மன்னர் திருமலை நாயக்கர் மஹால்

மன்னர் திருமலை நாயக்கர் அரண்மனை:-

கி.பி. 1800 எடுக்கப்பட்ட திருமலை நாயக்கர் மஹாலின் புகைப்படம்

திருமலை நாயக்கர் அரண்மனையின் வரலாறு:-

மன்னர் திருமலை நாயக்கர் 

மதுரை நாயக்க வம்சத்தின் ஏழாவது ஆட்சியாளராக ஆட்சி செய்த மன்னர் திருமலை நாயக்கரால் (கி.பி.1623-1659),  இத்தாலிய கட்டிடக் கலைஞரைக்கொண்டு , கி.பி.1636 ஆம் 
ஆண்டில் பிரம்மாண்டமான முறையில் 32 அடி (சராசரி) உயரம் மற்றும் 18 அடி (சராசரி) சுற்றளவைக்  கொண்ட தூண்களுடன் கலையழகு மிக்க  இந்த அரண்மனை கட்டிமுடிக்கப்பட்டது.





ஆரம்பகால அரண்மனை மஞ்சனகார வீதியில் அதன்பிரதான நுழைவாயிலைக் கொண்டிருந்ததாக கூறப்படுகிறது.




அதனுள் ஒரு நாடகசாலை, ஒரு அரண்மனை கோவில், ராணிகளின் குடியிருப்புகள், ஆயுதக் கிடங்கு, பல்லக்குகள் மற்றும் அரச வாத்தியங்கள் வைப்பதற்கான கட்டிடம், உறவினர்கள் மற்றும் ஊழியர்களுக்கான தங்குமிடங்கள், ஒரு குளக்கரை தோட்டம் போன்றவை இருந்ததாக கூறப்படுகிறது.




கோட்டையை சுற்றி பெருஞ்சுவர்கள் கிழக்கு மேற்க்காக 900 அடி நீளமும், வடக்கு தெற்காக 660 அடி நீளத்திலும் மற்றும் 40 அடி உயரத்திலும் உள்ளன.



தற்போதைய அரண்மனையை விட நான்கு மடங்கு பெரியதான பழைய அரண்மனையை முடிக்க ஏழு ஆண்டுகள் ஆனது.

அரண்மனையில் உள்ள குதிரை சிற்பம்

அரண்மனை முதலில் செர்க்க விலாசம் மற்றும் ரங்க விலாசம் ஆகியவற்றைக் கொண்டிருந்தது. ரங்க விலாசம் முற்றிலும் ஒரு குடியிருப்புக் கட்டிடமாகும், அங்கு தான் திருமலை நாயக்கரின் சகோதரர் முத்தியாலு நாயக்கர் வாழ்ந்துவந்தார்.




கூடுதலாக, ராஜராஜேஸ்வரி அம்மன் ஆலயம், அந்தபுரம், ஆயுத கிடங்கு, மற்றும் ஒரு நீரூற்றும் குளமும்
வேலைக்காரர் மற்றும் உறவினர்களின் குடியிருப்புகள் ஆகியவை அமைந்திருந்தன. தற்போதைய அரண்மனை முந்தைய அரண்மனையின் பிரம்மாண்டத்தோடு ஒப்பிடும் போது நான்கில் ஒரு பங்கு மட்டுமே உள்ளன, அவை அரசரின் தர்பார் மண்டபம், பூஜை அறை, நடன மண்டபம் மற்றும் படுக்கை அறை .




அரண்மனை முற்றம்:-

அரண்மனை முற்றம்

உள்ளே நுழைந்ததும் ஒரு பெரும் முற்றவெளியும் சுற்றிலும் உயரமான தூண்கள் தாங்கிய கட்டடமும் உள்ளன. மேற்கில் வேலைப்பாடுகளுடைய ஒரு கட்டடப்பகுதி உள்ளது. முற்றத்தின் வடக்கிலும் தெற்கிலும் நடுவில் சாலை வடிவமான மிகவும் உயர்ந்த கட்டடப் பகுதிகள் இருக்கின்றன. இவற்றின் ஸ்தூபிகளும் பொன்னால் செய்யப்பட்டிருந்தன.





சொர்க்க விலாசம்:-

சொர்க்கவிலாஸ்

இரண்டு குதிரைச் சிற்பங்கள் அலங்கரிக்கும் படிகளின் வழியே மேற்கில் எழில் வாய்ந்த பகுதியை அடையலாம். இதுவே சொர்க்கவிலாசம் என்பது. மிகவும் நெடிய தூண்களும், எழிலார்ந்த சுதை வேலைப்பாடுகளும், குவிந்து மேலே தோன்றும் விமானங்களும் கலைத்திறனின் எடுத்துக்காட்டுக்கள் பார்க்கப்பார்க்க பரவசம் ஊட்டுபவை. இப்பகுதியின் நடுவில் மிகவும் விசாலமான இடமும் அதன் மேல் குவிந்து உயர உயரச் செல்லும் விதானமும் நாம் சொர்க்கத்தில் நிற்கிறோமோ என்னும் வியப்பைத் தோற்றுவிக்கும் ஆதலால்தான் இதைச் சொர்க்கவிலாசம் என்று மன்னன் அழைத்து மகிழ்ந்திருந்தான் போலும். இதன் மேலிருந்த ஸ்தூபிகளும் தங்கத்தால் செய்யப்பட்டிருந்தன. இவ்விடத்தில் கல் பீடத்தின் மேல் நடுவில் யானைத் தந்தத்தாலான நுண்ணிய வேலைப்பாடு மிகுந்த ஒரு சாலை (மண்டபம்) வைக்கப்பட்டிருந்தது. அதன் நடுவில் இரத்தினங்களால் செய்யப்பட்ட அரியணை இருந்தது. அதன் மீது அமர்ந்துதான் திருமலை மன்னன் செங்கோல் நடத்தினார்.

திருமலை நாயக்கர் சிம்மாசனம்

செங்கோல் விழா:-  ஆண்டுதோறும் சித்திரைத் திருவிழாவில் எட்டாம் நாள் திருமலை மன்னர் அங்கயற்கண்ணி அம்மைக்கு கோயிலில் முடிசூட்டு விழா நடத்தி அங்கு அம்மனிடமிருந்து செங்கோலைப் கொணர்ந்து பெற்று வீதி உலாவாகக் இவ்வரண்மனையின் இந்த சொர்க்கவிலாசத்தில் சிறப்பாக அலங்கரித்த அரியணையில் செங்கோலை அமர்த்தி தான் அருகில் கீழே அமர்வார்.

சொர்க்கவிலாஸ் மேற்கூரை

செங்கோலுக்குச் சிறப்பாக வழிபாடுகள் நடக்கும். குழுமியிருக்கும் அனைவருக்கும் பரிசுகள் வழங்கப்படும் அன்று முழுவதும் செங்கோல் அரியணையில் இருக்கும். மறுநாள் திருமலை நாயக்கர் செங்கோலுக்கு மறு வழிபாடு செய்து, கோயிலுக்கு எடுத்துச்சென்று அன்னையின் அடியில் வைத்து வணங்குவது வழக்கம், அன்னையின் அடியானாக அவர் நாட்டை ஆள்வதை இது குறிக்கும்




நவராத்திரி விழா:-  நவராத்திரி விழாவில் ஒன்பது நாட்களும் திருமலை மன்னர் சிறப்பாக தன்னை அலங்கரித்துக் கொண்டு இங்கு அரியணையில் கொலு வீற்றிருப்பார். மாற்றரசர்கள் எல்லாம் இங்கு அவருக்குத் திறை செலுத்துவது





அந்தப்புரம்:-

நாயக்கர் மஹால் வரைப்படம்

சொர்க்கவிலாசத்தின் மேற்கில் அந்தப்புரம். தென்மேற்கில் கருங்கல் தூண்கள் கொண்ட ஒரு இடம் இருக்கிறது. இங்கு இரண்டு அறைகள் இருந்தன. இப்பொழுது உள்ளது ஒன்றின் பகுதி இங்கு அரச மாதேவியரும், பிற பெண்டிரும் இசையும், இலக்கியமும் கேட்டு மகிழ்வர். இதன் தென்மேற்கு மூலையில் அரண்மனையின் மேலே செல்ல படிகள் இருக்கின்றன. அங்கே பல பகுதிகளில் சுற்றி வர வசதி இருக்கிறது. திருமலை மன்னர் தன் மனைவியருடன் மேலே சென்று சுற்றி வரும்போது, கீழிருந்து மக்கள் கண்டு வணங்குவர்.





நாடகசாலை:-

கழுகுப்பார்வையில் திருமலை நாயக்கர் மஹால்

சொர்க்கவிலாசத்தின் வடமேற்கில், கிழக்கு மேற்காக நீண்ட மிகவும் எழில் வாய்ந்த ஒரு பகுதி இருக்கிறது. இதன் நடுப்பகுதி தாழ்ந்தும் சுற்றிலும் திண்ணைபோல் உயர்ந்தும் உள்ளன




தூண்களையும் மேல் பகுதிகளையும் அழகிய சுதை உருவங்கள் அலங்கரிக்கின்றன. இதன் மேற்கில் மேலே செல்வதற்கு மாடிப்படிகள் உள்ளன. இதுவே நாடகசாலை என்று குறிக்கப்படுவது. 



நேரங்களில் திருமலை மன்னன் தன் பெண்டிருடனும் உற்றார் உறவினருடனும் இங்கு வந்து நாட்டியமகளிர் ஆடும் பல கூத்துகளைத் தீவர்த்தி வெளிச்சத்தில் கண்டு களிப்பது வழக்கம்





ஆயுதசாலை முதலியன:-



அந்தப்புரத்தின் நாடகசாலையின் மேற்கில் 'வசந்தவாவி' என்னும் நீர்த்தடம் இருந்தது.

மேற்கில் ஆயுதசாலை இருந்தது

இதற்கும் வடக்கில் மல்யுத்தம் செய்யுமிடம், ஆட்டுக்கிடாய் சண்டை செய்யுமிடம் முதலிய இடங்கள் இருந்தன. இவற்றிற்கும் மேற்கில் உற்றார், உறவினர் வசிக்கும் நீண்ட பல கட்டடங்கள் இருந்தன.





தேவி பூசைக் கோயில்:-

ராஜராஜேஸ்வரி 

நாடகசாலையின் வடகிழக்கில், கிழக்கு நோக்கிய கோயில் ஒன்று இருந்தது. இதன் முகப்பிலும், உள்ளும் கருங்கல் பணிகள் நிறைந்திருந்தன. இங்கு இராஜராஜேஸ்வரியையும், மற்ற பிற தெய்வங்களையும் திருமலை நாயக்கர் நாள்தோறும் வணங்குவது வழக்கமாம்.

இக்கோயிலின் முன்னர் ஒரு நீராவியும் மலர்வனமும் இருந்தது.





இரங்கவிலாசம்:-

இரங்கவிலாசம் 

இக்கோயிலின் வடக்கில் ஒரு சந்துத் தெருவில் நெடிய பத்து தூண்கள் இன்றும் நிற்கின்றன. இவை மறைந்த அரண்மனையின் பகுதியே. இவற்றின் மேற்கில் தான் ரங்க விலாசம் இருந்தது. சொர்க்கவிலாசம் போல் இது அமைந்திருக்க வேண்டும். இதில் திருமலை நாயக்கரின் தம்பி முத்தியாலு நாயக்கர் வசித்தார். இதன் மேற்கில் சந்திரிகை மேடை என்னும் ஒரு கட்டடம் இருந்தது. 





இவற்றின் வடக்கில் தெற்கு மாசிவீதியை நோக்கி ஒரு நுழைவாயில் இருந்தது. இங்கு “காவல் ராஜாக்கள்” இருந்தனர். பல பரிச்சின்னங்களும் ஆயுதங்கள் இங்கு வைக்கப்பட்டிருந்தன. 





