நந்தகோபால எர்ரப்பகவுண்டரின் கொடையுள்ளம் - மாம்பழக்கவி

 

 இராமபட்டனம் ஜமீன்தார் நந்தகோபால துரை அவர்கள்மீது பாடியது:-

காலம்:-    கி.பி. 19ம் நூற்றாண்டு

இடம்:-    ராமப்பட்டிணம் அரண்மனை

புலவர்:-    மாம்பழக்கவி சிங்கராவலர்

பாட்டுடைத்தலைவன்:-   நந்தகோபால எர்ரைய கவுண்டர்

பாடல் வரிகள்:-

காலால் நடந்துவரு கவிராம சருக்கொரு கணக்கு நல்குதிரை ஏறும் கல்விமான் கட்கு ஒரு கணக்கு வண்டியில் வரும் கவிவலர்க்கொரு கணக்கு களபெட்டி வண்டியுள வித்வான் களுக்கொரு கணக்கு மேனாவில் வந்த கவிஞரா னோர்கட்கு ஒரு கணக்குச் சிபாரிசுக் காகிதம் கொண்டுகண்ட 

மாலான புலவருக் கொரு கணக்குச் சால்வை வலூரக் கடுக்கள் முந்து வாய்ந்த கெண் டைச்சோமன் உருமால் அணித்திவாணருக் கொரு கணக்கு மற்றுமிப் படியே வழக்கம்இப்போது சில மனிதர் தருகின்ற வரிசை வயண டம்பங்களை மதிப்பதே அவதுதமிழ் மகிமை யாவரும் அறிவரோ 

மேலான கல்வித் தராதரம் பார்த்துதவு விஜய கர்னாவ தார விற்பன்னன் நீ அன்றுவேறு ஒருவர் இலைஎன்று மிகவும் நினையே நம்பினோம் மேட்டில் விட்டாலும் தின்பெருமையே பள்ளத்தில் விட்டாலும் நின் பெருமையே வீறுகைக்கு உபசாரமேன் உணக்குச் சகல விதமும் தெரிந்திருக்கும்.

கோலாகலக் கீர்த்தி குறையாத செல்வம். கொடுப்பவர்க ளேஉயர்ந்தோர் கூர்ந்துதல் லோர்தமக்கு அருளுவது கருடன் குலாவுகால் கெச்சமாகும். கோகனக வனிதைகுடி கொண்ட மணிமார்ப குங் கும களப் புய பூதரா குணராம பட்டண சமஸ்தான கனநந்த கோபால புவனேந்த்ரனே

மாம்பழக்கவி சிங்கநாவலர்-

செய்யுட் பாடலின் பொருள்:-

காலால் நடந்து வருகின்ற கவிராசர்கட்கு ஒரு கணக்கு, குதிரை ஏறி வரும் கல்விமான்கட்கு ஒரு கணக்கு, வண்டியில் வரும் கவி வவர்க்கு ஒரு கணக்கு, பெட்டி வண்டியுள வித்துவான்களுக்கு ஒரு

கணக்கு, மேனாவில் வரும் கவிஞர்களுக்கு ஒரு கணக்கு, சால்வை வச்சிரக் கடுக்கன் முருகு கெண்டைச் சோமன் உருமால் அணிந்த வாணருக்கு ஒரு கணக்கு, சிபாரிசுக் கடிதம் கொண்டு வரும் புலவருக்கு ஒரு கணக்கு. இப்படி இன்று வழக்கம். சில மனிதர் தருகின்ற வரிசை வெறும் டம்பங்களை மதிப்பது அல்லாது தமிழ் மகிமையை யாவரும் அறிவார்களோ?

மேலான கல்வித் தராதரம் பார்த்து உதவுகின்ற கர்னாவதார விற்பனன் உன்னையன்றி வேறு யாரும் இல்லை. ஆதலின் மிகவும் உளையே நம்பினோம், மேட்டில் விட்டாலும் பள்ளத்தில் விட்டாலும் உன்பெருமையே, பெருமை, உதவுகின்ற கைக்கு உபசாரம் ஏன்? உனக்குச் சகல விதமும் தெரிந்து இருக்கும்

கோலாகலமான கீர்த்தி குறையாதபடி கொடுப்பவர்களே உயர்ந்தோர், கூர்ந்து; நல்வோர்களுக்கு உதவுவது கருடன் கால் சலங்கையாகும். திருமகள் குடிகொண்ட மணிமார்பனே! குங்கும களபமணிந்த புய பூதரனே, குணமான ராமபட்டண சமஸ்தான நந்த கோபால புவனேந்திரனே! உறவுக,

 அருஞ்சொற்பொருள்:- 

1, வயண டம்பங்கள் - வீண் ஆடம்பரம்,

2, விறுகைக்கு உபாாரம் ஏன் - நம் கை செய்கின்ற உதவிக்கு நாம் என்ன மநிப்புக் கொடுக்க முடியும்” 

3, கெச்சம் - சலங்கை கோசுகை 

4, வனிதை - திருமகள்.