🔅 கொல்லவார் 🔅 [గొల్ల|GOLLA|ಗೊಲ್ಲ] [యాదవులు - ಯಾದವರು]

கொல்ல, எர்ர கொல்ல, பாகநாட்டி கொல்ல, குறும கொல்ல,தோக்கல கொல்ல, காடு கொல்ல, நல்ல கொல்ல,பூஜ கொல்ல, கிருஷ்ண கொல்ல, வடவர் , அஸ்தாந்திர கொல்ல, தூமாட்டி கொல்ல, வடுக ஆயர் போன்ற பல உட்பிரிவுகளை உள்ளடக்கியது கொல்லவார் குலம். ஆந்திரா, தெலங்கானா, கர்நாடகா, மகாராஷ்டிரா,ஒரிசா, தமிழகம் ஆகிய மாநிலங்களில் பரவி வாழும் யாதவர்கள் (YADAVAS). பெரும் பேரரசுகளை ஆண்ட பேரரசர்களாகவும், தெலுங்கு, தமிழ், கன்னட பாளையங்களின் பாளையக்காரர்களாகவும் இருந்து தென்னாட்டின் மீது கோலோச்சி அரசாட்சி செலுத்திய சந்திரவம்ச க்ஷத்திரியர்கள்.

வியாழன், 8 செப்டம்பர், 2022

மைசூர் சாமூண்டீஸ்வரி கோவிலில் சேவை உரிமை பெற்ற சாதிகள்

சாமுண்டீஸ்வரி கோவில் சேவை உரிமையுள்ள சாதிகள்:-

மைசூர் ஸ்ரீ சாமுண்டீஸ்வரி அம்மன் திருக்கோவில்

12ம் நூற்றாண்டில் ஹோய்சாளர்களால் கட்டப்பட்டதும், மைசூர் உடையார் மன்னர்களின் குலதெய்வ கோவிலுமான மைசூர் சாமுண்டீஸ்வரி கோவிலின் மரபு வழக்கப்படி பிராமணரல்லாத குறிப்பிட்ட சில கன்னட சமூகங்களுக்கே உண்டான சேவை உரிமைகளை பற்றி கீழ்கண்டவாறு காணலாம்...

கும்பாரத்தி சேவைகள்:-

The Chamundesvari Temple in Mysore, Page - 36

அம்மனுக்கு மகாமங்களாரத்தி நேரத்திலும், உற்சவ தெய்வங்கள் வலம் வரும்போதும், உற்சவ தெய்வங்களை புனித குளங்கள் மற்றும் தல விருட்சங்களுக்கு எடுத்துச் செல்லும்போதும் சில செயல்வீரர்களின் சேவை தேவைப்படுகிறது. முன்பு, தினசரி இந்த புனித நிகழ்ச்சிகளின் போது, தாபே மற்றும் கும்பாரத்தி அலுவலகத்தின் பெண் நிர்வாகிகள் தங்களின் சேவைகளை வழங்கினர்,

ஆனால் கி.பி.1899 ஆம் ஆண்டில், தாபே முறை நிறுத்தப்பட்டு, கும்பாரத்தி அலுவலகம் மாற்றப்பட வேண்டும் என்று உத்தரவு பிறப்பிக்கப்பட்டது.

இந்த அலுவல்கள் காலியான பிறகு, கும்பார்த்தி அலுவல்கள் மட்டும் தொடர்கிறது இப்பொறுகள் இப்பொறுப்புகள் கொல்லவார்களிடம் வழங்கப்பட்டு நாகதி கொல்லவார் ஆண் செயல்பாட்டாளரால் நடத்தப்படுகிறது.

ராஜபரிவாரம் (வேடர்) சமூகத்தின் பணிகள்:-

இசை வாத்தியங்களை வாசிக்கும் ராஜ பரிவாரம் சமூகத்தினர்

1, மேளம், நாதஸ்வரம், தவில், பம்மை தம்பாட்டம், கொம்பு முதலிய வாத்தியங்களை வாசிப்பது. இவர்களை இறைவனுக்கு தவிர மற்றவைகளுக்காக இசை வாசிக்க மாட்டார்கள்.

