கொல்லவார் குல கரந்தை போர்வீரர் கன்னட நடுகல் சாசனம்

 

ஷிகர்பூர் நடுகல் சாசனம் -1:-

இடம்:-    கர்நாடக மாநிலம், ஷிமோகா மாவட்டம், ஷிகர்பூர் தாலுகா

மொழி:-   கன்னட மொழி

சாசன வகை:-    நடுகல் சாசனம்

நடுகல் சாசன வரிகள்:-

நடுகல் சாசன வரிகள்

1,   .  .  . ಯ ನಳ ಸಂವತ್ಸರದ ಆಜ ಬಹುಳ ಆದಿ

2, ವಾರದಂದು ಗೋವರ ಚಿಕಣನ ಮಗ ಸೋವಣ ಹೆಗ್ಡೆ

3,  ಡೆ  . ತುಱು ಹರಿಯೆ ಕಾದಿ ತುಳುವ ಮಗುಚಿ ಸುರ

4,  ಲೋಕ ಪ್ರಾಪ್ತನಾದ ಮಂಗಳ ಮಹಾ ಸುರಲೋ

குமார வியாச பாரதம்
கோவர = கொல்லர்

"கோவர (ಗೋವರ)" என்பதன் பொருள் கொல்லவார் (ಗೊಲ್ಲರ) சாதி என்பதாகும்...

சாசன பொருள் விளக்கம்:-

நடுகல் கல்வெட்டின் பொருள்

கொல்லவார் குலத்து கோவர சிக்கனாவின் மகன் சோவன ஹெக்கடே  அவர்கள் ஆகோள் பூசலில் சண்டையிட்டு கவர்ந்து செல்லப்பட்ட ஆநிரைகளை விடுவித்துவிட்டு மரணமடைந்து தேவ லோகம் புகுந்தார் என்று இந்த நடுகல் கல்வெட்டு தெரிவிக்கின்றது.

குறிப்பு:-

கரந்தை - நிரை மீட்டல்

பாரதநாட்டின் முதல்போரானது ஆகோள் போர்களே இதனை நிகழ்த்திவந்த குடிகளே வரலாற்றின் முழுமுதற் போர்குடிகள் என்பது வரலாற்றறிஞர்கள் பலரும் ஏற்றுக்கொண்ட கருத்தாகும். சங்க இலக்கியங்களிலும் இத்தகைய ஆகோள் பூசல்களை, நிரை கவர்தலை 'வெட்சி' எனவும், நிரை மீட்டலை 'கரந்தை' எனவும் திணை வகுத்து பாடல்களை இயற்றியுள்ளனர். பண்டைய அரசவம்சங்களுக்கு குல தர்மமும் இதுவே.

 

இத்தகைய ஆகோள் போர்களை தக்காணத்தில் நிகழ்த்தியவர்கள் கொல்லவார்கள் இதற்கு பல கன்னட கல்வெட்டுகள் சான்றுகளை பகர்கின்றன. அவற்றை அடுத்தடுத்த பதிவுகளில் காண்போம். 

பாவடகடா நாயக்க அரசின் மீதான கலோனல் மெக்கன்ஜியின் அறிக்கை

 

பாவகடா நாயக்கர்கள் - மெக்கன்ஜி அறிக்கை:-

Report of Colonal Mackenzie on Pavagada

பாவகடா கைப்பீதை தவிர்த்து, கனோனல் மெக்கன்சி பிரபு அவர்கள் பிரிட்டிஷ் கும்பினியார் அரசிற்கு பாவகாடா சமஸ்தானம் குறித்து கைப்பட எழுதி கி.பி.1801ல் சமர்பித்த அசல் அறிக்கை.

❝ The Brothers of 'Yara Golaroo' came from 'Gooty' named Baulapa Naik, Aiyapa Naik & Timmapa Naik ❞...

                                      - Colonel Mackenzie

கூட்டியில் இருந்து வந்த எர்ர கொல்லர் குலத்து சகோதரர்களான 

* பாலப்ப நாயக்கர், 

* ஐயப்ப நாயக்கர், 

* திம்மப்ப நாயக்கர் 

ஆகியவர்கள் உருவாக்கிய அரசே பாவகடா அரசு.

ஆவணம் உள்ள இடம்:-

■ "Report of Colonel Mackenzie, Indian Office Library, London"

 

விஜயநகர தோற்றம் குறித்து "கமலாபுரம் கைப்பீதும், கர்ண பரம்பரை கதையும்

 

விஜயநகரபேரரசின் தோற்றம் குறித்த ஆவணங்கள்:-

சிருங்கேரி வித்யாரண்யரிடம் ஆசிபெறும்
ஹரிஹர - புக்கர்

கமலாபுரம் கைபீது:-

கமலாபுரம் கைபீது

"மேற்குத் தொடர்ச்சி மலையின் அடிவாரத்தில் உள்ள ஹொன்னாவரத்தில் மாதவ பட்டர் என்ற பிராமணர் வறுமையின் காரணமாக மிகவும் துன்பப்பட்டு வாழ்ந்து வந்தார்.

ஒரு நாள், அவர் தனது மனைவியின் விருப்பத்திற்கு இணங்கி, (இன்றைய ஆந்திரப் பிரதேச மாநிலத்தின் கர்னூல் மாவட்டத்தில் உள்ள) ஸ்ரீசைலத்திற்கு சென்று அவர்களின் வறுமையைப் போக்குவதற்காக பிரம்மாம்பிகை தேவி குடிகொண்டிருக்கும் கோயிலில் தவம் இயற்றினார்.

