1881 சாதிவாரி கணக்கெடுப்பில் - கொல்லவார்கள் ஜனத்தொகை

1881ல் கொல்லவார் ஜனத்தொகை:-

17 Feb 1801 Census

ஆங்கிலேயர்களின் ஆட்சிக்காலத்தில் 17 பிப்ரவரி 1881ம் ஆண்டு எடுக்கப்பட்ட சாதிவாரி கணக்கெடுப்பு தான் முழுமையாக எடுக்கப்பட்டு ஆவணப்படுத்தப்பட்ட முதல் சாதிவாரி கணக்கெடுப்பு ஆகும். இக்கணக்ககெடுப்பு முடிவின் அடிப்படையில் கண்டால் 1881ம் ஆண்டில் இந்தியா முழுவதிலும் உள்ள கொல்லவார்களின் மொத்த ஜனத்தொகை எண்ணிக்கை என்பது 12,58,786 லட்சம். இக்கணக்கெடுப்பில் கொல்லவார்களின் ஜனத்தொகை குறித்த அறிக்கைகளை புள்ளி விவரங்களுடன் அறிந்துக்கொள்வதற்கு முன் நாம் பழைய மதராஸ் மாகாணத்தை (மெட்ராஸ் பிரசிடென்சி) குறித்து சில விவரங்களை தெரிந்து வைத்திருக்க வேண்டியது அவசியம். 

மதராஸ் ராஜதானி என்பது தற்போதைய ஆந்திரா, தமிழ்நாடு, கேரளத்தின் மலபார் தென் கனரா பகுதிகள் மற்றும் கர்நாடகாவின் மத்திய கிழக்கு பகுதிகள் சிலவற்றை உள்ளடக்கிய பிரம்மாண்ட நிலப்பரப்பாக இருந்தது. மேலும் இதன் அண்டை மாநிலங்களாக மைசூர், ஹைதராபாத் மற்றும் புதுக்கோட்டை ஆகிய சமஸ்தானங்களும் புதுச்சேரி, காரைக்கால், மாஹே போன்ற பிரஞ்சு காலணியாதிக்க பகுதிகளும் இருந்தது.  மதராஸ் மாகாணத்தின் தலைநகரம் மெட்ராஸாக (சென்னை) இருந்தது. இந்த மதராஸ் மாகாணத்திற்கு உட்பட்டு 23 மாவட்டங்கள் இருந்தன. இந்த மாவட்டங்கள் தற்போதும் வழக்கில் இருந்தாலும் அவைகள் மூன்பிருந்ததை போல் பெரும் நிலப்பரப்பாய் அல்லாமல் புதிய மாவட்டங்கள் உருவாக்கப்பட்ட காரணத்தினால் சுருங்கிவிட்டது.

மதராஸ் மாகாணத்து மாவட்டங்கள்:-

மதராஸ் மாகாணம்

1, கஞ்சம் மாவட்டம் (கஞ்சம், ஸ்ரீகாகுளம் மாவட்டங்கள்)

2, விசாகப்பட்டினம் மாவட்டம் (விசாகப்பட்டிணம், விஜயநகரம் மாவட்டங்கள்)

3, கோதாவரி மாவட்டம்

4, கிருஷ்ணா மாவட்டம் (கிருஷ்ணா, மேற்கு கோதாவரி மாவட்டங்கள்)

5, கர்னூல் மாவட்டம்

6, நெல்லூர் மாவட்டம் (நெல்லூர், பிரகாசம் மாவட்டங்கள்)

7, குண்டூர் மாவட்டம் 

8, கடப்பா மாவட்டம்

9, அனந்தபூர் மாவட்டம்

10, பெல்லாரி மாவட்டம் 

11, வட ஆற்காடு மாவட்டம் (வேலூர், சித்தூர், திருவண்ணாமலை மாவட்டங்கள்)

12, தென் ஆற்காடு மாவட்டம் (விழுப்புரம், கடலூர் மாவட்டங்கள்)

13, செங்கல்பட்டு மாவட்டம் (திருவள்ளூர், காஞ்சிபுரம் மாவட்டங்கள்)

14, மெட்ராஸ் (மத்திய மற்றும் வடக்கு சென்னை)

15, சேலம் மாவட்டம் (சேலம், நாமக்கல், தருமபுரி, கிருஷ்ணகிரி மாவட்டங்கள்)

16, தெற்கு கனரா மாவட்டம் (கோழிக்கோடு, கண்ணூர், வயநாடு, கசரக்கூட் மாவட்டங்கள்)

17, மலபார் மாவட்டம் (மலப்புரம், திருச்சூர், பாலக்காடு மாவட்டங்கள்)

