கொல்லவார் பேரரசுகள் (மதுரை நாயக்கர்)

மதுரை நாயக்கர் வரலாறு

மதுரை நாயக்கர்  (கொல்லவார்)

" கொட்டியம் " பெயர்காரணம்:-

கொட்டியம் - பொருள்

மதுரை நாயக்கர்களின் குடும்பப் பெயரான "கொட்டியம்" என்பதன் பொருள் சரக்கறை காவலர் மற்றும் கால்நடை பராமரிப்பவர் என்று பொருள்படும் "கொல்லவாரு இண்டி (வீட்டு) பேரு (பெயர்)" . கொல்லவார்கள் ஆதிகாலம் முதலே தன் இனத்திற்கென தங்கள் மந்தைகளில் உள்ள பசுக்களில் உள்ள ஒரு பசுவை புனித பசுவாக கொண்டு அவைகளை தங்கள் குல விழாக்களில் பங்குக்கொள்ள செய்து அதற்கு பூஜைகள் செய்வது வழக்கம். அது போல் விஜயநகர வம்சாவளிகளுக்கும் புனித பசுக்கள் உண்டு அவற்றை பராமரிப்பது உச்சபட்ச கௌரவமாக கருதப்பட்டது. இருப்பினும் அப்பொறுப்பு கொல்லவார்களான "கொட்டியம்" பரம்பரை ஏற்று செய்து வந்தது. "ஏசியாடிக் சொசைடி ஆப் தி கிரேட் பிரிட்டன் ( Asiatic society of the Great Britain) கூற்றுப்படி:- கிருஷ்ணதேவராயர் தனது விருப்பமான தளபதிக்கு மைசூர் சாம்ராஜ்ஜியத்தையும் (கொல்லவார்), தனது அரச பசுவை காப்பவரான நாகம நாயக்கருக்கு மதுரையையும் (கொல்லவார்), தனக்கு வெற்றிலை எடுத்து வருபவருக்கு தஞ்சாவூரையும் (காப்பு) கொடுத்தார் என்கிறது.

கொட்டியம் பரம்பரை

காசியப கோத்திரம்:-



கொல்லவார்களின் கோத்திரப் பெயர்களில் ஒன்றாக "காசியப மகரிஷி" கோத்திரம் திகழ்கிறது. இருப்பினும் காவல் கோட்டம் கூறும் தகவல் படி பொதுவாக வடுகர்களுக்கு வீட்டுப்பெயர் மட்டுமே உண்டு கோத்திரம் இல்லை என்கிறது. ஆனால் கொல்லவார்களுக்கு நான்கு பெருங்கோத்திரங்கள் உள்ளன அவை:-



 1, காசியப கோத்திரம்

2, பாரத்வாஜ கோத்திரம்

3, காயத்திரி கோத்திரம்

4, கௌண்டின்ய கோத்திரம்



ஆகிய மகரிஷிகளின் கோத்திரங்கள் உண்டு.
இவ்வகையில் மதுரை நாயக்கர்கள் காசியப மகரிஷி கோத்திரத்தை கொண்டவர்களாக திகழ்கின்றனர்.






கொட்டியம் நாகம நாயக்கர்:-




நாகம நாயக்கர் கிருஷ்ணதேவராயரின் தந்தையான நரச நாயக்கருக்கும் முன்பே தேவகரியை சுல்தான்கள் கைப்பற்றி வெறியாட்டம் ஆடியதையும், அவர்களை எதிர்த்த கொல்லவார்களின் இரத்தம் துங்கபத்திரையில் ஆறாக ஓடியதையும் தன் சிறுவயதில் கண்ணால் கண்டவர். இதன் விளைவாக விஜயநகரபடையில் இணைந்து வாள் ஏந்தி குதிரை ஏறிய அவர் தன் முதுமை காலம் வரை இறங்கவே இல்லை. மேலும் பல போர்களில் ஈடுபட்டு விஜயநகரத்திற்கு வெற்றிக்கனிகளை பறித்துத் தந்த வீரத்தழும்பேறிய மகா வீரர். நரச நாயக்கர் இறந்த பிறகு கிருஷ்ணதேவராயரை சந்திரகிரி கோட்டையில் வைத்து தனது மூத்த மகன் போல் வளர்த்தவரும், அவரை அரியணையில் அமரவைத்து பாதுகாத்தவரும் இவரே. விஜயநகர அரசிகள் தங்கள் குலமான காப்பு இன மக்களை விஜயநகரத்தின் உயர் பதவியில் அமர்த்தியதால் விஜயநகர பேரரசை உருவாக்க இரத்தம் சிந்திய கொல்லவார் இனமக்கள் அரசில் செல்வாக்கு இழந்தனர். இதைப்பற்றி அரசரிடம் கூறியும் பயனில்லை. இதனால்  பெரும் கவலை உற்ற நாகமர் கொல்லவார்களுக்கென ஒரு தனி அரசை உருவாக்க சபதம் ஏற்று அதற்குறிய காலத்தை எதிர்நோக்கி காத்திருந்தார்.

கொல்லவார் தலைவர் நாகம நாயக்கர் 

மதுரை கலகமும் மதுரை நாயக்க அரசு உதயமும்:-



மதுரையில் குமாரகம்பணர் காலத்தில் அமர்த்தப்பட்ட பாண்டிய மன்னர்களின் ஆட்சியில் தொடர்ந்து குழப்பங்கள் நீடித்தது. பாண்டிய அரசை எதிர்த்து 12 மலபார் குறுநில மன்னர்கள் மதுரையை கைப்பற்ற கலகங்கள் செய்தனர் .மேலும் பாண்டிய மன்னருக்கு எதிராக தங்களை சோழ மரபினர் எனக்கூறி வந்த சில குறுநில மன்னர்களும் அரசிற்கு எதிராக கிளர்ச்சியில் ஈடுபட்டனர்.
இதனால் பாண்டிய மன்னரால் சரிவர ஆட்சி செய்யவும், விஜயநகரத்திற்கு கப்பமும் செலுத்த முடியவில்லை. மேலும் பாண்டிய மன்னர்களுக்கு எதிரான கிளர்ச்சியாளர்கள். பல இடங்களில் பண்டிய அரசின் கோட்டைகளை கைப்பற்றி அச்சுறுத்தி வந்தனர். நிலமை கைமீறிப்போனதால்  பாண்டிய மன்னன் விஜயநகர பேரரசர் கிருஷ்ணதேவராயர் உதவியை கோரினார். எனவே மதுரையில் ஏற்பட்ட கலகத்தை அடக்க சந்திரகிரியில் இருந்த பல போர்களில் ஈடுபட்டு வெற்றிவாகை சூடிய தென்னக மகாமண்டலேசுவரர் கொட்டியம் நாகம நாயக்கரை பணிந்தார். 




ராயரின் கோரிக்கையை ஏற்று நாகம நாயக்கர் விஜயநகர பெரும் படைகளுடன் மதுரைக்கு கலகத்தை அடக்க புறப்பட்டார். கொல்லவாருக்கான தனி நாட்டை உருவாக்க இது தான் சரியான தருனம் என்பதை உணர்ந்தார். மதுரை சென்ற நாகமர் சோழனையும், மலபார் மன்னர்களையும் அடக்கிவிட்டு பாண்டியனிடம் மதுரை ஒப்படைக்காமல் தானே மதுரையை கைப்பற்றிக்கொண்டு பாண்டிய மன்னன் கூன் பாண்டியனை விரட்டினார். சந்திரசேகர பாண்டியன் கிருஷ்ணதேவராயரிடம் மதுரையில் நடப்பதை ஓலையாக எழுதி அனுப்பினார். நடந்ததை அறிந்த ராயர் நாகமர் மீது கோபமுற்றார் நாகமரை கைது செய்து அழைத்து வர தனது வீரர்களுக்கு ஆணையிட்டார். ஆனால் நாகமர் மீது இருந்த மதிப்பினால் யாரும் முன்வரவில்லை இறுதியாக ஒரு இளைஞன் முன்வந்தான் அவர் தான் கொட்டியம் விஸ்வநாத நாயக்கர் நாகமரின் மகன். விஸ்வநாதனின் இத்தகு சொல் ராயரையும் ஆவையில் இருந்த அனைவரையும் வியப்பில் ஆழ்த்தியது. ராயர் விஸ்வநாதனை கண்டு பெருமிதம் கொண்டார் மேலும் பெரும் படையை விஸ்வநாதன் தலைமையில் மதுரைக்கு ராயர் அனுப்பி வைத்தார். மதுரை வந்த விஸ்வநாதன் படைக்கு கூன் பாண்டியன் பெரும் வரேவற்பு அளித்தான். கலத்தில் இறங்கிய விஸ்வநாதன் முதலில் தம்மைய நாயக்கரை நாகமரிடம் தூது அனுப்பினார். 




தூது வந்த தம்மைய நாயக்கர் நாகம நாயக்கரை கலகம் செய்வதை விடுத்து விஜயநகரம் திரும்புமாறு கேட்டுக்கொண்டார். இச்செய்தியால் கோபமுற்ற நாகமர் தம்மையாவை கைது செய்து சிறையில் அடைத்தார். சிறையில் இருந்த தம்மைய நாயக்கர் உண்ணா நோன்பு இருந்து உயிர் இழந்தார். இதன் காரணமாக சினம் கொண்ட விஸ்வநாத நாயக்கர் தனது தந்தையான நாகமர் மீது போர் தொடுத்தார். போரின் இறுதியில் நாகமரை கைது செய்து விஜயநகரம் அழைத்துச் சென்று ராயர் முன் நிறுத்தினார் விஸ்வநாதர். நாகமருக்கு மரண தண்டனை நிறைவேற்ற ராயர் ஆணையிட்டார் மீண்டும் யாரும் முன்வரவில்லை. என்ன ஆச்சர்யம் ராயரின் உத்தரவை நிறைவேற்ற விஸ்வநாதவன் தன் தந்தையை கொல்ல முன்வந்தான். நாகமரின் தலையை துண்டிக்க தன் உறையில் இருந்த வாளை உருவி நாகமரின் தலையை துண்டிக்க வாளை மேல் ஓங்கினான் அந்த கணத்தில் "நில்" என்ற ராயரின் குறள் விஸ்வநாதனை தடுத்தது. விஸ்வநாதன் தனக்கு விஸ்வாசமாக இருப்பதை எண்ணி ராயர் மனம் மகிழ்ந்து ராயர் நாகமரை விடுதலை செய்து மதுரையை விஸ்வநாதனுக்கே ஆளக்கொடுத்தார்.