2, தெய்வங்களை ஊர்வலங்களுக்கு எடுத்து செல்லும் போதும், விழா சடங்குக்களிலும் தீவட்டி பற்றவைப்பது, தீப்பந்தம் ஏந்திச் செல்வது.

3, கீழ்மட்ட பணியாளர்கள் 8 அலுவலகங்கள் அவர்கள் அனைவருமே ராஜபரிவார சாதியை சேர்ந்தவர்கள்.

4, ராஜபரிவார சாதியைச் சேர்ந்த ஒருவர், தேர் திருவிழாவின் போது ரதத்தை பராமரிக்கும் "பண்காரன்" பணியை செயல்படுகிறார்.

5, மாரம்மா (கிராம தேவதை) சன்னதிக்கு பரம்பரை பரம்பரையாக காவலாளியாக பதவி வகிக்கும் ராஜ பரிவார சாதியைச் சேர்ந்த ஒருவர் உள்ளார்.

6, கோயிலுக்குள் துப்புரவுப் பணியை ராஜ பரிவார சாதியைச் சேர்ந்த இரண்டு பெண் நிர்வாகிகள் செய்து வருகின்றனர். துப்புரவுத் தொழிலாளியின் அலுவல்கள் சம்பந்தப்பட்ட ராஜபரிவார குடும்பங்களின் மூத்த மருமகள்களால் மரபுரிமையாக செய்துவரப்படுகிறது.

ஒக்கலிகர் சமூகத்தின் பணிகள்:-

The Chamundesvari Temple in Mysore, Page - 37

1, ஆலயத்தின் விழாக்களின் போதும், அன்றாட இறை பூஜைகளின் போதும் சங்கு ஊதுவது.

அகசர் சமூகத்தின் பணிகள்:-

திருக்கோவில் "கண்ண கண்ணாடி" சேவை

1, ஒரு துவைப்பாளர் (அகாச) பணிபுரிகிறார், அவருடைய பணி தெய்வத்தின் "கண்ண கண்ணாடி" என்னும் சடங்கு நேரத்தில் கம்பளங்களை விரிப்பதாகும். தவிர, கோவிலின் திரைச்சீலைகள் மற்றும் பிற துணிகளைத் துவைக்கும் பணிகளையும் செய்கிறார்.

உத்தனஹள்ளி கிராமத்தில் வசிக்கு சலவைத் தொழிலாளியின் வம்சத்தினர்கள் இதனை பரம்பரை பரம்பரையாக செய்துவருகிறார்கள்.

கொல்லவார் (யாதவ) சமூகத்தின் பணிகள்:-

சாமுண்டீஸ்வரி திருக்கோவிலின் கதவுகள் திறக்கப்படும்போது

1, திருக்கோவிலின் ஆபரணங்கள், கோவிலுக்கு தேவையான பொருட்கள் அடங்கி உள்ள கிடங்குகளின் உதவியாளர் (Store-Keeper) (ஜின்சி கொல்லவார்).

2, பண பரிவர்த்தனை உதவியாளர் (நாகதி கொல்லவார்).

3, திருக்கோவிலின் சேமிப்பு கிடங்குகளை பராமரித்தல்.

4, பணப்பெட்டி, கஜானா ஆகியவைகளை ஆலய தேவைகளின் போது சாவி கொண்டு பூட்டுவது, திறப்பது போன்றவற்றில் கோயிலின் நிர்வாக அதிகாரங்களுக்கு உதவுபவர்கள். இவை முதலான பணிகளை பரம்பரை பரம்பரையாக கொல்லவார் சாதியினர் செய்து வருகின்றனர்.

5, கும்பர்த்தியின் அலுவல்கள், அதன் அசல் சடங்குமுறை முக்கியத்துவத்தை இழந்தாலும், இச்சேவை நாகதி கொல்லவார்களால் தொடர்ந்து நடத்தப்படுகிறது.

6, சாவியை பராமரித்து திருக்கோவிலை அதிகாலையில் திறப்பதும், இரவு திருக்கோவிலை மூடுவதும்.