சத்தியவேடு சீமை கும்மிடிபூண்டி சிலா சாசனம்

 

சத்தியவேடு சீமை குறும்பர் கோட்டை கொல்லவார் சாதி சாசன நகல்:-

சித்தூர் மாவட்டம் சத்தியவேடு - திருவள்ளூர் மாவட்டம் கும்மிடிபூண்டி

 இடம் :-   முன்னாளில் சித்தூர் மாவட்டம், சத்தியவேடு சீமை (ஆந்திரா), கும்மிடிப்பூண்டி

தற்போதைய திருவள்ளூர் மாவட்டம், கும்மிடிப்பூண்டி தாலுகா, கும்மிடிப்பூண்டி

மொழி :-   தமிழ் மொழியிலே கிடைக்கல் சாசமும் அதன் நகலான இந்த கைப்பீதும் எழுதப்பட்டுள்ளது.

சாசன நகலை எழுதியவர்:-  முத்து நாயக்கர்

சிலாசாசன நகல் கைப்பீதில் உள்ள வரிகள்:-

கும்மிடிப்பூண்டி சிலாசாசனம்

 சாசனத்தின் துவக்கம் :-

 (1) கும்மடிப் பண்டிக்கு ஈசானம் ஒன்றரை நாழி வழி தூரத்தில் "தேர் வெளியூர்". இந்தத்தேர் வெளியூருக்கு அடுத்த நிருருதி மூலை கால் நாழிவழி தூரத்திலே " குறும்பர்க் கோட்டை ", அந்தக் குறும்பர்க் கோட்டைக்கு அடுத்த அக்கினி மூலையிலே துர்க்கி, அஷ்டபுஜ சக்தி, ஏகாத்தை கோவில் பக்கத்திலே கிடைகல்லிலே யெழுதி யிருந்த சிலா சாஸனத்துக்கு நகல்.   *    *    *    *    *  

 சாசனத்தின் இறுதியில்:-

கொல்லர்ச் சாதியிலே குறும்பர்க் கொல்லர் என்றும், தொட்டியக் கொல்லர் என்றும், ஆக இரண்டு சாதி, அந்தத் தொட்டியக் கொல்லர் மாத்திரம் மதுரைச் சீமையிலே இருக்கிறார்கள். குறும்பர்க் கொல்லர் இவ்விடங்களிலே இல்லை. கிருஷ்ணா தீரத்திலே இருக்கிறார்கள் என்று சொல்லுகிறார்கள்.

இப்படி முத்து நாயக்கன் சொல்லி யெழுதுவித்த கைபீயத்து.

 (கு.பு.):- 

இது டிஸ்கிருப்டிவ் காட்லாக்கு 3085 - ஆம் நம்பர் பிரதியைப் பெயர் த்து எழுதி வைக்கப்பெற்றதாகும். சித்தூர் ஜில்லா, சத்தவேடு சீமையைச் சார்ந்த கும்மடிப்பண்டி, அதன் சுற்றுப்புரத்துள்ள பலவூர்கள் இவற்றின் வரலாறுகளைச் சுருக்கமாயெடுத்துணர்த்துகின்றது. இந்நூல் இப்பிரதேசங் களில் குறும்பர்களது கோட்டைகள் பலவிருந்தனவென்றும் நாளிடையில் அவற்றுள் சில தொண்டைமானாலும், சில துருஷ்க்கர்களாலும், சில ஆனைகொந்தி இராயர்களாலும் வசப்படுத்தப்பட்டும் அழிக்கப்பட்டும் போயின வென்றும் குறிக்கப்பட்டுள்ளது.

சாசன நகல் கைப்பீதில் உள்ள செய்தி:-

குறும்ப கொல்லவாரு

துவக்கத்தில் :

1, கும்மிடிப்பூண்டிக்கு வடகிழக்கு திசையாக ஒன்றரை நாழிகை (36 நிமடங்கள்) பயண தூரத்தில் தேர்வெளியூர் கிராமம் இந்த தேர்வெளியூருக்கு அடுத்த தென்மேற்கு திசையில் கால் நாழிகை (6 நிமிடங்கள்) தூரத்தில் "குறும்பர் கோட்டை" உள்ளது அந்த குறும்பர் கோட்டைக்கு அடுத்த தென் கிழக்கு திசையில் துர்க்கி, அஷ்டபுஜ சக்தி (எட்டுக்கரங்கள் கொண்ட அம்மன்), ஏகாத்தை கோவிலின் அருகில் ஒரு கிடைக்கல்லில் வடிக்கப்பட்டிருந்த ஒரு சிலாசனத்தின் (கல்வெட்டு) வரிகளை கைப்பீதாக எழுதிவைக்கப்பட்டதன் நகல்.