திரைப்படம் வாயிலாக காண கீழே செடுகவும்

மதுரை அரசனாக விஸ்வநாதர் முடிசூடுதல்:-

மதுரை கோவிலில் உள்ள
விஸ்வநாதரின் சிலை

1 ஜனவரி 1520 விஜயநகரமே விழா கோலம் பூண்டது. விஸ்வநாதனுக்கு மதுரை அரசனாக முடி சூட்டும் விழா ராயரால் ஏற்பாடு செய்யப்பட்டது. கங்கை மற்றும் அனைத்து புண்ணிய நதிகளிளும் இருந்து எடுத்து வரப்பட்ட புனித நீர் விஸ்வநாதனின் தலையில் ஊற்றப்பட்டது. தங்கத்தால் ஆன கிரிடம் விஸ்வநாதருக்கு வைக்கப்ட்டது. அவரது காதுகளை முத்து மற்றும் பவளம் பதித்த ஆபரணம் அலங்கரித்தது. தங்க நகைகள் அணிவிங்கப்பட்டது. மேதிரங்கள் தங்கக்காப்புகள் விஸ்வநாதரின் கைகளை அலங்கரித்தது. பெரிய யானை மீது சிம்மாசனம் அமைத்து விஸ்வநாதரை அமரவைத்து வெள்ளிக்குடை அமைத்து கிருஷ்ணதேவராயர் தனது அரச முத்திரையையும் கருடன் மற்றும் ஹனுமனின் உருவம் பொறித்த கேடயத்தையும் விஸ்வநாத நாயக்கருக்கு அளித்து படைவீரர்களுடன் நகர் வளம் வரச் செய்தார். இறுதியாக ஊர்வலம் ராயர் அரண்மனையை அடைந்தது அங்கு விஸ்வநாதருக்கு பால்சோறு பரிமாறப்பட்டது. பிறகு விஸ்வநாத நாயக்கர் மதுரைக்கு சென்று மதுரை மதுரை மாநகர் முழுவதும் வளம் வந்தால் அன்று முதல் 9 தலைமுறையாக கிருஷ்தவ ஆண்டு 1529ல் இருந்து 1726 வரை மதுரையை நாயக்கர் பேரரசு ஆண்டது என்பது குறிப்பிடத்தக்கது.





கொட்டியம் விஸ்வநாத நாயக்கர்:-

விஸ்வநாத நாயகுடு திரைப்படத்தில் விஸ்வநாத நாயக்கராக சூப்பர் ஸ்டார் கிருஷ்ணா 

விஸ்வநாதர் மதுரை வந்தடைந்த போது அவரை அவ்வூர் மக்களும், படைத்தலைவர்களும் மகிழ்ச்சியுடன் வரவேற்றனர். யானை மீதேறி வலம் வந்த விஸ்வநாதர் மதுரை மீனாட்சி சுந்தரேஸ்வரர் ஆலயத்திற்கு தன் தந்தை நாகமருடன் சென்று இறைவனை வணங்கி ஆசி பெற்றார். நாகமர் தனது மகனை பெருமிதத்துடன் நெற்றியில் முத்தமிட்டார். பின்பு பாண்டியனின் மணிமுடியை சூடி மதுரையின் அரசனாக அரியணை ஏறினார் விஸ்வநாத நாயக்கர். திருச்சியிலும், மதுரையிலும் பெரிய கோட்டைகளை எழுப்பினார். தனக்கு உதவியாக அறிவுக்கூர்மை மிகுந்த அரியநாத முதலியாரை அமைச்சராகவும், தளவாயாகவும் நியமித்து மன்னருக்கு வெற்றிலை மடித்து தரும் உரிமையும் அவருக்கு வழங்கப்பட்டது.




 விஸ்வநாதர் தனது ராஜ்ஜியத்தை 72 பாளையங்களாக பிரித்து அதில் பெரும்பாலானவற்றை கம்பளத்தாருக்கும். மற்றவை தெலுங்கு வன்னியர், மறவர் போன்ற சமுக மக்களுக்கு வழங்கினார். தன்னை எதிர்த்து வந்த பஞ்ச பாண்டியர்களை எளிதாக ஒடுக்கினார். மதுரை நாயக்க பேரரசு சிறப்பாக ஆட்சி செய்ய வலுவான அடித்தளம் அமைத்தவர் விஸ்வநாத நாயக்கர் ஆவார்.

பாளையம் வழங்கப்பட்ட முறை

விஸ்வநாத நாயக்கரின் சிறப்புகள்:-



அவர் வாழ்ந்த காலத்தில் அவர் மிகுந்த அழகுடையவராக இருந்தார். இயக்கையாகவே உடல் வலிமை மிக்கவராகவும், உலக ஞானம் கொண்டும் விளங்கினார். காசி முதல் இராமேஸ்வரம் வரையிலான வழித்தடங்களில் பக்தர்கள் தங்கிச்செல்வதற்காக யாத்திரிகர் சத்திரங்களை அமைத்துத்தந்தார்.





கொட்டியம் குமார கிருஷ்ணப்ப நாயக்கர்:-



 இவர் விஸ்வநாத நாயக்கரின் மகன் அரியநாத முதலியார் அரவணைப்பில் தனது தந்தையின் மரணத்திற்கு பிறகு அரியணை ஏறி ஆட்சி செய்தார். தன் தந்தையின் வழியை பின்பற்றி ஆட்சி செய்தார்.




தும்பிச்சி நாயக்கரின் கலகம்:-



இவர் காலத்தில் மதுரை படைகள் விஜநகரத்திற்கு ஆதவாக சென்றிருந்த சமயத்தில். 72 பாளையங்கள் பிறித்து வழங்கப்பட்டதில் மதுரையின் மீது மனக்கசப்பு கொண்டிருந்த பரமக்குடியின் பளையக்காரராகவும் சில்லவார்களின் தலைவராகவும் இருந்த தும்பிச்சி நாயக்கர் மதுரை எதிர்த்து படைத்திரட்டினார். இப்படையில் மறவர் படையும், தும்பிச்சி நாயக்கருக்கு ஆதரவான படையும், சிங்களர் படையும் போர்சுகியர்களின் உதவியோடு. மதுரையின் மீது படையெடுத்தனர். தன் இனத்தவரை தனக்கு எதிராக தூண்டிவிடும் போர்ச்சுகியரின் சூழ்ச்சி என்பதை உணர்ந்த மதுரை மன்னர். கலகத்தை ஒடுக்கினார். கலகத்தில் ஈடுப்பட்ட தும்பிச்சி நாயக்கரின் தலை துண்டிக்கப்பட்டனர். மேலும் பரமக்குடி கோட்டையில் துப்பாக்கியுடன் இருந்த 17 போர்சுகியர்களும் கைது செய்து கொல்லப்பட்டனர். பின்னர் கலகத்தில் பங்கெடுத்த இலங்கை மீதும் படை எடுத்து வெற்றி வாகை சூடினார் மதுரை மன்னர்.
 ஒரு நாள் திருநெல்வேலி வழியாக சுற்றுப்பயணம் மேற்கொண்ட போது தனது தந்தை மரணம் அடைந்த இடத்தை கண்டார். தந்தை மீது மிகுந்த அன்பு கொண்டிருந்ததால் துயரம் தாளாது தனது 46ம் வயதில் மரணமடைந்தார். இவர் நினைவாக ஆக்ரஹாரம் அல்லது கல்லரை அமைத்து பிராமணர்களுக்கு தானமாக வழங்கப்பட்டது.




கொட்டியம் வீரப்ப நாயக்கர்:-



தனது தந்தை மரணம் அடைந்த போது  இளைய பருவம் அடைந்த துடிப்புள்ள இளைஞனாக இருந்தார். மதுரையின் அரியணையில் அமர்ந்து 22 வருடங்கள் ஆட்சி செய்து பின் மரணமடைந்தார்.





கொட்டியம் இரண்டாம் கிருஷ்ணப்ப நாயக்கர்:-



இவர் ஆட்சிக்காலத்தில் சிறப்பான நிகழ்வுகள் எதுவும் பதிவு செய்யப்படவில்லை.


கொட்டியம் முத்துக்கிருஷ்ணப்ப நாயக்கர்:-



இவர் ஆட்சிக்காலத்தில் எதுவும் பதிவு செய்யப்படவில்லை.




கொட்டியம் முத்து வீரப்ப நாயக்கர்:-



முத்து வீரப்ப நாயக்கர் இராமேஸ்வரம் இராமநாதசுவாமி கோவிலுக்கு செல்லும் பக்தர்களிடம் வழிப்பறி செய்து துன்புறுத்தி வந்த கள்ளர்களை ஒடுக்கினார். கள்ளர்களை அடக்க உதவிய மறவர்களுக்கு இராமநாதபுரம் பாளையத்தை வழங்கி கோட்டை கட்டிக்கொள்ள அனுமதி வழங்கினார். மேலும் அவர்களுக்கு "சேதுபதி" என்ற பட்டத்தை வழங்கி சிறப்பித்தார்.




கொட்டியம் திருமலை நாயக்கர்:-

கொட்டியம் திருமலை நாயக்கர் 

மதுரை நாயக்க மன்னர்களில் மிகவும் சிறப்பித்து கூறப்படுபவர் திருமலை நாயக்கர். இவர் 9 பிப்ரவரி 1626ல் தனது தந்தை முத்து வீரப்ப நாயக்கருக்கு பிறகு மதுரை மீனாட்சி அம்மனிடம் ஆசி பெற்று அறியணை ஏறினார். இவர் இசை மீதும் நாட்டியம் மீதும் அதீத காதல் கொண்ட கலா ரசிகர். நல்லிரவு வரை கூட இசை,நடனம் முதலிய நிகழ்வுகளை காண்பார். அவர் எப்போது வெற்றிலை போடுகிறாறோ அப்போது தான் சபை கலையும்.




தஞ்சை நாயக்கர்களுடனான கொடுப்பினை:-


திருமலை நாயக்கர் அரியணை ஏறிய மறுநாள் காலை தஞ்சை நாயக்க அரசர் விஜய ரகுநாத நாயக்கரின் தூதுவன் திருமலை மன்னரிடம் ஒப்பந்தம் செய்ய தூது வந்தான் அதன் படி திருமலை மன்னருக்கு வல்லம் கோட்டையை வழங்குவதாகவும் அதற்கு பிரதிபலனாக திருச்சியை தஞ்சை அரசிற்கு வழங்கவேண்டும். மேலும் ரகுநாத நாயக்கரின் தங்கையான பார்வதியை திருமலை நாயக்கருக்கு மணம் முடித்து தருவதாகவும் தஞ்சை மற்றும் மதுரை மன்னர்களுக்கிடையே ஆன ஒப்பந்தம் மேற்கொள்ளப்பட்டது.



