முத்தியாலப்பாடு சமஸ்தானம் - பரசுராமநாயுடு வம்சாவளி கைப்பீது

 

முத்தியாலபாடு சமஸ்தான கைப்பீது:-

முத்தியாலப்பாடு சமஸ்தானம்

பெத்தீட்டி கொல்லவார் குலத்தின் பாளையப்பட்டு.

The Manual of the Karnool District

29 பக்கங்களைக் கொண்ட முத்தியாலப்பாடு சாமஸ்தானத்தின் விரிவான கைப்பீதை

1, பாளையப்பட்டின் பெயர் காரணம்

2, பாளையப்பட்டு உருவான வரலாறு

3, பாளையப்பட்டு வம்சாவளி மன்னர்கள்

என்கிற மூன்று தலைப்புகளை மட்டும் குறிப்பிட்டு சுருக்கமாக நமது பதிவில் கொடுக்கப்பட்டுள்ளது...

பாளையத்தின் பெயர் காரணம்:-

முத்தியாலப்பாடு கைப்பீது -1

ஒருகல் பிரதாபருத்திரர் வாராங்கல்லில் ரத்தின சிம்மாசனத்தில் ராஜ்ஜியம் செய்துக்கொண்டிருந்த காலத்தில் தானும் தனது படைபரிவாரங்களுடன் ராமேஸ்வரம் தீர்த்த யாத்திரைக்கு தெற்கு நோக்கி செல்லும் போது ஸ்ரீஅகோபிலம் திருத்தலம் அருகில் உள்ள காடுகளின் வழியாக வந்துக்கொண்டிருந்தார். அப்போது இடையில் ஏரிகளும் மலைகளும் கூடிய ஒரு அழகிய நிலப்பரப்பை கண்ட பிரதாபருத்திர மகாராஜா அங்கு சிவபெருமானுக்கும் விஷ்ணு பகவானுக்கும் தனித்தனியே இரு ஆலயங்களை கட்ட தீர்மானித்து உத்தரவிட்டார். அரசரின் உத்தரவை ஏற்று உடன்வந்த பரிவார வீரர்கள் மரங்களை வெட்டு நிலத்தை சீர்படுத்து பணி மேற்கொண்டனர். அப்போது திடீரென ஒரு மரத்தினை வெட்டி அப்புறப்படுத்தும்போது அதன் அடிவேர் பகுதியில் இருந்து முத்துக்கள் வெளிப்பட்டன. இத்தகைய அதிசயத்தை கண்கூடாக கண்ட மன்னர் பிரதாபருத்திரர் அங்கு ஒரு கிராமத்தை நிர்மானிக்க முடிவெடுத்தார். 

முத்தியாலப்பாடு கைப்பீது -2

இதற்காக காப்புகளையும், ரெட்டிகளையும் அங்கு குடியமர்த்தி பத்து வருடங்களும் வரிகள் ஏதுமின்றி காட்டை அழித்து கிராமம் உருவாக்க உத்தரவிட்டார்.  காப்பு குலத்தை சேர்ந்த புஜ்ஜி ராஜூவை இக்காரியத்திற்கு கர்ணமாகவும், அம்மிரெட்டி பீமிரெட்டி ஆகிய உபயதாரர்களை கிராம ரெட்டியாராகவும் பணியமர்த்தினார் இப்பகுதிக்கு முத்தியாலபள்ளி என்னும் பெயரினையிட்டார்.

பத்துவருடங்கள் கழித்து மன்னர் பிரதாபருத்ரதேவர் ஒருகல் அரசவைக்கு காப்புகளையும், ரெட்டிகளையும் அழைத்து பத்து வருடங்களுக்கு முன்பு இவர்கள் மன்னருக்கு கொடுத்தவாக்கின்படி காடுகளை சீர்செய்து கிராமங்களை உருவாக்கிய காரணத்தால் மன்னரும் மகிழ்ந்து அவர்களுக்கு மானியங்களை வழங்கினார். மேலும், ஒருகல் ராஜ்ஜியத்திற்கு அவர்களின் விளைச்சலில் வரும் வருமானத்தை குறிப்பிட்ட விகிதத்தில் வரியாக செலுத்துவரவும் உத்தரவிட்டார். இவ்வாறாக முத்தியாலபள்ளி கிராமம் பட்டிணமாக வளர்த்தது.

