🔅 கொல்லவார் 🔅 [గొల్ల|GOLLA|ಗೊಲ್ಲ] [యాదవులు - ಯಾದವರು]

கொல்ல, எர்ர கொல்ல, பாகநாட்டி கொல்ல, குறும கொல்ல,தோக்கல கொல்ல, காடு கொல்ல, நல்ல கொல்ல,பூஜ கொல்ல, கிருஷ்ண கொல்ல, வடவர் , அஸ்தாந்திர கொல்ல, தூமாட்டி கொல்ல, வடுக ஆயர் போன்ற பல உட்பிரிவுகளை உள்ளடக்கியது கொல்லவார் குலம். ஆந்திரா, தெலங்கானா, கர்நாடகா, மகாராஷ்டிரா,ஒரிசா, தமிழகம் ஆகிய மாநிலங்களில் பரவி வாழும் யாதவர்கள் (YADAVAS). பெரும் பேரரசுகளை ஆண்ட பேரரசர்களாகவும், தெலுங்கு, தமிழ், கன்னட பாளையங்களின் பாளையக்காரர்களாகவும் இருந்து தென்னாட்டின் மீது கோலோச்சி அரசாட்சி செலுத்திய சந்திரவம்ச க்ஷத்திரியர்கள்.

ஞாயிறு, 16 மே, 2021

நெடுவயல் பாளையப்பட்டு வம்சாவளி கைப்பீது

நெடுவயல் குமாரவேலழகிய நாயக்கர் கைபீது:-

(சில்லவார் பாளையம்)-

ஜமீன் வெள்ளை குமார முத்துவேல் அழகிய நாயக்கர்

கைப்பீது:-

நெடுவயல் கைப்பீது

தொடக்கம் :

நெடுவய(ல்ப்](ற்)பாளையப்பட்டு அழகிய நாயக்கர் பூருவோத்த்ர சங்கதிக்கி (கு) விவரம் என்னவென்றால்:

(முன்)ஆதியிற் சேரன், சோளன், பாண்டியன் நாளையில் ஔவையார் பாடல் கேட்ட பாளையப்பட்டு, பாண்டியன் பனதுவர நடந்ததில் பாண்டியன் கொடுத்த விருது மீனக்கொடி சீரெங்கராயரவர்கள் துரத்தினதில் நாங்கள் காத்திருந்து மன்துவரநடந்த படியினாலே சீரெங்கவி| னா ] சயக்கு [ள ](ழ)ந் தைக் குமாரவேலழகியநாயக்க ரென்று பேருங்கொடுத்து 'அனுமக்கொடி, கெருடக்கொடி, யாளிக்கொடி,சி[ன்னம](ங்க)க்கொடி, புலிக்கொடி, அனனக்கொடி, சேவற்கொடி, சங்கீதமேளம் ' நடைபாவாடை' நவபத்து, சாம்பி ராணித்தூபம்,உடையவெண் சாமரம்

இறுதி :

தொண்டைமானார் சீ[ர்]மையார் திரும்பத்தீர்ந்தபுர யென்று வலுவிலே கட்டிக்கொண்டார்கள். நாங்கள் பயிர் செய்யத் தேவையில்லையென்று மா [ச்சுயி](த்தி)ருக்கிறோம். அவர்கள் எந்நேரமும் சல்லியஞ் செய்துகொண்டிருக்கிறார்கள். எங்கள்பேரில் மகாராஜராஜமானிய ராஜ ஸ்ரீ கும்பினியாரவர்கள் தயைவைத்து []ரெட்சிக்க வேண்டியது.

இந்தப் பூருவோத்தர சங்கதி எழுதிக்கொடுத்தது நெடுவயல் ராய []ரெகு நாதக்குழந்தைக்குமாரவேவழகிய நாயக்கர் வகைத்தானாபதிச் சாமி நாத முதலியார் அத்தாட்சிப்படிக்குச் சம்பிரதி முத்து வீரப்பப் பிள்ளை கை[ய்]யெழுத்து.

நெடுவயல் அரண்மனை

(கு.பு) :

குமாரவேலழகிய நாயக்கருக்கு நெடுவயல் பாளையப்பட்டைப் பாண்டியன் கொடுத்தவிவரமும், பின்னர்த் தஞ்சைச் சீவப்பநாயக்கர் முதலியோரால் ஆதரிக்கப்பட்ட விவரமும், அதன்பின்பு, தஞ்சை நாயக்கர்க்கும், திரிசிரபுரம் சொக்கநாத நாயக்கர்க்கும் நேர்ந்த சண்டையில் ஐயம் திரிசிரபுர அரசர்க்கு ஏற்பட்டமையின், அவர்களால் ஆதரிக்கப்பட்ட விவரமும், இராமநாதபுரம் ரகுநாத சேதுபதியால் ஆதரிக்கப்பெற்ற விவரமும், சிவகங்கை அரசர்களால் ஆதரிக்கப்பெற்ற விவரமும், புதுக்கோட்டை அரசர்களால் நேர்ந்து இடையூறும் பின்பு, ஈஸ்ட் இந்தியா கம்பெனியாரால் ஆதரிக்கப்பெற்றமையும் இதில் கூறப்பட்டுள்ளன.