திருமலை நாயக்கர் தஞ்சை இளவரசியின் திருமணம்:-



மதுரையில் கோலாகலமாக திருமலை மன்னரின் திருமண விழா ஏற்பாடு செய்யப்பட்டது. மதுரையின் தெருக்கள் எங்கும் மலர்களால் அலங்கரிக்கப்பட்டது. இராஜ அலங்காரத்துடன் திருமலை நாயக்கர் மணமேடையில் வீற்றிருந்தார். அழகிய இளவரசி பார்வதியை தஞ்சை மன்னரின் உறவினர்கள் திருமலை மன்னரின் அருகில் அழைத்து வந்தனர். அன்று சொக்கநாதனுக்கு மினாட்சியை திருமால் மணம்முடித்து கொடுத்து போல தங்கயின் கைபிடித்து திருமலை மன்னரின் கையில் சேர்த்தார். வேத விற்பணர்களின் மந்திரங்கள் முழங்க இளவரசி பார்வதி திருமலை நாயக்கரின் மனைவி ஆனார். மதுரையில் கதிரவன் மறைந்து இருள் கவ்வ நினைத்தாலும் மதுரையில் வீதி எங்கும் ஒளிரவிடப்பட்ட விளக்குகள் இருளை தகர்த்தன. அந்த விளக்கொளியில் திருமலை நாயக்கரும் அரசியும் யானை மீது அமர்ந்து நகர் வளம் வந்தனர். தெருவெங்கும் மக்கள் ஆரவாரம் செய்தனர். வாழ்த்து கோஷம் விண்ணை பிளந்து தேவலோகம் வரை சென்றது. தம்பதிகள் அரண்மனை திரும்பியதும் தஞ்சை நாயக்கர்கள் சார்பில் பெரும் சீர்வரிசைகள் சீதனமாக கொடுக்கப்பட்டது.




அரியநாத முதலியார் இறப்பு:-



 திருமலை நாயக்கரின் திருமணம் முடிந்த மூன்றாம் நாள். திருமலை நாயக்கரின் காதுகளில் ஒரு துயர செய்தி எட்டியது. அது மதுரையின் தலைமை அமைச்சர் மற்றும் தாளவாயாகவும் விஸ்வநாத நாயக்கர் காலம் முதல் மதுரை மன்னர்களை வழிநடத்தியவருமான அரியநாத முதலியார் இறந்துவிட்டார் என்ற செய்தி. திருமலை நாயக்கர் ஆணையின்படி மிகுந்த அரச மரியாதைகளோடு இறப்பு சடங்குகள் செய்து அரியநாதர் உடல் அடக்கம் செய்யப்பட்டது. புதிய அமைச்சராக பொறுப்பேற்ற விடியப்பாவிற்கு அரியநாதரின் வலது கைவிரல் மோதிரத்தையும். தளவாயாக பொறுப்பேற்ற ராமபையனுக்கு அரியநாதரின் இடது கைவிரல் மோதிரத்தையும் எடுத்து திருமலை நாயக்கர் அணிவித்து அவர்களுக்கு பணி நியமனம் வழங்கினார்.





மதுரையின் படை மற்றும் பொருளாதாரம்:-



புதிதாக நியமிக்கப்பட்ட தளவாய் மற்றும் தலைமை அமைச்சர் இணைந்து பணியாற்றி மதுரை அரசின் படை வலிமை மற்றும் வருவாய்களை கணக்கெடுத்தனர். அதன்படி மதுரையில் நான்காயிரம் குதிரைப்படை, மற்றும் மற்றும் யானை படைகளும் 72 பாளையக்காரர்கள் கட்டுப்பாட்டில் 60,000 காலாட்படை வீரர்களும் இருந்தனர். இதை ஒழுங்குப்படுத்தி மதுரை கோட்டைக்கு வெளியில் குதிரை படைகள் மற்றும் கோட்டையின் 72 கோபுரங்கள் மீது வீரர்கள் நிறுத்தபட்டன.
மதுரையின் வருவாய் பொருத்தவரை 44 லட்சம் சக்கரங்கள். இதில் நான்கு லட்சத்தை கோவில்கள் சீரமைப்பு, பிராமணர்கள் ஊதியம் மற்றும் ஏழை எளிய மக்களுக்கு உதவ ஒதுக்கப்பட்டது.
மூன்று லட்சத்தை வீரர்களின் ஊதியத்திற்காகவும், ஒரு லட்சம் திருமலை நாயக்கர் செய்யும் தர்மங்களுக்காகவும் மீதம் உள்ள முப்பத்து நான்கு லட்சம் மக்களின் நலத்திட்டத்திற்காக அரசு கஜானாலில் நிரப்பப்பட்டது.




திருமலை நாயக்கர் தனது மாமன் மகள்களை மணந்து கொள்ளுதல்:-




தஞ்சை இளவரசியான பார்வதி நோய்வாய் பட்டு இறந்தார். இதன் காரணமாக திருமலை நாயக்கரின் தாய்வழி மாமன்கள் இருவர் ஒருவருக்கு இரண்டு மகள்கள் மற்றொருவருக்கு ஒரு மகள் என இவர்கள் தங்கள் மகள்களை திருமலை நாயக்கருக்கு திருமணம் செய்து வைத்தனர். திருமணம் முன்ப நடந்ததை போலவே சிறப்பாக நடந்தது.



இராமநாடு சேதுபதிக்கு தண்டனை வழங்குதல்:-

மன்னர் திருமலை சேதுபதி 

இராமநாதபுரம் சேதுபதி இராமநாதபுரம் பாளையத்தை தனி நாடாக பிரகடனம் செய்ய முயன்றார். இதனால் கோபமுற்ற திருமலை மன்னர் தளவாய் இராமபையனை அனுப்பி சேதுபதியை கைது செய்து வர உத்தரவிட்டார். முதலில் சேதுபதி தப்பித்து தலைமறைவானார் பிறகு தனது மருமகன் மூலமாக சில பாளையக்காரர்கள் மற்றும் மைசூரிடம் சென்று மதுரை மீது போர் தொடுக்குமாறு கோரினார். இருப்பினும் ராமபையன் மனம் தளறாது பாளையக்காரர்களையும், மைசூரையும் அடக்கி அவர்களுக்கு 20 லட்சம் பக்கோடாக்கள் அபராதம் விதிக்கப்பட்டது பிறகு சேதுபதியை கைது செய்து மன்னர் முன் நிறுத்தினார். இருப்பினும் சேதுபதியின் மருமகன் நாக தேவதை யாகம் செய்ததன் விளைவாக ராமபையனின் தொடையில் பெரும் வலி ஏற்பட்டது. எனவே ராமபையன் கருட யாகம் செய்ததால் சேதுபதியின் மருமகன் மரணம் அடைந்தார். பிறகு நோயால் ராமபையன் காலமானார். பின்பு திருமலை நாயக்கர் சேதுபதியை மன்னித்து விடுதலை செய்து மீண்டும் இராமநாதபுரத்தை தந்து கௌரவித்தார். இதற்கு விஸ்வாசமாக மூக்கறுப்பு போரில் மைசூரை வீழ்த்த திருமலை நாயக்கருக்கு சேதுபதி உதவினார். எனவே திருமலை நாயக்கர் மதுரையில் விழா வைத்து சேதுபதியை கௌரவித்து அவருக்கு "திருமலை சேதுபதி" என்னும் பட்டத்தை வழங்கி சிறப்பித்தார்.





திருமலை நாயக்கர் மகால்:-

திருமலை நாயக்கர் மகால் 

ஆங்கிலேயரால் வரையப்பட்ட நாயக்கர் மகால்

மதுரை திருமலை நாயக்கர் மகால்

மதுரை அரண்மனையும் கோவிலும் அருகருகில் இருப்பதனால் கூட்ட நெரிசல் ஏற்பட்டது. மேலும் மீனாட்சி அம்மனே மன்னர் கனவில் தோன்றி புதிய அரண்மனை கட்ட உத்தரவிட்டாள்
இதன்காரணமாக கலைநயமிக்க திருமலை நாயக்கர் மகால் மதுரையில் மன்னரால் பல சிற்ப மற்றும் கட்டிடக்கலை கலைஞர்களை கொண்டு மிகப்பிரம்மாண்டமாக கட்டப்பட்டது.




திருமலை நாயக்கரின் குணதிசையங்கள் மற்றும் இறப்பு:-



திருமலை நாயக்கர் கிருஷ்ணரின் வரலாற்று காவியமான பாகவதத்தை விரும்பி படிப்பார். தான் ஒரு விஷ்ணு பக்தர் என்பதில் பெருமிதம் கொண்டவர். பல கோவில்களுக்கு திருப்பணிகள் செய்தான். அனைவரையும் எளிதில் மன்னிக்க கூடியவர். கலைநயம் மிக்கவர். எப்பொழுதும் மகிழ்ச்சியை விரும்புபவர். இப்படி பரிபூரணமாக வாழ்ந்து முகத்தில் ஆனந்தத்துடனே மறைந்தவர் திருமலை நாயக்கர்.





கொட்டியம் இரண்டாம் முத்து வீரப்ப நாயக்கர்:-



இவர் திருமலை நாயக்கரின் மகன் நான்கு மாதங்கள் மட்டுமே ஆட்சி செய்து காலமானார்.




கொட்டியம் சொக்கநாத நாயக்கர்:-

சொக்கநாத நாயக்கர் சிலை

தஞ்சாவூர் மற்றும் மைசூர் மீதான படையெடுப்பு:-



சொக்கநாத நாயக்கர் தஞ்சை நாயக்கரான விஜயரகுநாத நாயக்கரின் பேத்தியை மணம் புரிய விரும்பினார். ஆனால் அதை தஞ்சை அரசர் மறுக்கவே மதுரை தஞ்சை மீது போர் தொடுத்தது. அதே சமயத்தில் மைசூர் மதுரையை சூழ்ந்தது. இத்தகைய இக்கட்டான நிலையில் சொக்கநாத நாயக்கர் முதலில் தஞ்சையை கைபற்றி  சிறையெடுத்தார் இருப்பினும் படையெடுப்பின் நோக்கம் நிறைவேறவில்லை. பின்பு தனது தலைநகரை மதுரையில் இருந்து திருச்சிக்கு மாற்றினார். மதுரை நகர் முழுவதும் அடைக்கப்பட்டது மைசூர் வீரர்கள் மதுரையில் வசமாய் சிக்கிக்கொண்டனர். நான்கு மாதங்கள் மதுரையில் அடைக்கப்பட்டிருந்தனர். இறுதியாக மைசூர் படை உணவு நீர் இன்றி வாடினர். பிறகு அவர்கள் ஊர் திரும்பினால் போதும் என்ற நிலையில் மதுரை நகரை சொக்கநாதரிடம் ஒப்படைத்து விட்டு தோல்வியுடன் மைசூர் திரும்பினர்.