அரண்மனை வாயில்:-

அரண்மனை நுழைவுவாயில் 

பத்துத் தூண்களின் கிழக்கில் அரண்மனையின் நுழைவாயில் இருந்தது. அதன் முகப்பு சிறந்த வேலைப்பாடுகளுடன் திகழ்ந்தது

அங்கு 18 வித இசைக்கருவிகள் இசைக்கும் இடமிருந்தது

இப்பகுதியையே நவ்பத்கானா என்று கூறுவர். இது இருந்த இடமே நவ்பத்கானா தெரு என்று அழைக்கப்படுகிறது. ஒரு நூறு ஆண்டுகளுக்கும் முன்னர் கூட இக்கட்டடம் இருந்தது. ஆனால் பழுதடைந்திருந்தது. 1858-ல் பழுது பார்க்கப்பட்டபோதிலும் இது அதிக நாள் நிற்கவில்லை. இதற்கும் கிழக்கில்தான் பல்லக்கு முதலிய பரிகலன்கள் வைக்கப்பட்டிருந்தன





சுற்றுமதில்:-

குஜராத்தி கதவுகளை பிரதிபலிக்கும் மேற்கூரை

இவை அனைத்தையும் சுற்றி ஒரு மதில் இருந்தது. இதைப் பாரிமதில் என்பர். சென்ற நூற்றாண்டில் கூட எஞ்சியிருந்த இம்மதில் அடி நீளமும் 660 அடி அகலம் 40 அடி உயரம் இருந்ததாம்.
மிகவும் அபாய நிலையிலிருந்ததால், 1837-ல் இச்சுவர் இடித்துத் தள்ளப்பட்டதாம். இம்மதிலுக்கு வெளியில், மேற்கில் மலர்வனங்கள் இருந்தது. இவற்றின் நடுவில் ஒரு கட்டடம் இருந்தது. அதில் திருமலை மன்னன் மனைவியருடன் தங்குவது வழக்கம்





அரண்மனைப்பகுதி மறைவு:-

கண்ணாடி துண்டுகள் மூலம் மெருகேற்றப்பட்ட அரண்மனை மேற்கூறை

இவ்வெழில் வாய்ந்த அரண்மனையின் பகுதியைத் திருமலை மன்னரின் பேரன் சொக்கநாத நாயக்க மன்னனே இடித்தான் மதுரையிலிருந்து திருச்சிக்கு அதன் தலைநகரை மாற்றியபோது இங்கிருந்து இடித்த பொருள்களை திருச்சிக்கு எடுத்துச்சென்று அங்கு ஒரு அரண்மனை எடுக்க முயன்றார் அவன் முயற்சியில் வெற்றி பெறவில்லை. சென்ற நூற்றாண்டில் கூட இடிந்த சில பகுதிகள் நின்று கொண்டிருந்தன. காலப்போக்கில் பல பகுதிகள் அழிந்துவிட்டன.




அரண்மனை பிழைத்தது:-




கி.பி. 1857-லேயே இப்போது எஞ்சியுள்ள சொர்க்கவிலாசத்தின் பல பகுதிகள் விரிசல் கண்டிருந்தன. கி.பி. 1858-ல் பெய்த கடும் மழையில் மேற்கு பகுதியில் ஒரு சுவர் வீழ்ந்தது. பல பகுதிகளுக்குச் சேதம் ஏற்பட்டது. 1868-ல் சென்னை கவர்னராயிருந்த நேப்பியர் பிரபு 
இவ்வரண்மனையின் அழகைக் கண்டு இதில் மிகவும் ஈடுபாடு கொண்டு இதை உடனடியாகக் காக்க வகை செய்தார். 1872-க்குள்ளாக இரண்டு லட்சம் ரூபாய் செலவில் பழுது பார்க்கப்பட்டது. இடிந்த சில பகுதிகள் கட்டப்பட்டன. மேலே விரிசல் கண்ட பகுதிகளில் இரும்புக் கம்பிகள் போட்டு முறுக்கப்பட்டன. சுதை வேலைகள் பழுது பார்க்கப்பட்டன. வண்ணங்கள் ஓரளவுக்கு முன்போல் தீட்டப்பட்டன. தமிழ்நாடு அரசு தொல்லியல் துறை இவ்வரண்மனையின் எழிலையும் தொன்மையையும் இப்பொழுது காத்து வருகிறது.





நாயக்கர் மஹால் கட்டப்பட்ட முறையை விளக்கும் பாடல்:-




மதுரைக் கோயில் திருப்பணி:-

உரக்கவெகு ரொக்கம் கொடுத்துப் படங்கு தூண் 

உத்திரம் முதல் பழங்கல்

ஒடிந்தன பிடுங்கி நவமாய் அமைத்துக் காரை

யோடு சீரணம் அகற்றி

அரைத்த சுண்ணாம்பை வெல்லச்சாறு விட்டுநன்

 நாய்க் குழைத்துச் செங்கலும்

அடுக்காப் பரப்பிக் கடுக்காயொடு ஆமலகம் 

அரிய தான்றிக்காய் உழுந்து

ஒருக்கால் இருக்கால் இடித்து நன்னீரில் 

ஊறிய கடுஞ்சாறும் விட்டு

ஊழிக்காலங்களில் அசையாத வச்சிரக்

 காரை விட்டோங்கும் அம்மை 

சிரக்காலம் வாழவே மீனாட்சி கோயிலும்

செப்ப மிடுவித்து நன்றாய்ச்

 செய்வித்த புண்ணியம் சதகோடி புண்ணியம்

 திருமலை மகிபனுக்கே

                                          - திருப்பணிமாலை







திருமலை நாயக்கர் மஹால் தூண்கள்:-

அரண்மனைத் தூண்கள்

கீழே விவரிக்கப்பட்டுள்ளபடி மஹால் பகுதிகள் முழுவதும் மொத்தம் 248 தூண்கள் உள்ளன:



1. நுழைவாயில் தூண்கள்   - 2


2. தாழ்வாரத்தில் தூண்கள்   - 158


3. தரை தளத்தில் தூண்கள்   - 40


4. பூஜை அறையில் தூண்கள்   - 2


5. அரைக்கும் அறையில் தூண்கள்   - 2


6. நாடகசலையில் உள்ள தூண்கள்   - 24


7. நாடகசலையின் மேற்குப் பகுதியில் உள்ள தூண்கள்    - 12


8. பள்ளியரை (சதுரம்) இல் தூண்கள்   - 8



நாயக்கர் அரண்மனையில் மொத்த தூண்கள்   = 248





வேறு சில தகவல்கள்:-

சொர்க்கவிலாசத்தில் உள்ள கண்ணாடி ஜன்னல்

தூண்களின் மைய பகுதியானது அரைக்கோள மற்றும் கோளவடிவ கிரானைட் கற்களால் ஆனது. சீரமைப்பு பணிகளின் போது , 5 அடுக்கு சாந்து பூச்சுகள் ராஜ தார்பார் மண்டபத் தூணில் இருந்து அகற்றப்பட்டது.



திருமலை நாயக்கர் காலத்தை சார்ந்த 32 ஓவியங்கள், நாயக்கர் மகாலில் உள்ள அனைத்து தூண்களும் கச்சா கிரானைட் கற்கலால் மட்டுமே செய்யப்பட்டன என்பதை நமக்கு தெளிவு படுத்தைகின்றது.

கொல்லகேத்தம்மா கதை

கொல்லகேத்தம்மா புராணம்:-

கேத்தம்மா - மல்லண்ணா - மெடலம்மா

பலிஜா மெடலம்மா பிறப்பு:-

சிவபெருமான் - பார்வதிதேவி

வெகு காலத்திற்கு முன்பு வரதராஜா மற்றும் பூபாலம்மா என்ற லிங்க பலிஜா குலத்தை சேர்ந்த தம்பதிகள் காஞ்சிவேரிபட்டிணம் என்னும் ஊரில் வாழ்ந்துவந்தனர். வீரசைவமதத்தவர்களாக இருந்தால் சிவபெருமான் மற்றும் பார்வதிதேவியார் மீது மிகுந்த பக்திக்கொண்டு நாள்தோறும் வணங்கிவந்தனர். இத்தம்பதியினரின் பக்தியால் ஈர்க்கம்பட்ட இறைவன் இவர்களுக்கு ஏழு மகன்கள் மற்றுமொரு மகளை வரமாக வழங்கினார். இறை அருளால் பிறந்த அப்பெண் குழந்தைக்கு பிம்மராம்பாள் (அல்லது) மெடலம்மா என பெயரிட்டு அன்போடு வளர்த்து வந்தனர்.





மல்லண்ணா - மெடலம்மா திருமணம்:-

 "தாயம்" விளையாட்டு 

சிவபெருமானின்  அருளால் கொல்லபுரியை சேர்ந்த ஆதிரெட்டி மற்றும் நீலம்மா என்ற காப்பு குல தம்பதியினருக்கு மகனாக பிறந்த மல்லண்ணா காஞ்சிவேரிபட்டிணத்தினத்திற்கு வருகை தந்த போது எதேச்சையாக மெட்டலம்மாவை சந்தித்த போது அவள் மீது காதல் வயப்பட்டார். காதல் வயப்பட்ட மல்லண்ணா மெடலம்மாவை திருமணம் செய்துக்கொள்ள விரும்பி அவளின் சகோதரர்களிடம் பெண்கேட்டு சென்றார். ஆனால் மெடலம்மாவின் சகோதரர்கள் நாங்கள் பணம்படைத்தவர்கள் என்னும் மிதப்பில் மல்லண்ணாவின் கோரிக்கையை நிராகரித்தனர். எனவே தனது அறிவை உபயோகித்த மல்லண்ணா மாறுவேடத்தில் சென்று மெடலம்மாவின் சகோதரர்களை சூதாட அழைப்பு விடுத்தார். மாறுவேடத்தில் வந்த மல்லண்ணாவிடம் சூதாட்டத்தில் மெடலம்மாவின் சகோதரர்கள் தங்களது அனைத்து செல்வத்தையும் இழந்தனர் இறுதியாக தனது தங்கை மெடலம்மாவை பணயம் வைத்து ஆடினர் அப்போட்டியிலும் மல்லண்ணாவிற்கே வெற்றி கிடைத்தது எனவே தான் வெற்றிக்கொண்ட பிரம்மராம்பாளை (மெடலம்மா) தன்னுடைய குதிரையில் ஏற்றிக்கொண்டு பாஞ்சாலகிரி மலைக்கு சென்றடைந்தார். மலையின் உச்சியில் நாக தேவதைகள் சாட்சியாக மல்லண்ணா மெடலம்மாவை திருமணம் செய்துக்கொண்டார். பிறகு அவ்வடத்தையே தங்களது வாழ்விடமாக அமைத்து வாழ்ந்துவந்தனர்.





