🔅 கொல்லவார் 🔅 [గొల్ల|GOLLA|ಗೊಲ್ಲ] [యాదవులు - ಯಾದವರು]

கொல்ல, எர்ர கொல்ல, பாகநாட்டி கொல்ல, குறும கொல்ல,தோக்கல கொல்ல, காடு கொல்ல, நல்ல கொல்ல,பூஜ கொல்ல, கிருஷ்ண கொல்ல, வடவர் , அஸ்தாந்திர கொல்ல, தூமாட்டி கொல்ல, வடுக ஆயர் போன்ற பல உட்பிரிவுகளை உள்ளடக்கியது கொல்லவார் குலம். ஆந்திரா, தெலங்கானா, கர்நாடகா, மகாராஷ்டிரா,ஒரிசா, தமிழகம் ஆகிய மாநிலங்களில் பரவி வாழும் யாதவர்கள் (YADAVAS). பெரும் பேரரசுகளை ஆண்ட பேரரசர்களாகவும், தெலுங்கு, தமிழ், கன்னட பாளையங்களின் பாளையக்காரர்களாகவும் இருந்து தென்னாட்டின் மீது கோலோச்சி அரசாட்சி செலுத்திய சந்திரவம்ச க்ஷத்திரியர்கள்.

புதன், 8 டிசம்பர், 2021

பாவகுடி (பாவகடா) மலை கைப்பீது - சிறுக்குறிப்பு

பாலப்ப நாயக்கர் வம்சாவளி:-

பாவகடா கோட்டை

முந்நூறு ஆண்டுகளுக்கு முன்பு இவ்விடம் புலிகளும், பிற கொடிய விலங்குகளும் சூழ்ந்திருந்த அடர்ந்த வனப்பகுதியாக இருந்தது.

சங்கம ராயர் என்ற ஒருவர், ராயர் நாட்டிலிருந்து வந்து, சில நிலங்களைச் சீர்படுத்தி, இங்கே ஒரு கோட்டையை அமைத்து ஆண்டுவந்தார்.

சங்கம ராயர் குத்தியை (Gooty) பிடிக்க விரும்பினார், ஆனால் அவரால் அதைச் செய்ய முடியவில்லை; அப்போது அவரது படையில் அதிகாரியாக பணியாற்றி வந்த பெத்த பாலப்ப நாயக்கர் தானாக முன்வந்து, தனது யுக்திகளின் மூலம் கோட்டையை கைப்பற்றி, அக்கோட்டையின் மீது சங்கம ராயரின் அதிகாரத்தை நிறுவினார்.

பாவகுடி மலை கைப்பீது - 1

பாலப்ப நாயக்கர் எர்ர கொல்லவார் வகுப்பைச் சேர்ந்தவர். பின்னர், இவ்வெற்றி நிகழ்வை முன்னிட்டு சங்கம ராயரின் நம்பிக்கைக்குரிய உயர் அதிகாரியாக அவர் பதவியேற்றார்; பாலப்ப நாயக்கரின் கட்டளையின் கீழ் படைக்குழுவினர் செயல்பட்டனர். இவ்வாறிருக்க, மேற்கூறிய சங்கம ராயர் தனது பிரஜைகளுக்கு கொடுமைகள் மற்றும் பிற முறைகேடுகளை செய்து வருவதைக் கேள்விப்பட்ட பாலப்ப நாயக்கர் முன்னூறு படைவீரர்கள் தலைமையில் அவருக்கு எதிராகச் போரிட்டு, அவரைக் கைப்பற்றி, தனது வாளால் வெட்டி கொலை செய்தார். பின்னர் தானே அந்த அரசை ஏற்றார்.

மேலும், இயற்கையாகவே பாம்பை போன்ற தோற்றத்தினை கொண்டிருந்த காரணத்தால் மதகிரி மலையில் ஒரு சிறிய இராணுவச் சாவடியை அவர் அமைத்தார்.