சொக்கநாதர் மங்கம்மாள் திருமணம்:-


சொக்கநாத நாயக்கரிடம் (1659 -1682) தனக்கு தளபதியாக இருந்த தப்பகுள லிங்கம நாயக்கரின் மகளான.
 மங்கம்மாளை சொக்கநாதர் திருமணம் செய்து மதுரையின் அரசி ஆக்கினார். ஒருநாள் சொக்கநாதர் உறங்கும்போது படுக்கையில் இருந்து ஒரு ராஜநாகம் வெளிப்பட்டது எனவே அரண்மனை சோதிடர்களை கலந்து ஆலோசித்துவிட்டு தலைநகரை மதுரையில் இருந்து திருச்சிக்கு மாற்றினார்.





கொட்டியம் கிருஷ்ணரங்க முத்து வீரப்ப நாயக்கர் (மங்கம்மாள் கட்டுப்பாட்டில் ஆட்சி):-



சொக்கநாத நாயக்கர் மங்கம்மாளின் மகன் தனது 16வது வயதில் தனது தாயின் கட்டுப்பாட்டில் ஆட்சி செய்தார். தனது இளம் வயதிலேயே பாகவதத்தின் சுலோகங்களை மனப்பாடமாக கூறுவார். மிகுந்த அறிவாற்றல் மிக்கவர். அந்நியகோட்டைகளுக்குள் மாறுவேடத்தில் நுழைந்து தான் வந்ததற்கு அடையாளமாக தனது மோதிரத்தை அங்கே விட்டுச் செல்வது அவரது வழக்கம். டெல்லி முகலாயர் தனது காலணியை அனைத்து ராஜ்ஜயத்திற்கும் அனுப்பி மரியாதை செய்ய கூறுவார் ஆனால் மதுரை நாயக்கர் அந்த காலணி தனது காலில் அணிந்து அவமரியாதைகள் செய்து அனுப்பினார். பிறகு 8வருடங்கள் ஆட்சி செய்து இளம் வயதிலேயே காலமானார்.








கொட்டியம் விஜயரங்க சொக்கநாத நாயக்கர் (மங்கம்மாள் கட்டுப்பாட்டில் ஆட்சி):-



மங்கம்மாள் தனது மகன் இறக்கும் போது அரசியின் வயிற்றில் 8மாத குழந்தையாக இருந்த பேரன் பிறந்ததும் தன் மகனே மீண்டும் பிறந்ததாக எண்ணி மங்கம்மாள் பெரு மகிழ்ச்சி அடைந்து பிராமணர்களுக்கு தங்க, வெள்ளி நாணயங்களை தானமாக வழங்கினார்.





மங்கம்மாளின் குணாதிசையங்கள்:-

இராணி மங்கம்மாள் 

மங்கம்மாள் பெண்ணாக பிறந்தாலும் வீரத்தில் ஆண்களுக்கு சலிக்காத வீர மங்கையாக விவேகம், தாய்மை, வீரம் முதலிய குணாதிசயங்களை ஒருங்கே கொண்டவர். இறைபக்தி மிகுந்தவர் ஆலய திருப்பணிகள், சத்திரங்கள் கட்டுதல், கோவிலுக்கு குளம் வெட்டுதல், அன்னதானம் இடுதல் முதலிய அற காரியங்களை மேற்கொண்டார்.




திருச்சியை கைபற்றிய துருக்கியரை ஒடுக்குதல்:-



எதிர்ப்பாராத விதமாக திருச்சி கோட்டையை துருக்கியர்கள் கைப்பற்ற முனைந்தனர். அப்போது அங்கிருந்து சென்ற தமிழ் பதிவாளர் ஒருவர் மதுரை சென்று நாயக்க படைவீரர்களை அழைத்து வந்து துருக்கியரை மூர்கதனமாக தாக்கி அவர்களது தலைகளை கொய்தனர்.




இராணி மங்கம்மாள் மரணம்:-



விஜயரங்கன் தனது தளவாய் மற்றும் அமைச்சரின் வஞ்சக உரையை கேட்டு தனது பாட்டியான மங்கம்மாளை வீட்டு சிறையில் அடைத்தார். வீட்டு சிறையில் உண்ணா நோன்பிருந்த மங்கம்மாள் 40ம் நாள் தன் உயிர்நீத்தார்.




விஜயரங்கரின் மலபார் படையெடுப்பு:-



மலபார் மன்னர்களை வெற்றி கொண்ட விஜயரங்க நாயக்கர். அவர்களை வரி செலுத்தும்படி செய்தார். பின்பு இராணி மீனாட்சியை திருமணம் செய்தார். தனது இனத்திலேயே மூன்று பெண்களை திருமணம் செய்தார். இருப்பினும் குழந்தை பேரு இல்லாமல் 41 வருடம் ஆட்சி செய்துவிட்டு இறந்துபோனார்.






இராணி மீனாட்சி:-



இராணி மீனாட்சி தனது உயிரிழந்த கணவர் மூலமாக ஆட்சி உரிமையை பெற்ற விதவை அரசி. தங்க கிரிடமும் தங்க வளையலும் அணிந்து அரியணை ஏறினார். இவரை பதவி இறக்க மந்திரிகள் மற்றும் தளவாய்கள் பல சதிகளையும் சூழ்சிகளையும் செய்தனர். இறுதியாக சந்தா சாகிப் தலையிட்டு மதுரை மற்றும் திருச்சியை கைப்பற்றினார். இதனால் இராணி மீனாட்சி மனமுடைந்து தற்கொலை செய்துக்கொண்டார். மதுரை நாயக்க பேரரசு முடிவிற்கு வந்தது.





மதுரை நாயக்கர் பேரரசின் மன்னர்கள்:-

1. விசுவநாத நாயக்கர் (1529 - 1564)
2. முதலாம் கிருஷ்ணப்ப நாயக்கர் (1564 - 1572)
3. வீரப்ப நாயக்கர் (1572 - 1595)
4. இரண்டாம் கிருஷ்ணப்ப நாயக்கர் (1595 - 1601)
5. முத்துக் கிருஷ்ணப்ப நாயக்கர் (1601 - 1609 )
6. முதலாம் முத்துவீரப்ப நாயக்கர் (1609 - 1623)
7. திருமலை நாயக்கர் (1623 - 1659)
8. இரண்டாம் முத்துவீரப்ப நாயக்கர் (1659 - 1659)
9. சொக்கநாத நாயக்கர் (1659 - 1682)
10. அரங்க கிருஷ்ண முத்துவீரப்ப நாயக்கர் (1682 - 1689)
11. இராணி மங்கம்மாள் (பகர ஆளுனர்) (1689 - 1704)
12. விஜயரங்க சொக்கநாத நாயக்கர் (1704 - 1732)
13. இராணி மீனாட்சி (1732 - 1736)

மதுரை நாயக்க மன்னர்கள்

குறிப்பு:-

ஐயா திரு. சு.வெங்கடேசன் 

மதுரை நாயக்கர் மற்றும் கொல்லவார் வரலாறு குறித்து மேலும் அறிய சாகித்திய அகாதெமி விருது பெற்ற "காவல் கோட்டம்" நூலை படிக்கவும். இந்நூலின் ஆசிரியர் மதிப்பிற்குரிய ஜயா சு.வெங்கடேசன் அவர்களின் 10 ஆண்டுகால கடின உழைப்பின் காரணமாக அரசு ஆவணங்கள் மற்றும் மதுரை நாயக்கர்கள் காலத்தில் தெலுங்கில் எழுதப்பட்ட இலக்கியம், எழுத்துக்கள் மற்றும் வரலாற்று ஆவணங்கள் முதலிய நேரடி வரலாற்று நூல்களை படித்து பல கள ஆய்வுகள் மேற்கொண்டு ஆராயந்து இதுவரை யாரும் அறியாத மற்றும் எழுதப்படாத மதுரை நாயக்களின் இனம், சமுகம் முதலியவை குறித்து அற்புதமாக பதிவு செய்து 2008ம் ஆண்டு வெளிவந்து இந்திய அரசின் உயரிய விருதான சாகித்திய அகாதெமி விருதை 2011ம் ஆண்டு பெற்ற ஓர் சிறந்த எழுத்தாளரின் உன்னத படைப்பு "காவல் கோட்டம்".




* காவல் கோட்டம் நூல் மற்றும் எழுத்தாளர் குறித்து திரு . ஜெயமோகன் அவர்களின் விமர்சனம்

காவல் கோட்டம் 

தெலுங்கு உகாதி நல்வாழ்த்துகள்

தெலுங்கு உகாதி நல்வாழ்த்துகள்:-

తెలుగు ఉగాది శుభకాంక్షలు

உகாதி சுபகான்க்ஷலு

நாம் தெலுங்கு பேரினம் என்ற உணர்வு கொள்வோம். தாய் தெலுங்கை வணங்குவோம். 