பதிபக்தி விரதம் மேற்கொண்ட மெடலம்மா:-

பாத பூஜை

ஒருமுறை மல்லண்ணாவிடம் மெட்டலம்மா உரையாடிக்கொண்டிருந்தபோது மல்லண்ணாவிடம் "மக்கள் மோட்சம் அடைவதற்காக வழிகளை உபதேசியுங்கள் சுவாமி" எனக் கேட்டாள். அதற்கு மல்லண்ணா " ஒருப்பெண் தனது கணவனுக்கு சேவை செய்வதன் மூலம் மோட்சத்தை அடைய முடியும். அதுவே ஒரு ஆண் என்றால் தனது பெற்றோர்களுக்கு பணிவிடைசெய்வதன் மூலம் மோட்சத்தை பெறுவான்" என மல்லண்ணா உபதேசித்தார். மல்லண்ணாவின் உபதேசத்தை கேட்டு நடக்க முடிவு செய்த மெடலம்மா அன்று முதல் தனது கணவனுக்கு தீவீரமாக சேவை செய்யத்துவங்கினார். எனவே மல்லண்ணாவிற்கு தண்ணீரைக்கொண்டு பாதபூஜை செய்வதை மெடலம்மா தனது வழக்கமாக கொண்டிருந்தாள். அவ்வாறு ஒருநாள் பாதபூஜை செய்வதற்காக குவளையோடு தண்ணீர் எடுத்துவர மெடலம்மா சென்றாள் ஆனால் எங்கு தேடியும் தண்ணீர் கிடைக்கவில்லை ஊற்று எடுக்க பள்ளம் தோண்டியும் எங்கும் தண்ணீர் உற்பத்தியாகவில்லை எனவே சோகத்தில் ஆழ்ந்தார் மெடலம்மா. மெடலம்மாவின் நிலையை தனது தனது ஞான திருஷ்டியால் அறிந்துக்கொண்ட மல்லண்ணா தனது சக்தியின் மூலம் தோண்டப்பட்ட ஊற்றுகளில் தண்ணீர் பெருகுமாறு செய்தார். இத்தகைய அற்புதத்தால் மகிழ்ச்சியடைந்த மெடலம்மா குடத்துடன் ஊற்றில் பெருகி வரும் நீரை பிடிக்கச்சென்றார். அப்போது உற்று நீர் தேங்கிய இடத்தில் தன் முக பிம்பத்தை கண்ட மெடலம்மாவின் மனதில் தனது அழகு மீதான கர்வம் பிறந்தது, தன்னை விட அழகான பெண் இவ்வுலகில் இல்லை என்றெண்ணி பெருமிதம்கொண்டாள். மேலும், அவள் மல்லண்ணா தனது சகோதரர்களை ஏமாற்றி, தன்னை நயவஞ்சகமாக திருமணம் செய்து கொண்டதை எண்ணி வருத்தப்பட்டாள். எனவே மல்லண்ணாவிற்கு தகுந்த பாடம் கற்பிக்க மெடலம்மா முடிவெடுத்தாள்.





மல்லண்ணா - மெடலம்மா இடையிலான கருத்துவேறுபாடு:-





மல்லண்ணா, தனது தெய்வீக சக்திகளால், அவளுடைய எண்ணங்களை முன்கூட்டியே அறிந்துக்கொண்டார். அவர் பின்னர் அருகிலுள்ள கிணற்றுக்குச் சென்று, உடல் முழுவதும் தெய்வீக சக்தி நிரம்பிய மஞ்சள் தூளை தன் உடல்முழுக்க பூசிக்குளித்த கணப்பொழுதில், அவர் ஒரு தொழுநோயாளியாக மாறினார்.
முழங்கைகள் முன்னோக்கிச் சென்றிருந்தது, முழங்கால்கள் பின்னோக்கிச் சென்றது, உடல்
சிதைந்து கூன் ஏற்ப்பட்டது, அவரது முதுகில் ஒரு பெரிய காயம் ஏற்ப்பட்டு அதிலிருந்து சீழ்வழிந்துக்கொண்டிருந்தது, உமிழ்நீர்
வாயிலிருந்து விடாமல் ஒழுகத்துவங்கியது. பானை நிறைய நீருடன் தனது கணவனுக்கு பாத பூஜை செய்யவந்த மெடலம்மா மல்லண்ணாவின் தோற்றத்தைக் கண்டு அதிர்ச்சியடைந்தாள். மேலும், "எனது அண்ணன்களை ஏமாற்றி என்னை திருமணம் செய்துக்கொண்ட பாவத்தால் தான் தங்களுக்கு இந்தநிலை ஏற்பட்டது, எந்த பெற்றோர்களும் தனது மகளை உங்களுக்கு திருமணம் செய்துவைகாகமாட்டார்கள்" என கோபக்கனலை வார்த்தைகள் மூலமான கொட்டினாள். மெடலம்மாவின் வார்த்தைகளால் சினம் கொண்ட மல்லண்ணா " உன்னை விட ஏழு மடங்கு அழகுடைய பெண்னை நான் திருமணம் செய்து உன்னை தோற்கடிக்காவிட்டால், நான் மல்லண்ணாவே அல்ல" என சபதம் செய்துவிட்டு பாஞ்சாலமலையை விட்டு வெளியேறினார்.





ரேணுகாதேவியின் உதவி:-

ரேணுகாதேவி 

 பாஞ்சாலமலை விட்டிறங்கி மலையடிவாரம் வந்தடைந்ததும் தனது சுயத் தோற்றத்திற்கு மாறினார் மல்லண்ணா. பிறகு அங்குள்ள ஒரு மரத்தடியில் அமர்ந்து தனது மூத்த சகோதரியான ரேணுகா எல்லம்மாவை நோக்கி தவம் செய்தார். மல்லண்ணாவின் தவத்தை ஏற்று அவர் முன் தோன்றிய ரேணுகா தேவி, தன்னை அழைத்த காரணத்தை வினவினாள்.  மல்லண்ணாவும் முன்பு நடந்த சம்பவங்களையும், தன்னை பலிஜா மெடலம்மா அவமதித்த நிகழ்வுகளைப் பற்றியும் ரேணுகாதேவியிடம் கூறி தனக்கு மெடலம்மாவை விட ஏழு மடங்கு அழகானப் பெண்ணை கண்டுபிடித்து தந்து உதவுமாறு கோரினார்.



மெடல்லம்மாவைவிட பன்மடங்கு அழகானப் பெண்ணை தனது சக்தியின் மூலம் அறிந்துக்கொண்ட ரேணுகாதேவி, அத்தகைய சகல லட்சணங்களும் பேரரழகும் பொருந்தியவள் கனகரேபள்ளிவாடாவில் வசிக்கும் மரபோயின கொல்ல மாரையாவின் மகள் மற்றும் கொல்லவாரு குலத்தை சேர்ந்தவள், அவளின் பெயர் கேத்தம்மா என்பதை மல்லண்ணாவிடம் கூறினார்.

மல்லண்ணாவின் மூத்த சகோதரியான ரேணுகாதேவி 

இருப்பினும், ஒரு கொல்லவாரு குலத்தில் திருமணம் செய்வது அவ்வளவு எளிதான விஷயம் அல்ல என்பதையும் கூறி சில குறிப்புகளையும் ரேணுகாதேவி வழங்கினார் அதன்படி:-



* கொல்லவார்கள் சத்தியத்தின் பக்கம் நிற்பவர்கள்.



*  ராவி மரத்தை (ராவி செட்டு) வெட்ட மாட்டார்கள்.



* பாயும் நதியில் கொல்லவார்கள் எச்சில் துப்புவதில்லை



*  அவர்கள் கொடுத்த வாக்கை திரும்பப் பெறமாட்டார்கள்



ஆகியவற்றை தெரிவித்து அதற்கான உபாயத்தையும் கூறினார் அவை:-



அத்தகைய சிறப்பு மிக்கவர்கள் மல்லண்ணாவை தங்கள் மருமகனாக ஏற்றுக்கொள்ள




* மல்லண்ணாவாகிய நீ ஒரு கொல்லவாராக மாறுவேடம் போட வேண்டும்,



* மரபோயிணக்களின் ஆடுகளை மேய்ச்சல் செய்ய வேண்டும்
அவைகளை ஆயிரக்கணக்கான கோடி மந்தைகளாக பெருக்க வேண்டும்.



 * கொல்லகேத்தம்மாவை முப்பத்திரண்டு வெவ்வேறு வழிகள் மூலம் அவளது பண்புகளை  சோதிக்க வேண்டும்



இவை அனைத்தும் முறையே பூர்த்தியான பின்பு மட்டுமே கேத்தம்மாவை திருமணம் செய்து கொள்ளவேண்டும் என்று கூறி மல்லண்ணாவின் முயற்ச்சிகள் வெற்றிப்பெறட்டும் எனவும் மல்லண்ணாவை ஆசீர்வதித்து அனுப்பினாள் ரேணுகாதேவி எல்லம்மா.





துறவி வேடத்தில் கேத்தம்மாவின் தாயை சந்திந்த மல்லண்ணா:-

ஜங்கமய்யா  (துறவி)

மதகுரு (ஜங்கமய்யா) வேடமணிந்து, மல்லண்ணா கேத்தம்மாவின் தாயான மாத வாசினியின் வீட்டிற்குச் பிச்சை கேட்டுச் சென்றார். அப்போது வீட்டில் இருந்த மாத வாசினி நாங்கள் வறுமை நிலையில் வாழ்கிறோம் எனவே தங்களுக்கு பிச்சை வழங்க எதுவுமில்லை எனபதிலளித்தார். பின்னர் அவர் மாத வாசினியிடம் வீட்டின் தரையில் உள்ள ஒரு சிறிய தூசி கொண்டு வந்து தனது துணிப்பையில் போடுமாறு கேட்டுக்கொண்டார்.
மாத வசனியும் துறவி கூறிவாறே தூசி எடுத்து வந்து அவரது துணிப்பையில் வைத்த போது அவைகள் வைர மற்றும் பவளங்களின் குவியல்களாக மாறியது. வியப்புற்ற மாத வாசினி துறவியின் சக்தியை உணர்ந்து அவரை வணங்கினாள்,  இதையொட்டி
துறவி வேடத்தில் வந்த மல்லண்ணா மாத வாசினியிடம் உன்னுடைய ஒரே மகள் கேத்தம்மாவிற்கு திருமணம் செய்யும் போது வீட்டோடு மாப்பிள்ளையாக (இல்லரிகம் அல்லுடு) இருக்க சம்மதிக்கும் மருமகனுக்கு மணம்முடித்துக்கொடு என்றும் அவ்வாறு சம்மதிக்காத மருமகனோடு உன் மகளுக்கு திருமணம் செய்யாதே என மாத வாசினிக்கு துறவி வேடத்தில் வந்த மல்லண்ணா அறிவுறுத்தினார். அவர்களுடன் வாழக்கூடிய சட்டம் . துறவியின் மந்திர சக்திகளைக்கண்டு வியப்படைந்த மாத வாசினி தனது மகள் கேத்தம்மாவிற்கு பொருத்தமான ஒரு மருமகனை தேடிக்கொடுக்குமாறு கேட்டுக்கொணுடாள். துறவி வேடத்தில் வந்த மல்லண்ணாவும் தான் அலைந்து திரிந்த இடமான காலத்தில் சகல லட்சணங்களும் பொருந்திய ஆண்மகனை சந்தித்தேன் அவனே உன் மகளுக்கு மகவும் பொருத்தமாவன் எனக்கூறினார். துறவியின் வார்த்தகளைக்கேட்ட மாத வாசினி அவரிடன் மணமகன் பற்றிய விபரங்கள் குறித்து மேலும் கேட்டாள். அதற்கு துறவி "அவன் ஸ்ரீ சைலத்தின் அருகில் உள்ள முத்தபுரம் என்னும் ஊரில் உள்ள பெத்த கொல்ல சிவய்யாவின் மகன், அவன் பெயர் கோட்டமல்லய்யா" என விளக்கிக்கூறினார். மகிழ்ச்சியடைந்த மாத வாசினி தாங்கள் கூறியபடியே கோட்டமல்லய்யாவை அனுப்பிவைத்தால் அவனுக்கே எங்களது மகளை திருமணம் செய்துவைக்கிறோம் என துறவியிடம் வாக்களித்தாள். அதற்கு துறவி " உங்கள் இருக்குடுப்பத்தினருடனான உறவு வெறுமனே வாய்வழியில் மட்டும் பேசி முடிவு செய்யப்படக்கூடாது அது ஊர்ப்பெரியோர்களின் முன்னிலையில் ஒரு உடன்படிக்கை தயார் செய்ததாக இருக்கவேண்டும். அவ்உடன்படிக்கையில் மணமகன் தங்களின் வீட்டோடு மாப்பிள்ளையாக (இல்லரிக்கம்) இருக்க வேண்டும் என குறிப்பிட்டிருக்க வேண்டும். மேலும் திருமணம் முடிந்த பிறகான காலத்தில் மணமகன் இந்த உடன்படிக்கைக்கு எதிராக செயல்பட்டால் மணமகன் மற்றும் அவனது வீட்டார்கள் கொல்லவார் குலத்தில் இருந்து குல விலக்கம் செய்யப்படுவார்கள் என குறிக்கப்பட்டிருக்க வேண்டும் எனத் துறவி வேடத்தில் வந்த மல்லண்ணா மாத வாசினியிடம் கூறினார். துறவியின் நிபந்தனைக்கு கட்டுப்பட்டு கேத்தம்மாவின் பெற்றோர்கள் இருவரும் ஊர்ப்பெரியவர்கள் முன்னிலையில் உடன்படிக்கை கையெழுத்திட்டு அதை துறவியிடம் கொடுத்தனுப்பினர். 





