எர்ர கொல்ல, நல்ல கொல்ல - திருச்சிராப்பள்ளி கெஜட்டர்ஸ்

 

திருச்சிராப்பள்ளி கெஜட்டர்ஸ் - F.R.ஹெம்மிங்வே:-

1907ம் ஆண்டு திருச்சிராப்பள்ளி மாவட்டத்தின் நிலவரைப்படம்

கி.பி.1900 காலக்கட்டங்களில் அன்றைய மதராஸ் மாகாணத்தின் திருச்சிராப்பள்ளி மாவட்டமானது தற்போதைய கரூர், நாமக்கல், அரியலூர், திருச்சி ஆகிய மாவட்டங்களை உள்ளடக்கியதாக இருந்தது.

கி.பி.1907ம் ஆண்டு ஆங்கிலேயர் கால மதராஸ் மாகாணத்தின் அப்போதைய கலெக்டரான (இந்தியன் சிவில் சர்வீஸ்) திரு. F.R.ஹெம்மிங்வே அவர்கள் தொட்டியர்/கம்பளத்தாரில் உள்ள எர்ர கொல்ல மற்றும் நல்ல கொல்ல பிரிவுகளை குறித்து அரசால் திரட்டப்பட்ட தகவல்களை தொகுத்து கீழ் கண்டவாறு குறிப்பிடுகின்றார்.

எர்ரகொல்லவார்,நல்லகொல்லவார்:-

TRICHINOPOLY GAZETTEERS Pg. 122-123

தொட்டியர் சாதியில் மூன்று உட்பிரிவுகள் உள்ளன.

அவைகளின் பெயர்கள்

1, எர்ர கொல்ல

2, நல்ல கொல்ல

3, வாளு

எர்ர கொல்ல (சிவப்பு கொல்ல) அல்லது பெத்த இண்டி (பெரிய வீட்டார்)

நல்ல கொல்ல (கருப்பு கொல்ல) அல்லது சின்ன இண்டி (சிறிய வீட்டார்)

மற்றும் வாளுக்கள் இவர்கள் குடுகுடுப்பை தொட்டியர்கள் என்று அழைக்கப்படுகிறார்கள்.

திருச்சிராப்பள்ளி மாவட்டத்தில் பெரும்பான்மையாக வசிப்பவர்கள் மேலே குறிப்பிடப்பட்ட முதல் இரண்டு பிரிவினர்களான எர்ர கொல்லவார்கள் மற்று நல்ல கொல்லவார்கள் ஆவர்.

இந்த வாளு பிரிவினர்கள் பிச்சை எடுப்பவர்களாகவும், குறிசொல்பவர்களாகவும் குறிப்பிடப்படுகிறார்கள்.

எர்ர கொல்லவார்கள் கரூர் மற்றும் நாமக்கல்லிலும், நல்ல கொல்லவார்கள் முசிறி மற்றும் குளித்தலை பகுதிகளிலும் பொரும்பான்மையாக காணப்படுகிறார்கள்.

இவ்விரு முக்கியமாக உட்பிரிவின் ஆண்களும் ஒன்றாக அமர்ந்து உணவு உண்ணும் அந்தஸ்தை பெற்றுள்ளார்கள். பெண்களுக்குள் இவ்வழக்கம் இல்லை.

எர்ர கொல்லவார்கள் நல்ல கொல்லவார்களை காட்டிலும் வெண்மை நிறமுடையவர்களாக உள்ளனர் (எர்ர, நல்ல என்கிற பெயரொட்டு இதனால் கூட ஏற்பட்டிருக்கலாம்);

எர்ர கொல்ல பிரிவின் பெண்கள் வெள்ளை உடை அணிவார்கள். ஆனால் நல்ல கொல்ல பிரிவில் இது அனுமதிக்கப்படுவதில்லை. 

பொட்டு தாலி

எர்ர கொல்லவாரு பெண்கள் திருமணம் சம்மந்தமான எந்தவொரு அடையாளக் குறியீடுகளையும் அணிவதில்லை.

நல்ல கொல்லவாரு பெண்கள் பொட்டு தாலி அணிகிறார்கள்.

இவ்விரு பிரிவுகளும் கம்பளங்கள் என்று அழைக்கப்படும் உட்பிரிவுகளை கொண்டுள்ளன.

எர்ர கொல்லவார்கள் 14 உட்பிரிவுகளையும்,

நல்ல கொல்லவார்கள் 9 உட்பிரிவுகளையும் கொண்டுள்ளனர். 