18, கோவையில் மாவட்டம் (கோவை, திருப்பூர், ஈரோடு மாவட்டங்கள்)

19, திருச்சிராப்பள்ளி மாவட்டம் (கரூர், அரியலூர், பெரம்பலூர், திருச்சி மாவட்டங்கள்)

20, தஞ்சை மாவட்டம் (நாகை, திருவாரூர், தஞ்சை மாவட்டங்கள்)

21, மதுரை மாவட்டம் (திண்டுக்கல், தேனி, மதுரை, சிவகங்கை, ராம்நாடு, விருதுநகர் மாவட்டங்கள்)

22, திருநெல்வேலி மாவட்டம் (தூத்துக்குடி, திருநெல்வேலி மாவட்டங்கள்)

23, நீலகிரி மாவட்டம்

ஹைதராபாத் நிஜாம் சமஸ்தானம்:-

ஹைதராபாத் நிஜாம் சமஸ்தானம்

1, அவுரங்காபாத் மாவட்டம் (அவுரங்காபாத், பர்பானி, நந்தெட், பீடு மாவட்டங்கள்)

2, பெரர் மாவட்டம் (பாசிம், அம்ராவ்டி, அகோலா, எல்லிச்பூர், உண், புல்தானா மாவட்டங்கள்)

3, குல்பர்கா மாவட்டம் (குல்பர்கா, ராய்சூர், பிதார், ஓஸ்மானாபாத் மாவட்டங்கள்)

4, மேடக் (அ) நால்கொண்டா மாவட்டம் (நிஜாமாபாத், மேடக், நால்கொண்டா, மெஹபூப்நகர், ரங்காரெட்டி மாவட்டங்கள்)

5, வாராங்கல் மாவட்டம் (கம்மம், வாராங்கல், கரீம்நகர், அதிலாபாத் மாவட்டங்கள்)

மைசூர் உடையார் சமஸ்தானம்:-

இளம் பச்சை வர்ணத்தில் உள்ளது மைசூர் உடையார் சமஸ்தானம்

1, சித்ரதுர்கா மாவட்டம்

2, சிமோகா மாவட்டம்

3, சிக்மங்களூரு மாவட்டம்

4, ஹசன் மாவட்டம்

5, மைசூரு மாவட்டம்

6, பெங்களூரு மாவட்டம்

7, கோலார் மாவட்டம்

8, மாண்டியா மாவட்டம்

9, தும்கூர் மாவட்டம்

மதராஸ் மாகாண மாவட்ட வாரியான கொல்லவார் ஜனத்தொகை:-

வ. எண்	மதராஸ் மாகாணத்தின் மாவட்டம்	கொல்லவாரு ஜனத்தொகை	சதவீதம்
1	மதுரை	1,29,227	5.96%
2	விசாகபட்டிணம்	1,08,177	6.06%
3	திருநெல்வேலி	89,988	5.29%
4	வட ஆற்காடு	89,774	4.94%
5	நெல்லூர்	84,808	6.95%
6	தஞ்சாவூர்	64,683	3.04%
7	கோதாவரி	62,101	3.49%
8	கிருஷ்ணா	59,700	3.86%
9	தென் ஆற்காடு	55,115	3.04%
10	கடப்பா	54,223	4.84%
11	பெல்லாரி	50,763	3.80%
12	கஞ்சம்	48,659	3.24%
13	திருச்சிராப்பள்ளி	41,133	3.39%
14	கர்னூல்	41,085	5.79%
வ. எண்	ஹைதராபாத் மாகாணத்தின் மாவட்டம்	கொல்லவாரு ஜனத்தொகை	சதவீதம்
15	நால்கொண்டா	62,668	12.68%
	மொத்தம்	12,58,786	-

உட்பிரிவு வாரியாக கொல்லவார்கள் மக்கள் தொகை:-

வ. எண்	கொல்லவார் உட்பிரிவு	ஜனத்தொகை	சதவீதம்
1	காடு கொல்ல	44,717	-
2	கர்ண கொல்ல	22,021	-
3	முஷ்டி கொல்ல	15,066	-
4	பூஜ கொல்ல	48,572	-
5	பூரி கொல்ல	6,235	-
6	ஊரு கொல்ல	57,916	-
7	யாதவுலு	10,15,443	-
8	எர்ர கொல்ல	27,108	-
9	குறுப கொல்ல	4,75,598	-
10	கொல்லவாரு	12,58,786	-