தொழுநோயாளி மருமகனாக கேத்தம்மாவின் இல்லம் வந்தடைதல்:-

கீலு கத்தி (குறு வாள்)

கேத்தம்மாவின் பெற்றோர்கள் கையெழுத்திட்டுக் கொடுத்த உடன்படிக்கையை தன்னோடு எடுத்துக்கொண்டு கிராமத்தின் புறநகர்ப் பகுதிக்கு சென்ற மாத்திரத்தில் துறவி வேடத்தில் இருந்த மல்லண்ணா கூன்விழுந்த தொழிநோயாளி உருவத்திற்கு மாறி பிறகு, கொல்லவாரின் பாரம்பரிய வேடமணிந்து - தலையில் தலைப்பாகை, தோளின் மேல் கம்பளி போர்வை, காதுகளில் வலையம், கையில் ஒரு குச்சி, இடுப்பில் கீலு கத்தி (குறு வாள்) மற்றொரு புறத்தில் துணிப்பையை கட்டிக்கொண்டு, கையில்  கோடாரியும், பஞ்சகச்சம் அணிந்துக்கொண்டு மாறுவேடத்தில், கொல்லவார்கள் வழக்கமாக தங்களின் மந்தைகளை மேய்க்கும் பாதையின் ஓரமாக மல்லண்ணா படுத்து உறங்குவது போல நடித்துக்கொண்டிருந்தார். அப்போது பிற்பகல் வேலையில் மேய்ச்சலுக்குச் சென்றிருந்த தங்களின் கணவன்மார்களுக்கு மதிய உணவு மற்றும் மோர் கொடுக்க சென்றுக்கொண்டிருந்த கொல்ல குல மங்கைகள் வழியில் மல்லண்ணா படுத்திருப்பதை கவனித்தனர்.




பின்னர் அவர்கள் மல்லண்ணாவிடம்  அவரது சொந்த ஊரைப் பற்றி அவரிடம் விசாரித்தார்கள். அப்போது, மல்லண்ணா தான் பெத்த கொல்ல சிவய்யாவின் மகன் என்றும் தனது ஊர் ஸ்ரீசைலத்திற்கு அருகில் உள்ள முத்தாபுரம் கிராமம் என்பதை அவர்களுக்கு தெரிவித்தார். மேலும், மல்லண்ணா தனது குடும்பத்தைப் பற்றி விளக்கும் போது "ஒரு காலத்தில் நாங்கள் செல்வச்செழிப்போடு இருந்தோம், ஆனால் தற்போதைய நாட்களில் நாங்கள் மிகுந்த ஏழ்மை நிலையில் இருக்கின்றோம். நான் தற்போது மிகுந்த களைப்புனும், தாகத்துடனும் இருக்கிறேன், தயவுசெய்து எனக்கு கொஞ்சம் மோர் கொடுங்கள்” எனக்கேட்டார் மல்லண்ணா மீது பரிதாபங்கொண்ட கொல்ல குல மங்கைகள் அவருக்கு மோர் வழங்கினர். பின்னர் மல்லணணா அவர்களுடன் மந்தைக்கு சென்றார்.





கொல்லவார்கள் மல்லண்ணாவை கொல்லவார்களின் தலைவரான பெத்த கொல்ல மல்லையா இருக்கும் இடத்திற்கு கொண்டு சேர்த்துவிட்டு, மேய்ச்சலுக்கு திரும்பினர். பெத்த கொல்ல மல்லய்யாவிடம் மொத்தம் ஏழு ஆடுகள் இருந்தன; இவை அவரது மாமியாரால் அவருக்கு வழங்கப்பட்டவைகள் ஆகும். பெத்த கொல்ல இருக்கும் இடத்திற்கு சென்ற மல்லண்ணா, பெத்த கொல்ல மற்றும் அங்கு குழுமியிருந்த கொல்லவார்களையும் அணுகி, அவர்களிடம் தான் வைத்திருந்த ஒப்பந்தத்தை காட்டினார், மற்றும் அவரது வருங்கால மாமனார் யார்???, என்று அவர்களிடம் கேட்டார். கூன் விழுந்த தோற்றம், குஷ்டரோகம் என அகோரமான தோற்றத்துடன் காணப்பட்ட மல்லண்ணாவை கண்டு அங்கு சூழ்ந்திருந்த கொல்லவார் மக்கள் அதிர்ச்சியடைந்தனர். பின்னர், மரபோயின மாரைய்யாவை அழைத்து துறவி அனுப்பிவைத்த மருமகன் இவரே என அறிவத்தனர். வேறு வழியில்லாமல், மல்லண்ணாவை வீட்டிற்கு அழைத்துச் சென்றார் மாரைய்யா. கூன்விழுந்த தோற்றம், குஷ்டரோக நோய் அவரது உடம்பை சுற்றிலும் மொய்க்கும் ஈக்கள் போன்ற அகோர தோற்றத்தை கண்ட மாத வாசினி அதிர்ந்துபோனார். மேலும் தனது மகளுக்கு பொருத்தமான மருமகனை அனுப்புவதற்கு பதிலாக வயதான மற்றும் நோய்வாய்ப்பட்ட ஒருவனை அனுப்பியதற்காக துறவியின் மீது குற்றம் சாட்டத் தொடங்கினார் மாத வாசினி.




பின்னர், அடுத்தக்கட்ட நடவடிக்கை பற்றி மாத வாசினி தனது கணவருடன் அலோசனை செய்தார். அதன்படி, வந்திருப்பவனை தாங்கள் விரட்டினால் தங்களது குடும்பம் ஊர்பெரியவர்கள் முன்னிலையில் கையெழுத்திப்பட்ட ஒப்பந்தத்தின் படி குல விலக்கம் செய்யப்படும். எனவே வந்தவன் அவனாக ஓட வேண்டும் என ஆலோசித்து அதறகான திட்டங்களை தீட்டினர்.






கேத்தம்மாவின் பெற்றோர்களால் துன்புறுத்தப்பட்ட மல்லண்ணா:-





மாத வாசினி மற்றும் மாரைய்யா தீட்டிய திட்டத்தைத் தொடர்ந்து, மாத வாசினி ஈக்கள் விழுந்த உணவை மல்லண்ணாவிற்கு கொடுக்கத் தொடங்கினார். அதேபோல், மாரையாவும் மற்றவர்களுடன் சேர்ந்து ஆடுகளை மேய்ச்சலுக்கு செல்லும் மல்லண்ணாவை தொந்தரவு செய்யத் தொடங்கினார். மேய்ச்சல் நிலங்களில் ஆடுகளை கொல்லவார்கள் மேய்க்கும் போது மல்லண்ணாவை அவர்களுடன் வர வேண்டாம் எனக்கூறி அவரை ஒதுக்கிவைத்தனர். இருப்பினும், வேறு இடத்திற்கு சென்று மேய்க்கச் சொல்லி அவருக்கு ஏழு ஆடுகள் வழங்கப்பட்டன. 

புற்று

சுற்றத்தாரின் இத்தகைய நடவடிக்கைகளினால் மனமுடைந்த மல்லண்ணா தனது ஏழு ஆடுகளையும் அழைத்துக்கு கொண்டு கஞ்சால ஆலமரத்தின் அடியில் இருந்த புற்று அம்மனிடம் தனது ஆடுகளை பன்மடங்காக பெருக்க வேண்டி பிராத்தனை செய்யது தனது ஏழு ஆடுகளையும் புற்றுக்குள் தள்ளி மிகக்கடுமையாக தனது பிராத்தனையை இறைவனிடம் முன்வைத்தார். மல்லண்ணாவின் பிராத்தனையால் மகிழ்ந்த சிவபெருமான், பார்வதி தேவியோடு காட்சிக்கொடுத்து மல்லண்ணாவிற் ஆனந்தமான வாழ்க்கை மற்றும் ஏராளமான ஆடுகளையும், ஆட்டுக்குட்டிகளை வரமாக வழங்கினார். இறைவனிடம் இருந்து பெற்றுக்கொண்ட ஆடுகளை கனகரேப்பள்ளி குளத்திற்கு அழைத்துச்சென்று அவற்றை குளிப்பாட்டினார். மேலும், அங்கிருந்த சில கொல்லவார்களை அழைத்து நீங்கள் மாத வாசினியிடம் சென்று "உங்கள் மருமகன் பெரும் ஆட்டு மந்தைகளுடன் திரும்பிக்கொண்டிருக்கிறான்" என தெரிவிக்குமாறு கேட்டுக்கொண்டார். மல்லண்ணா அனுப்பிய கொல்லவார்கள் மூலம் செய்தி அறிந்த மாத வாசினி மகழ்ச்சியில் திளைத்தார்.  பிறகு கூடைகளை எடுத்துக்கொண்டு மல்லண்ணா இருக்கும் இடத்திற்கு சென்ற மாத வாசினி, அங்கு ஆட்டு மந்தைகளுக்கு பால் கொடுத்துக்கொண்டிருந்த கோட்ட மல்லையா (மல்லண்ணா) கண்டார், பெருமந்தையை கண்ட ஆனந்தம் அவரது மனதில் இருந்தாலும் மல்லண்ணா மீதான வெறுப்பு அவர் மனதை விட்டு நீங்கவில்லை. கூடைகளுடன் வந்த மாத வாசினி ஆட்டுக்குட்டிகளை அதில் எடுத்துப்போட்டுக்கொண்டு அக்கூடையை தனது தலை மேல் வைத்துக்கொண்டு வீட்டிற்கு திரும்பினார்.

ஆட்டு மந்தை

மாரைய்யா தம்பதியினர் சத்தேடு வாரல விரதம் மேற்கொள்ளுதல்:-




மாத வாசனியும், மல்லண்ணாவும் மந்தைகளோடு வீட்டிற்கு வந்தடைந்த சமயத்தில் மல்லண்ணா ஒரு உபதேசத்தை மாத வாசினிக்கு  வழங்கினார், அதன்படி அவர்களை "சத்தேடு வாரல விரதம்" கடைப்பிடிக்குமாறு கேட்டுக்கொண்டார்.




விரதம் கடைப்பிடிக்கும் வழிமுறைகள் ஆவன:-

தூபம் (சாம்பிராணி)

1, வீடு முழுவதும் அலங்கரித்து தூபம் போடவேண்டும்



2, போனம் (சக்கரை பொங்கல்) சமைத்துவைக்க இறைவனுக்கு படையலிடவேண்டும்



3, ஞாயிற்றுக்கிழமையன்று வானில் தோன்றும் இள நட்சத்திரங்களை தரிசித்துவிட்டு விரதத்தை முடிக்க வேண்டும்.



