ஸ்ரீ அச்சுததேவராயரின் கயா சாசனம்

 

அச்சுததேவராயர் யதுகுல சாசனம்:-

கயாவில் உள்ள விஷ்ணுபாதம் திருக்கோவில்

இடம்:- ஸ்ரீ விஷ்ணு பாதம் திருக்கோவில், கயா, பீகர் மாநிலம்

காலம்:-  விகாரி ஆண்டு 1588, மார்கழி 30ம் நாள் வெள்ளிக்கிழமை

ஆங்கில வருடம்:-  கி.பி.1531, டிசம்பர் 8,

கல்வெட்டு மொழி:-  கல்வெட்டு முழுவதும் தெலுங்கு மொழியில் எழுதப்பட்டுள்ளது.

அரசர் :-   விஜயநகர பேரரசர் ஸ்ரீ அச்சுததேவ மகாராயர்

கயா விஷ்ணு பாதம் திருக்கோவிலில் அமைந்துள்ள
மகாவிஷ்ணுவின் திருப்பாதம்

தெலுங்கில் கல்வெட்டின் அசல் வரிகள்:-

1, [స్వస్తి] శ్రీ విజయాద్భు (భ్య) ద

2, [య శా] లివాహన శత(క) వరుషం

3, [బులు] ౧౫౮౮ (బి) విక్రమ నామ సం

4 [వ] త్సర మాగ్గ౯శిర  ౩ం శు 

5, [శ్రీ] మన్మహా | రాజాధి రాజ ౹ [రా]

6, జ పరమేశ్వర | శ్రీ వీర ప్రతాప హిం

7, (దు) రాజ్యస్తా (స్థా) పనాచాయ్య౯ క్రియ | య

8, [దు] కులతిలక | తింమ్మయ ఇ 

9, రే (ఈ)శ్వర | నారసింహ్వ(హ)౹ మండలే 

10, [శ్వర] శ్రీవీర అచ్చుత్త (చ్యుత) రాయమ 

11, [హారా]యల ౹ ధమ్మ (౯) శ్యా(శా)సనం ౹ తిం

12, నుణంన 

13, విజయ

14, నగరం

15, సింహా

16, సనక

17, త్త౯ల

18, గయా

19, ముక్తి

20, ౦ సేసె

21, సు ॥

தமிழில் கல்வெட்டு வரிகள்:-

அச்சுததேவராயரின் - கயா சாசனம்

1,  .  . ஸ்ரீ விஜயாத்பு(ப்யூ)த

2,  .  . லிவாஹன - சத - வருஷம்

3,  .  . 1588 பி(வி)க்ரம - நாம - சம்

4,  .  த்சர மார்க்கசீர - ப 30 சு

5,  .  மன்-மஹா|ராஜாதிராஜ|.

6, [ஜ] பரமேஸ்வர |ஸ்ரீ வீரபிரதாப|ஹிம்

7, [து] - ராஜ்ய - ஸ்தா(ஸ்தா)பன் - ஆச்சார்ய|ய-

8, [து] - குல-திலக -|திம்(தி)மய்ய ஈ -

9, ரேஸ்வர|நரசிம்ஹ்ய(ஹ)|மாம்டலே -

10,  .  .  ஸ்ரீ வீர அச்சுத ராய - ம

11,  .  .  யால தர்ம்ம-ஸ்யா(சா)சனம்|திம் -

12, மணம்ன

13, [வி]ஜய - 

14, [ந]கரம்(ர) -

15, சிம்ஹா -

16, சன - க

17, ர்தா(ல)

18, கயா -

19, முக்த -

20, ம் சே(ச்சே)சே

21, னு [|*]

கல்வெட்டில் உள்ள செய்தி:-

சாலிவாகன சக வருஷம் 1588 விக்ரம வருடம், மார்கழி மாதம் வெள்ளிக்கிழமை (சுக்கிரவாரம்) 30ம் நாள், விஜயநகர சிம்மாசனத்தை அலங்கரித்த ஸ்ரீமன் மஹாராஜாதிராஜன், ராஜபரமேஸ்வரன், ஸ்ரீவீரபிரதாபன், ஹிந்து ராஜ்ஜிய ஸ்தாபனாச்சாரியன் மற்றும் யது குல திலகனான பேரரசர் ஸ்ரீ அச்சுதேவ மகாராயரின் முன்னோர்களான திம்ம நாயக்கர் (திம்மய்யன்), ஈஸ்வர நாயக்கர் (ஈரேஸ்வரன்), நரச நாயக்கர் (நரசிம்ஹன்) ஆகியோர்களின் ஆன்மா முக்திப்பெற்று இறைவனை அடைய கயாவில் அச்சுததேவராயரின் சார்பில் திம்மணன்னாவால் திதி கொடுக்கப்பட்டதற்காக அச்சுதேவராயரால் வழங்கப்பட்ட தர்ம சாசனம்.