முஷ்டி கொல்லவார் ஜனத்தொகை:-

	முஷ்டி கொல்ல 15,066	மாகாணம்	ஜனத்தொகை
பிரிவு	முஷ்டிவாடு	ஹைதராபாத்	14,523

குறுப கொல்லவார் ஜனத்தொகை:-

	குறுப கொல்ல 4,75,598	மாகாணம்	ஜனத்தொகை
பிரிவு	ஹாலு குறுபா	மைசூர்	2,25,282
பிரிவு	ஹண்டி குறுபா	மைசூர்	17,413
பிரிவு	கம்பிளி குறுபா	மைசூர்	49,270
பிரிவு	குர்ரம்வாரு	மத்திய மாகாணம்	3,076

ராஜதானிகள் வாரியாக கொல்லவார் மக்கள் தொகை:-

வ. எண்	கொல்லவாரு 12,58,786	மாகாணம்	ஜனத்தொகை
1	எடையன்	திருவிதாங்கூர்	5,823
2	கவுளிகர்	மைசூர்	6681
3	கொண்ட கொல்ல	மதராஸ்	595
4	இடையர்	மத்திய மாகாணம்	28
5	காகுஸ்த கொல்ல	மதராஸ்	503
6	கன்னடி கொல்ல	மதராஸ்	727
7	பெத்திண்டி கொல்ல	மதராஸ்	207
8	யுனலோர்	பாம்பே	981
			14

மதராஸ், மைசூர் மாகாண குறுப கொல்லவார் ஜனத்தொகை:-

வ. எண்	குறும்ப கொல்லவார் 4,75,598	ஜனத்தொகை	சதவீதம்
	மதராஸ் மாகாணம்
1	பெல்லாரி	1,17,219	8.77%
	மைசூர் மாகாணம்
2	மைசூர்	89,131	9.88%
3	ஹாசன்	40,949	7.64%
4	பெங்களூரு	32,467	4.85%
5	கோலார்	28,669	6.22%
6	கடார்	26,340	8.02%
7	தும்கூர்	26,228	6.35%
8	சித்தல் தூர்க்	25,389	6.75%

கொல்லவாரில் சுக்காடர் குல கல்வெட்டு - நாமக்கல் வட்டம்

 

எர்ர கொல்ல குல சுக்காடர் சாசனம்:-

சுக்காடர் கல்வெட்டு

 இடம் :-    ஊர்- நாமக்கல் ,  வட்டம் - நாமக்கல்

முனீசுவரர் கோவில் கருவறையின் அருகிலுள்ள குளத்தின் எதிரிலுள்ள கல்வெட்டு

அரசர் :-      .  .  .  .  .  .  

காலம் :-     .  .  .  .  .  .  

மொழி :-   தமிழ் மொழி

கல்வெட்டின் வரிகள் :-

1. ஸ்ரீமதேராமஙஜ (ாய) நம : ஏளூர்

2. நாட்டு திருவாரைக் கல்லு திரு

3. ப்பதியில் கொல்லர் பதினேழுக

4. ம் பழத்துக்(கு)ம் முந்தின வருசை

5. க்கு விபரம் உதிரோக்காரி வருஷம்

6. ஆவணி மாதம் 8 தேதி கொல்லர் பதினெ

7. ளு கம்பழத்தாரும் சுக்காடருக்கு 

8. இசைமுறி குடுத்த படி நாங்கன்

9. குன்றத்தூர் துருகம் செகதேவராய

10. ற்க்கு நடக்கையில் இ(ரா)மாஞ்சி

11. அய்யன் அவர்கள் காலத்தி

12. ல் பூந்துரை நாட்டுக்கு

13. கர்த்தரான செகதேகரா(ய)