ஆகிய விரத வழிமுறைகளைகளை மாத வாசினியிடம் மல்லண்ணா கூறி முடித்தார். மல்லண்ணாவின் ஆலோசனையை ஏற்று மாதவாசினியும், மாரைய்யாவாம் முறையாக விரதத்தை மேற்க்கொண்டனர். விரதத்தை வெற்றிகரமாக முடித்ததன் விளைவாக மாத வாசினியின் குடும்பத்தினர் பெரும் செல்வச்செழிப்புகளை அடைந்து மாபெரும் செல்வந்தர்களாய் உயர்ந்தனர். இருப்பினும் மனம் மாறாத மாத வாசினி மல்லண்ணாவிற்கு எப்போதும் போலவே ஈக்கள் விழுந்த உணவையே மன வெறுப்போடு வழங்கிவந்தார். மல்லண்ணா இத்தனை துன்பங்களுக்கும், கொடுமைகளுக்கும் ஆளாக்கப்பட்டாலும் கேத்தம்மாவின் மீது அவர் கொண்ட அதீத காதலின் காரணமாக இவை அனைத்தயும் பொறுத்துக்கொண்டார்.





மல்லண்ணாவின் சுய தோற்றத்தை கேத்தம்மா காணல்:-





ஒரு நாள் மாத வாசினி தனது மகளான கேத்தம்மாவிடம் மல்லண்ணாவிற்கு மதிய உணவு சமைத்து எடுத்துச் செல்லுமாறு கூறினாள். மல்லண்ணாவின் மீது கொண்ட அன்பால் சுவை மிகுந்த உணவை சமைத்து மல்லண்ணாவிற்கு கொடுக்க சென்றாள் கேத்தம்மா. தூரத்தில் வந்துக்கொண்டிருந்த கேத்தம்மாவை கண்ட மல்லண்ணா உறங்குவது போல நடித்துக்கொண்டிருந்தார். மல்லண்ணா உறங்குவதைக்கண்ட கேத்தம்மா தான் கொண்டு வந்த உணவுக்கூடையை தரையில் வைத்துவிட்டு, மல்லண்ணாவை எவ்வாறு அழைப்பது எனத் தெரியாமல் அருகில் இருந்த ஆட்டுக்குட்டியை தூக்கி அதன் கால்களைக்கொண்டு மல்லண்ணாவின் கால்களில் உரசினாள். தூக்கம் களைந்த மல்லண்ணா கேத்தம்மாவிடம் தான் அருகில் உள்ள குளத்தில் கை கால் கழுவிவிட்டு வருகிறேன் அதுவரை மந்தைகளை பத்திரமாக பார்த்துக்கொள்ளும்படி கூறிவிட்டு குளக்கரைக்கு சென்றார். குளக்கரையை வந்தடைந்ததும் மல்லண்ணா தனது அகோர தோற்றத்தை களைந்துவிட்டு தனது சுய உருவத்திற்கு மாறி குளிக்கச்சென்றார். கூன்விழுந்த ஒரு தொழுநோயாளிக்கு கைக் கால்கள் கழுவ சிரமம் ஏற்ப்படும் என்று எண்ணி அவருக்கு தன்னால் முடிந்த உதவிகளை செய்ய கேத்தம்மா குளக்கரைச்கு சென்றாள். குளக்கரையில் குளித்துக்கொண்டிருந்த கூன் மற்றும் தொழுநோயற்ற மல்லண்ணாவின் சுய தோற்றத்தைக் கண்டு மயங்கி விழுந்தாள் கேத்தம்மா. கேத்தம்மா மயங்கி கிடப்பதைக்கண்ட மல்லண்ணா அவளை நீர் தெளித்து எழுப்பினார். மயக்கம் தெளிந்த கேத்தம்மா மல்லண்ணாவின் காலில் விழுந்து "உண்மையில் தாங்கள் யார், ஏன் இவ்வளவு கொடுமைகளை தாங்கிக்கொண்டீர்கள்???" என கேட்டாள். மௌனம் கலைத்த கோட்ட மல்லையா தான் தான் கடவுள் "கோமரேலி மல்லண்ணா" என்பதையும் கேத்தம்மாவை திருமணம் செய்வதற்காகவே இத்தகைய மாறுவேடத்தில் வந்ததாகவும் கூறினார். மேலும் நீ இங்கே கண்ட காட்சியை யாரிடமும் தெரியப்படுத்த வேண்டாம் கேத்தம்மாவிற்கு அறிவுறுத்தினார். மகிழ்ச்சியடைந்த கேத்தம்மா சந்தோஷத்துடன் தனது வீடு திரும்பினாள்.




மல்லண்ணா - கொல்லகேத்தம்மா திருமணம்:-




வீட்டிற்கு திரும்பிச் சென்ற கேதம்மா தனது பெற்றோர்களான மாதவாசனி மற்றும் மாரைய்யாவிடன், தான்
மல்லண்ணாவை மட்டுமே திருமணம் செய்து கொள்வேன், வேறு யாரையும் திருமணம் செய்யப்போவதில்லை எனக் கூறிவிட்டாள். கேத்தம்மாவை சமாதானப்படுத்த அவளின் பெற்றோர்கள் தங்களது உறவினர்களை அழைத்து அவளது முடிவை மாற்ற முயன்றனர், ஆனால் அவை அனைத்தும் வீண் முயற்சியாகவே போனது. இறுதியாக, கேத்தம்மாவின் பெற்றோர் அவளுடைய கோரிக்கையை ஏற்றுக்கொள்ள வேண்டிய கட்டாயத்தில் இருந்தனர். எனவே கொல்லவார்கள் மல்லண்ணாவிற்கும், கேத்தம்மாவிற்கும் திருமணம் செய்ய முடிவெடுத்து அதற்கான நாள் குறிக்க புரோகிதரை அழைத்தனர். புரோகிதர் வாக்குப்படி ஆதிவாரம் (ஞாயிற்றுக்கிழமை) சுப தினம் என முடிவானது. அதிக மகிழ்ச்சியுடன்
திருமண ஏற்பாடுகள் செய்யப்பட்டது. திருமண நாள் அன்று மாரைய்யாவும் மாத வாசினியும் மல்லண்ணாவின் கால்களைக் கழுவினார்கள் மற்றும் அவர்களின் மகளது கையை பிடித்து மல்லண்ணாவிடம் கொடுத்தனர். மேளவாத்தியங்களின் இசைக்கு இடையில், மஞ்சள் தெளிக்கப்பட்டு, தூப வாசங்களுக்கிடையில், மல்லண்ணா தாலிக்கயிற்றை கேதம்மாவின் கழுத்தில் கட்டினார். திருமணம் முடிந்த மாத்திரத்தில், அனைவரின் முன்னிலையிலும் மல்லண்ணா தனது உண்மையான வடிவத்தில் தோன்றினார். வியப்பில் ஆழ்ந்த கொல்லவார்கள் அனைவரும் அவரது காலில் விழுந்தனர். மல்லண்ணா அவர்களிடம், “நான் உங்களுடைய சமுகத்தின் பிரதான தெய்வமாக இருப்பேன்" எனக் கூறி ஆசீர்வதித்தார்.
பின்னர், திருமணம் நிறைவு பெற்றவுடன் கேத்தம்மாவுடன் கொல்லவார்களிடம் இருந்து விடைப்பெற்றார் மல்லண்ணா.



திருமணக் கோலத்தோடு, அதிக எண்ணிக்கையிலான மாட்டு மந்தைகள் மற்றும் சீர்வரிசைகளுடன் வழியெங்கும் மஞ்சள் தெளிக்கப்பட்டு ஆரவாரத்துடன், பஞ்சாலகிரி மலையை வந்தடைந்தனர்.





மல்லண்ணாவும் அவரது மனைவிகளும் தெய்வநிலையடைதல்:-

மல்லண்ணா சுவாமி திருக்கோவில் - தெலங்கானா 

கோமரேலி மல்லண்ணா திருக்கோவில்

இத்தம்பதியினரை கண்ட, மல்லண்ணாவின் முதல் மனைவி பலிஜா மெடலம்மா அவர்களுடன் வாக்குவாதத்தில் ஈடுபடத்தொடங்கினார். அதற்கு மல்லண்ணா, “இவை அனைத்தும் உனது அடக்கமற்ற வார்த்தைகளால் விளைந்தவை உங்களை விட அழகான பெண் யாரும் இல்லை, என்கிற கர்வத்தால் என்னை நீ செய்த அவமதிப்பின் காரணமாக நான்
கேதம்மாவை மணந்திருக்கிறேன்” எனக் கூறினார். மேடலம்மா தனது தவறை இறுதியாக ஒப்புக்கொண்டு மனம் திருந்தினார். மல்லண்ணா பெரிய மந்தைகளை மேய்த்துக்கொண்டு, தனது இரு மனைவிகளுடன் மகிழ்ச்சியாக வாழ்ந்துவந்தார். இறுதியாக, மல்லண்ணாவின் இடது மடியில் அமர்ந்துக்கொண்ட பலிஜா மெடலம்மா மற்றும் வலதுபுறத்தில் வீற்றிருந்த கேத்தம்மாவும், தெய்வ சிலைகளாக உருமாறினர், மல்லண்ணாவும் சிவலிங்க வடிவம் கொண்டு தெய்வங்களாகினர். இன்றளவும் தெலங்கானா மாநிலம் கோமரேலியில் கோவில் கொண்டு பக்தர்களுக்கு அருள்பாலிக்கின்றார் மல்லண்ணா.

குறும கொல்ல (குறுமர்) புராணம் (அல்லது) மல்லண்ணா புராணம்

மல்லண்ணா புராணம் (குறுமர் புராணம்):-

 மல்லண்ணா

ஆதிரெட்டி - நீலம்மா தம்பதியினர்:-




முன்னொரு காலத்தில் கொல்லபுரிப்பட்டணம் என்ற ராஜ்ஜியத்தை ஆதிரெட்டி (காப்பு சமுகத்தவர்) என்ற மன்னர் ஆட்சி செய்து வந்தார். அவரது ராணி நீலம்மா. இத்தம்பதியருக்கு பெயர், புகழ் செல்வம் எல்லாம் இருந்தாலும், அவர்களுக்கு நீண்ட காலமாக குழந்தைச் செல்வம் இல்லை. குழந்தைகளைப் பெற்றெடுப்பதற்காக அவர்கள் பல விரதங்களைச் மேற்கொண்டனர், மற்றும் பல தானதருமங்களையும் செய்து வந்தனர். இறுதியாக அவர்கள் ஒரு சைவ மதகுருவின் ஆலோசனையின் பேரில் ஸ்ரீசைலம் சென்று மல்லிகார்ஜூன சுவாமிக்கு (சிவபெருமான்) ருத்ராட்ச அபிஷேகம் செய்து வழிபட்டனர். இத்தம்பதியினரின் இறைபக்தியால் மனம் மகிழ்ந்த சிவபெருமான் அவர்கள் முன்தோன்றி, நீங்கள் சிவனடியார்களை அவர்களுக்கு தேவையான பணிவிடைகளை செய்து ஆதரித்து வந்தால் நான் உங்களுக்கு குழந்தைப்பேரு ஆசீர்வதிப்பேன் எனக் கூறி வரமளித்தார். இறைவனின் திருவாக்கை மனப்பூர்வமாக ஏற்ற ஆதி ரெட்டி தம்பதியினர் சைவ துறவிகளைப் தாங்கள் பராமரிப்பதாக இறைவனுக்கு வாக்களித்தனர். இறைவனின் கட்டளைக்கு இணங்குவதாக உறுதியளித்தபோது சிவபெருமான்
அவர்களுக்கு ஆறு மகன்களை கொடுத்து ஆசீர்வதித்தார்.