கல்வெட்டின் விரிவான விளக்கம்:-

கயா சாசனத்தின் விளக்கம்

இந்த கல்வெட்டு பீகார் மாநிலம், கயாவில் உள்ள விஷ்ணுபாதம் கோவிலின் வலதுபுறத்தில் உள்ள மகாதேவர் சன்னதியில் வைக்கப்பட்டுள்ள சிற்பவகை கற்பலகையில் பொறிக்கப்பட்டுள்ளது. 

எவ்வித பாதுகாப்பும், தடுப்பும் அற்ற இக்கல்வெட்டின் மேற்பரப்பு சுமார் 20 அங்குல உயரமும் 12 அங்குல அகலமும் கொண்டது. 

கல்வெட்டில் மொத்தம் 21 வரிகள் எழுதப்பட்டுள்ளன. கல்வெட்டு சாசனத்தின் கீழ் பகுதியின் மையத்தில் துர்கா தேவியின் உருவம் தெளிவாக உள்ளது. கல்வெட்டின் 1-11 வரையிலான வரிகள் தெய்வத்தின் உருவத்திற்கு மேற்புறத்தில் பொறிக்கப்பட்டுள்ளன. 

அதே நேரத்தில் 12 மற்றும் 18-21 வரையிலான வரிகள் அதன் வலதுபுறத்திலும் 13-17 வரையிலான வரிகள் அதன் இடதுபுறத்திலும் பொறிக்கப்பட்டுள்ளன. 13-17 வரையிலான வரிகளுக்கு மேலே மற்றும் துர்க்கை படத்தின் இடதுபுறத்தில் 12வது வரி சரியாக வெட்டப்பட்டிருக்கிறது.

கல்வெட்டு சுமார் 16 ஆம் நூற்றாண்டைச் சேர்ந்த தெலுங்கு எழுத்துக்களில் எழுதப்பட்டுள்ளது. கல்வெட்டில் உள்ள எழுத்துக்கள் ஸ்ரீ கிருஷ்ணதேவராயர் காலப் கல்வெட்டு, செப்பேடு போன்ற ஆவணங்களுக்கு மிக நெருக்கமாக ஒத்திருக்கிறது. "ச்" என்ற எழுத்து இரண்டு வெவ்வேறு வடிவங்களில் எழுதப்பட்டுள்ளது. (ச். ஸ்தாபன - ஆ"ச்"சார்யா - [வரி = 7] மற்றும் அ"ச்யு"த்த [வரி = 10] ), அதே நேரத்தில் "த" என்னும் எழுத்து தற்கால தெலுங்கு மொழியின்  "க" வை ஒத்திருக்கிறது.

விகாரி என்னும் சொல்லில் (வரி = 3) "வி" என்னு எழுத்திற்கு பதில் "பி" பயன்படுத்தப்பட்டுள்ளது. 

கல்வெட்டின் மொழி தெலுங்கு மற்றும் கல்வெட்டின் பதிவு உரைநடை வடிவில் எழுதப்பட்டுள்ளது. 

ஈஸ்வர என்பதற்கு பதில் ஈரேஸ்வர என்னும் சொல் பயன்படுத்தப்பட்டுள்ளது (வரிகள் = 8-9), அச்சுத்த (வரி = 10), சாசனத்திற்கு ஸ்யாசனம் (வரி = 11), சேசனு (வரிகள் = 20-21) போன்ற சொற்களின் சில தவறான எழுத்துப்பிழைகளைக், கொண்டிருப்பது கல்வெட்டு செதுக்கியவரின் எழுத்தறிவு குறைப்பாட்டை வெளிப்படுத்துகிறது. குறிப்பாக கிருஷ்ணதேவராயர் காலத்து சிற்பிகளை ஒப்பிடும்போது சற்றே எழுத்தறிவு குறைப்பாடுள்ளவராகவே தோன்றுகிறது. 

இக்கல்வெட்டின் தேதிக் குறிப்புகள் மிகவும் சுவாரஸ்யமானது. இது சாலிவாஹன சகம் 1588, விகாரி வருடம், மார்க்கசீர (மார்கழி) மாதம்  30ம் நாள், வெள்ளிக்கிழமை என 1-4 வரையிலான வரிகளில் பொறிக்கப்பட்டது. 

ஆனால் 1588 ஆம் ஆண்டு உண்மையில் விக்ரம (சம்வத்சரம்) வருடத்திற்கு உரியது, சக யுகத்திற்குரியது அல்ல. இது பல அறிகுறிகளின் மூலம் தெளிவாக பரிந்துரைக்கப்படுகிறது. 

