நந்தகோபால ஏர்ரப்ப கவுண்டர் கல்யாண வைபவம் - மாம்பழக்கவி

 

பொள்ளாச்சி தாலுக்கா ராமபட்டினம் ஜமீன்தார் கனம் நந்தகோபால எர்ரைய துரையவர்கள் அரண்மனையில் நடந்த கல்யாண வைபவம்:- 

முதல் மற்றும் இரண்மாம் பாடல்

மூன்றாம் பாடல்

காலம்:-    கி.பி. 19ம் நூற்றாண்டு

இடம்:-    ராமப்பட்டிணம் அரண்மனை

புலவர்:-    மாம்பழக்கவி சிங்கராவலர்

பாட்டுடைத்தலைவன்:-   நந்தகோபால எர்ரைய கவுண்டர்

பாடல் வரிகள்:-

இராகம் தோடி, தாளம் - ஆதி

பல்லவி

1. அரண்மனைக் கல்யாண வைபோகம் - சொல்வ அமையுமோ இங்கு நம விமரிசையும் அனேகம்             (அரண்)

அநுபல்லவி

 வரமருவு கங்கப்ப வம்ச சல்லாபன்

மலையாண்டித் துரைபெற்ற மதனகுண தீபன் பாவுராம பட்டினப் பாண்டியன் பிரதாபன் பதுமமுக தந்தகோ பாலஎர்ரைய பூபன்     (அரண்)

சரணங்கள்

 இந்த நிலவனமை காண - இந்திரவிமானம் வந்த தெனப்பெருமை பூண - வெகுளிசித்திரம் முந்த மதிவலர்கள் பேண - வேலைகளைக் கண்டு

அந்த மயனும் அதிநாண - வாழைகமுகு பொங்க விளைந்த கரும்பும் ஒழுங்கினில் நாட்டி

கூந்தற்பனைச்ச ரங்கள் குலுங்க நெருங்கிக் கொடுங்கைகள் நீட்டி - வர்ணப் பொம்மைகள்

சங்கமெனும் தொகையும் தணிவென்றிட மாட்டி - குளோப்பு: லஸ்தர் எங்கணுமின்ப நிறைந்த செழும்ப்ரபை காட்டி - சொலித்து

கொட்டகை திருத்திதல அற்புதம் இது அற்புதம் இது என்னப் இணங்கள் - பூர்ண கும்பங்கள் இட்ட கருதிப்படித் திசை திசை தழைத்தினிது மன்ன -

முனைப்பாலிகை வட்டம் இசையச் சகல பக்கமும் மணிக்கவரி மின்னப் பைந்தோரணங்கள்

கட்டிய கிளர்ச்சியிடை மற்றுயர் நிலைத்த விசு துன்ன -

சுபசோபன

செய்யுள் பாடலின் பொருள்:-

ராமபட்டினம் ஜமீன் அரண்மனையில் நடந்த கல்யாண விமரிசை சொல்ல அமையுமோ? இங்கு நம் விமரிசையும் அனேகம் கங்கப்ப வம்சத்தின் (கங்கப்பலுவார்) காதல் அல்லது சரச சல்லாபம் கொண்ட மலையாண்டித் துரை பெற்ற மதனன். குணதீபன், ராமபட்டினம் பாண்டியன், நந்தகோபால பூபன். 

பூரண கும்பம்

அரண்மனைக் கல்யாண விமரிசை சொல்லில் அடங்காது. இந்த நிலத்தின் வளம் காண இந்திர விமானம் வந்தது போன்று அலங்கரிக்கப் பெற்ற கொட்டகைகள் திருத்தி, இது அற்புதம் அற்புதம் என்று சொல்ல அமைத்து, மங்கள கீதங்கள் மடந்தையர்கள் பாடவும், பெரியோர்கள் வாழ்த்தி மந்திர அட்சதை போடவும், வாணர்கள் கொண்டாடவும் விசேடமாக நடைபெற்ற அரண்மனைக் கல்யாண விமரிசை சொல்லில் அடங்காது.

அருஞ்சொற்பொருள்:-

1, மயன் - தெய்வத் தச்சன்

2, குளோப்புவஸ்தர் - கண்ணாடியால் ஆன விளக்குக் கூண்டு

3, கருதிப்படி - விதிப்படி. 