ஸ்ரீசைலம் மல்லிகார்ஜூன சுவாமி

சிலகாலம் கழித்து மகன்கள் வளர்ந்தவுடன், நீலம்மா கஞ்சத்தனம் மிக்கவராகவும் மற்றும் நீலம்மாவின் கணவர் ஆதிரெட்டி ஒரு சுயநல மனிதனாகவும் மாற்றினார். எனவே துறவிகள் மற்றும் சைவ மத குருமார்களுக்கு தாங்கள் வழங்கிவரும் தானங்களை அவர்கள் நிறுத்திக்கொண்டனர். கூடுதலாக, அவர்களை அவமதிக்கவும் தொடங்கினர். 




மேலும், நீலம்மா தானம் கேட்டு தன் வீட்டின் முன் நிற்கும் துறவிகளை துரத்த தம்மநாயுடு என்பவரை தனது வீட்டின் வாயிற் காவலராக நியமித்தார், தம்மநாயுடுவிற்கு நீலம்மா வழங்கிய ஆணையானது, பிச்சை கேட்டு வீட்டிற்கு வரும் அனைவரையும் தடியடி நடத்தி துரத்த வேண்டும் என்பதாகும். அவ்வாறு தடியடிகளுக்கு உள்ளான சைவ குருமார்கள் மற்றும் துறவிகளின் அழுக்குரல் கேட்டு சிவபெருமான் கடுங்கோபமடைந்தார் எனவே ஆதிரெட்டி குடும்பத்திற்கு தகுந்த பாடம் புகட்ட எண்ணினார். ஆதி ரெட்டியின் குடும்பத்தை சோதிக்க சிவபெருமான் துறவி வேடமணிந்து அவர்களின் வீட்டிற்க்கு சென்றார். அப்போது, தம்மநாயுடு, தனது எஜமானர்களின் கட்டளைகளுக்குக் கீழ்ப்படிந்து, சிவபெருமானை அடிக்கத் தொடங்குகிறார், ஆனால் இறைவனை அடித்த பிரம்பு ஒரு தங்க கம்பியாக மாறியது. ஆதிரெட்டி மற்றும் நீலம்மா இதைக்கண்டு வியப்படைந்தனர் இருப்பினும் பேராசை காரணமாக தங்களின் வீட்டில் உள்ள அனைத்து பொருட்களையும் தம்மநாயுடுவிடம் கொடுத்தனர் அவனும் இறைவனை அப்பொருட்கள் மூலம் தாக்கினார் இதனால் அப்பொருட்கள் அனைத்தும் தங்கம் மற்றும் வெள்ளியாக மாறியது. இருப்பினும் துறவி வேடத்தில் வந்த இறைவனுக்கு ஒரு விதையை கூட உணவாக வழங்காமல் அடித்து துன்புறுத்தினர். மோசமாக காயமடைந்த துறவி பின்னர் குப்பைத் தொட்டியின் அருகே வீசப்பட்டார்.






இறை சாபத்தால் ராஜ்ஜியம் இழந்த ஆதிரெட்டி:-

ஜெஷ்டாதேவி 

அடுத்த நாள் அதிகாலையில், செல்லம்மா என்ற கோமட்டி சமுகத்தை சேர்ந்த ஏழைப்பெண் தனது பசுவை கிராமத்தின் குளக்கரை அருகே மேத்துக்கொண்டிருந்த போது, மோசமான காயமடைந்த நிலையில் துறவி  இருப்பதைக் கண்டாள். அவர் மீது பரிதாபப்பட்டு, அவள் அவரை தனது வீட்டிற்கு அழைத்துச் சென்று, காயங்களை சுத்தம் செய்து, மற்றும்
அவரை கனிவுடன் கவனித்துக்கொண்டார். மகிழ்ச்சி அடைந்த இறைவன் அவளுக்கு செல்வச் செழிப்பை ஆசீர்வதித்தார். பிறகாக சிவபெருமான் ஜெஷ்டம்மாவை (அல்லது நாஞ்சரி, தீய சக்திகளின் கடவுளாக கருதப்படுகிறார்), ஆதிரெட்டி மற்றும் நீலம்மாவின் வீட்டிற்கு அனுப்பவைத்து, ஆதிரெட்டி, நீலம்மாவின் குடும்பம், செல்வம் மற்றும் அவர்களின் ராஜ்ஜியத்தை அழிக்க உத்தரவிட்டார். இதன் விளைவாக, இத்தம்பதியினருக்கு சொல்லமுடியாத துயரங்களை எதிர்கொள்ள, அவர்களின் செல்வங்கள் அனைத்தையும் இழந்தனர், கொல்லபுரிபட்டணம் கடுமையான பஞ்சம், ஏற்பட்டு மக்கள் பசியால் ஏராளமாக உயிரிழந்தனர். ராஜ்ஜியம் முற்றிலும் பாழானது.
பஞ்சத்தில் இருந்து தப்பியவர்கள் மற்ற பகுதிகளுக்கு குடிப்பெயர்ந்தனர், மற்றும் ஆதிரெட்டி தம்பதிகள் ராஜ்ஜியத்தை விட்டு வெளியேறி
காடுகளுக்குச் செல்ல வேண்டிய கட்டாயம் ஏற்பட்டது. காட்டிலும் ஜெஷ்டாதேவி அவர்களைப் பின்தொடர்ந்து, அவர்களுக்கு முடிவில்லாமல் தொந்தரவுகளை செய்தாள், மேலும் அவர்களுக்கு உணவு முதலிய அத்தியாவசிய பொருட்கள் எதுவும் கிடைக்காமல் பார்த்துக் கொண்டாள்.





சாபம் நீங்குதல் மற்றும் மல்லண்ணா பிறப்பு:-




பின்னர், பட்டினியால் வாடிய நீலம்மாவின் குடும்பத்தினர், அவளின் சகோதரர்களின் இராஜ்ஜியமான கல்யாணபுரிக்குச் சென்றனர், ஆனால் அங்கேயும்,  ஜெஷ்டாதேவியின் சக்திகளால் நீலம்மாவின் சகோதரர்களும் அவர்களுடைய மனைவிகளும் அவர்களை அவமதித்து அனுப்பினர். பட்டினி கிடக்கும் குழந்தைகளை பார்த்து தாங்கிக்கொள்ள முடியாத, தம்பதியினர் தொழிலாளர்களாக வேலை செய்ய முற்படும்போது, ​​அவர்களின் முதலாளியும் அவர்களை கடுமையாக அவமதித்து அனுப்பினார். கிராமத்தின் எல்லையில் ஒரு சிறிய குடிசை அமைத்து வசித்தனர், பெரும் ஏழ்மையின் காரணமாக அவர்கள் தங்கள் குழந்தைகளுக்கு கீரைகளையும், வேர்களையும் ஊட்டி, ஒரு மோசமான வாழ்க்கையை வாழ்ந்து வந்தனர். இத்தகைய பரிதாபகரமான சூழ்நிலையில், நீலம்மா சிவனின் வார்த்தைகளை நினைவு கூர்ந்தாள், அவள் செய்த தவறுகளை உணர்ந்து, சிவபெருமானிடம் பிராத்தணை செய்தாள். மனமிறங்கிய ஈசன் ஒரு துறவி போல் தோன்றி பிச்சை கேட்டுவந்தார். ஆனால் நீலம்மா தனக்கிருந்த ஏழ்மை நிலையை துறவி உருவில் வந்த இறைவனிடம் வெளிப்படுத்தினாள். துறவி வேடத்தில் வந்த சிவன் அவள் வீட்டில் இருக்கும் மண்ணை அள்ளி எடுத்து வந்து தனது சாக்கு பையில் நிரப்புமாறு நீலம்மாவிடம் கேட்டார். இறைவனின் சொல்படியே நீலம்மா செய்தாள். ஆவ்வாறு செய்த மாத்திரத்தில் துறவியின் சாக்குப்பையில் போடப்பட்ட மண் எல்லாம் தங்கக் குவியல்களாக மாறியது. நீலம்மா மனமகிழ்ச்சி அடைந்தாள். "உனது பாவங்களுக்கான தண்டனை காலம் இன்றோடு முடிந்தது"  எனக்கூறி சிவபெருமான் தனது உண்மையான வடிவத்தில் தோன்றினார்.  

நீலம்மாவிற்கு துறவி வடிவில் வந்து அருள்புரிந்த ஈசன்

நீீீீலம்மா கடந்த காலத்தில் செய்த தவறுகளை அவர் நினைவுபடுத்தினார், மற்றும் அவர் அவர்களுடைய ராஜ்ஜியத்தையும், செல்வத்தையும் மீண்டும் வழங்கினார், மேலும் மற்றொரு குழந்தையையும் ஆதிரெட்டி, நீலம்மா தம்பதியினருக்கு அருளியும் தெய்வாம்சம் பொருந்திய குழந்தைக்கு, மல்லண்ணா எனப்பெயரிடுமாறும் அறிவுறுத்துவிட்டு சிவபெருமான் மறைந்துவிட்டார். ஒன்பது காடியாக்களுக்குள் (ஒரு காடியா 24 நிமிடங்களுக்கு சமம்), தண்டகரண்யாவின் பவுல்கடாவில் நகரத்தில், அவர் மல்லண்ணாவைப் பெற்றேடுத்தார். இயற்கைக்கு அப்பாற்பட்ட சக்திகளோடு பிறந்த குழந்தை மல்லண்ணாவின் சக்தியால்  பவுல்கட்டா அரண்மனைகள் நிறைந்த நகரமாக உருவானது. எனவே ஆதிரெட்டி மற்றும் நீலம்மா தாங்கள் இழந்த செல்வத்தையும், ஆட்சியையும், ராஜபோக வாழ்க்கையையும் மீண்டும் பெற்றனர். குழந்தை மல்லண்ணா பாலபருவம் எட்டியவுடன் அவரின் தந்தை ஆதிரெட்டி, மல்லண்ணாவை அருகிலுள்ள கல்யாணபுரிக்கு கல்விபயில்வதற்காக அனுப்பிவைத்தார். மல்லண்ணா கல்யாணபுரி குருக்குலத்தில் தங்கியிருந்த காலத்தில், அவருக்கும் தானய்யா மற்றும் கவுசல்யாவின் மகன் வாட்லா சங்கண்ணாவுடன் நட்பு கொண்டார். மல்லண்ணா தனது கல்வியை முடிக்கும் தருவாயில், அவர் இளையபருவம் அடைந்தவராக குருக்குலத்தை விட்டு விடைப்பெற்றார்.

சிவபெருமான் பார்வதிதேவி

கல்வி முடித்து தாய், தந்தையினரிடம் வந்தடைந்த மல்லண்ணாவிடம் ஒரு நாள் அவரின் தாய் நீலம்மா கடந்த காலத்தில் நிகழ்ந்த தங்களின் குடும்ப வரலாற்றை கூறினார். தங்களின் பூர்வீக ராஜ்ஜியமான கொல்லபுரிப்பட்டிணத்தை மீட்கும் பொருட்டு மல்லண்ணா
கல்யாணபுரிக்குத் திரும்பி, கொல்லபுரி இராச்சியத்தை மீண்டும் உருவாக்க தனது தாய் மாமன்களின் உதவியை நாடினார், அவர்களின் உதவியுடன் மல்லண்ணா மீண்டும் கொல்லபுரிப்பட்டிணத்தை கட்டியெழுப்பி அதன் சிம்மாசனம் ஏறினார். தனது திறமையான நிர்வாகத்தால் அனைத்து தரப்பு மக்களாலும் பெரிதும் விரும்பப்பட்டார். மேலும், அவரது ஆட்சியில் கொல்லபுரிபட்டிணத்து மக்கள் அமைதியான மற்றும் மகிழ்ச்சியான வாழ்க்கையை நடத்திவந்தனர். சிவபெருமானும், பார்வதிதேவியும் மல்லண்ணாவின் நல் ஆட்சியில் மகிழ்ச்சி அடைந்து மும்மாரி மழையை அவ்வூருக்கு அளித்து செழுமைப்படுத்தினர்.