கிருஷ்ணதேவராயர் தெலுங்கை பற்றி கூறியது :-

“	తెలుఁగ దేల యెన్న దేశంబు దెలుఁగేను తెలుఁగు వల్లభుండఁ తెలుఁగొకండ యెల్ల నృపులు గొలువ నెరుఁగవే బాసాడి దేశభాషలందుఁ తెలుఁగు లెస్స	”
— శ్రీ కృష్ణదేవరాయలు

“

Teluga dēla yenna dēśambu delugēnu telugu vallabhuṇḍa telugokaṇḍa yella nr̥pulu goluva nerugavē bāsāḍi dēśabhāṣalandu telugu les'sa  ,, கிருஷ்ணதேவராயர் நான் ஏன் "ஆமுக்தமால்யதா" என்னும் உயரிய நூலை தெலுங்கு மொழியில் எழுதினேன் என்று விளக்குகிறார். அதன்படி கிருஷ்ணதேவராயர் கீழ்கண்டவாறு கூறுகிறார். “  நான் ஒரு தெலுங்கு அரசன். என்னுடைய ராஜ்ஜியம் தெலுங்கு ராஜ்ஜியம். பாரத தேசத்தில் சிறந்த இனிமையான மொழி எதுவென்றால் அது தெலுங்கு தான்  ,, என பெருமைப்பட கூறினார். பாரதியார் தெலுங்கு மொழியைப்பற்றி:- “ சுந்தரத் தெலுங்கினில் (அழகிய தெலுங்கு மொழியில்)  பாட்டிசைத்து தோனிகள் ஓட்டி விளையாடி மகிழ்வோம்,,                                                 -பாரதியார்     வாழ்க தாய்மொழி  வளர்க நம் இனம்

கொல்லவார் பேரரசுகள் (விஜயநகரம்) (1)

விஜயநகர பேரரசு உருவான காலக்கட்டம்:-





விஜயநகர பேரரசு உருவாக காரணமான அம்சங்கள்:-




14ம் நுற்றாண்டின் இறுதியில்  டெல்லி சுல்தான்கள் வட இந்தியா முழுவதையும் வென்ற பின் தனது கவனத்தை தென்  இந்தியா திருப்பி தேவகிரி, ஹோய்சாலர், காகத்தியர், பாண்டியர் மற்றும் கம்பளி இராஜ்ஜியங்களின் மீது படையெடுத்து அந்த மாபெரும் இந்து பேரரசுகளை வீழ்த்திய நூற்றாண்டு. சுல்தானின் படையெடுப்புகளால் தென்னகமே அல்லல் பட்டது என்பது தான் உண்ணமை.





டெல்லி சுல்தான்களின் குருர குணம்:-

டெல்லி சுல்தான் அலாவுதீன் கில்ஜி

பொதுவாக அக்காலத்தைய இந்து மன்னர்கள் பெரும் படைவலிமையும் மன வலிமையும் பெற்றிருந்தாலும் அவர்கள் போருக்கு உரிதான சில போர் தர்மங்களை வகுத்து அதன்படி போர்கள் நடத்தி வெற்றி கண்டனர். குறிப்பாக தன் உயிரும் இராஜ்ஜியமும் இழக்க வேண்டிய நிலைவந்தாலும் கூட . நாளின் இறுதியில் போர் நிறுத்த சங்கு ஒலித்த பின்னர் எதிரி நாட்டு தளவாடங்கள் மிது மறைமுக தாக்குதல்கள் நடத்தியது இல்லை. மேலும் போர்களில் சிறைப்பட்ட போர்கைதிகள், மன்னர் மற்றும் பெண்களை அவர்களது தன்மானத்திற்கு இழுக்கு ஏற்படா வண்ணம் நடத்தினர். மேலும் வீரன் ஒருவன் மற்றொரு வீரனுடம் மோதும் போது அவர்களை பிற வீரர்கள் மறைந்திருந்து கொல்லமாட்டார்கள், மேலும் ஆயுதம் இழந்த வீரனை கொல்லமாட்டார்கள், பொய் வாக்குறுதிகள் என்றும் தந்ததில்லை. இப்படி பல நன் நடத்தைகளையும் அறங்களையும் கொண்டு இருந்தனர். இந்தகைய மன்னர்களின் பெருந்தன்மையை சுல்தான்கள் தங்களது துர் யுக்திகளுக்கு சாதகமாக மாற்றிக்கொண்டு அவர்களை வெற்றிக்கொண்டனர். போர்களின் வெற்றிக்கு பின்னர் எதிரி நாட்டின் கோவில்களும், தெய்வங்களின் சிலைகளும் சிதைக்கப்பட்டனர், செல்வங்களும், பெண்களும் சூரையாடப்பட்டனர்.





மக்கள் மிதான தாக்குதல்கள்:-




இந்து மன்னர்கள் பொதுவாக தன் நாட்டு பிரஜைகளை தங்கள் பிள்ளைகள் போல் கருதினர். எனவே தம் மக்கள் மீது அதிக அன்பு கொண்டிருந்தனர், எனவே மக்களிடம் 3ல் 1பங்கு வரி வசூல் செய்தனர். ஆனால் சுல்தான்கள் 3ல் 2பங்கு வரி  வசூலித்தனர். அனைவரும் இஸ்லாம் மதத்திற்கு மாற கட்டாயப்படுத்தப்பட்டனர். நாட்டில் பெண்களின் கற்புக்கு காவல் இல்லாமல் இருந்தது. சுல்தான்களின் ஆட்சியை எதிர்த்த மக்களின் உறுப்புகள் அறுக்கப்பட்டன, சவுக்கடிகள் வழங்கப்பட்டன மற்றும் வினோதமான குருர தண்டனைகள் வழங்கப்பட்டன.




மேலும் சுல்தானின் வெறியாட்டங்களுக்கு சில சான்றுகளாக:





மதுரை பண்டியனை வீழ்த்திய சுல்தான்:-

மாலிக்காபூர் படையெடுப்பு

மாலிக்காபூர் மதுரை மீது படையெடுத்த

 காலத்தில் அங்கு ஆண்ட அரசன் மாறவர்மன் குலசேகர பாண்டியன். இவன் காலம் 1268 முதல் 1310 வரை. இவனுக்கு இரண்டு மகன்கள். அவர்கள் ஜடாவர்மன் சுந்தர பாண்டியன், ஜடாவர்மன் வீரபாண்டியன். இவர்களில் சுந்தர பாண்டியன் பட்டமகிஷிக்குப் பிறந்தவன், வீரபாண்டியன் மன்னனின் சேர்த்துக் கொண்ட மனைவிக்குப் பிறந்தவன். வழக்கத்துக்கு மாறாக மன்னன் தன்னுடைய இளைய மகனுக்குத்தான் பட்டம் சூட்டவேண்டுமென முடிவெடுத்தான். அரியணைக்கு உரியவனான சுந்தர பாண்டியன் ஆத்திரமடைந்தான். விளைவு? மன்னன் கொல்லப்பட்டான், மூத்தவனான சுந்தர பாண்டியன் 1310இல் அரியணை ஏறினான். நமக்குத்தான் தெரியுமே ஊர் இரண்டு பட்டால் கூத்தாடிகளுக்குக் கொண்டாட்டம் என்று. இளையவன் வீரபாண்டியனுக்கு ஆதரவாக சிலர் கிளம்பினார்கள். உள்நாட்டுப் போர் தொடங்கியது. இந்த கலகத்தில் சுந்தரபாண்டியன் தோற்றோடிவிட்டான். ஓடியவன் ஓடிப்போய் டெல்லி சக்கரவர்த்தி அலாவுதீன் கில்ஜியிடம் முறையிட்டான். அந்த சமயம் சுல்தானின் தளபதியான மாலிக்காபூர் துவாரசமுத்திரத்தில் இருந்தான். அவ்னை சுல்தான் அழைத்து மதுரைக்குப் போய் சுந்தர பாண்டியனுக்கு அரசாட்சியை மீட்டுக் கொடுக்கச் சொல்லியும் மறைவாக பல வஞ்சக விசயங்களையும் சொல்லி அனுப்பி வைத்தான். அதையொட்டி டெல்லி படைகள் மாலிக்காபூரின் தலைமையில் 1311இல் மதுரைக்குள் நுழைந்தது.

மதுரையில் மாலிக்காபூர் இருந்த ஓராண்டில் அங்கு ஒரே பிரளயம் தான். கொள்ளை, கொலை, கற்பழிப்பு. ஒரு இண்டு இடுக்கு கூட விடாமல் சென்று கொள்ளையடித்த செல்வத்தை சுமக்க முடியாமல் சுமந்து கொண்டு வந்தான் மாலிக்காபூர். வழியில் தஞ்சையை அடுத்த கண்டியூரில் சில காலம் தங்கி சுற்றிலுமிருந்த பல கோயில்களைக் கொள்ளையடித்துக் கொண்டு வந்திருந்தான். அப்படி அவன் கொள்ளையடித்த செல்வங்களை, தங்கம், வெள்ளி, சிலைகள் என்று கணக்கற்றவைகளை 312 யானைகள் மீது ஏற்றினான். 20,000 குதிரைகள் மீது ஏற்றினான். இவன் அடித்த கொள்ளையில் 10 கோடி தங்கக் காசுகள் அடக்கம் என்கிறது வரலாற்றுச் செய்திகள்.

மதுரையிலிருந்து மாலிக்காபூர் இராமேஸ்வரம் நோக்கித் திரும்பினான். அங்கும் வழக்கமாகச் செய்வது போல கொள்ளையடித்துக் கொண்டு அங்கும் ஒரு மசூதியைக் கட்டி வைத்தான். அவன் கொள்ளையடித்த செல்வங்களைத் தூக்கிச் செல்ல முடியாத அளவுக்குச் சேர்ந்து விட்டது. அத்தனையையும் சுமந்து கொண்டு சிறிதும் அசராமல் தொடர்ந்து தன் வேலையில் ஈடுபட்டான். மதுரை, ராமேஸ்வரம் ஆகிய இடங்களில் அவன் அடித்த கொள்ளையோடு தேவகிரி கொள்ளையைக்கூட ஒப்பீடு செய்யமுடியாது. அத்தனை செல்வம் கொள்ளையடித்துக் கொண்டு பின்னர் மதுரையை கொள்ளையடிக்க சுல்தானின் பிரதிநிதிகளை நியமித்து விட்டு பெருஞ்செல்வங்களுடன் டெல்லி திரும்பினான் மாலிக்கபூர். அது முதல் குமார கம்பணன் மதுரையை மீட்கும் வரை மதுரையில் கொலை, கொள்ளை, கற்பழிப்பு பேன்ற கொடுரங்கள் நிகழ்ந்த வண்ணமே இருந்தது.

