காட்டமராஜு சரித்திரா - பாகம் 1

காட்டமராஜு வரலாறு:-

காட்டமராஜு சரித்திரா

காட்டமராஜு வம்ச கொடிவழிகள்:-

விஷ்ணு

                              |

பிரம்மன் 

                              |

                 அத்ரி மகரிஷி

                              |

சந்திரன் 

                              |

                          புதன்

                              |

புரூரவன் 

                              |

                        ஆயுவு

                              |

நஹூஷுடு 

                              |

                        யயாதி

                              |

                           யது

                              |

வ்ரிஜினவந்துடு 

|  

ஸ்வாஹிதூதி 

                              |

                 பெருஷேகுடு

                              |

சித்ரரதுடு 

                              |

சசிபெண்டு 

                              |

பிருதுஸ்ரவாடு 

                              |

                       தர்னுடு

                              |

                      உசனுடு

                              |

                     ருச்சிகுடு

                              |

                    ஜயமுகுடு

                              |

                     விதர்பூடு

                              |

                         குந்தி

                              |

                       த்ருஸ்தி

                              |

                     நிர்விருதி

                              |

                      தர்சவாடு

                              |

                    வயோமுடு

                              |

                      ஜிமுட்டு

                              |

                      விக்ரிதி

                              |

                      பீமரதுடு

                              |

நவரதுடு 

                              |

                      தசரதுடு

                              |

                        சகுனி

                              |

                        குந்தி

                              |

                    தேவரதுடு

                              |

                தேவக்ஷத்ருடு

                              |

மதுவு 

                              |

உடு 

                              |

வசுவா

                              |

புராஹோத்ருடு 

                              |

அம்சுவு 

                              |

சத்வரது 

                              |

                       பஜமது

                              |

                     அந்தகுடு

                              |

                    விதுரதுடு

                              |

போஜுடு 

                              |

ஹிருடிகுடு 

                              |

தேவமித்துடு 

                              |

                          சூருடு

                              |

வசுதேவுடு 

                              |

ஸ்ரீகிருஷ்ணுடு

                              |

பிரத்யமுடு 

                              |

அனிருதுடு 

                              |

                    வஜ்ரக்குடு

                              |

பிரதிபாஹுடு 

                              |

உக்ரசேனுடு 

                              |

                   ஸ்ரீதசேனுடு

                              |

                  உபநானதுடு

                              |

              அமிருதபோஜுடு

                              |

                விஜயபோஜுடு

                              |

கனகம்போஜுடு 

                              |

               கஜம்போஜுடு

                              |

               ராயம்போஜுடு

                              |

              ரத்னம்போஜுடு

                              |

                   விராஜயுடு

                              |

                    பத்மராஜு

                              |

                   கூர்மராஜு

                              |

            சிம்ஹாத்ரிராஜு

                              |

                   கங்குராஜு

                              |

                    வலுராஜு

                              |

                 பெத்திராஜு

                              |

                 காட்டமராஜு

             

காட்டமராஜு சரிதம்:-





காட்டமராஜுவின் வம்சமானது
யலமஞ்சில்லியைச் சுற்றியுள்ள பகுதிகளை ஆட்சி செய்த காவலவுல கங்குராஜூவிடம் இருந்து தொடங்குகிறது. இவரது மனைவி கங்கம்மா. இந்த இருதம்பதியினரும்
சிவபெருமானின் தீவிர பக்தர்களாக வாழ்ந்து வந்தனர். அவர்களுக்கு நான்கு மகன்கள் இருந்தனர், அவர்கள்,




1, வலுராஜு


2, ஹரகோபலுடு


3, நந்தகோபாலுடு


4,  கோவர்தனடு




போன்றோர்கள். இவர்களுள் மூத்தவர் - வலுராஜு தனது தந்தை கங்குராஜுவிற்கு பிறகு அரியணையில் ஏறினார். வலுராஜுவின் மனைவி வல்லமாதேவி, இவர்களுக்கு ஐந்து மகன்கள் இருந்தனர் அவர்கள் ஆவன:-