முதலாவதாக, வட இந்திய மற்றும் தென்னிந்திய நாட்காட்டிகளின் சுழற்சி ஆண்டான விகாரியில் இருந்து சக வருடம் 1588 வெகு தொலைவில் உள்ளது, அதுதவிர தேதி விவரங்களும் கூறப்பட்ட சக ஆண்டிற்கு பொருந்தாதவை. 

இரண்டாவதாக, வடஇந்திய நாட்காட்டியின் விகாரி ஆண்டு 1588 உடன் ஒத்துள்ளது. மேலும், கயாவில் கண்டுபிடிக்கப்பட்ட வேறு சில கல்வெட்டுகளில் விக்ரம ஆண்டு மற்றும் வட இந்திய சுழற்சி ஆண்டு ஆகிய இரண்டும் ஒருசேர அருகருகே பொறிக்கப்பட்டுள்ளதையும் காணமுடிகிறது.

மூன்றாவதாக, தேதியின் விவரங்கள் ஆண்டு வழக்கில் மட்டுமே வழக்கமானது 1588 ஆம் ஆண்டு வட இந்திய நாட்காட்டியின் விகாரி ஆண்டுடன் தொடர்புடையது மற்றும் இந்த தேதியானது விஜயநகரத்தின் துளுவ வம்சத்தின் மன்னர் அச்சுதராயரின் ஆட்சியின் போது அமைக்கப்பட்டதாகக் கூறப்படும் கல்வெட்டில் உள் ஆதாரங்களுடன் ஒத்துப்போகிறது, மேலும் பேரரசர் அச்சுததேவராயர் கிருஷ்ணதேவராயரின் மாற்றாந்தாய் சகோதரன் மற்றும் அரியணை வாரிசும் ஆவார். ராயர் மற்றும் கி.பி. 1529-46 காலத்தில் ஆட்சி செய்தார். மறுபுறம், இக்கல்வெட்டில் குறிப்பிடப்படும் சாலிவாகன சகம் 1588 (கி.பி. 1666) ஆண்டை நேக்கினால் விஜயநகரத்தின் அச்சுதராயரின் காலத்திற்கு ஒரு நூற்றாண்டுக்கும் மேலாகவே செல்கிறது. 

எனவே தேதியின் விவரங்கள், அதாவது.  1588, விகாரி வருடம், மார்கசீர மாதம் (மார்கழி மாதம். 30, வெள்ளிக்கிழமை), என்பது ஆங்கில பொது வருடத்தின்படி 8 டிசம்பர் கி.பி.1531ம் ஆண்டுடன் தொடர்புடையது.

வடஇந்திய சமஸ்கிருத - 60 சுழற்சி வருடங்கள்

மேலே விவாதிக்கப்பட்ட கல்வெட்டின் தேதியை தொடர்ந்து 5-11 வரிகளில் இந்த தர்ம-சாசனம், திம்மைய்யனின் கொள்ளுப் பேரனும் ஈஸ்வரனின் பேரனும்,  நரசிம்மரின் மகனுமான ஸ்ரீ வீர அச்சுதராயமஹாராய மன்னருக்கு சொந்தமானது என்று கூறுகிறது. 

தர்ம -சாசனம் என்பது சமயம் தொடர்பான ஆவணம் என்று பொருள்படும், எனவே சந்தேகத்திற்கு இடமின்றி  இக்கல்வெட்டையே அச்சொல் குறிக்கிறது. மன்னரின் சார்பாக கயாவிற்கு யாத்திரை செய்த ஒருவரால் இந்த சாசனம் அமைக்கப்பட்டது என்பதால், தற்போதைய சூழலில் இது மிகவும் பொருத்தமானது. மன்னர் அச்சுதராயர் கல்வெட்டில் ராஜாதிராஜ, ராஜபரமேஸ்வர மற்றும் வீரபிரதாப மற்றும் இந்து ராஜ்ஜிய ஸ்தாபனாச்சார்யன் (அதாவது இந்துக்களின் ராஜ்ஜியத்தை நிலைநிறுத்துவதற்கு வழிகாட்டக்கூடியவர்) மற்றும் யது குல திலகம் (அதாவது யது குலத்தின் ஆபரணம்) என்கிற புகழாரங்கள் இடம்பொற்றுள்ளன. கல்வெட்டின் 12ம் வரி ஒரு குறிப்பிட்ட நபரான திம்மப்பண்ணா என்பவர் விஜயநகர சிம்மாசனத்தின் அரசர்களை கயா - முக்தர்கள் ஆக்கினார் (விஜயநகர மன்னர்களை மோட்சத்திற்கு வழியனுப்பினார்) என்று குறிப்பிடுகிறது. 

