பழைய சேலம் மாவட்ட ராணுவக்குடிகள் - F.J.ரிச்சர்ட்ஸ்

 

பழைய சேலம் மாவட்டத்தின் ராணுவ சாதிகள்:-

ராணுவக் குடிகள்

தற்போதைய சேலம், தருமபுரி, கிருஷ்ணகிரி, நாமக்கல் ஆகிய மாவட்டங்களை உள்ளடக்கியிருந்த பழைய சேலம் மாவட்டத்தின் ராணுவக் குடியினர்களைப் குறித்து 1916ல் அப்போதைய பிரிட்டிஷ் அரசாங்கத்தின் சேலம் மாவட்ட கலெக்டரான திரு F.J.ரிச்சர்ட்ஸ் அவர்கள் தொகுத்த அறிக்கைகளை "Madras District Gazetteers, Salem, Volume -1" என்னும் நூலில் கீழ்கண்டவாறு விவரிக்கின்றார்.

(9) ராணுவ சாதிகள்:- 

Madras District Gazetteers, Salem, Vol - 1

சேலம் மாவட்டம், குறிப்பாக பாரமஹால் பகுதி கடந்தகால நாட்களின் போர்ப்படையினர்களின் நினைவுச்சின்னங்களால் நிறைந்துள்ளது. 2,267 நபர்கள் தங்களை "க்ஷத்திரியர்கள்" என பதிவு செய்திருந்தாலும், அவர்களின் பட்டத்திற்கான உரிமைகோரல்கள் விமர்சனங்களை தாங்குமா என்பது சந்தேகமே. பள்ளிகள் மற்றும் வேட்டுவர்களின் ராணுவ மரபுகள் ஏற்கனவே குறிப்பிடப்பட்டுள்ளன (பக்கம் 142 மற்றும் 150). 

விஜயநகரப் பேரரசின் வெற்றியினுடைய பெரும் அலையானது பலிஜவாருகள், காப்புக்கள், கம்மவாருகள், தெலகாக்கள் மற்றும் ராஜூக்கள் போன்ற சமூகத்தினரின் குடியேற்றங்களின் மூலம் குறிக்கப்படுகிறது. 

ராணுவக்குடிகள் பற்றி F.J.ரிச்சர்ட்ஸ்

பாகலூர் பாளையத்தின் பாளையக்காரர் தெலுங்கு வம்சாவளியைச் சேர்ந்த போர்ப்படை வீரர் ஆவார். பென்னாகரம், கோடிஹள்ளி, பெரும்பாலை போன்ற கோட்டை கிராமங்கள் இன்றளவும் கொல்லவாரு மற்றும் பலிஜவாரு போர்ப்படையினரின் வம்சாவளியினர்களை தக்கவைத்துக் கொண்டுள்ளது. அவர்கள் தற்போது வாள்களுக்குப் பதிலாக ஏர்கலப்ப்பைகளையும் மற்றும் கதிர் அறுக்கும் அரிவாள்களையும் கொண்டுள்ளனர்.

அதே நேரத்தில் குறிப்பாக எஞ்சியிருக்கும் பாளையங்களில் போர்ப்படை சேவைக்களுக்காக வழங்கப்பட்ட உம்பிளிக்கை இனாம்கள் (ராணுவ சேவைக்காக வரிவிதிப்புகள் ஏதுமின்றி மன்னரால் இனாமாக வழங்கப்பட்ட நிலங்கள்) இன்றளவும் கொல்லவாருகள், பலிஜவாருகள் மற்றும் பேஸ்தர்களால் அனுபவிக்கப்பட்டு வருகின்றன.

கன்னட மக்களின் போர்க்குணங்களுக்கு மாஸ்தி பாளையக்காரர்களும் (பேரிக்கை மற்றும் சூளகிரி), மேலும் பேடர்கள் மற்றும் குறுபர்களுக்கு வழங்கப்பட்ட உம்பிளிக்கை இனாம்களும் சாட்சியமளிக்கின்றன. இறுதியாக பதினெட்டாம் நூற்றாண்டின்  ரத்தக்கறை படிந்த வரலாறு முகமதியர், மராட்டியர் மற்றும் ராஜபுத்திரர்களின் பாரம்பரிய குடியேற்றங்களை இங்கு விட்டுச் சென்றது.

கி.பி.1900களின் சேலம் மாவட்ட வரைப்படம்