1, சிம்ஹாத்திரிராஜு


2, பெத்திராஜு


3, எரனூகராஜு


4, நளனூகராஜு


5,  பொலுராஜு




மற்றும் ஒரு மகள் கொமிரம்மா.
வலுராஜுவின் ஆட்சிக் காலத்தில், கண்டேமொண்டேமுல கோட்டா என்ற அண்டை இராஜ்ஜியம் இருந்தது அதை காலபூத கங்கராஜு என்ற மன்னர் ஆட்சி செய்து வந்தார். கங்கராஜுவின் ஆட்சியின் போது கண்டேமொண்டேமுல கோட்டாவின் அமைச்சர்கள் அவனுக்கு எதிராக தகராறு செய்ததால், மன்னருக்கு அஞ்சிய அமைச்சர்கள் யலமஞ்சில்லியின் அரசரான வலுராஜுவிடம் அடைக்கலம் கேட்டு தஞ்சம் அடைய வந்தனர். அமைச்சர்களின் கோரிக்கையை வலுராஜு அவர்களுக்கு அடைக்கலம் அளித்தார், இதன் விளைவாக யலமஞ்சில்லி மற்றும் கண்டேமொண்டேமுல கோட்டா அரசர்கள் இடையே கடுமையான யுத்தம் ஏற்பட்டது. வலுராஜு தனது இரண்டாவது மகன் பெத்திராஜுவை அரியணைக்கு முடிசூட்டிவிட்டு, யலமஞ்சில்லியை அவரிடம் ஒப்படைத்துவிட்டு, போர்களம் புகுந்தார். கண்டேமொண்டெமுலாவுக்கு எதிராக வலுராஜு மிகவும் தீரத்துடன் போரிட்டார்
இதன்விளைவாக அடுத்தடுத்த போரில் கலாபூதா கங்கராஜு மற்றும் அவனது படைகள் வீழ்த்தப்பட்டு கொல்லப்பட்டனர். எனவே போரின் இறுதியில் வலுராஜு வெற்றிப்பெற்றிருந்தாலும்  யுத்தின்போது பலத்த காயம் அடைந்த காரணத்தால் வலுராஜு போர்க்களத்தில் வீரமரணமடைந்தார். கணவரின் வீரமரணம் பற்றிய செய்தி அறிந்ததும், வல்லம்மா துக்கம் தாளாமல் குலவழக்கப்படி சதி (உடன்கட்டை ஏறுதல்) நிகழ்த்தி மரணத்தை தழுவினார்.





பெத்திராஜு:-





வலுராஜுவின் இரண்டாவது மகனான பெத்திராஜு தனது தந்தையின்  மரணத்திற்குப் பிறகு, யலமஞ்சில்லியை  ஆண்டுவந்தார். ராஜ்ஜியத்தின் நிர்வாக அலோசனைக்காக தனது சகோதரர்களின் ஆதரவைப் பெற்றுவந்தார். அவரது தந்தை மற்றும் தந்தைவழி மாமன்களின் மரணத்தின் பிறகு சிறிது காலம் ஆட்சி செய்த பெத்திராஜு, பிறகு யலமஞ்சில்லி அரியணையை தனது சகோதரர்களுக்குக் கொடுத்துவிட்டு, பம்பாத்ரிக்குச் சென்றார், அங்கு அவர் புதிதாக உருவாக்கிய தலைநகரத்தை மையமாகக் கொண்டு சில ஆண்டுகள் இப்பகுதியை ஆண்டுவந்த காலத்தில்.
பெடிராஜுவைத் தவிர அவரது அனைத்து சகோதரர்களுக்கும், குழந்தைகள் இருந்தனர்.
பெத்திராஜு தம்பதியினருக்கு குழந்தை பேரு இல்லை குழந்தைச்செல்வத்திற்காக பெத்திராஜுவும் அவரது மனைவி பெத்தம்மாவும் ஏங்கினர். எனவே, ரிஷிகளிடம் ஆலோசனை பெற்றதன் பேரில் அவரும் அவரின் மனைவியும் பம்பாத்ரி பசவண்ணரிடம் (சிவன்) குழந்தைப்பேரு வேண்டி நோன்பிருந்தனர்.