சுல்தானை வெற்றிக்கொண்ட ஹோய்சாள மன்னனின் நிலை:-




 ஹோய்சாள மன்னன் மூன்றாம் வல்லாளன் மிகுந்த வீரம் மிக்க மற்றும் நெஞ்சில் வஞ்சமில்லா மன்னராகவும் விளங்கினார். இவர் கர்நாடகம் மற்றும் தமிழகத்தின் வட பகுதிகளை ஆண்டு வந்தார். இச்சமயம் வல்லாளனுக்கும் டெல்லி சுல்தானின் பிரதிநிதியாக மதுரையை ஆட்சி செய்த சுல்தானியருக்கும் இடையே வைகை கரையில் போர் மூண்டது. இப்போரில் ஆரம்பம் முதலே வல்லாளன் வெற்றிமுகம் காட்டி முன்னேறினான். மதுரை சுல்தான் படை தோல்வி அடையும் தருவாயில் மதுரை சுல்தான் தனது தோல்வியை ஒப்புக்கொண்டது போல் வஞ்க யுக்தியோடு சமாதானம் பேசினான் இதை நம்பிய வல்லாளன் போரை கைவிடும் சமயத்தில் தௌலதாபாத்தில் இருந்து வந்த சுல்தான் படை வல்லாளனின் படையை தாக்கியது மீண்டும் அத்தகு சதி திட்டத்தை வல்லாளன் முறியடித்தார். எனவே டெல்லியில் இருந்து சமாதான உடன்படிக்கை வந்தது இந்த உடன்படிக்கையில் டெல்லி சுல்தான் போரை கைவிடுவதாகவும், வல்லாளனுடன் நட்பு பாராட்ட விரும்புவதாகவும் இதன் துவக்கமாக நடக்கவிருக்கும் உணவு விருந்தில் பங்கு கொள்ளுமாறும் வல்லாளனை வேண்டினார். இந்த அழைப்பை ஏற்ற வல்லாளன் சுல்தானின் உணவு விருந்திற்கு சென்றார். மறுநாள் காலை மனதை பதற வைக்கும் சம்பவமாக மூன்றாம் வல்லாளனின் பிணம் தோல் உரிக்கப்பட்டு வைக்கோள் சுற்றி யானையின் மீது வைத்து மதுரை கோட்டையில் துவங்கி நகர் முழுவதும் பவனி வர செய்தான் அந்த கல் நெஞ்சம் கொண்ட சுல்தான். அத்தோடு நிற்காமல் வல்லாளனில் உடலை துண்டு துண்டாக வெட்டி பிரியாணி சமைத்து அதை வல்லாளனின் குடும்பத்தினருக்கு அனுப்பினான் சுல்தான்.





ஹரிஹரர் மற்றும் புக்கரை சிறையில் அடைத்தல்:-

டெல்லி சுல்தானியம்

தேவகிரியில் கொல்லவார்களின் பேரரசு வீழ்த்தப்பட்ட பிறகு கொல்லவார்களுக்கு அவர்களின் சம்பந்திகளான காகத்திய பேரரசு அடைக்கலம் கொடுத்து எனவே கொல்லவார்கள் காகத்திய பேரரசில் குறுநில ஆளுநர்களாக பணியாற்றினார்கள். பிறகு காகத்திய பேரரசையும் விட்டு வைக்காத சுல்தான் காகத்தியர் மீது போர் தொடுத்து அப் பேரரசையும் வீழ்த்தினர். இதன் விளைவாக காகத்திய பேரரசின் கொல்லவார் ஆளூநர்களூம் கைது செய்யப்பட்டனர். கைது செய்யப்பட்ட கொல்லவார்களூள் குறிப்பிடத்தக்கவர்கள் ஹரிஹரர் மற்றும் புக்க ராயர் ஆவர். இவர்களை சுல்தான் சிறையில் அடைத்து பல கொடுமைகளை செய்து அவர்களை இந்து மதத்தில் இருந்து இஸ்லாத்திற்கு மதம் மாற்றினார். இருப்பினும் ஹரிஹரர் மற்றும் புக்கரின் மனதில் இருந்த கொள்கை தீ அணையவே இல்லை.





இத்தகைய கொடுர நிகழ்வுகள் விஜயநகர பேரரசின் எழுச்சிக்கான காரணங்களாக அமைந்தன.






* கொல்லவார் பேரரசுகள் (விஜயநகரம்) - பகுதி 2



* கொல்லவார் பேரரசுகள் (விஜயநகரம்) - பகுதி 3

கொல்லவார் பேரரசுகள் (மைசூர் உடையார்)

மைசூர் உடையார் அரச வம்சம்:-

மைசூர் சாம்ராஜ்ஜியத்தின் வரைபடம் 

கொங்கு நாட்டு மக்களின் பேச்சு வழக்கில் மைசூர் மகாராஜாவை நினைவு கூறாத நாளில்லை என சொல்லலாம். காலை தேனீர்கோப்பையை அம்மாவை எடுத்து வர சொன்னால் “இவுரு பெரிய மைசூர் மகராஜா, வந்து எடுத்துட்டு போக மாட்டாரா” என்று. சொகுசாக, ஆடம்பரமாக எதை செய்தாலும் உவமையாக மைசூர் மகாராஜா சட்டென்று நினைவில் வருவார். இதற்கும் ஒரு காரணம் உண்டு. காலம் காலமாக செல்வ செழிப்புக்கு பெயர் போனது உடையார் வம்சம். வருடம் 1940 வரை வாழ்ந்து மறைந்த மைசூரை ஆண்ட கிருஷ்ணராஜ உடையார் உலக செல்வந்தர்களில் ஒருவர்.

கொங்கு மண்டலத்தின் எல்லை என சத்தியமங்கலத்தை சொல்லலாம். அதன் முடிவில் தொடங்குகிறது மேற்கு தொடர்ச்சி மலைகளின் கர்நாடக மலைப்பிரதேசங்கள். அது மைசூரின் மேடான நிலப்பரப்பை இணைத்து நம்மை அந்த கம்பீரமான சரித்திர கால மைசூர் மகாராஜா அரண்மனைக்கு கொண்டு சேர்க்கிறது. இந்தியாவின் பிரமாண்டமான ராஜ வம்சத்தில் ஒன்று உடையார் ராஜ வம்சம். மைசூர் மன்னர்கள் விஜயநகர மற்றும் மதுரை நாயக்க பேரரசின் சமூகமான கொல்லவார் என்பது குறிப்பிடத்தக்கது.

தென்னிந்தியாவில் 1399 இல் மைசூர்பகுதியில் உடையார் அரச குலத்த்தின் மன்னர் யதுராய உடையார் என்பவரால் அமைக்கப்பட்ட அரசாகும். மைசூர் அரசு, விஜயநகரப் பேரரசின் கீழ் சிற்றரசாக 1565 வரை, விஜயநகரப் பேரரசின் வீழ்ச்சி வரை ஆளப்பட்டு வந்தது. பின்னர் பல 

சிற்றரசுகள் தென்னிந்தியாவில் 

விடுதலை பெற்ற காலத்தில் மைசூரும் விடுதலை பெற்றது. நரசராச உடையார் மற்றும் சிக்க தேவராச உடையார் ஆகிய அரசர்களின் கீழ் தற்போதைய தெற்கு கர்நாடகா மாநிலத்தின் பல பகுதிகள் மைசூர் பேரரசின் கீழ் 

கொண்டு வரப்பட்டு இப்பகுதியில் ஒரு 

பலமான தன்னாட்சி அரசு 1761 வரை ஆண்டது.

ஒடியார் என அழைக்கப்படும் உடையார் அரச மரபை யதுராய உடையார் என்பவர் கி பி 1399-இல் நிறுவினார். உடையார் அரச குலத்தினர் 1399 முதல் 1761 முடியவும், பின்னர் 1799 முதல் 1947 முடிய மைசூர் இராச்சியத்தை ஆண்டனர். இந்தியப் பிரிவினைக்குப் பின்னர் மைசூர் இராச்சியம் கர்நாடகா மாநிலத்துடன் இணைக்கப்பட்டது.





பெயர்காரணம்:-

கன்னட மொழியில் உடையார் என்பதற்கு தலைவர் அல்லது "இறைவன்" எனப் பொருளாகும். வரலாற்று பதிவுகள் அரச வம்சத்தின் குடும்ப உறுப்பினர்களைக் குறிப்பிடும்போது வாடியார் என்ற வார்த்தையைப் பயன்படுத்துகின்றன; இது நவீன கன்னட ஒலிபெயர்ப்பில், ″ஒடியார் என்றும் பயன்படுத்தப்படுகிறது

பேரரசின் வரலாறு:-

பத்தாம் சாம்ராச உடையார் 

புராணத்தின் படி, உடையார்கள் தங்கள் வம்சாவளியை பகவான் கிருஷ்ணனின் யது குலம் அல்லது கொல்லவார் (யாதவர்) என்று தங்களை அடையாளப்படுத்துகின்றனர், மைசூர் மன்னர்கள் தங்களின் குலப் புராணத்தின்படி தங்களை புகழ்பெற்ற சந்திர வம்சத்தின் நேரடி சந்ததியினர் என்று கூறுகின்றனர். இவர்கள் துவாரகையிலிருந்து வந்தாக கூறப்படுகிறது, மேலும் கருநாடகத்தின் இயற்கை அழகைக் கண்டு மைசூரையே தங்களின் தங்குமிடமாக மாற்றிக் கொண்டனர். இந்த வம்சத்தை 1399 ஆம் ஆண்டில் யதுராயர் நிறுவினார். அவர் 1423 வரை விஜயநகர சாம்ராஜ்யத்தின் கீழ் மைசூர் இராச்சியத்தை 1423 முடிய ஆண்டார். யதுராய உடையாருக்குப் பிறகு, மைசூர் இராச்சியம் உடையார் ஆட்சியாளர்களால் பல வெற்றிகளைப் பெற்றது. ஆரம்ப காலத்தில் இந்த இராச்சியம் மிகவும் சிறியதாக இருந்தது, இது விஜயநகர பேரரசின் ஒரு பகுதியாக இருந்தது. யதுராயருக்குப் பின்வந்த உடையார் வம்ச மன்னர்கள் 1565-ஆண்டில் விஜயநகரப் பேரரசு வீழ்ச்சி அடையும் வரை, விஜயநகரப் பேரரசுக்கு கப்பம் கட்டும் குறுநில மன்னர்களாக மைசூரை ஆண்டனர். இவர்கள் மைசூர் பகுதியை 600 ஆண்டுகள் ஆண்டனர். 1565-க்குப் பின்னர் மைசூர் உடையார் மன்னர்கள் தன்னாட்சி உரிமையுடன் மைசூர் இராச்சியத்தை 1799 வரை ஆண்டனர்.

மூன்றாம் கிருட்டிணராச உடையார்(1799-1868) ஆட்சியின் போது, இப்பகுதி பிரித்தானியப் பேரரசுவின் கட்டுப்பாட்டின் கீழ் வந்தது. அவரது வாரிசுகள் தங்கள் அரச பெயரின் ஆங்கில எழுத்துப்பிழையை வாடியார் என்பதை, பகதூர் என்று மாற்றிக் கொண்டனர். வம்சத்தின் கடைசி இரண்டு மன்னர்கள், நான்காம் கிருட்டிணராச உடையார் மற்றும் ஜெயச்சாமராஜா உடையார், பிரித்தானியப்பேரரசிவின்  அரசாட்சியை ஏற்றுக்கொண்டனர்.