மல்லண்ணா - தேவகிரி இளவரசி திருமணம்:-




ஒரு நாள் கைலாயத்தில் பார்வதிதேவி, இளைஞான மல்லண்ணாவிற்கு ஒரு பெண்னை செய்து வைக்க அவரின் பெற்றோர்களை தூண்டுமாறு சிவபெருமானிடம் கோரிக்கை வைத்தார். பார்வதிதேவியின் கோரிக்கையை ஏற்ற சிவபெருமான் மல்லண்ணாவின் அரண்மனைக்கு துறவி வேடத்தில் சென்று, பிச்சை கேட்டார். அப்பொழுது
மல்லண்ணா துறவி வடிவில் வந்த சிவபெருமானுக்கு பழங்களை வழங்க முன்வந்தபோது, சிவபெருமான் மல்லண்ணாவிடம் உனக்கு திருமணமாகிவிட்டதா ??? என கேட்டார், மேலும், பிரம்மச்சாரிகள் துறவிக்கு பிச்சை வழங்க உரிமை இல்லை என்றும் கூறினார். மல்லண்ணா பிச்சையாக கொடுக்க வந்த பழங்களை அவர் ஏற்கவில்லை " நீ பிரம்மசாரி நீ இடும் பிச்சையை என்னால் ஏற்க முடியாது. உனக்கு திருமணமான பிறகு நான் இதே அரண்மனைக்கு வந்து உன்னிடம் பிச்சை வாங்கிக்கொள்கிறேன்" எனக் கூறிவிட்டு துறவி (சிவபெருமான்) சென்றுவிட்டார். 




தன்னிடம் உதவி கேட்டு வந்த ஒருவருக்கு தன்னால் உதவமுடியவில்லையே என்பதை நினைத்து மல்லண்ணா மனம் வருந்தினார். எனவே, அவர் திருமணம் செய்துக்கொள்ள முடிவு செய்து தனது தாயிடம் தனது முடிவை தெரிவித்தார். மனம் மகிழ்ந்த நீலம்மா திருமணத்தரகரை அழைத்து தனது மகனுக்கு அரசக்குடும்பத்தில் இருந்து பொருத்தமான பெண்ணை தேடி கொடுக்குமாறு அனுப்பிவைத்தார். இறுதியாக, தேவகிரியின் மன்னரான கொல்ல தர்மா ரெட்டி (கொல்லவார்) மற்றும் மூசாம்பாளின் மகளான பத்மாவதி (பத்மாக்ஷி) என்கிற இளவரசி மல்லண்ணாவிற்கு பொருத்தமானவள் என நீலம்மா முடிவுசெய்து மல்லண்ணாவிடம் கூறினார். மல்லண்ணாவிற்கும் இளவரசியை பிடித்து போனதால் தனது தோழனான சங்கண்ணாவை தேவகிரி ராஜ்ஜியத்திற்கு சம்மந்தம் உறுதி செய்து வர அனுப்பிவைத்தார். கொல்ல தர்மா ரெட்டியின் அவைக்கு சென்று அவர்கள் கேட்ட வரதட்சணைகள் மற்றும் ஒப்பந்தங்களுக்கு ஒப்புக்கொண்டு திருமணம் நிச்சயம் பேசிவிட்டு கொல்லபுரிப்பட்டிணம் திரும்பினார். மல்லண்ணாவை சந்தித்து திருமணத்திற்காக தேவகிரி ஆட்சியாளர்கள் விதித்த நிபந்தனைகளை கூறினார். கொல்ல தர்மா ரெட்டி கேட்ட வரதட்சணை தொகைய திரட்டுவதற்காக மல்லண்ணா தனது தாய் மாமன்களிடம் உதவி கேட்டார். ஆனால், அவர் தனது மகளை திருமணம் செய்துக்கொண்டால் வரதட்சணை தொகையை கொடுக்கமுடியும் எனக் கூறினார். மல்லண்ணா தனது தாய்மாமனின் கேரிக்கையை ஏற்க மறுத்ததால் அவர் மல்லண்ணாவிற்கு உதவ முன்வரவில்லை.

செல்வக்குவியல்

தனது தாய்மாமன்களின் செயலால் மகுந்த கோபமடைந்த மல்லண்ணா தனது தோழன் வாட்லா சங்கண்ணாவை படைகளுடன் அனுப்பி கல்யாணபுரியின் தன்யாளகோட்டையில் உள்ள கருவூலத்தை கொள்ளையடித்து வருமாறு உத்தரவிட்டார். அவ்வாறு கொள்ளையடித்து வரப்பட்ட பணத்தால்
கொல்லபுரியிலிருந்து தேவகிரி வரை பிரம்மாண்ட பந்தல்கள் அமைத்து கொள்ளையிடப்பட்ட புதையல்களுடன் தேவகிரிக்குச் சென்று, பொக்கிஷங்களைத் கொல்ல தர்மா ரெட்டியிடம் கொடுத்து, பத்மாவதி தேவியை ஒரு பிரமாண்டமான மேடையில் வேத மந்திரங்கள் முழங்க மேளத்தாளங்களுடன் தாலிக்கட்டி, பெரியவர்கள் ஆசீர்வாதங்களுடன்  திருமணம் செய்து கொண்டார். 





அண்ணிகளின் சூழ்ச்சி:-




திருமணம் முடிந்தவுடன் பத்மாவதி தேவியுடன் தனது ராஜ்ஜியத்திற்கு திரும்பினார் மல்லண்ணா. ஆனந்தத்தில் இருந்த திருமண தம்பதியரைப் பார்த்து, பொறாமை கொண்ட மல்லண்ணாவின் அண்ணன்களின் மனைவிகள் பல சதித்திட்டங்களை தீட்டினர். இதன்விளைவாக அவர்கள் மல்லண்ணாவின் சகோதரர்களின் மனதில் நஞ்சை விதைத்தனர், இறுதியாக மல்லண்ணாவை ராஜ்ஜியம் விட்டு துரத்தி விவசாயத்திற்கு அனுப்புவதில் அண்ணிகள் வெற்றிப்பெற்றனர். எனவே வயலில் விவசாயம் செய்து வந்தார் மல்லண்ணா, சிறிது காலம் கழித்து கொல்லபுரிப்பட்டிண ராஜ்ஜியத்தை ஆண்டு வந்த மல்லண்ணாவின் சகோதரர்கள் நிர்வாகத்திறனில் தோல்வியடைந்தனர். எனவே மல்லண்ணாவை மீண்டும் அரியணை ஏறுமாறு கேட்டுக்கொண்டனர். சகோதரர்களின் கோரிக்கையை மறுக்க முடியாமல் மல்லண்ணா ஏற்றார். ஆனால் மல்லண்ணா மீண்டும் அரியணை ஏறியது அவரது அண்ணிகளுக்கு பிடிக்கவில்லை எனவே அவர் எப்போது, ​ அரசவைக்கு செல்கின்றாறோ, அப்போது அவருடைய அண்ணிகள் பத்மாவதிதேவியை ஒரு அடிமைப்போல் தங்களுக்கு சேவை செய்ய வற்புறுத்தி கொடுமைகள் செய்தனர். தனது கணவரின் மகிழ்ச்சிக்கு, எந்த பங்கமும் ஏற்பட்டு விடக்கூடாது என்ற தனது தூய அன்பின் காரணமாக மல்லண்ணாவின் அண்ணிகள் செய்த அனைத்து சித்திரவதைகளையும் தாங்கிக்கொண்டாள். 




எப்பாடுபட்டாவது மல்லண்ணாவை ராஜ்ஜியத்தை விட்டு வெளியேற்றுவதில் அவருடைய அண்ணிகள் உறுதியாக இருந்தனர். இந்த திட்டத்தின் ஒரு பகுதியாக, கணவர்கள் இல்லாத நிலையில், அண்ணிகளில் மூத்தவர் - ஒலனக்கிதேவி - மல்லண்ணாவை தனது அறைக்கு வரவழைத்து தன்னிடம் தவறாக நடந்துக்கொள்ள முயன்றதாக மல்லண்ணா மீீீது பழிசுமத்தினார். இத்தகு அவதூறு மற்றும் அவமானத்தை தாங்க முடியாமல், மல்லண்ணா தனது பெற்றோர், மனைவி மற்றும் மூத்த சகோதரர்களுக்கு அவரது முகத்தை கூட காட்டாமல், இராஜ்ஜியம் விட்டு வெளியேற முடிவெடுத்தார். ஆனால், அவரது ஆத்மார்த்தமான நண்பனான வாடலா சங்கண்ணா மல்லண்ணாவை தடுத்து நிறுத்தினார். மல்லண்ணாவை பற்றிய அவதூறு செய்தி காட்டு தீ போல ராஜ்ஜியம் எங்கும் பரவியது. இதனால் மல்லண்ணாவின் மனைவி பத்மாவதி மற்றும் தாய் நீலம்மா மிகுந்த வருத்தமடைந்தனர். இதை சகித்துக் கொள்ள முடியாத, சங்கண்ணா அவர்களுக்கு உண்மையை வெளிப்படுத்தினார் மற்றும் அவர்களை சமாதானப்படுத்தினார். பின்னர் அவர் கொல்லபுரிப்பட்டிண அரசவையில் மல்லண்ணா மீது இழைக்கப்பட்ட அவமதிப்பு பற்றி கேள்வி எழுப்பினார். இனப்பிரச்சினைக்கு தீீீர்வு காணும் விதமாக வழக்கில் சம்மந்தப்பட்ட இருவரையும் தெய்வங்கள் மீது  சத்தியம் செய்யவைத்து, மல்லண்ணாவின் பக்கம் இருந்த நீதியை சங்கண்ணா வெளிப்படுத்தினார். எனவே மல்லண்ணாவின் மீதான களங்கம் நீங்கியது.