14. ற்கு நடக்கையில் அவர் 

15. கள் காரியத்துக்கு கற்த்த

16. ரான தம்மறசையன் அவகள் 

17. சமூகத்திலும் கொண்டர

18. சையன் பூந்துறைநாட்டு நாலு

19. கவுண்டரவர் முன்(பா)கவும் பருத் 

20. திப்பளி னாட்டு கொண்டரச கவுண்

21. டர் இராசிபுர நாட்டு துலுக்கண கவுண்

22. டர் காரையூர் நல்ல நயினார் மற்றும் கு

23. டியானவர்கள் வழக்கற்ற வற்த்தமானம்

24. சுக்காடருக்கு நாங்கள் சூடும் துடையும் இல்

25. லை என்று சொல்ல

கல்வெட்டின் பொருள்:-

பூந்துரை நாடு

ஏழூர் நாட்டுத் திருவாரைக்கல்லு திருப்பதியில் (நாமக்கல்லின் பழைய பெயராகும்) ருத்ரோத்காரி வருடம், ஆவணி மாதம், 8ம் நாள் கொல்லர் இனத்தைச் சார்ந்த பதினேழு கம்பளத்தாரும் சுக்காடர் இனத்தவருக்கு இசைந்து உறுதி யோலைக் கொடுத்தது. (இசைமுறி) . குன்றத்தூர் கோட்டையை செகதேகராயர் ஆண்டுவருகையில், அவர்கள் விஜயநகர பிரதிநிதியான எறமாஞ்சி நாயக்கர் ஐயனின் காலத்தில் பூந்துரை நாட்டுக்கு அரசராகிய செகதேவராயருக்கு கட்டுப்பட்டு நடக்கையில் பூந்துரை நாட்டினுடைய காரிய கர்த்தரான (உயர் அதிகாரி)  தம்மரசயன் ஆகியோர் வழியில் வந்த கொண்டரசையன் மற்றும் பூந்துறை நாட்டுக் கவுண்டர்கள் நால்வர் முன்னிலையிலும், பருத்திப்பளி நாட்டு கொண்டரச கவுண்டர் இராசிபுர நாட்டுக் துலுக்கண கவுண்டர், காரையூர் நல்ல நயினார் மற்றும் ஊர் பொதுமக்கள் ஆகியோர்களின் முன்னிலையில் எந்தவித பிரச்சனையுமற்ற நிகழ்வில் கொல்லவார் சாதியில் சுக்காடருக்கு  இசைமுறி கொடுத்தனர். 

இக்கல்வெட்டு முழுமை பெறவில்லை .  .  .  .

பருத்திப்பள்ளி நாடு

ராசிபுர நாடு

குறிப்பு:-

சுக்காடர் (அல்லது) சுக்காடரு என்பது இராஜகம்பளத்து நாயக்கரில் எர்ர கொல்லவாரில் உள்ள உட்பிரிவு குலங்களில் ஒன்றாகும்.

கம்பளத்தார் பாளையங்கள் - வேடப்பட்டி ஜமீன்

 

வேடப்பட்டி பாளையப்பட்டு வம்சாவழி விவரம்:-

திருப்பூர் மாவட்டம் வேடப்பட்டி ஜமீன்

தற்போதைய திருப்பூர் மாவட்டம்

முந்தைய சக்கிரகிரி தாலுகா

தற்போதைய மடத்துக்குளம் தாலுக்காவை சேர்ந்த வேடப்பட்டி ஜமீன் விவரம்

கொங்கு மண்டல கம்பளத்து தொட்டிய பாளையக்காரர்கள்

முற்காலத்தில் விஜயநகரப்பேரரசு மதுரையை சுல்தான்களிடமிருந்து மீட்டு தமிழகப்பகுதிகளை ஆனைக்குந்தி சுமஸ்தானத்தின் கீழ் கொண்டுவந்த பிற்பாடு அப்பகுதிகளை நிர்வகிக்கவும், பொதுமக்களின் மீதான கள்ளர்களின் தாக்குதல்கள் மற்றும் கொள்ளைகளை ஒடுக்கவும், காட்டு நிலங்களை சீர்படுத்தி விளை நிலங்களாக மாற்றி ஊர்கள், கிராமங்களை உண்டாக்கி அங்கு மக்களை குடியேற்றவும் வேண்டும் என்கிற நோக்கில் விஜயநகர மன்னர்கள் வீர தீரங்கள் மற்றும் வேட்டையாடுதலில் பெயர் போன கம்பளத்தார்களை தமிழகத்திற்கு அனுப்பி மேற்படி ஊர்களை சீர்செய்து பாளையங்களை உருவாக்கி ஆட்சிப்புரியுமாறு பட்டம் கட்டி அனுப்பி வைத்தார்கள். 

வேடப்பட்டி திம்ம நாயக்கன் கைப்பீது

அவ்வாறு ஆனைக்குந்தி சமஸ்தானத்தில் இருந்து தெற்கு நோக்கி வந்த போடித்தலை கும்ம நாயக்கருக்கு ஆமராவதி ஆற்றிற்கு மேற்கே ஒரு நாழிகை (24 நிமிடங்கள்) பயண தூரம் கொண்ட காட்டுப்பகுதியை விஜயநகரபேரரசு சாசனம் செய்து கொடுத்தது.

வேடப்பட்டி ஜமீன் (மெக்கன்சியின் கைப்பீது சேகரிப்பு)

அந்த அடர்ந்த வளமான காட்டுப்பகுதிகளின் மரம் செடி கொடிகளை வெட்டியும், கொடிய விலங்குகளை வேட்டையாடியும் அங்கே மக்கள் வாழ்வதற்கு ஏற்ப ஊர்களை போடிதலை கும்ம நாயக்கர் உருவாக்கிமுடித்தார்.  அவ்வாறு உருவாக்கப்பட்ட பாளையத்துக்கு கம்பளத்தார் சாதியில் வேடக் கம்பளம் என அழைக்கப்பட்ட தனது சாதிப்பெயரைக் கொண்டு அப்பாளயத்திற்கு "வேடப்பட்டி" எனப்பபெயரிட்டார். வேடப்பட்டி பாளையமானது மதுரையில் விசுவநாத நாயக்கர் ஆட்சி ஏற்படுவதற்கு முன்பே உதயமான பழைமையான பாளையங்களுள் ஒன்று என்பதும் இங்கே குறிப்பிடத்தக்கது.

