ராமபட்டிணம் பாளையத்தின் - கேரள எல்லைசார் ஆவணங்கள்

 

ராமபட்டிணம் ஜமீனின் மலையாள எல்லைசார் ஆவணங்கள்:-

இராமப்பட்டிணம் அரண்மனை நுழைவுவாயில்

ராமப்பட்டிணம் பாளையக்காரர்களின் முன்னோரால் ஆச்சிப்பட்டி குறுநில அரசு நிறுவப்பட்ட காலம் துவங்கி இந்திய அரசால் ஜமீன் ஒழிப்பு சட்டம் அமல்படுத்தப்பட்ட ஆண்டுவரை , கிட்டதட்ட 600 ஆண்டுகளுக்கு மேலாக ராமபட்டிணம் பாளையத்திற்கு உட்பட்ட மேற்கு எல்லையாக தற்போதைய கேளர மாநிலம், பாலக்காடு பகுதி விளங்கியுள்ளது.

தமிழகப் பாளையக்காரர்களில் மலையாளப் பகுதிகளை உள்ளடக்கிக் ஆண்ட பாளையங்கள் மிகமிகக்குறைவானவையே. அவற்றுள் மலையாள தேசத்தில் மிக நீண்ட எல்லைப்பரப்பைக் கொண்ட ஒரே பாளையம் ராமபட்டிணம் பாளையம் என்பது குறிப்பிடத்தக்கது.   

ராமப்பட்டிணம் பாளையத்தின் மலையாள நாட்டு எல்லையான பாலக்காடு பகுதிகளுக்கு சான்றுகளாக விளங்கும் ஆவணங்கள் சிலவற்றை கீழே கண்டுக்கொள்ளலாம்.

மதராஸ் நிர்வாக அறிக்கை:- 

கொச்சி சமஸ்தான இலச்சினை

ராமபட்டிணம் ஜமீன்தாரியின் மேற்கு எல்லை பாலக்காடு வரை இருந்தது. ராமபட்டிணம் ஜமீன்தாரியின் தமிழக பகுதி எல்லைகளுக்கான வரித்தொகையினை பிரிட்டிஸ் ஆரசாங்கத்திற்கும், பாலக்காடு எல்லைப்பகுதிகளுக்கு உண்டான வரித்தொகையை கொச்சி தர்பாருக்கு (கொச்சி சமஸ்தான அரசு) செலுத்திக்கொண்டு ஆண்டு வந்துள்ளனர்.

Report on the Administration of the Madras Presidency
1924 - 1925

Report on the Administration of the Madras Presidency
1925 - 1926

Report on the Administration of the Madras Presidency
1926 - 1927

Report on the Administration of the Madras Presidency
1928 - 1929

Report on the Administration of the Madras Presidency
1930 - 1931

ராமபட்டிணம் ஜமீனின் நிர்வாக கணக்கு ஆவணம்:-

ராமபட்டிணம் ஜமீன்தார்கள் தங்களுடைய வரவு, செலவு கணக்குகளை பராமரிக்கும் ஆவணங்களிலும் கூட பிரட்டிஷ் அரசாங்க பகுதிகளுக்குரிய வருவாய் மற்றும் செலவீன கணக்குகளை தனியாகவும், கொச்சின் பகுதிகளுக்குரிய வருவாய் மற்றும் செலவீன கணக்குகளை தனியாகவும் பதிவு செய்துவந்துள்ளனர்.

ராமபட்டிணம் ஜமீன் வருவாய் பதிவு ஆவணம்

ராமபட்டிணம் எல்லைக்கு உட்பட்ட வடவன்னூர்:-

ராமபட்டிணத்தில் இருந்து மேற்காக சுமார் 35கி.மீ. தூரத்தில் உள்ள ராமபட்டிணம் ஜமீனுக்கு உட்பட்ட கேரள மாநிலம், பாலக்காடு மாவட்டம், வடவன்னூரை சேர்ந்த நனிகுட்டி அம்மா என்பவர் தான் அடமானம் வைத்த தன்னுடைய நிலங்களை நிலுவைத் தொகையை செலுத்தி மீட்க முடியாத காரணத்தினால் ராமபட்டிணம் ஜமீனின் மேலாளர் (மேனேஜர்) அந்நிலங்களை ஜப்தி செய்தார். 

இராமபட்டிணம் ஜமீனின் வடவன்னூர் ஆவணம்

தமிழ்நாட்டின் முன்னாள் முதலமைச்சர் திரு.எம்.ஜி.ராமசந்திரன் (MGR) அவர்கள் 1917ம் ஆண்டில் அன்றைய ராமபட்டிணம் ஜமீன்தாரியின் ஆட்சிப்பகுதியான வடவன்னூரில் பிறந்தார் என்பது குறிப்பிடத்தக்கது.

ராமபட்டிணம் பாளையத்தின் ஆட்சிக்கு உட்பட்ட 
ராமபட்டிணம் - வடவன்னூர் - பல்லசேனா (மீன்குளம்)