காட்டமராஜு பிறப்பு:-

காட்டமராஜு 

ஒரு நாள், கல்யாணப்பட்டிணத்தில் கோவில்கொண்டுள்ள சோமேஸ்வரர்,
பெத்தம்மாவின் கனவில் தோன்றி, குழந்தைபேரு நிச்சயம் உண்டாகும் என ஆசீர்வதித்து உறுதியளித்தார், மேலும்
அவளை தன் கணவருடன் கல்யாணபட்டிணம் வந்து தன்னை தரிசிக்குமாறு சிவபெருமான் உத்தரவிட்டார். கனவைப் பற்றி தன் கணவருக்கு பெத்தம்மா வெளிப்படுத்தியபோது ஆரம்பத்தில் அவர் அதை நம்ப மறுத்துவிட்டார். சிறிது நேரம் கழித்து, சோமேஸ்வரர் தனது வாகனமான புனித காமதேனுவை அனுப்பினார். அக்காமதேனு பசு  பெத்திராஜுவின் கனவில் தோன்றி,
குழந்தைகள் இல்லா வாழ்க்கை வீணானது, எனக் கூறிமறைந்தது. காமதேனுவின் வாக்கு பெத்திராஜுவின் மனதை மாற்றியது, எனவே அவர் கல்யாணபட்டிணம் செல்ல முடிவு செய்தார். பெத்திராஜு தனது கல்யாணப்பட்டிணம் விஜயம் குறித்து தனது சகோதரர்களுடன் கலந்துரையாடுகிறார்.
புனித ஆலயத்திற்கு செல்வதற்கு முன் பெத்திராஜு தனது கால்நடை மந்தைகளை தனது சகோதரர்களுக்கு பகிர்ந்து கொடுத்துவிடுகிறார். மேலும், பம்பாத்ரி சிம்மாசனத்தை தனது இளைய சகோதரனான பொலு ராஜுவிடம் ஒப்படைத்துவிட்டு கல்யாணபட்ணத்திற்கு அவரது மனைவி பெத்தம்மாவுடன் கல்யாணப்பட்டிணம் வந்தடைந்தார். கல்யாணபட்டணத்தின் அப்போதைய ஆட்சியாளர் மரசாபு கங்கராஜு
பெத்திராஜு தம்பதியினரை மிகுந்த மரியாதையுடன் வரவேற்றார். அன்றிலிருந்து பெத்திராஜு தம்பதிகள் தினமும் கல்யாணபட்டிணத்தில் உள்ள காலகோடிஸ்வர பகவானுக்கு சடங்குகள் மற்றும் பூஜைகள் செய்து வழிப்பட்டுவந்தனர். இதன்காரணமாக இறையருள் கிருபையினால் அவர்களுக்கு காட்டமராஜு என்கின்ற மகனும் பின்னர் ஏழு ஆண்டுகள் கழித்து பாபனூகா என்ற மகளும் பிறந்தனர். இருப்பினும், மகள் ஒரு கடினமான காலக்கட்டத்தில் தான் பிறந்தார் எனக்கூறவேண்டும்.

சோமேஸ்வரர் 

பெத்திராஜுவின் மரணம்:-

சதி (உடன்கட்டை ஏறுதல்)

பாபனூகா பிறந்த ஏழாவது நாளில் மராசாபு கங்கராஜுவின் சார்பாக பெத்திராஜு வலிகெதுராஜுக்கு எதிராக ஆர்லபெண்டாவில் நடந்த போரில் பங்கேற்றார். இப்போர் மிகத்தீவிரமாக நடைப்பெற்றதன் விளைவாக பெத்திராஜு போர்க்களத்திலேயே உயிர் தியாகம் செய்தார். ஏழு வயதான சிறுவன் காட்டமராஜு தனது தந்தையின் மரணத்திற்கு பழிவாங்க வேண்டும் என்னும் மன உறுதியுடன் போர்க்களம் புகுந்து வலிகெதுராஜுக்கு எதிராக போரிடுகிறார், போரில் வலிகெதுராஜுவை வீரத்துடன் போரிட்டு  கொன்ற காட்டமராஜு, மேலும்
தனது தந்தையின் சடலத்தை மீட்டு கொண்டு வந்தார். காட்டமராஜுவின் தாயார் தனது கணவர் பெத்திராஜுவின் உடலை எறியூட்டிவிட்டு கொல்லவார் குல வழக்கப்படி தானும் உடன்கட்டை ஏறி உயிர்நீத்தார்.
இதன்காரணமாக அனாதையான கட்டமராஜு மற்றும் அவரது சகோதரி பாபனூகாவை மரசாபு கங்கராஜு மற்றும் அவரது ராணியார் பெண்தோட்ட முத்தம்மா ஆகியோர் அன்புடன் வளர்த்து வந்தனர்.






பொலுராஜு - தெலுங்கு சோழர் போர்:-

செருகுருப்போர்

முன்பு கூறியது போல், பெத்திராஜு தனது இளைய சகோதரர்
கல்யாணபட்டிணம் புறப்படுவதற்கு முன் பம்பாத்ரி ராஜ்ஜியத்தின் சிம்மாசனத்திற்கு பொலுராஜுவை மன்னராக முடிசூட்டினார். 
பொலுராஜுவின் ராணி ஸ்ரீ தேவி. இந்த தம்பதியருக்கு



1, பக்தீரண்ணா


2, அயித்தாமராஜு


3, மும்மையா





 ஆகிய மூன்று மகன்களும் அகுமஞ்சி என் ஒரு மகளும் இருந்தனர் . நெல்லூர் சோழ வம்சமான முக்கந்தியுடனான பொலுராஜுவின் உறவுகள்
மதகுருமார்களின் பாதுகாப்பை கேள்விக்குறியாக்கியது .
இதன் விளைவாக, செருகுருவில் அவர்களுக்கு இடையே போர் ஏற்பட்டது, அதில் பொலுராஜு உயிர் தியாகம் செய்தார். இறக்கும் தருவாயில், ​​பொலுராஜு தனது குழந்தைகள் மற்றும் கால்நடைகளின் மந்தைகளின் பாதுகாப்பை அவரது மருமகன் பள்ளிக்கொண்டாவிடம் ஒப்படைத்தார்.