வேடப்பட்டி பெயருக்கு இரண்டாவது காரணம்:-

பட்டி அல்லது கொட்டகை

ஒரு காலகட்டத்தில் இங்கு பட்டி அதிகமா இருந்துள்ளது. ஆடு மாடுகளை வளர்க்கும் இடத்தை பட்டி என குறிப்பிடுவர்.

இங்கு குடியேறிய வேட்டை சமூக மக்கள் நகர சமூகத்திற்குள் வேட்டையாடுவது கடினமாக இருந்தக் காரணத்தினால் நூற்றுக்கணக்கான ஆடு மாடுகளை பட்டி அமைத்து வளர்த்தாகவும். அதுவே பிற்காலத்தில் அவர்களுடைய வாழ்வாதாரமாக மாறிப்போன காரணத்தினால் அவ்வூருக்கு வேடர்பட்டி பெயர் பெயர் வந்ததாகவும், இதுவே நாளடைவில் வட்டார வழக்கில் "வேடப்பட்டி" என மாற்றம் பெற்றதாகவும் கூறப்படுகிறது. 

போடிதலை கும்மநாயக்கருக்கு புலிக்குத்தி பட்டம்:-

புலியை கொல்லும் வீரன்

இவ்வாறாக காட்டை சீர் படுத்தியும் கொடிய விலங்குளையும் வேட்டையாடிக்கொண்டும் வேடப்பட்டியில் ஆட்சிப்புரிந்து வந்த போடித்தலை கும்ம நாயக்கர் உக்கிரம் மிக்க கொடிய புலிகளை வேட்டையாடுவதில் மிகவும் வல்லவராக இருந்தார். கும்ம நாயக்கரின் இத்தைய அசாத்திய திறமையை கேள்விப்பட்டு வியந்து போன விஜயநகர ராயர் இவரை பாராட்டி சிறப்பிக்கும் விதமாக புலிகளை கொல்லுவதில் வல்லவர்களுக்கு விஜயநகரப்பேரரசில் கொடுக்கப்படும் கௌரவ விருதான "புலிக்குத்தி" என்கிற சிறப்பு பட்டத்தை போடித்தலை கும்ம நாயக்கருக்கு சூட்டினார். இந்த புலிக்குத்தி பட்டம் மருங்காபுரி போன்ற பாளைக்கார்களுக்கும் வழங்கப்பட்டது என்பது குறிப்பிடத்தக்கது. மேலும், சோழமாதேவி என்னும் ஊரில் உள்ள நஞ்சை மற்றும் இரண்டு மாநிலங்களை மானியமாக வழங்கி சிறப்பித்தார்கள். 

அந்த நாளில் இருந்து தொடர்ந்து வேடப்பட்டி ஜமீன் வம்சாவழிகள் வேடப்பட்டி பாளையத்திற்கு உட்பட்ட கிராமங்களை ஆண்டுவந்தார்கள். பிற்காலத்தில், மதுரையில் நாயக்கர் ஆட்சி ஏற்பட்டப்பிறகு மதுரை அரசர்களுக்கு கட்டுப்பட்டு 5 ராஜகோபாலி பொன் வரியாக செலுத்தி பாளையத்தை ஆண்டுவந்தார்கள்.

பிற்காலத்தில் தமிழகத்தில் ஆங்கிலேயர்கள் ஆட்சி ஏற்பட்ட பிறகு பாளையங்கள் ஜமீன்களாக மாற்றமடைந்த பின்பு பத்தில் ஏழு அரண்மனைக்கான பணத்தை வரியாக ஆங்கிலேயர்களுக்கு செலுத்திக்கொண்டு வேடப்பட்டி பாளையத்தை குடியிருப்புக்காரர்களாக இருந்து ஆண்டு வந்தார்கள்.

விடுதலைப்போரில் ஈடுப்பட்ட வேடப்பட்டி பாளையம்:-

பிரிட்டிஷாருக்கு எதிராக ஒரு மாபெரும் கூட்டணியை அமைப்பதில் விருப்பாட்சி கோபால நாயக்கர் எடுத்த முயற்சி சுதந்திரத்திற்காக ஏங்கிக்கொண்டிருந்த பல பாளையக்காரர்கள் மற்றும் பிற குடியிருப்பாளர்களின் கவனத்தை ஈர்த்தது. மேலும் கோபால நாயக்கர் தனது தூதர்களை ஆங்கிலேய அரசின் மீது அதிருப்தியில் இருந்த திண்டுக்கல், மனப்பாரை, கள்ளர்நாடு, கோவை மற்றும் சேலம் ஆகிய பகுதிகளுக்கு அனுப்பிவைத்தார். 