பரசுராமநாயுடு வம்சாவளி வரலாறு:-

முத்தியாலப்பாடு கைப்பீது -3

முத்தியாலப்பாடு கைப்பீது -4

பிற்காலத்தில், புக்கராயர் விஜயநகர ராஜ்ஜியாதிபதியாக இருந்தார்கள்.

வீரவிட்டலபதிதேவமகாராயர் தென்தேசம் ஆண்டுக்கொண்டிருந்த போது கடப்பாவில் பரசுராமநாயுடு தன்னுடைய உற்றார் உறவினர்களுடன் மற்றும் தன்னுடைய 200 படைவீரர்களுடன் விட்டலபதிபதிராயர் சமூகத்திற்கு சென்றார்கள் வசந்த மண்டபத்தில் விட்டலபதிமகாராயர் காலாட்சேபங்கள் கண்டு மகிழ்ந்திருந்தார். இதன்பிறகு பரசுராம நாயுடு தான் கொண்டு வந்த பரிசுப்பொருட்களுடன் ராயரை சந்தித்தார், அப்போது ராயர் நீங்கள் எங்கிருந்து இவ்வளவு தூரம் வந்தீர்கள், உங்கள் விவரம் என்னவென்று கேட்டார், அதற்கு பரசுராம நாயுடு தன்னுடைய பெயரையும் தன்னுடன் வந்த அனைவரின் பெயர்களையும் ராயருக்கு தெரிவித்துவிட்டு, நாங்கள் கடப்பா சுற்றுபுறத்தில் இருந்து விஜயநகரம் வந்திருக்கிறோம் என்று கூறினார்.

முத்தியாலப்பாடு கைப்பீது -5

முத்தியாலப்பாடு கைப்பீது -6

பரசுராமநாயுடு கூறிய விவரங்களை அறிந்து மகிழ்ந்த ராயர் அரசவைக்கு வந்து தன்னை சந்திக்குமாறு கூறினார். வசந்த மண்டபத்தில் இருந்து உற்சவங்களை முடித்துவிட்டு அரசவைக்கு வந்தடைந்த ராயர் பரசுராமநாயுடுவை அழைத்து விஜயநகர அவையில் இருந்த அமைச்சர்கள் முதலான பெரியோர்களுக்கு அறிமுகப்படுத்திவைத்து இவர்களைப் பற்றிய விவரங்களை அவையினருக்கு தெரிவித்தார். பிறகு பரசுராம நாயுடுவை அழைத்து இன்று முதல் விஜயநகர கோட்டைக்கு அடிக்கடி வந்த வண்ணம் இருங்கள் என்று உத்தரவிட்டார். அன்றிலிருந்து நான்கு வருடங்களாக விஜயநகர ராயர் சமஸ்தானத்தில் பரசுராமநாயுடுவும் அவருக்க் உரியவர்களும் ராயர் சமஸ்தானத்தில் சேவகமாய் இருந்துவந்தார்கள்.

ஒருமுறை எதிரி நாட்டவர்கள் ராயர் சமஸ்தானம் மீது படையெடுத்தார். அப்போது ராயரின் சமஸ்தான போர்ப்படையும், பரசுராமநாயுடு தலைமையிலான 200 வீரர்கள் கொண்ட படையும் விஜயநகரத்தின் சார்பில் போரில் பங்கேற்றது. மிகக்கடுமையாக வெகுநாட்கள் தொடர்ந்த போரில் ராயரின் படைகள் சரியான தலைமையின்றி நிலைக்குலைந்து போயின. இத்தருணத்தில் பரசுராமநாயுடுவை அழைத்து இது உனக்கான நேரம், உன்னுடைய திறமைகளையும், பராக்கிரமத்தையும் முழுமையாக போரில் பயன்படுத்தி வென்று வருமாறு தாம்பூலம் கொடுத்து அனுப்பிவைத்தார் ராயர்.