பத்தாம் சாம்ராச உடையார் தனது குடும்பத்தினருடன் 

தனது இளவரசர்களுடன் சாமராச உடையார் 

பிரிட்டிஷ் இந்தியாவின் கீழ் மைசூர்:-

மூன்றாம் கிருட்டிணராச உடையார் (1796-1868) காலத்தில், உடையார்களின் மைசூர் இராச்சியம், துணைப்படைத் திட்டத்தின் படி, பிரித்தானியா இந்தியப் பேரரசுக்கு ஆண்டு தோறும் கப்பம் செலுத்தும் நாடாக மாறியது.

இந்திய விடுதலைக்கு பின் மைசூர்:-

மைசூர் மன்னர் ஜெயச்சாமராஜா உடையார் (1940-1950) ஆட்சிக் காலத்தில், 1947-இல் இந்திய விடுதலைக்குப் பின்னர், உடையார்களின் மைசூர் இராச்சியம் இந்தியாவுடன் இணைக்கப்பட்ட போதிலும், 1956 முடிய மைசூர் உடையார் வம்ச மன்னர்களை மைசூர் மகாராஜா என்றே இந்திய அரசால் அழைக்கப்பட்டனர். 1 நவம்பர் 1956-இல் இந்தியாவை மொழி வாரி மாநிலங்களாகப் பிரிக்கப்பட்ட போது, மைசூர் இராச்சியம் கர்நாடகா மாநிலத்தின் பகுதியாக இணைக்கப்பட்டது.

1956 முதல் 1964 முடிய உடையார் வம்ச மன்னர்கள் கர்நாடகா மாநிலத்தின்ஆளுநர்களாக செயல்பட்டனர். பிறசுதேச சமஸ்தான மன்னர்களைப் போன்று உடையார் வம்ச மன்னர்களும் இந்திய நடுவண் அரசிடமிருந்து மன்னர் மானியம் பெற்றனர். 1971-இல் இந்தியப் பிரதமர் இந்திராகாந்தி கொண்டு வந்த மன்னர் மானிய ஒழிப்புச் சட்டப்படி, அனைத்து 560 சுதேச சமஸ்தான மன்னர்களுக்கு மன்னர் மானியம் வழங்கப்படுவது நிறுத்தப்பட்டது.

இந்திய நாடாளுமன்ற மாநிலங்களவை உறுப்பினராக பல்லாண்டு பதவி வகித்த ஸ்ரீகண்டதத்த நரசிம்மராஜ உடையாருக்குப் (1974-2013) பின்னர் 2015-ஆம் ஆண்டு முதல் யதுவீர் கிருட்டிணதத்த சாமாரச உடையார் மைசூர் மன்னராக பட்டம் வகித்து வருகிறார்.

மைசூரில் நடைபெரும் தசரா பண்டிகை:-

மன்னர் குடும்பத்தினர் சாமுண்டீஸ்வரி கோவில் குருக்களிடம் ஆசி பெரும் காட்சி

தேவி பராசக்தி சாமுண்டீஸ்வரியாக வடிவம் கொண்டு மகிஷனை சம்ஹாரம் செய்த இடமே மகிஷாபுரம், மஹிஷா மண்டலம், மஹிஷுர் என்ற பல பெயர்களில் அழைக்கப்பட்டு பின்னர் மைசூர் என்று மருவியது. மகிஷ வதம் நடைபெற்ற இந்த இடத்திலேயே நவராத்திரி விழா நடைபெறுவது மிகவும் சிறப்பானதாக கருதப்படுகிறது. 407-வது ஆண்டாக இந்த ஆண்டு நடைபெறும் தசரா விழாவைக்காண உலகெங்கும் இருந்து மக்கள் கூடுவர்.

தசரா பண்டிகையை பற்றிய சுவாரசியமான சில தகவல்களை பார்க்கலாம்.

* தசரா பண்டிகையின் முதல் நாள் மைசூர் உடையார் வம்ச மன்னர் சாமுண்டீஸ்வரி அம்மனை வணங்கி சிறப்பு பூஜைகள் செய்து விழாவினை தொடங்கி வைப்பார்.  பின்னர் புகழ்பெற்ற அரச தர்பார் வைபோகம் நடைபெறும் அதில் ஏராளமான மக்கள் கலந்து கொண்டு அரச வம்சத்தினரின் தர்பார் கோலத்தினை காண்பார்கள்.

* நவராத்திரி ஒன்பது நாட்களும் சிறப்பான பூஜைகளும் கொண்டாட்டங்களும் மைசூரில் நடக்கும். மைசூர் அரண்மனை, டவுன் ஹால், கலாமந்திர், கானபாரதி, ஜகன்மோகன் அரண்மனை, சிக்க கடியாரா, குப்பண்ணா பார்க் மற்றும் சாமுண்டி மலைகள், பெங்களூரு பகுதிகளிலும் தசரா போட்டிகளும் கலாசார நிகழ்ச்சிகளும் நடைபெறும்.

* விஜயதசமி தினத்தன்று ஜம்பூ சவாரி எனும் யானைகள் அணிவகுப்பு சிறப்பானது. அலங்கரிக்கப்பட்ட தலைமை யானையில் சாமுண்டீஸ்வரி அம்மன் 750 கிலோ எடை கொண்ட தங்க மண்டபத்தில் பவனி வருவாள். அதன்பிறகு தீப ஒளி அணிவகுப்பு எனும் மாபெரும் விளக்கொளி வைபோகம், வாணவேடிக்கை, நடன நிகழ்ச்சிகள், இசை நிகழ்ச்சிகள், நாட்டுப்புற கலை போன்றவைகளால் நகரே தேவலோகம் போல் காட்சி தரும். தசரா பொருட்காட்சி, தசரா திரைப்பட விழா, தசரா உணவு விழா, பாரம்பரிய நாட்டியங்கள் மற்றும் நடன நிகழ்ச்சிகள், மல்யுத்தப்போட்டி, மலர் கண்காட்சி, தசரா பட்டம் விடும் திருவிழா என எங்கு நோக்கினாலும் கேளிக்கை நிகழ்ச்சிகளால் நிரம்பி இருக்கும். ரங்கயானா எனும் புராண நாடகம் தசராவின் சிறப்பான அடையாளம்.  பத்து நாட்கள் விழாவுக்குப் பிறகு விழாவின் நிறைவாக தீப்பந்தம் ஊர்வலம் நடத்தப்படும்.

* அசோக சக்கரவர்த்தி காலத்திலேயே மஹிஷூர் சிறந்து விளங்கியதாக கி.மு 245-ம் ஆண்டின் இலக்கிய குறிப்புகள் உள்ளன. எனினும் வரலாற்று ரீதியாக 10-ம் நூற்றாண்டு ஆவணங்கள் மூலம்தான் மைசூர் பகுதி வளம் பெற்று இருந்ததாகத் தெரிய வருகிறது. 

* கி.பி 1399-ம் ஆண்டிலிருந்து யது ராஜ மன்னர்கள் எனப்படும் உடையார் வம்ச அரசர்கள் புகழ்பெற்ற விஜய நகர அரசின் பிரிதிநிதியாக இருந்து மைசூரை ஆட்சி செய்தனர். இந்த அரசின் சிறப்பான மன்னர் பெட்டடா சாமராஜ உடையார் என்பவர் மைசூர் கோட்டையை புனரமைத்து தனது  தலைமையகமாக மாற்றினார்.

* 1573-ம்  ஆண்டு நான்காம் சாமராஜ உடையார் மைசூரை ஆண்டு வந்தார். இவரின் குல தெய்வமான சாமுண்டீஸ்வரியின் ஆலயத்தை தரிசித்து விட்டு திரும்பும்போது மழையும் இடியும் சூழ்ந்து கொண்டது. அப்போது மன்னரையும் அவரது ஆட்களையும் காப்பாற்றிய அன்னை சாமுண்டீஸ்வரிக்கு நன்றி தெரிவிக்க மைசூரின் எந்த பக்கம் இருந்து பார்த்தாலும் தெரியும் விதமாக சாமுண்டீஸ்வரி ஆலயத்தை விரிவாக  எழுப்பினார். 

* மைசூர் நகரிலிருந்து 13 கிலோமீட்டர் தொலைவில் சாமுண்டி மலையில் சாமுண்டீஸ்வரி ஆலயம் அமைந்துள்ளது. 3486 அடி உயரத்தில் கொலு வீற்றிருக்கும் இந்த சாமுண்டீஸ்வரி கோயிலை 1872-ம் ஆண்டு கிருஷ்ணராஜா உடையார் புனரமைத்து விரிவாக்கினார். மகிஷனை சம்ஹரித்த காலம் அறிய முடியாத காலம் தொடங்கி இன்று வரை பல மாற்றங்களை மைசூர் கண்டு வந்தாலும் அங்கு மாறவே மாறாத ஒரே சக்தியாக தேவி சாமுண்டீஸ்வரி விளங்குகிறாள்.

* உடையார் மன்னர்களுக்கு முன்னரே இந்த விழா விஜயநகரப் பேரரசர்களால் கொண்டாடப்பட்டு வந்தது என சொல்லப்படுகிறது. பெர்சிய நாட்டின் அறிஞர் அப்துர் ரஜாக் இந்தியாவுக்கு சுற்றுப்பயணம் வந்தபோது  இந்த விழாவைப் பற்றி தனது இரு  நட்சத்திரக் கூட்டங்களின் எழுச்சி, இரண்டு கடல்களின் சங்கமம் என்ற நூலில் மகாநவமி எனும் தசரா கொண்டாட்டங்கள் நடந்தன என்று குறிப்பிட்டுள்ளார். எனினும் உடையார் வம்ச மன்னர்களின் ஆட்சியில் தான் தசரா பிரபல விழாவாக மாறியது. 1610-ம் ஆண்டு ராஜ உடையார் ஸ்ரீரங்கப்பட்டினத்தில் தசரா விழாவை கொண்டாட ஆரம்பித்தார். 

* தசரா விழாவில் மூன்றாவது கிருஷ்ணராஜ உடையார் காலத்தில்தான் புகழ்பெற்ற அரச தர்பார் நிகழ்ச்சி இடம் பெற்றது. இவரே 1872-ம் ஆண்டு சாமுண்டீஸ்வரி கோயிலை சீரமைத்து பல அணிகலன்களையும் காணிக்கையாக அளித்தார். ஜெயசாம ராஜேந்திர உடையார் காலத்தில்தான் இந்த விழா உலகப்புகழ் கொண்டதாக மாறியது. ஆங்கிலேயர் ஆட்சியில், ஆங்கிலேய ஆளுநர்களை  விருந்தினர்களாக அழைத்து விழாவை நடத்தினார். 1972-ம் ஆண்டு ஜெயசாம ராஜேந்திர உடையார் மறைந்து போனதும் இந்த விழாவை நடத்தும் உரிமை கர்நாடக அரசுக்குச் சென்றது. 