1797 இல் மனப்பரையின் லட்சுமி நாயக்கர் மற்றும் தளி எத்துல நாயக்கருடன் கோபால நாயக்கர் ஒரு நெருக்கமான கூட்டணியை ஏற்படுத்திக்கொண்டார். இது திண்டிக்கல் கிளரச்சி கூட்டமைப்பின் கருவை உருவாக்கியது. 

இப்பாளையக்காரர்கள் கிழக்கிந்திய கம்பெனியின் அதிகாரத்தை எதிர்த்துப் போராடவும், ஒருவருக்கொருவர் தங்கள் போராட்டத்தில் உதவவும் முடிவு செய்தனர், இதன் தொடர்ச்சியாக கோபால நாயக்கர் சோம்நாத் பிள்ளையை ஒரு நிலையான தகவல் தொடர்பு நோக்கத்திற்காக தளி பாளையத்திற்கு தனது பிரதிநிதியாக அனுப்பிவைத்தார்.

கும்பினியார் அரசுக்கு எதிராக எத்துல நாயக்கரின் நிகழ்வில் பங்குபெற, மங்கலம் பாளையக்காரர் தளிக்கு வருகைப்புரிந்து கூட்டணியில் சேர ஒப்புக்கொண்டார்.

அவர்களின் தொடர்ச்சியான மற்றும் உறுதியான முயற்சிகளின் விளைவாக பாளையக்காரர்களும் மற்ற பிராந்தியங்களும் கும்பினி அரசை எதிர்க்கும் தங்களின் பொதுவான நோக்கத்திற்காக அணித்திரண்டனர். 

அவர்களில் தியோதானபட்டியைச் சேர்ந்த பூஜாரி நாயக்கரும் ஒருவர்.

மேலும், தாராபுரம், காங்கேயம், கொலம்பம், சங்ககிரி மற்றும் கரூர் ஆகிய பாளையங்களின் பாளையக்காரர்களும்,

திண்டுக்கல்லில் கன்னிவாடி பாளையக்காரரும், ரத்னகிரி மற்றும் நத்தத்தின் தலைவர்கள் மனப்பாரையிலும். 

பெரியப்பட்டி, மெட்ராத்தி, மைவாடி, தொண்டமுத்தூர், துங்காவி, அயோத்தரிப்பட்டி, வேடப்பட்டி மற்றும் சோமன்துரை அதைப் பின்பற்றி கூட்டணியில் இணைந்து தீபகற்ப கூட்டணியை வழுப்படுத்திக்கொண்டு வந்தனர்.

1801ஆம் ஆண்டில் விருப்பாட்சி கோபால நாயக்கர் மற்றும் தளி எத்துலப்ப நாயக்கர் ஆகியோர் கும்பினியர்களுக்கு எதிராக போராட ஒரு மாபெரும் கூட்டிணைப்பை எற்படுத்தினர். அவற்றுள் அப்போதைய கோவை மாவட்ட பாளையக்காரர்களாக இருந்த

1, மெட்டராத்தி 

2, மைவாடி 

3, தொண்டாமுத்தூர் 

4, துங்காவி

5, அயோதரிப்பட்டி 

6, வேடப்பட்டி

7, சோமன்துரை

8, மங்கலம்

9, பெரியப்பட்டி 

ஆகிய பாளையங்களின் பாளையக்காரர்கள் தங்களின் ஆட்சிக்கு உட்பட்ட பாளையங்களின் கிளர்ச்சியாளர்களுக்கும், தனது ஆதரவாளர்களுக்கும் தலைமை தாங்கினர். இதில் வேடபட்டியின் பாளையக்காரர் வேடபட்டி சுற்று வட்டப் பகுதிகளுக்கு தலைமையேற்றார்.

தண்டனையின் அச்சுறுத்தலின் கீழ் வரி செலுத்துவதற்கும், ஆங்கிலேயே கிழக்கிந்திய கம்பெனிக்கு பாளையக்காரர்களின் உதவியை நீட்டிப்பதற்கும் எதிராக பொதுமக்களை இக்கூட்டமைப்பினர் எச்சரித்தனர்.