போர்க்களத்தில் மிகுந்த வீரத்துடன் செயல்பட்டு எதிரிப்படைகளை நாற்புறமும் சிதறடித்து வீழ்த்திய பரசுராமநாயுடு, ராயர் சமஸ்தானம் வந்து வெற்றியை ராயரின் திருவடிகளில் சமர்பித்து பெருமிதத்தை உண்டாக்கினார். 

பரசுராமநாயுடுவின் வீரத்தால் மகிழ்ந்த ராயர் அவருக்கு சன்மானங்களையும், பரிசுகளையும் வழங்கி கௌரவித்து மேலும், அவருக்கு  உப்பலப்பாடு, தங்குடூர், யாகெர்லபாளையம் ஆகிய பகுதிகளுக்கு உட்பட்ட பெரும் நிலப்பரப்பை அவருக்கு அளித்து பாளையக்காரனாய் மூடிசூட்டி விஜயநகர அரசின் மேலாண்மையின் கீழ் ஆண்டுவருமாறு அனுப்பிவைத்தார்.

சாலிவாகன சகம் ౦౨౦౦౮ குரோத வருடம் வரை பாளையப்பட்டை ஆண்ட பரசுராம நாயுடு பிறகு சொர்க்கலோகம் புகுந்தார். பாளையம் ஆண்ட காலம் வரை பரசுராமநாயுடு அகோபிலம் திருத்தலத்தின் மீது பெரும் பக்தி கொண்டவராக திகழ்ந்தார்.

அவர் காலத்தில் அகோபில உற்சவங்களின் போது தாயாருக்கு தாலியும், பெருமாளுக்கு உடை ஆபரணங்களும், விழாக்களுக்கு உபயங்களும் வழங்கிவந்தார்.

பிறகு இவரது மகன்கள் வெங்கடபதி நாயுடுவும், நரசிம்ஹ நாயுடுவும் சொற்ப காலத்திலேயே மரணமடைந்து சொர்க்கம் புகுந்தார்கள். அதன்பிறகு எர்ரதிம்ம நாயுடு பாளையத்தை அனுபவித்துவந்தார் இவர் காலத்தில் சின்ன திம்மராஜூவுடன் பெரும் போர்கள் ஏற்பட்டது. அந்த சின்ன திம்மராஜூவையும் அடக்கி வென்றிக்கொண்டார். சிறது காலத்தில் எர்ரதிம்ம நாயுடு சொர்க்கம் புகுந்தார் இவருக்கு பிறகு அகோபிலம் நரசிங்கபெருமாளின் திருவருளால் இவருக்கும் இவருடைய ராணியார் ஓபுளம்மாவிற்கும் பிறந்த ஓபளநாயுடு அரசாண்டுவந்த பரதாவி ஆண்டியில் இறைவனடி சேர்ந்தார்.

முத்தியாலப்பாடு கைப்பீது -7

முத்தியாலப்பாடு கைப்பீது -8

ஓபள நாயுடுவிற்கு பிறகு இவரது குமாரன் ஜகன்நாத நாயுடு ருதரோத்காரி வருடம் வரை அரசாண்டு சொர்க்கம் புகுந்தார். இவரது மகன் ராமப்ப நாயுடு ஈஸ்வரநாம வருடம் வரை பாளையம் ஆண்டு பிறகு சொர்க்கம் புகுந்தார். பிறகு இவரது மகன் திம்ம நாயுடு அரசாண்டு மரணமடைந்தார். இவருக்கு பிறகு இவரது மகன் நரசிம்மராயுடு அரசாண்டார்.

நரசிம்ம நாயுடுவிற்கு பிறகு அவரது மகன் பாப்பா நாயுடு விளம்பி வருடம் வரை அரசாண்டு பின் சொர்க்கம் புகுந்தார். பிறகு இவரது மகன் ஓபுள நாயுடு பாளையத்தின் மன்னராக முடிசூடி ஆண்டார். இவரின் மகன்கள் திம்ம நாயுடுவும், ஓபள நாயுடுவும் ஆட்சிக்கு வந்தார்கள் இவர்களில் திம்ம நாயுடு துர்முகி வருடம் வரை அரசாண்டார். இவரது மகன் ஜகன்நாத நாயுடு துர்முகி வருடம் தொடங்கி அக்ஷய வருடம் வரை பாளையத்தை ஆண்டார். இவரது மகன் பாப்பா நாயுடு பிரபவ வருடம் வரை அரசாண்டுவந்தார். இவரது மகன் நரசிம்ம நாயுடு சாதாரண வருடம் வரை அரசாண்டார்.