* சாமுண்டீஸ்வரி தேவி ஆடிமாதம் மூன்றாவது வெள்ளிக்கிழமை மஹிசூரில்  தோன்றினாள். கத்தி, சக்கரம், திரிசூலம், வாள், வேல், வில் என அனைத்து ஆயுதங்களையும் தாங்கி 16 கரங்களுடன் பயங்கரியாக மாறி மகிஷனை போருக்கு அழைத்து வதம் செய்தாள். தேவர்களால் சாந்தமான அன்னையின் அருட்கோலத்தை மார்க்கண்டேய மகரிஷி 8 கரங்களுடன் வடிவமைத்து சாமுண்டீஸ்வரி மலைப்பகுதியில் அமைத்தார். அமர்ந்த கோலத்தில் இன்றும் இந்த அன்னை அருளாசி வழங்கி வருகிறாள். 

 * கர்நாடக அரசு மைசூர் தசரா விழாவினை வெகு பிரம்மாண்டமாக நடத்தி வருகிறது. அரசு விழாவாக மன்னர்கள் குடும்பத்தின் முன்னிலையில் இது நடைபெறுகிறது. அரசுப்படைகளின் அணிவகுப்பு, அரசின் பெருமைகளைச் சொல்லும் அலங்கார வண்டிகளின் அணிவகுப்பு என உலகமே வியக்கும் வகையில் இது நடைபெற்று வருகிறது. 

* ஒரு லட்சம் அலங்கார விளக்குகளால் மைசூர் அரண்மனை அலங்கரிக்கப்பட்டு தசரா நாளில் ஒளிவெள்ளத்தில் மூழ்கி இருக்கும். மைசூர் நகரம் மட்டுமின்றி, சாமுண்டீஸ்வரி மலைகள், பெங்களூரு நகரம் யாவும் விழாக்கோலம் பூண்டு இருக்கும். மைசூர் தசராவின் இன்னொரு சிறப்பு அம்சமான தசரா சிறப்பு  பொருட்காட்சி மைசூர் அரண்மனையின் எதிர்ப்புறம் உள்ள  தொட்டக்கெரே மைதானத்தில் நடைபெறுகிறது. 

* தசரா பண்டிகையை கண்டுகளிக்க இங்கு எந்த கட்டணமும் வசூலிப்பதில்லை. எனினும் வசதி கொண்ட மக்களின் விசேஷ தரிசனத்துக்காக தங்க அட்டை என்ற கட்டண வசதி அளிக்கப்படுகிறது. இந்த அட்டையை கொண்டு இரண்டு பெரியவர்கள், ஒரு குழந்தை உள்ளிட்டவர்கள் தசரா விழா நடைபெறும் 11 முக்கிய பகுதிகளுக்கு வசதியாக சென்று வரலாம். சிறப்பு தரிசனம், முன்வரிசை போன்றவைகளை இந்த கட்டணம் பெற்று தரும். 

* தசரா விழாவின் இறுதி நாளான விஜயதசமி அன்று சாமுண்டீஸ்வரியின் பிரம்மாண்ட ஊர்வலம் பண்ணிமண்டபத்தில் நிறைவு பெறுகிறது. அங்கு பஞ்சின கவாயத்து என்ற தீப ஒளி அணிவகுப்பு நடைபெறுகிறது. புராணப் புகழ்பெற்ற ஒரு வன்னி மரத்துக்கு விசேஷ பூஜைகள் செய்யப்படுகிறது. அந்த இடத்தில் இருந்த இதே போன்ற ஒரு வன்னி மரத்தில்தான் பஞ்ச பாண்டவர்கள், தங்களது அஞ்ஞாத வாசத்தின்போது தங்கள் ஆயுதங்களை மறைத்து வைத்து இருந்தார்களாம். அவர்களுக்கு சாமுண்டீஸ்வரி தேவிதான் காட்சி தந்து அருள் செய்தாள் என்று சொல்லப்படுகிறது.

* மைசூர் மன்னர்களின் குல தெய்வமான சாமுண்டீஸ்வரி அம்மன் கோவிலின் சாவி மற்றும் கோவிலின் உடைமைகளை பாதுகாக்கும் அதிகாரம் இன்றளவும் கொல்லவார் குலத்தவர்களிம் மட்டுமே உள்ளது .

தசரா விளக்கொளியில் மைசூர் அரண்மனை

உடையார் சாம்ராஜ்யத்திற்கு ஏற்பட்ட சாபம்:-

400 ஆண்டுகளுக்கு முன், மைசூர் விசயநகர சாம்ராஜ்ஜியத்தை திருமலைராஜாவிடமிருந்து ராஜா உடையார் என்பவர் கைப்பற்றினார். அப்போது, அங்கிருந்து தப்பிய திருமலைராஜாவின் மனைவி அலமேலம்மா, காவிரி ஆற்றில் குதித்து தற்கொலைசெய்துகொண்டார். தற்கொலை செய்துகொள்ளும் முன், உடையார் பரம்பரைக்கு 'தலக்காடு' மண்ணாகப் போகட்டும், காவிரியில் இருக்கும் மலங்கி நீர்ச்சுழிகளால் சூழட்டும் என்றும், மைசூரின் உடையார்களுக்கு வாரிசு இல்லாமல் போகட்டும்' எனவும் அவர் சாபம் விடுத்துள்ளார். 

சாபத்தின் காரணமோ! கடந்த 400 ஆண்டுகளுக்கு மேல் மைசூர் உடையார் மன்னர் குடும்பத்தில் நேரடி வாரிசு இல்லாமல் இருந்துவந்தது. மைசூர் சாம்ராஜ்ஜியத்தில் தத்தெடுக்கப்பட்ட மன்னர்களாக ஆட்சிசெய்துவந்துள்ளனர். 

நாடு சுதந்திரம் பெற்றபோது மைசூர் மாகாண மன்னராக இருந்தவர், ஜெயசாமராஜேந்திர உடையார். வாரிசு இல்லாததால், அவர் கந்ததத்தா நரசிம்ம ராஜ உடையாரைத் தனது மகனாகத் தத்தெடுத்தார். அவர், 1974-ம் ஆண்டு மன்னராக முடி சூட்டப்பட்டார். கந்ததத்தா நரசிம்மராஜ உடையார், கடந்த 2013-ம் ஆண்டு காலமானார். அவருக்கு நேரடி ஆண் வாரிசு இல்லை. எனவே, அவரது மூத்த சகோதரி காயத்ரி தேவியின் பேரன் யதுவீர கோபாலராஜே அர்ஸ் என்பவர் அடுத்த வாரிசாகத் தேர்ந்தெடுக்கப்பட்டார். 

அவருக்கு, மைசூரின் 27-வது மன்னராக முடிசூட்டி, யதுவீர கிருஷ்ணதத்தா சாம் ராஜ உடையார் என்ற புதிய பெயர் சூட்டப்பட்டது. அவருக்கும் ராஜ்காட் மன்னர் குடும்பத்தைச் சேர்ந்த திரிஷாதேவி என்பவருக்கும் கடந்த ஆண்டு ஜூன் 27-ம் தேதி திருமணம் நடந்தது. கடந்த ஜூன் மாதம் திரிஷாதேவி கர்ப்பமான தகவலை வெளியிட்டு, சாபம் நீங்கியதாக மகிழ்ச்சி அடைந்தனர். நேற்று, பெங்களூரில் உள்ள கிளவுட்நைன் மருத்துவமனையில் திரிஷா தேவிக்கு அழகான ஆண் குழந்தை பிறந்ததன்மூலம், மன்னர் குடும்பத்துக்கு 400 ஆண்டுகால சாபம் முழுமையாக நீங்கிவிட்டதாக, மைசூர் மன்னர் குடும்பத்தினர் மகிழ்ச்சி அடைந்துள்ளனர்.

மைசூர் அரசின் மன்னர்கள்:-

விஜயநகர அரசுக்கு உட்பட்டவர்கள்:-

* யதுராய உடையார்    (1399-1423)

* முதலாம் சாமராச உடையார்  (1423-1459)

* முதலாம் திம்மராச உடையார்  (1459-1478)

* இரண்டாம் சாமராச உடையார்  (1478-1513)

* முன்றாம் சாமராச உடையார்  (1513-1553)

தன்னாட்சி பெற்றவர்கள்:-

* இரண்டாம் திம்மராச உடையார்  (1553-1572)

* நான்காம் சாமராச உடையார்  (1572-1576)

* ஐந்தாம் சாமராச உடையார்  (1576-1578)
* முதலாம் இராச உடையார்  (1578-1617)
* ஆறாம் சாமராச உடையார்  (1617-1637)
* இரண்டாம் இராச உடையார்  (1637-1638)
* முதலாம் நரசராச உடையார்  (1638-1659)
* தொட்ட தேவராச உடையார்  (1659-1673)
* சிக்க தேவராச உடையார்  (1673-1704)
* இரண்டாம் நரசராச உடையார்  (1704-1714)
* முதலாம் தொட்ட கிருட்டிணராச உடையார்  (1714-1732)



ஜதர்அலி, திப்புசுல்தானுக்கு அடங்கய உடையார்கள்:-



* இரண்டாம் கிருட்டிணராச உடையார்  (1734-1766)
* நஞ்சராச உடையார்  (1766-1772)
* எட்டாம் சாமராச உடையார்  (1772-1776)
* ஒன்பதாம் சாமராச உடையார்  (1776-1796)

பிரித்தானியருக்கு அடங்கிய உடையார்கள்:-

* மூன்றாம் கிருட்டிணராச உடையார்  (1796-1868)
* பத்தாம் சாமராச உடையார்  (1881-1894)
* நான்காம் கிருட்டிணராச உடையார்  (1894-1940)
* செயசாமராச உடையார்  (1940-1950)

கௌரவ அரச உடையார்கள்:-

* செயசாமராச உடையார்  (1950-1974)
* ஸ்ரீ கண்ட உடையார்  (1974-2013)
* யதுவீர் கிருட்டிணதத்த சாமாரச உடையார்  (2015-இன்று வரை)

ஐக்கிய இராச்சியத்தின் இரண்டாம் எலிசபெத்வுடன், இரண்டாம் ஜெயசாமராச உடையார்

ஸ்ரீகண்டதத்த நரசிம்மராஜ உடையார்