இக்கூட்டமைப்பு தளியில் கூடி ஒரு தீர்மானம் செய்து ஜனவரி 31ம் நாளில் விருப்பாட்சிக்கு அருகில் கும்பினி அரசால் அமைக்கப்பட்டிருந்த நிர்வாக அலுவலர்களை தாக்கி அந்த கும்பிணி நிர்வாக அலுவலகத்தை (கட்சேரி) அழித்தனர் மற்றும் அங்கிருந்த சிப்பாய்களையும் விரட்டியடித்தனர். இவ்வாறாக பல பலத்தருணங்களில் விருப்பாட்சி கோபால நாயக்கருக்கும், தளி எத்துலப்ப நாயக்கருக்கும் கும்பினியருக்கு எதிரான விடுதலைப்போரில் பெரிதும் உதவிய கொங்கு பாளையக்காரர்களில் வேடப்பட்டி பாளையக்காரரும் ஒன்று இறுதியில் விருப்பாட்சி கோபால நாயக்கர் தூக்கிலிடப்பட்டதாலும், கிளர்ச்சி செய்த பாளையக்காரர்கள் ஒடுகப்பட்ட காரணத்தினாலும் தென்னிந்திய தீபகற்ப கூட்டமைப்பு தோல்வியடைந்தப் பின்னர் வேறு வழியின்றி வேடப்பட்டி ஜமீன்கள் ஆங்கிலேயர்களுக்கு வரி செலுத்த ஒப்புக்கொண்டு குடியிருப்புக்காரர்களாக ஆங்கிலேயருக்கு கட்டுப்பட்டு ஜமீனை ஆண்டு வந்தனர்.

ஜமீன் அரண்மனை :-

வேடப்பட்டி ஜமீனின் 300 ஆண்டுகாலம் பழமையான சீமை ஓடுகளால் வேயப்பட்ட அரண்மனை 10சென்ட் பரப்பளவில் அமைந்திருந்ததாகவும் அதனுள் 

மேற்கு நோக்கியவாரு 3 அறைகள்

கிழக்கு நோக்கியவாரு 3 அறைகள் மற்றும் 

தெற்கு நேக்கியவாரு 2 அறைகள்

 ஆக மொத்தம் 8 அறைகளும் அரண்மனையை சுற்றி 7 வாசற் கதவுகளும் இருந்துள்ளனவாம்.  பின்னர் கி.பி. 2000 ஆம் ஆண்டு பழைய கட்டிடத்தை புதுப்பிக்க இயலாத காரணத்தினால்  அரண்மனை இடிக்கப்பட்டதாக கூறப்படுகிறது. அவ்வரண்மனையின் மதில் சுவர் மட்டும் 2006ஆம் ஆண்டு வரை இருந்ததாகவும் பின்பு அதுவும் இடிக்கப்பட்டுவிட்டதாகவும் கூறப்படுகிறது.

ஆங்கிலேயர்களின் காலத்தில் ஜமீன் செலுத்திய வரித்தொகை:-

வேடப்பட்டி ஜமீன் ஆங்கிலேயருக்கு செலுத்திய வரித்தொகை

வரித்தொகை:  1090 ரூபாய் 3அன 3காசுகள்

வேடப்பட்டி பாளைக்காரர்களின் சாதி மற்றும் குலம்:-

சாதி: கம்பளம்

குலம்: வேடகம்பளம்

வேடப்பட்டி ஜமீன் கொடிவழிகள்:-

வேடப்பட்டி ஜமீன் வேலாயுத குமாரசாமி நாயக்கர்
(ஆங்கிலேய துரைக்கு வலதுப்புரத்தில் அமர்ந்திருப்பவர்)

* புலிக்குத்தி போடித்தலை கும்ம நாயக்கர்

* போடித்தலை திம்ம நாயக்கர்

* போடித்தலை வேலாயுத கும்மலுசாமி நாயக்கர்

* போடித்தலை குமார வேலாயுதசாமி நாயக்கர்

* போடித்தலை தங்கசாமி நாயக்கர்

* போடித்தலை வேலாயுதசாமி நாயக்கர்

* போடித்தலை சின்னசாமி நாயக்கர்

(இடையில் சில பாளையக்காரர்களின் பெயர்கள் விடுபட்டுள்ளன)

போடித்தலை - Bodithalai என்பது வேடப்பட்டி பாளையக்காரர்களுக்கு வம்ச பாரம்பரியமாக தொடர்ந்து வரும் பெயராகும்.