இவரது மகன் கிருஷ்ணப்ப நாயுடு பல போர்களில் தலைமை தாங்கி வெற்றி வீரராக திகழ்ந்ததால் பல பரிசுகளும் கௌரவ பிருதுகளையும் பெற்றார். மேலும், பல பகுதிகளையும் பரிசாக பெற்றவர். இவர் காலத்தில் பாளையத்தின் தலைமை இடம் முற்காலத்தில் ஒருக்கல் பேரரசர் பிரதாபருத்ர மகாராஜாவால் முத்தியாலபள்ளி என்று பெயரிடப்பட்டு பிற்காலத்தில் முத்தமுப்பாடு என்று மக்களால் அழைக்கப்பட்ட கிராமத்திற்கு மாறியது. பிரதாபருத்ர மகாராஜாவால் இடப்பட்ட பெயரினை மீண்டும் அவ்வூருக்கு முத்தியால்பாடு என்று கிருஷ்ணப்ப நாயுடு பெயர்சூட்டினார்.........

இவருக்கு பிறகு பல தலைமுறைகள் இப்பாளையத்தை செழிப்புடன் ஆண்டது.

முத்தியாலப்பாடு வம்சாவளி மன்னர்கள்:-

முத்தியாலப்பாடு கைப்பீது -9

முத்தியாலப்பாடு கைப்பீது -10

* பரசுராம நாயுடு 

இவரது மூன்று மகன்கள்

வெங்கடபதி நாயுடு

நரசிம்ம நாயுடு

எர்ரதிம்மா நாயுடு

* நரசிம்ம நாயுடு

* ஓபள நாயுடு

* ஜகன்நாத நாயுடு

* ராமப்ப நாயுடு

* எர்ரதிம்ம நாயுடு

* நரசிம்ம நாயுடு

* பாப்பா நாயுடு

* ஓபள நாயுடு

* திம்ம நாயுடு

* ஜகன்நாத நாயுடு

* பாப்பா நாயுடு

* நரசிம்ம நாயுடு

* கிருஷ்ணப்ப நாயுடு

* ரங்கநாத நாயுடு

* தேவப்ப நாயுடு

* பாப்பா நாயுடு

* நரசிம்ம நாயுடு

* ராமப்ப நாயுடு

* ஓபுள நாயுடு

* ஜனார்தன நாயுடு

* குமாரரங்கப்ப நாயுடு

* நாரசிம்ஹ நாயுடு

* ரங்கநாத நாயுடு 

இவர் மகன் ரகுநாத நாயுடு

* ஜகன்நாத நாயுடு

* திம்மப்ப நாயுடு

இவர் சந்ததிகள் ராமப்ப நாயுடு, சின்ன திம்மநாயுடு

* கிருஷ்ணப்ப நாயுடு

* ரங்கபதி நாயுடு

* அஹோபளபதி நாயுடு

* அஹோபளபதி நாயுடு

இவரது சந்ததிகள் எர்ர திம்மப்ப நாயுடு, வெங்கடபதி நாயுடு, பாப்பா நாயுடு

* நரசிம்ஹ நாயுடு

* ஓபுள நாயுடு

* பாப்பா நாயுடு

இவரின் மகன்கள் பெத்தநாயுடு, ராமப்ப நாயுடு, புச்சி நாயுடு, சினன்ன நாயுடு

* ராமப்ப நாயுடு

* பாப்பா நாயுடு

இவரின் மகன்கள் வெங்கடபதி நாயுடு, குரவப்ப நாயுடு

* குரவப்ப நாயுடு 

முதல் தாரம் சந்ததிகள்

நரசிம்ம நாயுடு

ரங்கப்ப நாயுடு

இரண்டாம் தாரம் சந்ததிகள்

ரங்கப்ப நாயுடு

ரங்கநாத நாயுடு