விருதுபட்டி நகராட்சி தலைவர் - அழகர்சுவாமி நாயக்கர்

 

விருதுப்பட்டி முனிசிபல் சேர்மேன் - அழகர்சுவாமி நாயக்கர்:-

அழகர் சுவாமி நாயக்கர் (நடுவில் அமர்ந்திருப்பவர்)

முதலாளி அழகர் சுவாமி நாயக்கர்:-

1910ம் ஆண்டு உருவாக்கப்பட்ட இன்றைய விருதுநகர் நகராட்சியான அன்றைய ஆங்கிலேயர் கால மதராஸ் மாகாணத்தின் விருதுப்பட்டி நகராட்சியின் தலைவராக 1920களில் (Virudhupatti Municipality Chairman) தேர்தெடுக்கப்பட்டு பதிவி வகித்தவர் திரு. முதலாளி அழகர் சுவாமி நாயக்கர் என்று அழைப்படுகின்ற அழகர்சுவாமி நாயக்கர் ஆவார். இவரது பதிவிக்காலத்தில் தான் விருதுபட்டி என்னும் பெயர் விருதுநகராக மாற்றப்பட்டது என்பது குறிப்பிடத்தக்கது. இவர் இராஜகம்பளத்தாரில் எர்ர கொல்லவார் குலத்திற்கு உட்பட்ட குண்டலவார் வகையறாவை சார்ந்தவர்.

இவர் விருதுப்பட்டி நகராட்சி தலைவராக பணிப்புரிந்த காலக்கட்டத்தில் பொது மக்களுக்கு பல தொண்டுகளை செய்துள்ளார். மக்களுக்காக குடிநீர் குழாய்கள் மற்றும் சாலை வசதிகளை அமைத்துக் கொடுத்தவர். விருதுநகர் மக்களின் குரலாக ஆங்கிலேயர்களின் காலத்தில் விளங்கியவர் என்பது குறிப்பிடத்தக்கது.

ராமபட்டிணம் ஜமீனின் உறவினர்:-

அழகர் சுவாமி நாயக்கர் அவர்கள் ராமபட்டிணம் ஜமீனின் கடைசி முடிசூடிய ஜமீன்தாரான திரு. குமாரகுருபர ராமநாத மலையாண்டி எர்ரப்ப கவுண்டர் அவர்களின் தாய்வழி சித்தப்பா முறை உறவினர் ஆவார். அதாவது, குமாரகுருபர ராமநாத மலையாண்டி எர்ரப்ப கவுண்டரின் தாயாரின் உடன் பிறந்த தங்கையான (சித்தி) சுப்புராமதேவி அவர்களை திருமணம் செய்துக்கொண்டவர்.