பிரிந்த உறவுகள் மீண்டும் இணைதல்:-




பள்ளிக்கொண்டா இளம் இளவரசர்களான (பக்தீரண்ணா, அயித்தமராஜு, மும்மய்யா) மற்றும் கால்நடைகளின் மந்தைகளுடன் அர்த்தவீடு பகுதிக்குச் சென்றார், அங்கு அவர் பொலுராஜு போரில் வீரமரணமடைந்த செய்தியை ராணி ஸ்ரீதேவி மற்றும் இளவரசியிடம் தெரிவித்தார். இதைக் கேட்டு ராணி ஸ்ரீதேவி மற்றும் இளவரசி உடன்கட்டை ஏற முயன்றனர், ஆனால் பள்ளிக்கொண்டா அவர்களைத் தடுத்து சமாதானப்படுத்தி யலமஞ்சில்லிக்கு அழைத்துச்செல்லும் வழியில், முக்கந்தியின் பேரன்கள் அவர்களை தாக்க முற்ப்பட்டனர். தரிமிவேனி மற்றும் பொலுராஜு வாரிசுகளைக் காக்கும் பொருட்டு கல்லண்டு, மாரினீடு, மற்றும் முசலினீடு ஆகியோர் பள்ளிக்கொண்டாவின் குழு சார்பாக சண்டையிட்டு தக்கவந்தவர்களை விரட்டிவிட்டு அங்கேயே வீரமரணம் எய்தினர். இதனால் அம்மூவரின் மனைவிகளும் உடன்கட்டை ஏறி உயிரிழந்தனர். அப்போது ஸ்ரீதேவி
மாரினீடுவின் மகன் பொலினீடு மற்றும் முசலினீடுவின் மகன் பீரினீடு  ஆகியோர் தங்கள் தந்தைகளின் பொறுப்பை ஏற்றுக்கொண்டு யலமஞ்சில்லி வரை பொலுராஜுவின் வாரிசுகளுக்கு காவலாக உடன் வந்தனர். அவர்கள் யலமஞ்சில்லியை அடைந்த காலத்தில் இராஜ்ஜியம் காட்டமராஜுவின் தாய்வழி உறவினரான சல்லாபின்னமணீது ஆட்சியின் கீழ் இருந்தது. பள்ளிக்கொண்டா சல்லாபின்னமணீதுவை ஏமாற்றி, பொலுராஜுவின் மகன் அயித்தமராஜுவை யலமஞ்சில்லியின் மன்னராக முடிசூட்டுனார். 





மேலும் பள்ளிக்கொண்டாவின் வேண்டுகோளின் பேரில், மன்னர் அயித்தமராஜு தனது மூத்த சகோதரான பக்தீரண்ணாவை கட்டமராஜுவையும் அவரது சகோதரி பாபனூகாவையும்
 அழைத்து வர அனுப்பிவைத்தார். அப்போது காசியில் இருந்து திரும்பிய பக்தீரண்ணா, மாறுவேடத்தில் சென்றார். கல்யாணபட்டிணத்தில் உள்ள பசவகல்யாண கோயிலுக்கு மதகுரு வேடத்தில் சென்று இறைவனை பிரார்த்தனை செய்தார். மாறுவேடத்தைத் தொடர்ந்து, பக்தீரண்ணா கல்யாணபட்டிணம் தெருக்களில் சுற்றித் திரிந்தார், இறுதியாக மன்னர் கங்கராஜுவின் அரண்மனையை அடைந்தார். மன்னர் கங்கராஜு சிவபெருமானின் தீவிர பக்தராக இருப்பதால், மதகுருவை (மாறுவேடத்தில் உள்ள பக்தீரண்ணா) அன்புடன் வரவேற்கிறார். காட்டமராஜு மற்றும் அவரது சகோதரி பாபனூகா ஆகியோரை தன்னுடன் அழைத்துச்செல்லும் விஷயத்தில் ராஜாவை சமாதானப்படுத்தி அவர் வெற்றிக்கண்டார். எனவே காட்டமராஜு மற்றும் பாபனூகா கல்யாணப்பட்டிணம் விட்டு புறப்படும் போது ராணி முத்தம்மா, மன்னர் கங்கராஜு, மற்றும் ராஜ்ஜியத்தின் குடிமக்கள்
 ஆகியோர்கள் அவர்களுக்கு அன்பான பிரியாவிடைக்கொடுத்தனர். யலமஞ்சில்லி வந்தடைந்ததும் காட்டமராஜு மற்றும் பாபனூகாவுக்கு மன்னர் அயித்தமராஜு மற்றும் யலமஞ்சில்லியின் குடிமக்களிடமிருந்தும் பெரும் வரவேற்பு கிடைத்தது. ராணி ஸ்ரீதேவி
கட்டமராஜு மற்றும் பாபனூக்காவை தனது அணைத்து வரவேற்று அழைத்துச்சென்றார்.