எர்ர கொல்லவார் உட்பிரிவுகளின் பெயர்கள்

1, எர்ரசெவி (எர்ரசெவ்வுலுவார்)

2, பாலி (பாலலுவார்)

3, பூசாடு (போசளவார்)

4, மல்லாடு / மண்ணி (மண்ணுலவார்)

5, கவுடு (கெவுடுலு)

6, ரேவா (ரேவலவார்)

7, உடுமு (உடுமுலவார்)

8, காரிடி (காரடி/கரடி)

9, குண்டெக (குண்டலவார்)

10, சீலவா (சீலவார்)

11, காளி (காலிகுலு)

12, சுரகா (சுரக்கலு)

13, சோழி (சோழியவார்)

14, சுக்கா (சுக்காடர்)

ஆனால் உள்ளூர் வழக்கங்களின் அடிப்படையில் இவற்றில் சில மாறுப்பாடுகள் ஏற்படும்.

நல்ல கொல்லவார் கம்பளத்தில் நான்கு உட்பிரிவுகள் உள்ளன அவை:

1, பாலலசித்து (பாலமவார்)

2, குஜ்ஜி-பொம்மா (குஜ்ஜபொம்மு)

3, கொடைகானி பொம்மா (கொடையானி பொம்மு)

4, விர்ரிகார்லு (இர்ரிகாரு)

(9 பிரிவுகளில் 4 பிரிவுகள் மட்டுமே குறிப்பிடப்பட்டுள்ளது மீதம் 5 குறிப்பிடப்படவில்லை)

சாதி ஒழுக்கமுறைகளுக்காக எர்ர கொல்லவார்கள் 9 நாடுகளாகவும் மற்றும் நல்ல கொல்லவார்கள் 14 மந்தைகளாகவும் பிரிக்கப்பட்டுள்ளனர்.

கம்பளத்தார்களின் ஒவ்வொரு கிராமமும் ஊர் நாயக்கர் என்ற தலைவரின் கீழ் உள்ளது, மேலும் ஒவ்வொரு நாடும் அல்லது மந்தையும் பட்டக்காரரின் கீழ் உள்ளது. முந்தையவர்கள் சிறிய சர்ச்சைகள் மற்றும் வழக்குகளை தீர்த்துவைக்கிறார், பிந்தையவர்கள் மிகவும் தீவிரமான வழக்குகளை தீர்த்துவைப்பவர்களாக உள்ளனர்.

பட்டக்காரர் மிகுந்த மரியாதையுடன் நடத்தப்படுகிறார். அவருக்கு எப்பொழுதும் சாதி மக்கள் கூப்பிய கைகளுடன் வணக்கம் செலுத்துகிறார்கள். பட்டக்காரராக இருப்பவர்கள் சடலத்தைப் பார்க்கக் கூடாது என்பது அப்பதவிக்குரிய ஒழுக்க விதிகளுள் ஒன்றாக உள்ளது. 

நல்ல கொல்லவார் வழக்கங்கள்:-

TRICHINOPOLY GAZETTEERS Pg.122

குறிப்பாக நல்ல கொல்லவார் உட்பிரிவின் வழக்கங்கள் பற்றி கீழே குறிப்பிடப்பட்டுள்ளது, 

மேலும், நல்ல கொல்லவாருகள் தங்களது அண்டை கிராமத்தார்களோடு ஒட்டாமல் தனித்து வாழ்கிறார்கள். இவர்கள் தங்கள் கிராமங்களுக்குள் காலணிகளுடனோ, குதிரையிலோ அல்லது குடையுடனோ வருபவர்களை தங்களது கிராமங்களுக்குள் நுழைய அனுமதிக்க மாட்டார்கள். தங்களது இறைவன் புண்படக்கூடாது என்பதற்காக, இவ்விதிகளை நல்ல கொல்லவார்கள் பின்பற்றுகிறார்கள், ஒருவேலை இவ்விதிகளை யாராவது மீறினால் அவர்கள் நோய்வாய்ப்படுவார்கள் என்றும் அல்லது வேறு சில தண்டனைகளை பெறுவார்கள் என்றும் நம்பப்படுகிறது. 

இச்சமூகத்தின் பொதுவான சாதித் தலைப்பு நாயக்கன்/நாயக்கர் என்பதாகும்.

குறிப்பு:-

மேலே குறிப்பிடப்பட்டுள்ள நல்ல கொல்லவார்கள் வெக்கிலியர் (அ) வேக்கிலிவார் ஆவர்.