ராஜ்ஜியத்தை துறந்து விவசாயத்தில் ஈடுபடுதல்:-

காணி நிலம்

மல்லண்ணாவிற்கு அவரது சகோதரர்கள் மற்றும் அண்ணிகளின் தீய செயல்களால் வெறுப்புணர்வு ஏற்பட்டது. எனவே ராஜ்ஜியத்தை அவரின் சகோதரர்களிடமே ஒப்படைத்துவிட்டு ஜங்கலா மண்யத்தில் உள்ள தரிசு நிலங்கள் அவரது பங்காக பெற்றுக்கொண்டு, ராஜ்ஜியத்தை விட்டு தன் மனைவியுடன் வெளியேறினார். மீண்டும் விவசாயத் தொழிலுக்கு திரும்பிய மல்லண்ணா
ஒரு நாள் கலப்பை மற்றும் காளைகளைத் வாட்லா சங்கண்ணாவின் உதவியைப் பெற்று நிலத்தை உழுவதற்காக தயார்படுத்திக்கொண்டு ஜங்கலா மண்யம் வரை நிலத்தை உழுதுக்கொண்டிருந்தார் அப்போது, மல்லண்ணாவின் மனைவி பத்மாவதி
அவருக்கு மதிய உணவை எடுத்துச் வந்தார். ஆனால் மல்லண்ணா பத்மாவதியை அழைத்து அவர் கொண்டு வர மறந்த பருத்தி விதைகளை எடுத்து வரச்சொல்லி வீட்டிற்கு திருப்பி அனுப்பினார். பிறகு மல்லண்ணா நிலத்தை உழுதுக்கொண்டிருந்தபோது ஏர்க்கலப்பை மண்ணில் உறுதியாக சிக்கிக்கொண்டது எவ்வளவு முயன்றும் அவரால் ஏர்கலப்பையை வெளியில் எடுக்கமுடியவில்லை. எனவே துக்கமைடந்த மல்லண்ணா பார்வதிதேவியை வேண்டினார். வழிப்பட்ட மாத்திரத்தில் கண் முன் தோன்றிய பார்வதி தேவி தங்க மற்றும் வெள்ளி ஆடுகளை உருவாக்கினார். மேலும் அந்நிலத்தின் நாலில் ஒருபங்கு வரை திரும்பி பார்க்காமல் நடந்து செல்லுமாறு மல்லண்ணாவிற்கு பார்வதி தேவி கட்டளையிட்டார். அவ்வாறே திரும்பி பார்க்காமல் மல்லண்ணா சென்றுகொண்டிருக்கும் நேரத்தில் தங்க மற்றும் வெள்ளி ஆடுகள் நிலத்தில் பெருகிக்கொண்டே இருந்தன. ஒரு மையில் தூரம் சென்ற பிறகு மல்லண்ணா தன்னையும் அறியாமல் திரும்பி பார்த்துவிட்டார் உடனே ஆடுகளின் பெருக்கம் நின்றது. கோபமடைந்த பார்வதிதேவி தன் சொல்படி நடக்காத மல்லண்ணாவின் கன்னத்தில் அடித்தார். மேலும் இனி இந்த ஆடுகளை மேய்த்துதான் உன் வாழ்வாதாரத்தை நடத்தவேண்டும் எனக்கூறி சில நிபந்தனைகளை மல்லண்ணாவிற்கு விதித்தார் அதன்படி:-





* ஆடுகளை அடிக்கவோ துன்புறுத்வோ கூடாது.



* ஆடுகளை மிகுந்த கவனத்துடன் பார்த்துக்கொள்ள வேண்டும்.



* இந்த ஆட்டு மந்தைக்கு பெண்கள் வரலாம் ஆனால் மந்தையை பராமரிக்கும் வேலை செய்யக்கூடாது.



* துணி துவைப்பதற்கு சக்கிலியின் உதவியையோ, சவரம் செய்வதற்கு மங்கலியின் உதவியையோ நாடக்கூடாது. யார் துணையும் இல்லாமல் நீயே செய்யவேண்டும்.



* மந்தைகள் களவு போகாமல் காப்பாற்ற ஒரு நாயை காவலுக்காக வைக்க வேண்டும்



* மந்தையின் அருகில் எப்போதும் தீச்சுடர் எரிந்துக்கொண்டே இருக்கவேண்டும்.

ஆட்டு மந்தை

போன்ற கட்டளைகளை பார்வதி தேவி இட்டார். மேலும் மல்லண்ணாவிற்கு உதவியாக இருக்க பேயண்ணா என்ற உதவியாளரையும் உருவாக்கி கொடுத்துவிட்டு பார்வதிதேவி மறைந்தார். தேவி இட்ட கட்டளையின் அடிப்படையில் மல்லண்ணா தனது மனைவி பத்மாதேவியை தனது தாயாரான நீலம்மா உடன் இருந்துக்கொள்ளுமாறு கூறி கொல்லபுரிக்கு அனுப்பிவைத்தார்.






ரத்னங்கி - மல்லண்ணா திருமணம்:-




மல்லண்ணாவும் பேயண்ணாவும் மிகவும் பொறுப்புடன் மந்தைகளை மேய்த்து, வாழ்ந்து வந்தனர். காட்டில் விளையும் கீரைகள், வேர்கள் , மற்றும் தனது ஆடுகள் மூலம் கிடைக்கும் பால், தயிர் மற்றும் வெண்னெய் ஆகிய பொருட்களை கிராமங்களுக்கு சென்று விற்றும் அவைகளையே தங்களது உணவுகளாகவும் உட்கொண்டு வந்தனர் . ஒரு நாள், பலத்த மழை மற்றும் அதன் விளைவாக வெள்ளம், மந்தையின் முன் எரியவைக்கப்பட்ட  தீச்சுடர் மங்கலானது. ஆனால், கட்டளையிட்டபடி
பார்வதி தேவி தீச்சுடர் எப்போதும் தொடர வேண்டும், ஒருபோதும் அனையக்கூடாது. நெருப்பை
மீண்டும் ஒளிரவிட, மல்லண்ணாவுக்கு தீப்பொறி தேவைப்பட்டது, இதைப் பெற அவர் பொக்கலசிரிகோட்டா சென்றார். கோட்டையில் ஒரு அழகானப் பெண்னை சந்தித்து அவளின் அழகைக் கண்டு மயங்கினார். மல்லண்ணா அவளைப் பற்றி விசாரிக்கும் போது, ​​அவள் தனது பெயர் ரத்னங்கி என்றும் தான் ஒருபிராமணப் பெண் எனவும், மார்தாண்டா என்ற பெண் அரக்கி தன்னுடைய தாயைக் கொன்றுவிட்டு தன்னை கடத்திச்கொண்டு வந்து இக்கோட்டையில் சிறைவைதுள்ளதாகவும் கூறினாள். மேலும் மல்லண்ணாவிடன் தன்னை இச்சிறையில் இருந்து மீட்குமாறு வேண்டினாள். கோரிக்கையை ஏற்றுக்கொண்ட மல்லண்ணா முதலில் நெருப்பை மந்தைக்கு சென்று எரியவைத்துவிட்டு பிறகு வந்து அவளை காப்பதாக வாக்களித்தார். ஆனால் ரத்னங்கி அவரை நம்பவில்லை, ஒரு மதிப்புமிக் பொருளை தன்னிடம் கொடுத்துவிட்டு செல்லுமாறு அவள் கூறினாள். மல்லண்ணா தனது கீலு கட்டியை அவளிடம் கொடுத்துவிட்டு, தீப்பொறியை எடுத்துக்கொண்டு, மந்தைக்குச் சென்றார், மந்தையில் அனையவிருந்த நெருப்பை வெற்றிகரமாக காத்தார். பின்னர் அவர் தனது கீலு கட்டியை மறந்துவிட்டதாக பேயண்ணாவிடம் தெரிவித்துவிட்டு
அதை எடுக்க கோட்டைக்குத் திரும்பினார். இதற்கிடையில் வேட்டைக்குப் பின், கோட்டைக்கு திரும்பிய பெண் அரக்கி, ரத்னங்கியை பலிக்கொடுக்க தயாராகி தனது ராட்சத கத்தியை ஓங்கினாள், அந்த கண நேரத்தில் கோட்டைக்குள் நுழைந்த மல்லண்ணா அரக்கியுடன் மிகக் கடுமையாக போர் செய்து மார்தாண்டா என்னும் அக்கொடிய அரக்கியை கொன்றார் . அரக்கி இறப்பதற்கு முன்
கொல்லவார்கள் கம்பளி போர்வைகளை நெய்ய உதவியாக தனது எலும்புகளைக் கொண்டு ஊசியாக உருவாக்கி பயன்படுத்துமாறு மல்லண்ணாவிடம் தனது இறுதி கோரிக்கையை முன்வைத்தாள். அரக்கியின் வேண்டுகோளை ஏற்ற, மல்லண்ணா அரக்கியின் மண்டை ஓடு, கன்னத்து எலும்புகள், விலா எலும்புகள், நகங்கள், முடி ஆகிய பொருட்களை சேகரித்துக்கொண்டு 
 மற்றும் ரத்னங்கியை சிறையிலிருந்து மீட்டு அழைத்துச்கொண்டு தனது இருப்பிடத்திற்கு திரும்பினார்.

மார்த்தாண்டா அரக்கி

மந்தையில் பணிசெய்துக்கொண்டிருந்த பேயண்ணா, ஒரு பெண்ணுடன் மல்லண்ணாவைக் வருவதை கண்டான், இறைவியின் ஆணையை மல்லண்ணா மீறிவிட்டதாக கருதி கோபங்கொண்டு மல்லண்ணாவின் மீது கற்களை வீசி தாக்குதல் நடத்தினான்.
மல்லண்ணாவுடன் போயண்ணா கற்களை வீசி சண்டையிட்டுக்கொண்டிருந்த போது, ​​திடிரென நிகழ்விடத்தில் பார்வதி தேவி தோன்றி அவர்களை சமாதானப்படுத்தினார். மேலும், மல்லண்ணா சிவபெருமானின் அவதாரம் என்றும் ரத்னங்கி தனது சொந்த அவதாரம், மற்றும் இருவரும் ஒருவருக்காக ஒருவர் என சேர்ந்து வாழவே பிறந்தனர் என
 பேயண்ணாவிடம் பார்வதி தேவி கூறினார். பிறகு இருவருக்கும் திருமணம் செய்துவைக்க எண்ணிய பார்வதிதேவி தனது தலையில் இருந்த வெள்ளை ரோமங்களை பிடுங்கி, புனிதமான கங்கண கயிராக உருவாக்கினார்.
அத்துடன், மல்லண்ணா மற்றும் ரத்னங்கி ஆகியோரிடம் கங்கணகயிற்றை வழங்கி ஒருவருக்கொருவர் கட்டிக்கொள்ளுமாறு கட்டளையிட்டார், எனவே இருவரின் திருமணமும் இறைசாட்சியாக நடந்து முடிந்தது. 





மல்லண்ணா மற்றும் அவரது மனைவிகள் இறைநிலையடைதல்:-

ரத்னங்கி - மல்லண்ணா - பத்மாவதிதேவி

திருமணம் முடிந்த கையோடு
ரத்னங்கியுடன் மல்லண்ணா கொல்லபுரிப்பட்டணம் சென்றார். அங்கே மல்லண்ணாவின் இரு மனைவிகளுக்கும் இடையில் ஒரு உரிமை சண்டை ஏற்ப்பட்டது. எனவே, மல்லண்ணா ஒரு முடிவெடுத்து ஆற்றின் இருபுறமும் இரண்டு அரண்மனைகள் என தனது இரு மனைவிகளுக்கும் உருவாக்கி கொடுத்து பிரச்சனை தீர்ந்து வாழ்நது வந்தார். சில மாதங்கள் கழித்து ரத்னங்கி இருநூற்றுரெண்டு குழந்தைகளைப் பெற்றெடுத்தார். அப்பிள்ளைகள், தன் தாய் ரத்னங்கியை, தந்தை மல்லண்ணா ஒரு கம்பளி கங்கணம் (உன்னி கங்கணம்) கட்டி திருமணம் செய்த காரணத்தினால் உன்னி கங்கணம்வாரு அல்லது குறும கொல்ல (குறுமர்) என அழைக்கப்பட்டனர். சிறிது காலம் கழித்து, மல்லண்ணா தனது துணைவியார் பத்மாவதியை வலதுபுரமும், இடதுபுறத்தில் ரத்னங்கியையும் சேர்ந்து அமர்ந்து சிலை வடிங்களாக மாறி தெய்வவடிவமானார்கள். அவர்களின் குழந்தைகளான குறுமர்கள் தனது பெற்றோர்களுக்கு அதே இடத்தில் அவர்களுக்கு ஒரு கோவில் எழுப்பி அவர்களை வணங்கிவந்தனர்.

குறிப்பு:-




மல்லண்ணா கதைகள் இருவகை உண்டு. அவ்வகையில் மேற்கூறப்பட்டுள்ள கதை குறும கொல்ல (அல்லது) குறுமர்களின் தோற்றம் குறித்து அம்மக்களாலேயே கூறப்படும் புராணக்கதை ஆகும்.