காட்டமராஜுவின் திருமணமும் சபதமும்:-




காட்டமராஜுக்கு மார்லவாருவின் மகளான கங்கம்மாவுடனான திருமணத்தை ராணி ஸ்ரீதேவி மிக பிரம்மாண்டமாக நடத்த ஏற்பாடு செய்தார். திருமண தேதி குறித்த நாளில்  பள்ளிக்கொண்டா, ஸ்ரீதேவி, கோமுராம்மா போன்ற பெரியவர்களின் வாழ்த்துக்கள் மற்றும் ஆசீர்வாதத்துடன் இளம் ஜோடிகளின் திருமணம் இனிதே நடந்தேறியது. திருமணம் முடிந்த பிறகு, காட்டமராஜு தனது மணிக்கட்டில் கட்டப்பட்ட வீர கங்கனத்தை அவிழ்க்க மறுக்கிறார். தனது குடும்பத்தின் அனைத்து எதிரிகளையும் கொன்ற பிறகுதான் அதை அவிழ்ப்பேன் என அனைவர் முன்னிலையிலும் சபதம் மேற்கொண்டார். மேலும் தனது லட்சியம் நிறைவேறும் வரை தனது மனைவி கங்கம்மாவைத் தொடமாட்டேன், அதுவரை அவளை எனது குல தெய்வமான கங்காபவானி தேவியாகக் கருதுவேன் என சத்தியம் செய்தார். காட்டமராஜுவின் இத்தகைய சூளுரை அவரின் உறவினர்களை வியப்பில் ஆழ்த்தியது.





யலமஞ்சில்லியின் அரசனாக காட்டமராஜு:-

யலமஞ்சில்லி

திருமணம் முடிந்த கையோடு கட்டமராஜுவுக்கு மந்தைகளின் பொறுப்பு பள்ளிக்கொண்டா அவர்களால் ஒப்படைக்கப்பட்டது. மேலும், அயித்தமராஜுக்கு பதிலாக காட்டமராஜுவிற்கு சிம்மாசனத்தை வழங்கி யலமஞ்சில்லியின் அரசராக முடிசூட்டலாம் என்ற ஆலோசனையையும் அவர் முன்வைத்தார் , ஆனால் சல்லபின்னமணீது பள்ளிக்கொண்டாவின் இம்முடிவை கடுமையாக எதிர்த்தார். இருப்பினும் பெரும்பான்மையானவர்கள் கட்டமராஜுவின் அணுகுமுறை, பண்பு மற்றும் வீரத்தைக்கருதி யலமஞ்சில்லியின் சிம்மாசனத்திற்கு காட்டமராஜுவை தேர்ந்தெடுக்க முழு சம்மதம் தெரிவித்தனர். இதன் விளைவாக, காட்டமராஜு ஆட்சியாளராக பேராதரவுடன் யலமஞ்சில்லி, டோனகொண்டா, கணிகிரி, எர்ரகடபாடு ஆகிய பகுதிகளின் ஆட்சியாளராக முடிசூட்டப்பட்டார்.





