விருதுகளுள் ஒன்றான இம்மடி பட்டம் வழக்கப்பட்டுள்ளதை இச்செப்பேட்டின் வாயிலாக அறியமுடிகின்றது.

இம்மடி என்னும் சொல் "இம்மாடி" என்கிற தெலுங்கு மொழிச் சொல்லில் இருந்து திரிபு பெற்று வந்ததாக கூறப்படுகிறது. 

இம்மடி என்பதற்கு இராண்டாமவன் என்பது விளக்கம் அதாவது மாமன்னருக்கு அடுத்த அந்தஸ்தில் இருப்பவர்கள் என்று பொருள்.

மேலும், இப்பட்டமானது பாளையக்காரர்களுக்கெல்லாம் உயர்வானவன் அல்லது பாளையக்காரர்களின் தலைவன் என்னும் விஜயநகரப் பேரரசின் ராஜாங்க பதவியினைக் குறிக்கும் கவுரவ சிறப்புப்பட்டமாகவும் கருதப்படுகின்றது. 

* ஆரம்பத்தில் வெள்ளியங்கிரி பட்டிணத்தை ஆண்டு வந்த கோபண மன்றாடியார்கள். பிற்காலத்தில், மைசூர் உடையார் மன்னருக்கு மலையாள ராஜாவின் மீதான படையெடுப்பில் உதவிய காரணத்தினால் அதற்கு பரிசாக புரவிபாளையத்தைப் பெற்றுக்கொண்டு அப்பகுதியில் தங்களது புதிய பாளையத்தை அமைத்துக்கொண்டனர்.