4, நிலைத் தவிசு - நிலைந்த இருக்கை

பாடல் வரிகள் :-

2. சல்ல துந்துபி தடாரி - டங்கா நகாரா மல்லரி ஜண்டை தவில்பேரி - உறுமிதுடி வெல்லரி தாகிய துத்தாரி - தாரை எக்காளம்

சில்லரி மாமுரசு பூரி - வாங்காக் கரினாக்கள் கொம்பு தவண்டை குடம்பண வங்குழல் தால - சின்னம் சாரங்கி தம்புரு கன்சுர மண்டலி ரஞ்சித மோக - வீணை பிட்டில்வ லம்புரி பம்பை தடங்கடல் உண்டெமுமேக - கால்ளை போலப் பம்பி அதிர்ந்து முழங்க உடன் பலமாக - தித்திகைத்தாளம் மத்தளம் இடக்கைசர பத்தினுடன் உத்தமர்கள் படிக்க -

திரிகிட ஜெனு தித்திமி எனப்பரத சித்தினிகள் பற்பலரும் நடிக்க - அவர்கள் கற்ற

வித்தையை மதிந்தரசர் கட்கு இருபுயக்குவடு தடிக்க - வேட்டுப் பாவாடை மொய்த்திரு சுருட்டி கொடி வர்க்கம் நிறையக் குடைகள்

பிடிக்க - தானாவினோத வாண வேடிக்கைகள் வகை வகை சேர வரிசைவிட் டனைவரும் மகிழ்வது கூர வேண்பந்து ஜனங்கள் விகிர்தர்கள் நேர

விருப்பமுடன் நடத்தும் மேன்மைப்ரபு சிங்கார (அரண்)

செய்யுள் பாடலின் பொருள்:-

எக்காளம் இசைக்கருவி

துந்துபி, ஜண்டை, தவில், உறுமி, முரசு, பம்மை, வீணை, மத்தளம், எக்காளம், தவண்டை ஆகியவைகளுடன் மேலும் பற்பல வாத்தியங்கள் முழங்கவும், மாதர்கள் நடனம் ஆடவும் வாண வேடிக்கைகள் வகைவகையாகச் சேரவும், வரிசை வரிசையாக மக்கள் கூடி மகிழவும், நடை பெற்றது அரண்மனைக் கல்யாண வைபவம்.

அருஞ்சொற்பொருள்:-

1, பரத சித்தினிகள் - பரத நாட்டியச் சித்தினிப் பெண்கள். 

2, வேட்டுப் பாவாடை - பழைய கால ஆடைகளில் ஒன்று.

3, பந்து ஜனங்கள் - பந்துவர்க்கங்கள். 

4, விகிதர்கள் - மற்றவர்கள்.

 

3. ஞானவேதியர் பெருங்கூட்டம் - வீசியபூரி தானமதில் வறுமை ஓட்டம் - எடுத்த தென்றால் ஆனதீம் போஜன சிரேட்டம் - என்ன சொல்வது வானகாம் தேனுவும் தேட்டம் - கொளத்தக்கது

சந்தன குங்குமமும் புனு கும்பனிநீரும் - பச்சைக் கற்பூர கத்தமும் அண்டம் அளத்தன நின்திமையோகும் - ஏற்றார். தாம்பூலம் விந்தை விளம்புவ தன்று விருந்தினர் யாரும் வஸ்த்ரா பரண 

சுந்தர சம்ப்ரம தூங்க மடைந்தனர் பாரும் - வேங்கடாசல்

சக்கர தரக்கடவுள் சத்யபத துத்ய விசுவாசம் - உள்ள தனது மக்கள் மருமக்கள் கனமுற்ற பவனித்திருவிலாசம் - 

விரித்துரைக்க

மிக்கவர் கருத்தினி லுதிக்கு மியல் மெச்சியது தேசம் - அஷ்டைஸ்வர்பமும் ஒக்க அபிவிர்த்திமரு வப்ரபல லட்ச்மி முழுநேசம் -

வைத்தனன் என்றும்

பொருந்து புகழ்வளர் புண்ய சரீரன் புவன பரிபாலன புனித கெம்பீரன் திருந்து மாம்பழக் கவிச் சிங்க உதாரன் சீலதிதி தந்தகோபால எர்ரைய தீரன்

(அரண்)

செய்யுள் பாடலின் பொருள்:-

 வேதியர் கூட்டம் கூடவும், அன்னதானப் பந்தி விமரிசையாக நடக்கவும், சுற்றம் மக்கள் மருமக்கள் கூடவும், புகழ்வளர் புண்ணியன் மாம்பழக் கவிச் சிங்கத்தின்மீது அன்பு கொண்ட கொடையாளியான நந்த கோபால எர்ரைய தீரன் அரண்மனைக் கல்யாண வைபோகம் சொல்ல அமையுமோ? இங்கு விமரிசையும் அனேகம் என்பதாம்.

அருஞ்சொற்பொருள்:-

 1, வேதியர் - அந்தணர் 

2, பூரிதானம் - பொன்தானம். 

3, நீம் போஜனம் - மதுர உணவு. 

4, அண்டம் அளந்தன - வானை அனந்தன. 

5, சக்கரதரக் கடவுள் - திருமால்.

6, அஷ்டைஸ்வர்யம் - எட்டுவகைச் செல்வம்.