காட்டமராஜுவின் நெல்லூர் பயணம்:-

மந்தை

காட்டமராஜு ஒரு பெரிய எண்ணிக்கையிலான கால்நடை மந்தைகளுடன் ஸ்ரீசைலத்திற்கு பயணம் மேற்க்கொண்டார். அயித்தமராஜுவும் யலமஞ்சிலியை விட்டு டொனகொண்டாவுக்கு சென்றார் கட்டமராஜுவின் வசதியாக குற்றச்சாட்டை எடுத்துக் கொள்ளுங்கள்.
ஸ்ரீசைலத்தின் மலைப் பகுதிகளைச் சுற்றி பன்னிரண்டு ஆண்டுகள்
 கட்டமராஜு தனது பெரிய மந்தைகளை மேய்த்துக் வந்தார். பின்னர், ஸ்ரீசைலம் பிராந்தியத்தில் ஏற்ப்பட்ட கடுமையான வறட்சி, கட்டமராஜூவை அவ்விடத்தை விட்டு அகலும் நிலைக்கு அளாக்கியது. எனவே நெல்லூர் பகுதிக்கு தனது மந்தைகளை ஓட்டிச்செல்லும் தனது முடிவை சித்தி ஸ்ரீதேவிக்கு தெரிவிக்க டொனகொண்டா சென்றார் காட்டமராஜு. காட்டமராஜுவின் முடிவை கேட்ட அரசி ஸ்ரீதேவிக்கு தங்கள் வம்சத்திற்கும் நெல்லூர் ஆட்சியாளர்களுடனான கடந்தகால பகைமைகள் மீண்டும் தொடங்கும் என்ற அச்சமும் எழுந்தது. மேலும் நெல்லூரின் ஆட்சியாளர் முக்கந்தி தான் தனது கணவர் பொலுராஜுவைக் கொன்றார், எனவே காட்டமராஜு அங்கு சென்றால் அவருக்கும் ஆபத்து நேரும் எனவும் கவலையடைந்து கட்டாமராஜுவை நெல்லூருக்கு செல்லவேண்டாம் எனக் கூறி மன்றாடினார் ராணி ஸ்ரீதேவி.
இருப்பினும் தான் கொண்ட கொள்கையில் உறுதி கொண்ட காட்டமராஜு தனது முடிவில் இருந்து பின்வாங்கவில்லை தனது சித்தப்பா பொலுராஜுவின் மரணத்திற்கு பழிவாங்க இதுவே சரியான தருணம் என உணர்ந்து தனது சித்தி ஸ்ரீதேவிக்கு ஆறுதல் கூறிவிட்டு அங்கிருந்து புறப்பட்டு தனது ஆதாரவாளர்களான பத்மராகவுடு, பேயலா எர்ரய்யா மற்றும் பிற கொல்லவார் (யாதவ) வீரர்களுடனும் தனது மந்தைகளை அழைத்துக்கொண்டு நெல்லூரை வந்தடைந்தார்.





தெலுங்கு சோழருடனான ஒப்பந்தமும், விபரிதமும்:-

பஞ்சலிங்கலா மலை

காட்டமராஜு தனது மந்தைகள் மற்றும் தனது ஆதரவாளர்களுடன் நெல்லூர் பிராந்தியத்தில் உள்ள பஞ்சலிங்கலா பகுதிக்கு சென்று அங்கே தாங்கள் வசிப்பதற்கான இருப்பிடங்கள் மற்றும் தங்கள் படைக்கு தேவையான பிற வசதிகளை செய்துவைத்துக் கொண்டனர். பஞ்சலிங்கலா மலையில் இருக்கும்போது, கட்டாமராஜு தனது சித்தப்பா பொலுராஜுவுக்கு சிலை நிறுவி வணக்கம் செலுத்தும்போது, அவரது சித்தப்பா எப்படி ஆட்சியாளர்களுக்கு எதிராக செருகுருவில் நடந்த போரின்போது பொலுராஜு எவ்வாறு கொலை செய்யப்பட்டார் என்பதை நினைவு கூர்ந்தார். தனது சித்தப்பாவை கொலை செய்த நெல்லூர் சோழ வம்சத்தை பழிவாங்கும் நேரம் பழுத்திருக்கிறது என முடிவெடுத்தார். காட்டமராஜு தனது அமைச்சரும் நண்பருமான பத்மராகவுடுவுடன் மற்றும் சிலருடன் கலந்துரையாடிய பின் பத்மராகவுடுவை நெல்லூரின் நல்லசித்திராஜுவின் அரசவைக்கு தூதராக அனுப்ப காட்டமராஜு முடிவு செய்தார். மேய்ச்சல் நிலங்களுக்கு (புல்லாரி) வரி செலுத்த நாங்கள் தயாராக இருக்கிறோம் என்னும் செய்தியை தெரிவிக்க பத்மராகவுடு தலைமையில் தூதர்கள் நெல்லூருக்குச் சென்றனர். 





பத்மராகவுடு தலைமையிலான குழு நெல்லூர் சென்ற நேரத்தில், ராஜா நல்லசித்தியின் பிரதான மந்திரியாக பீமிணீடு இருந்தார். அவர் உரிய மரியாதைகளுடன் பத்மராவுடுவின் குழுவை வரவேற்றார். பின்னர் பீமிணீடுயாதவர்களுக்கும் (கொல்லவார்) நெல்லூர் சோழ வம்சத்திற்கும் இடையிலான கடந்தகால பகைகளை நினைவு கூர்ந்தார். இருப்பினும் அரசவை அமைச்சர் கட்கா திக்கனா, புல்லாரி விதிமுறைகளை ஏற்கும்படி நல்லசித்திராஜுவை சமாதானப்படுத்தினார், கொல்லவார்களின் அப்பாவித்தனத்தை பயன்படுத்தி, வரியிலிருந்து அதிக லாபம் ஈட்டமுடியும் என தப்புக்கணக்கு போட்டு மந்திரியும், சேனாபதியும் மன்னர் நல்லசித்தியை எளிதில் சம்மதிக்கவைத்தனர். எனவே கட்கா திக்கனா காட்டமராஜு மற்றும் நல்லசித்திராஜுவுக்கு இடையே ஆன புல்லாரி ஒப்பந்தத்தை ஆவணப்படுத்தினார். கட்கா திக்கானா எழுதிய ஒப்பந்தத்தின் விதிமுறைகள், அனைத்தையும் கொல்லவார்கள் ஏற்று சம்மதித்திருந்தாலும் அவர்களின் முறைக்கு சில விதிமுறைகளை ஒப்பந்தத்தில் சேர்த்தனர்.
 அதன்படி:-




1, ராஜ்ஜியத்தில் வளரும் புல் அனைத்தும் யாதவர்களுக்கு செந்தமானது.