ஆனால், தற்கால வாழ்வில் வறுமையில் இருந்து உம்மால் தப்ப முடியாது என்று தேவி சொன்னாள். மாதவ பட்டர், பம்பாவின் சரணாலயத்திற்கு (க்ஷேத்ரம்) அருகில் அமைந்துள்ள கமலா தேவியின் கோவிலுக்குச் சென்றார் (இன்றைய ஹம்பியில் இருப்பதாகக் கூறப்படும் தெய்வத்தின் பெயரால் நினைவுகூரப்பட்ட இடம்) அங்கு தவம் இயற்றினார். ஆனால் வறுமை அவரை விட்டு விலகாது என்று மீண்டும் தெய்வத்தால் கூறப்பட்டது. 

தன் விருப்பம் நிறைவேறாமல் விரக்தியடைந்து, "வித்யாரண்யர்" என்கிற துறவியாக தீட்சை பெற்றார். சிறிது காலம் கழித்து சக வருடம், பராபவ ஆண்டு, 1188ல் (கி.பி.1266-67 உடன் தொடர்புடையது), இறைவி அவர் முன் தோன்றி வரமளித்தது, மேலும் இறைவனின் அருளால் அவருக்கு பெரும் புதையல் கிடைத்தது.

கமலாபுரத கைபீது - கன்னடம்

பின்னர் அவர் பம்பை ஷேத்திரத்திற்கு சென்று "வித்யாரண்ய பாஷ்யம்" என்கிற நூலை எழுதினார். காசியை தரிசித்த பிறகு, வியாச முனிவரிடம் தான் எழுத்திக்கொண்டிருந்தபோது எழுந்த சில சந்தேகங்களை கேட்க, அவர் தேவி கொடுத்த பொக்கிஷத்தைப் பயன்படுத்தி கமலாபுரா என்ற கிராமத்தை நிறுவி, வித்யாநகரம் என்ற நகரத்தை உருவாக்கினார். 

அவர் நகரத்தை 26 ஆண்டுகள் ஆட்சி செய்தார், ஆனால் சக வருதடம், தாது ஆண்டு 1258ல், விசாக மாதத்தின் பிரகாசமான ஏழாவது நாளில் (கி.பி. 1336 ஏப்ரல் 18 உடன் தொடர்புடையது) தனி உயிரும் உடலும் இருக்காது என்பதை அவர் உணர்ந்தார். 

எப்போதும், அவர் அம்மன் கோவிலில் தவம் செய்துக்கொண்டிருக்கும்போது தனக்கு பால் கொண்டு வந்த புக்கர் என்கிற மாடு மேய்ப்பவரை (கொல்லவார்-Gollar) நினைவு கூர்ந்தார், அவருக்கு விஜயநகர நகரத்தின் அதிபதியாக முடிசூட்டி மற்றும் "புக்க மஹாராயர்" என்ற பட்டத்தை அவருக்கு அர்ப்பணித்தார். அதற்கான அனைத்து நடைமுறைகளை முடித்துவிட்டு, வித்யாரண்யர் விண்ணுலகம் புறப்பட்டார்."

  

                   - ಕಮಲಾಪುರದ ಕೈಫಿಯತ್ (கன்னடம்), Kamalapurada Kaifiyat (Kannada)

கனோனல் மெக்கன்ஜி பதிந்துள்ள கர்ண பரம்பரை கதை:-

Mackenzie Manuscripts a Descriptive Catalogue of the
Oriental Manuscripts and other Articles
Illustrative of the literature, History, Statistics
and Antiquities of the South of India
Collected by the late Colin.Mackenzie,
Surveyor General of India.
By
H.H.Wilson,
Volume-1

"மக்கள் மத்தியில் நிலவிய மிகவும் வழக்கமான பாரம்பரிய நம்பிக்கை, 

வித்யாரண்யர் அல்லது மாதவர், என்பவர் புகழ்பெற்ற வேதங்களின் வர்ணனையாளர், மற்றும் சிறந்த ஞானமுடைய ஒரு துறவி, துர்க்கையின் அவதார வடிவமான புவனேஸ்வரிதேவியின் மீது வித்யாரண்யர் பக்திகொண்டு தவமியற்றிய காரணத்தால், அவருக்கு செல்வங்களை அருளி தேவி வளப்படுத்தினாள்.

தேவியின் அருளால் கிடைத்த செல்வங்களைக் கொண்டு விஜயநகரத்தை கட்டியமைத்து வித்யாரண்யர் இருபத்தைந்து ஆண்டுகள் ஆட்சி செய்தார்.

பின்னர், தான் ஒரு துறவியாக வாழ்ந்த காலத்தில் தனக்கு தினமும் பால் வழங்கிவந்த ஒரு மாடு மேய்ப்பவரின்/சங்கமராயர் (கொல்லவார்-Gollar) மகனான புக்கராயருக்கு நகரைக் கொடுத்தார்."

            -  MACKENZIE COLLECTION. A DESCRIPTIVE CATALOGUE OF THE ORIENTAL MANUSCRIPTS, H.H.WILSON, Volume - 1

குறிப்பு:-

இவைகள் பல்லாண்டுகளாய் வழிவழியாக அப்பகுதி மக்களுக்கு அவர்களின் முன்னோர் வழியாய் கடத்தப்பட்ட கதைகள் என்பதால் இவற்றில் சில புனைவுகள், கற்பனைகள் இடம்பெறுவதும் இயல்பான ஒன்று, அதன் காரணமாகவே இறைவன் தோன்றுதல், வித்யாணயர் அரசாள்வது போன்ற நிகழ்வுகள் இக்கதைகளில் இடம்பெற்றுள்ளதை காணமுடிகிறது.