கைப்பீதின் விளக்கம்:-

கைப்பீதின் துவக்கத்தில்:-

நெடுவயல் பாளையத்தின் அழகிய நாயக்கரின் பூர்வ வரலாறு என்னவென்றால்:

முன் ஆதியில் சேர, சோழ, பாண்டியர்கள் காலத்திலே உருவாகி இருந்து ஔவையாரின் (14ம் நூற்றாண்டில் (கிபி.1300 - கிபி. 1400) வாழ்ந்து விநாயகர் அகவல், ஔவை குறல் எழுதிய ஔவையர்) பாடல் கேட்ட பாளையமாக நெடுவயல் இருந்துள்ளது.

யாளி

பாண்டியன் பனதுவர நடந்ததில் பாண்டியன் கொடுத்த விருது மீனக்கொடி.

ஸ்ரீரங்கராயரவர்கள் துரத்தியதில் நாங்கள் காத்திருந்து மன்துவர நடந்த படியினாலே ஸ்ரீரங்கவினாசயக் குளழந்தைக் குமாரவேலழகிய நாயக்கர் என்று பெயர் கொடுத்து சிறப்பித்து மேலும் 'அனுமக்கொடி, கருடக்கொடி, யாளிக்கொடி (சிங்கம் போன்ற உருவம் கொண்ட விலங்கு பெரும்பாலும் கோவில்களில் சிலையாகக் காணப்படும்), சிங்கக்கொடி, புலிக்கொடி, யானைக்கொடி, சேவற்கொடி, சங்கீதமேளம், நடைபாவாடை (நடைக் கம்பளம்), நவபத்து, சாம்பி ராணித்தூபம் (வாசனை சாம்பிராணி), உடையவெண் சாமரமும் கொடுதாது சிறப்பிக்கப்பட்டனர்.

கைப்பீதின் இறுதியில்:-

மன்னர் விஜயரகுநாத ராய தொண்டைமான்

புதுக்கோட்டை தொண்டைமான் அவர்கள் தனது தலைநகரை திரும்பத்தீர்ந்தபுரம் சீமைவரை தனது பரப்பை வலுவாக அமைத்துக்கொண்டார்கள். நாங்கள் பயிர் செய்யத் தேவையில்லையென்று மா [ச்சுயி](த்தி)ருக்கிறோம். அவர்கள் எந்நேரமும் தொல்லை செய்துகொண்டிருக்கிறார்கள். எங்கள் மீது மகாராஜராஜமானிய ராஜ ஸ்ரீ கும்பினியாரவர்கள் (ஆங்கிலேய துரைகள்) கருணை வைத்து காத்தருள வேண்டும்.

இந்தப் பூர்வ வரலாறு எழுதிக்கொடுத்தது நெடுவயல் ராய ரெகுநாத க்குழந்தைக்குமாரவேவழகிய நாயக்கரின் அமைச்சர் தானாபதிச் சாமி நாத முதலியார், அதற்கு அத்தாட்சியாக கையெழுத்திட்டவர் சம்பிரதி முத்து வீரப்பப் பிள்ளை அவர்கள் ஆவார்.

குறிப்பு:-

மன்னர் ரகுநாத சேதுபதி (கிழவன் சேதுபதி)

குமாரவேலழகிய நாயக்கருக்கு நெடுவயல் பாளையப்பட்டைப் பாண்டியன் கொடுத்தவிவரமும், பின்னர்த் தஞ்சைச் சேவப்பநாயக்கர் முதலியோரால் அவர்கள் ஆதரிக்கப்பட்ட விவரமும், அதன்பின்பு, தஞ்சை நாயக்கர்க்கும், திருச்சிராப்பள்ளி சொக்கநாத நாயக்கர்க்கும் (சொக்கநாத நாயக்கரின் ஆட்சிக்காலத்தில் மதுரை நாயக்க அரசின் தலைநகராக திருச்சி செயல்பட்டது) நேர்ந்த சண்டையில் வெற்றி திருச்சிராப்பள்ளி அரசர்க்கு ஏற்பட்டதால், அவர்களால் ஆதரிக்கப்பட்ட விவரமும், இராமநாதபுரம் ரகுநாத சேதுபதியால் ஆதரிக்கப்பெற்ற விவரமும், சிவகங்கை அரசர்களால் ஆதரிக்கப்பெற்ற விவரமும், புதுக்கோட்டை அரசர்களால் நேர்ந்து இடையூறும் பின்பு, கிழக்கிந்திய இந்திய கம்பெனியால் ஆதரிக்கப்பெற்றமையும் இதில் கூறப்பட்டுள்ளன.