 2, நெல்லூரின் வறண்ட நிலங்களில் மேய்ச்சல் மாடுகளுக்கு பிறக்கும் அனைத்து கன்றுகளும் நல்லசித்திராஜுக்கு வழங்கப்படவேண்டும்.




ஆகிய ஷரத்துகளையும் சேர்த்து ஒப்பந்தம் தயாரிக்கப்பட்டது. பரஸ்பரம் ஏற்றுக்கொள்ளத்தக்கதாக இருப்பதால், நல்லசித்திராஜு இந்த ஒப்பந்தத்திற்கு ஒப்புதல் அளித்தார். ஒரு செப்பு பட்டயத்தில் ஒப்பந்தம் கையெழுத்திட்டு, அதை பத்மராகவாவிடம்
பள்ளிகொண்டேஷ்வரர் சன்னதியில் வைத்து மன்னர் நல்லசித்தி வழங்கினார். ஒப்பந்தம் கையெழுத்தான பிறகு பத்மராகவா எர்ரகதபாட்டுக்குத் திரும்பி ஒப்பந்தத்தில் உள்ள முக்கிய அம்சங்களை கட்டமராஜுவிடம் தெரிவித்தார். ஒப்பந்தத்தின், சட்டங்கள் கண்டிப்பான முறையில் பின்பற்றப்பட வேண்டும் என்று பட்டயத்தில் அறிவிக்கப்பட்டிருந்ததை உணர்ந்துக்கொண்டார் காட்டமராஜு. அதன்பின்னர், நெல்லூரின் காடுகளில் கட்டமராஜுவின் மந்தைகளின் மேய்ச்சல் தொடங்கி ஊர் விவசாய நிலங்கள் வரை தொடர்ந்தது இதன்காரணமாக, நெல்லூர் பகுதியின் விவசாயிகள் நல்லசித்திராஜுவை அணுகி
கொல்லவார்களின் மந்தைகள் தங்கள் விவசாய நிலங்களை அழிப்பதாக புகார் செய்தனர். நல்லசித்தியுடன் காட்டமராஜு செய்த புல்லாரி ஒப்பந்தத்தையும் அவர்கள் விமர்சிக்கத்தொடங்கினர். இன்னும் சிலர் காட்டமராஜுவின் கால்நடைகளை கொன்று ஒழித்தால் தாங்கள் ஒரு குறிப்பிட்ட தொகையை மன்னருக்கு பரிசாக வழங்குவதாக அறிவித்தனர். ஆனால் மன்னர் நல்லசித்தி இதை அறவே மறுத்துவிட்டார். அவர்கள்
அதே கோரிக்கையுடன் திரிபுவனதேவி ராணியை அணுகினார், ஆனால் அவரும் அம்மக்களின் கோரிக்கையை ஏற்க மறுத்துவிட்டார் . அவர்களில் சிலர் நல்லசித்தியின் இரண்டாவது மனைவியான குந்தம்மாதேவியை அணுகி யாதவர்களின் மந்தைகள் தங்களின் வயல்களில் விளையும் பயிர்களுக்கு சேதம் விளைவிப்பதாக தெரிவித்து அம்மக்கள் அவளுக்கு பரிசளித்தார்கள். பரிசுகளை பெற்றுக்கொண்ட அரசி அம்மக்களின் பிரச்சனையை போக்க தன் மூத்த சகோதரன் பதவீதி பாபராஜுவின் உதவியை நாடி காட்டமராஜுவின் மந்தைகளை கொல்லும்படி கேட்டாள், ஆனால் அக்கோரிக்கையை பதவீதி பாபராஜு மறுக்கிறார். எனவே வேறு வழியில்லாமல், அரசி தனது செல்ல கிளியை மந்தைகளின் இருப்பிடத்திற்கு அனுப்புகிறாள். அங்கு சென்ற அந்த கிளி பலவிதமான ஒலிகளை உருவாக்கி பசுக்கள் பயமுறுத்தியது. இதனால் பயமுற்ற பசுக்களும், கன்றுக்குட்டியும் பயிர்களை மேய்வதை பாதியில் விட்டுவிட்டு மிரண்டு ஓடின.
கிளி ஏற்படுத்தும் ஓசையை கவனித்த பத்மராகவா தனது அம்பை எடுத்து வில்தொடுத்து அக்கிளியின் மீது எய்தி கிளியை காயப்படுத்தினார். காயமடைந்த கிளி அரசி குந்தம்மாதேவியிடம் சென்று தனது இறுதி சுவாசத்தை இழந்து மரணமடைந்தது. இந்நிகழ்வின் மூலம்
ஆத்திரமடைந்த ராணி விலங்குகளை கொல்ல ஆட்களை அனுப்பினார். ராணியின் ஆட்களால் காட்டமராஜுவின் மந்தைகளை படுகொலை செய்யப்பட்டன. இதன்காரணமாக பெரும் துயரத்திற்கு ஆளான காட்டமராஜு தனது பசுக்களை கொலை செய்தவர்களை தேடிப் பிடித்து வந்து அவர்களிடம் இருத்து சாட்சியங்களை பொற்றுவிட்டு அவர்களை படுகொலை செய்தார். மேலும், அவர் நெல்லூர் கோட்டையைத் தாக்க கோசாங்கி படை வீரர்களை அனுப்பினார். கோசாங்கி போர்வீரர்கள் நெல்லூர் நகரத்தை தாக்கி சூறையாடிவிட்டு திரும்பினர். மன்னர் மீதான கோபத்தின் வெளிப்பாடாக கொல்லவார்கள் (யாதவ மக்கள்) மேய்ச்சல் வரி (புல்லாரி) செலுத்துவதை முற்றிலும் நிறுத்திவிட்டனர். மேலும், கொல்லவார்கள் தங்களின் கால்நடைகளை மீண்டும் எர்ரகடபாட்டுக்கு அழைத்துச் சென்றுவிட்டனர். 