பெனுகொண்டாவில் இருந்த தலைமை தளபதிகள் மற்றும் அமைச்சர்கள் விஜயநகர அரசிற்கு ஏதிராக முறைகேடுகளிலும், கலகங்களிலும் ஈடுபட்டிருந்ததைப் பற்றி கேள்விப்பட்ட பாலப்ப நாயக்கர் உடனே பெனுகொண்டா விரைந்து, அக்குறுநிலத் தலைவர்களை வென்று, அங்கு தனது சுய அதிகாரத்தை நிலைநிறுத்தினார்.

பெனுகொண்டாவில் நடந்த கலகத்தை ஒடுக்கி, அங்கு நிலைமையை தான் சீர் செய்ததைக் குறித்து பாலப்ப நாயக்கர் கடிதம் ஒன்றினை விஜயநகர ராயருக்கு எழுதி அனுப்பினார்.

பாலப்ப நாயக்கரின் புத்திசாலித்தனத்தால் மகிழ்ச்சியடைந்த ராயர் உடனடியாக பெனுகொண்டாவிற்கு வருகைப்புரிந்தார்,

மேலும், அவர் பாலப்ப நாயக்கரை சிறப்பாகக் கௌரவித்தார்,

தலைச்சிறந்த ஆற்றல் மிக்க குதிரை ஒன்றினையும் மற்றும் வேறு சில உயரிய விருதுகளையும் ராயர், பாலப்ப நாயக்கருக்கு வழங்கி சிறப்பித்தார்.

பாவகுடி மலை கைப்பீது - 2

சாலிவாகன வருடம் 1426ல் (கி.பி. 1504) பாவகடாவின் பிரபுத்துவ இறையாண்மைக்கு அவரை முறைப்படி அரசராக முடிசூட்டி, சில கூடுதல் பிரதேசங்களையும் விஜயநகர ராயர் வழங்கினார்.

அவ்வாறு ஆட்சி செய்யும் போது, வேணு கோபால ஸ்வாமியின் திருக்கோவிலையும் பாலப்ப நாயக்கர் எழுப்பினார். அவருக்கு இரண்டு மகன்கள் இருந்தனர்; மற்றும் அவரது மரணத்திற்குப் பிறகு, சிறிது காலம் அவரது மகன் சின்ன பாலப்ப நாயக்கர் ஆட்சி செய்தார் , சின்ன பாலப்ப நாயக்கருக்கு பின் அவரது இளைய சகோதரர் திம்மப்ப நாயக்கர் ஆட்சிசெய்தார்; இவருக்கு பின் இவரது மகன் பாலப்ப நாயக்கர். இவ்வாறாக வாரிசுகள் பின்வருமாறு தொடர்ந்தது ஆண்டனர்.

தாத்தப்ப நாயக்கர்.......... அவரது இளைய சகோதரர்.

திம்மப்ப நாயக்கர்.......... பிந்தையவரின் மகன்.

பாலப்ப நாயக்கர்.

திம்மப்ப நாயக்கர்.

தாத்தப்ப நாயக்கர்.

திம்மப்ப நாயக்கர்.

பாலப்ப நாயக்கர்.

திம்மப்பா நாயக்கர்......... நீண்டகாலம் சிறையில் அடைக்கப்பட்டவர்; பிறகு அங்கிருந்து மீட்கப்பட்டு மீண்டும் முடிசூட்டப்பட்டார். இவர் 24 ஆண்டுகள் ஆட்சி செய்தார். அவருக்கு மூன்று மகன்கள் இருந்தனர்:

மூத்தவர் ஐந்து ஆண்டுகள் ஆட்சி செய்த பெத்த திம்மப்ப நாயக்கர். இவர் ஏரி, குளங்கள் பலவற்றை வெட்டினார்; இவரின் ஆட்சிக்காலத்தின் போது மராட்டியர்கள் பூனாவிலிருந்து வந்து பாவகடாவை பிடித்தனர். பின்னர் இது ஹைதர் அலி மற்றும் திப்பு சுல்தானின்வின் அதிகாரத்தின் கீழ் வந்தது, இவ்வாறாக ஆட்சி மாற்றங்களுடன் சென்றது.

பாவகடா கோட்டைக்கு எட்டு வாயில்கள் உள்ளன. அவ்வாயில்களில் பீரங்கிகள் பொருத்தப்பட்டுள்ளன.

பாவகடா கோட்டை புகைப்படங்கள்:-