தங்கசாமி நாயக்கர் (எ) வேலாயுதசாமி குமார நாயக்கருக்கு 3 மகன்கள்

1, தெய்வத்திரு. முத்துக்கிருஷ்ணன் நாயக்கர்

2, தெய்வத்திரு. மாணிக்கம் நாயக்கர்

3, சின்னசாமி நாயக்கர்

தற்போதைய வாரிசுகள்:-

வேலாயுதசாமி குமார நாயக்கரின் மகன்

1, போடித்தலை சின்னசாமி நாயக்கர்

சின்னசாமி நாயக்கருக்கு இருமகன்கள்

1, மகேந்திரமனி நாயக்கர்

2, வெங்கடசலம் நாயக்கர் (எ) சசிகுமார்

வேலாயுத கும்மலு சாமி நாயக்கர் (சின்னசாமி நாயக்கரின் சித்தப்பா மகன்)

இவரின் மகன்

1, அறுமுகம் நாயக்கர்

இவரின் மகன்கள்

1, மகேந்திரன் நாயக்கர்

2, சேதுபதி நாயக்கர்

அறங்காவலர்களாக வேடப்பட்டி ஜமீன்கள்:-

1, 155 ஏக்கர் பரப்பளவில் உள்ள மாரியம்மன் கோவிலின் அறங்காவலராக ஜமீன்தார் சின்னசாமி நாயக்கர் உள்ளார்.

2, 55 ஏக்கர் பரப்பளவில் உள்ள செல்லாண்டி அம்மன் கோவிலின் ஆலய அறங்காவலராக சின்னசாமி நாயக்கர் உள்ளார்.

இவ்விரு கோவில்களையும் ஒட்டியே வேடப்பட்டி ஜமீனின் பூர்வீக சொத்துக்கள் இருந்ததாக கூப்படுகின்றது.

வேடப்பட்டி ஜமீனுக்கு பாத்தியப்பட்ட கோவில்கள்:-

1, ஸ்ரீ தம்புராட்டியம்மன் கோவில்

2, ஸ்ரீமாலையம்மன் கோவில், கிருஷ்ணாபுரம்

3, அரண்மனையப்பன் கோவில் (மாலக்கோவில்), வேடப்பட்டி

1, ஸ்ரீ தம்புராட்டியம்மன் கோவில்:-

இது வேடப்பட்டி ஜமீன் காலத்திற்கு முன்பே கட்டப்பட்ட கோவிலாக கருதப்படுகிறது. இருப்பினும் பிற்காலத்தில் இக்கோவிலை புனரமைத்தவர்கள் வேடப்பட்டி ஜமீன்தார்கள். 

தம்புராட்டியம்மன் கோவில் வெளித்தோற்றம்

 தம்புராட்டியம்மன் கோவிலின் முகப்பு தோற்றம்

ஆலய மூலவர் சன்னிதானம்

வேடர் சிலை

ஆலய கொடிமரத்தில் உள்ள அம்மன் சிற்பம்

கொடி மரத்தில் உள்ள சிங்க சிற்பம்

ஆலய நுழைவுவாயில்

வேடப்பட்டி அரண்மனையார் கொடை

ஆலய கொடிமரம்

2, ஸ்ரீமாலையம்மன் கோவில்:-

வேடப்பட்டி ஜமீனில் திருமணம் ஆண தம்பதியினர் இரண்டு வருடங்கள் ஆனவுடன் மாலை எடுத்து முன்னோர்களாக நினைத்து வழிபட்டு 

இக்கோவிலில் கிடாவெட்டி 27 தலைமுறைகளாக வாரிசுகள் என்கிற அடிப்படையில் வழிப்பட்டுவருகிறார்கள்.

முக்கிய குறிப்பாக திருமணம் ஆணவர்களை தவிர மற்றவர்கள் இந்த வழிப்பாட்டைசெய்ய முடியாது.

மாலையம்மன் கோவிலின் ஆலய முகப்பு

கோவிலின் பலிப்பீடம்

ஆலய மூலவர் மாலையம்மன்

3, அரண்மனையப்பன் கோவில் (நடுக்கல் கோவில்):-

வேடப்பட்டி பளையக்காரர்களின் நடுக்கற்கள் இங்கு நிறுவப்பட்டு இன்றும் வேடப்பட்டி வம்சாவழியினரால் வணங்கப்பட்டு வரும் கோவில். 

இங்கு மைப்பகுதியில் பிரதானமாக நிறுவப்பட்டுள்ளது குமாரவேலாயுத கும்மலு சாமி நாயக்கரின் நடுக்கல் ஆகும்

அரண்மனையப்பன் கோவில் முகப்பு

 பக்கவாட்டு கோணத்தில் ஆலயம்

கோவிலின் பலிப்பீடம்

குமாரவேலாயுத கும்மலுசாமி நாயக்கர் நடுக்கல்

கோவிலில் உள்ள நடுக்கல்

மேற்படி பாளையம் பற்றிய விவரங்கள் மற்றும் புகைப்பட ஆவணங்கள்

!!!நன்றி

ஆறுமுகம் நாயக்கர்

ராமசந்திரன் நாயக்கர்

சேதுபதி நாயக்கர்

(வேடப்பட்டி ஜமீன் வம்சாவழியினர்)