தெலுங்கு சோழர்களுடனான போருக்கு ஆயத்தமாதல்:-




காட்டமராஜுவின் செயலால் வருவாய் இழந்த மன்னர் கொல்லவார்கள் தங்களது கால்நடைகளின் மேய்ச்சலுக்கு வரி செலுத்த வேண்டும் எனக் கூறி ராயஸ்ரிங்கவலி என்ற ஒரு பிராமண தூதரை எர்ரகடபாடுவில் உள்ள காட்டமராஜுவிடம் அனுப்பினார். காட்டமராஜுவிடம் வந்தடைந்த தூதர் கொல்லவார்களை வரி செலுத்துமாறு கேட்டுக்கொண்டார். தூதருக்கு பதிலளிக்க, கட்டமராஜு தனது பிராமண தூதுவரான கோமராபங்கரம் என்பவரை தனது அரசவைக்கு வரவழைத்தார். இரு தூதுவர்களும் அவரவர்களின் மன்னர்கள் சார்பாக வாதிடும்போது, வாதம் சூடுபிடித்தது, கட்டமராஜுவின் கோபத்தை ராயஸ்ரிங்கவலி எதிர்கொள்ள வேண்டியிருந்தது. உடனடியாக பத்மராகவா கட்டமராஜுவை சமாதானப்படுத்தினார், மேலும் தன்னிடம் தூது வந்த ராயஸ்ரிங்கவலிக்கு பரிசுகளை வழங்கினார். இருப்பினும் தான் வந்த பணி தோல்வியடைந்ததால், ஏமாற்றத்துடன் ராயஸ்ரிங்காவலி நெல்லூர் திரும்பினார். தூதரின் பணி தோல்வியை தழுவிய காரணத்தால் இரு மன்னர்களுக்குமான உடன்படிக்கை முற்றிலும் முறிந்தது, காட்டமராஜு போருக்கான தேவையான அனைத்து தயாரிப்புகளையும் அவசரகதியில் மேற்க்கொண்டார். டோனகொண்டாவில் உள்ள தனது சகோதரர் ஆயித்தமராஜுவிடம் பத்மராகவுவை அனுப்பி அவர் மூலமாக நல்லசித்திக்கு எதிராக தான் நடத்தவிருக்கும் போருக்கு உதவி கோரி ஒலை அனுப்பினார். ராஜமாதா ஸ்ரீதேவி அயித்தமராஜுவின் அவையினர் முன் காட்டமராஜுவிடமிருந்து வந்த அறிக்கையைப் படித்துக்காட்டினார். இளம் இளவரசர்களான, போச்சம்மா, மற்றும் மம்மையா ஆகியவர்களை மட்டும் டொனகொண்டா கோட்டையை பாதுகாக்க அமர்த்திவிட்டு கட்டமராஜுக்கு உதவ அனைவரும் எர்ரகடபாட்டுக்குச் செல்ல  முடிவெடுத்தனர்.





    காட்டமராஜு சரித்திரா பாகம் -2