இறுதியில் :

கிருஷ்ணா நதி

கொல்லவாருச் சாதியிலே குறும்பக் கொல்லவாரு என்றும், தொட்டியக் கொல்லவாரு என்றும், இரண்டு சாதிகள் உள்ளன, அதில் தொட்டியக் கொல்லவாருகள் மட்டும் மதுரைச் சீமையிலே இருக்கிறார்கள். குறும்பக் கொல்லவாருகள் இத்தமிழகப்பகுதிகளிலே இல்லை. அவர்கள் கிருஷ்ணா நதியின் கரைகளிலே  இருந்துவருகிறார்கள் என்று கூறுகிறார்கள்.

இப்படிக்கு முத்து நாயக்கன் ஆகிய நான் கூறி எழுதிவைத்தக் கைப்பீது.

குறிப்பு:-

இதில் குறிப்பிடப்படும் குறும்ப கொல்லவாருகள் என்பவர்கள் ஆந்திர கருநாடக (கிருஷ்ணா நதி தீரம்) மாநிலங்களில் வாழ்கிறார்கள் என்பதும் இவர்கள் ஆந்திர, கருநாடகப்பகுதிகளிலேயே தங்கிவிட்டார்கள் என்பதும் விளங்குகின்றது.

1881ம் ஆண்டு இந்திய சாதிவாரி மக்கள் தொகை கணக்கெடுப்பின் படி 

1, குறுப கொல்லவாருகள் = 4,75,598 லட்சம் பேர்

குறுப கொல்லவாரின் ஜனத்தொகை உட்பிரிவுவாரியாக 1881

குறுப கொல்லவாரின் உட்பிரிவுகள் -

• ஹாலு குறுபா - மைசூரில் = 2,25,283 
• ஹன்டி குறுபா - மைசூரில் = 17,413 
• கம்பிளி குறுபா - மைசூர் = 49,270
• குர்ரம்வாரு - மத்திய ராஜதானியில் = 3,076

குறுப கொல்லவாருகள் ஜனத்தொகை 1881ஆம் ஆண்டில்

இந்தியா முழுவதிலும் இருந்த குறுப கொல்லவார் எண்ணிக்கை 1881

• மத்திய ராஜதானியில் = 3,076 பேர்கள்
• மதராஸில் (தற்போதைய ஆந்திரா + தமிழ்நாடு + கர்நாடகா,கேரளாவின் பகுதிகள்) = 1,80,557 பேர்கள்
• மைசூரில் (கர்நாடகா) = 2,91,965 பேர்கள்

மொத்தம் = 4,75,598 பேர்கள்

தொட்டிய கொல்லவாரு :

கொல்ல தொட்டியர் - KOLLA TOTTIYAN

இதில் குறிப்பிடப்படும் தொட்டியக் கொல்லவாருகள் என்பது கொல்ல தொட்டியர்கள்களையும் (Kolla Tottiyan) குறிப்பதாகவும் விளங்குகிறது. இந்த தொட்டிய கொல்லவாருகள் கி.பி.1370 முதல் கி.பி.1529 ஆகிய ஆண்டுகளுக்கு இடைப்பட்ட காலத்தில் மதுரைக்கு வந்திருக்கக்கூடும். அதாவது குமாரகம்பண உடையார் மதுரையின் மீது படையெடுத்தது முதல் விஸ்வநாத நாயக்கர் மதுரையில் நாயக்கராட்சி நிறுவும் காலக்கட்டத்திற்குள் இவர்கள் வடுகநாட்டில் இருந்து மதுரைக்கு குடிப்பெயர்ந்திருகக்கூடும்.

இது, கும்மிடிப்பூண்டி, என்னும் ஊரின் வரலாற்றினையும், அதில் உள்ளதொரு குறும்பர்க் கோட்டையின் வரலாற்றையும், அதற்கருகிலே யிருக்கும் "ஏகாத்தா", யென்ற கோவிலுக்கருகிலேயுள்ள சிலாசாஸனத்தில் இருந்து படி எடுத்து எழுதிய இக்கைப்பீது விளக்குகின்றது. மற்றும், இதிலிருந்து, இவ்வூர்க்குச் சுற்றிலும் உள்ள ஊர்கள் சத்தவேடு, ஊற்றுக்கோட்டை, நாகலாபுரம், நிண்ணையூர், நாரணவனம், திருவள்ளூர்க்கடுத்துள்ள குசத்தலை யாற்றுக்குச் சமீபத்தில் செம்மேடு, வேளூர், திருமுல்லைவாயில் என்பவைகளாம் எனத்தெரிகிறது. 

இவைகளிலேயெல்லாம் ஒரு குறும்பர்க் கோட்டையுண்டென்றும் விளக்குகிறது. மேலும், இப்பிரதேசங்களில் குறும்பர்களது கோட்டைகள் பலவிருந்தனவென்றும் நாளிடையில் அவற்றுள் சில தொண்டைமானாலும், சில துருஷ்க்கர்களாலும் (துலுக்கர்), சில ஆனைகுந்தி இராயர்களாலும் வசப்படுத்தப்பட்டு, அழிக்கப்பட்டும் போயின வென்றும் குறிக்கப்பட்டுள்ளது.