13-17 வரிகளில் உள்ள விஜய நகரம் -சிம்ஹாசன-கர்தா[ல] என்ற பகுதி, கல்வெட்டில் குறிப்பிடப்பட்டுள்ள மன்னர்கள் பெயர்கள், அச்சுதராயரின் மறைந்த முன்னோர்களைக் குறிக்கிறது. கயா-முக்தா (கயாவில் மோட்சம்பெறுதல்) என்ற வார்த்தையின் அர்த்தம், திம்மனண்ணா கயாவில் அச்சுததேவராயரின் சார்பாக மனானரின் மூதாதையர்களுக்கு திதி செய்ததின் மூலம் அவர்களின் ஆன்மாக்கள் மோட்சத்திற்கு அழைத்து செல்லப்பட்டதாக தெரிவிக்கின்றது. இந்த திம்மப்பண்ணா என்பவர் விஜயநகர மன்னரின் மதகுருவாக இருக்கலாம். 

இந்தக் கல்வெட்டு, விஜயநகர துளுவ வம்சத்தின் ஆரம்பகால பேரரசரான அச்சுதராய மன்னரின் வம்ச வரலாற்றைக் கொடுக்கிறது, மேலும் இது போன்ற வம்சாவளி விவரங்கள் அவரது சந்ததியினரின் சில செப்பேடுகளிலும், மானியங்களிலும், மனுசரித்திரம் மற்றும் ஆமுக்தாமால்யதா போன்ற இலக்கியப் படைப்புகளிலும் மட்டுமே குறிப்பிடப்பட்டுள்ளது. 

தஞ்சாவூர் மற்றும் ஸ்ரீரங்கத்தில் உள்ள இரண்டு கல்வெட்டுகளில் குறிப்பிடப்பட்டுள்ள திருமலைதேவர் என்ற படைத்தலைவர் துளுவ வம்சத்தின் திம்ம நாயக்கருடன் அடையாளம் காணப்பட்டுள்ளார். இவ்விரண்டு கல்வெட்டுகளுக்கும் முந்தைய சக வருடம் 1377 (கி.பி. 1455) என தேதியிடப்பட்ட ஒரு கல்வெட்டில் மகாமண்டலேசுவர மேதினிமிசாரகண்ட கட்டாரி சாளுவ திருமலைதேவ மகாராஜா (திம்ம நாயக்கன்) என்கிற சேனைத் தலைவரைக் குறிக்கிறது. அச்சுதராயரின் கல்வெட்டிலும் இவரை குறிப்பிடுவது வியக்க வைக்கிறது மற்றும் கயாவில் திம்மப்பண்ணனால் தர்பணம் செய்யப்பட்ட அச்சுதராயரின் மூதாதையர்களில் இவரும் ஒருவர் என்பதையும் விளக்குவது போல் தெரிகிறது.

 திம்மபண்ணா என்பவர், அச்சுதரேயரால் கயாவிற்கு தனது சார்பாக, அரசின் செலவில் புனித யாத்திரை செய்யவும், மறைந்த தன் முன்னோர்களுக்கு தர்பணம் செய்யவும் அனுப்பப்பட்டார். அகவே, அச்சுதராயரே கயாவிற்கு விஜயம் செய்தார் அல்லது தென் பீகாருடன் தொடர்பு வைத்திருந்தார் என்பதை இக்கல்வெட்டை மட்டுமே கொண்டு மதிப்பிடமுடியாது.

குறிப்பு:-

ஸ்ரீ அச்சுததேவ மகாராயர் - வரதாஜி அம்மன்

துளுவ நரச நாயக்கருக்கு மூன்று மனைவிகள்

1, திப்பாஜிதேவி (திப்பாம்பாள்)

2, நாகலாதேவி (நாகலாம்பாள்)

3, ஓபலாதேவி (ஓபலாம்பாள்)

இவர்களில் முதல் மனைவியான திப்பாஜி தேவிக்கு பிறந்தவர் வீர நரசிம்மராயர். இவர் கி.பி.1503 முதல் கி.பி.1509 வரை விஜயநகரத்தை ஆண்டார்.

இரண்டாவது மனைவியான நாகலாம்பாளுக்கு பிறந்தவர் ஸ்ரீகிருஷ்ணதேவராயர். இவர் தனது அண்ணனின் மரணத்திற்கு பிறகு கி.பி.1509 முதல் கி.பி.1529 வரை விஜயநகரப் பேரரசை ஆண்டார்.

நரசநாயக்கரின் மூன்றாவது மனைவியான ஓபலாதேவிக்கு பிறந்தவர் ஸ்ரீஅச்சுததேவராயர். இவர் தனது அண்ணன் கிருஷ்ணதேவராயரின் மரணத்திற்கு பிறகு கி.பி.1529 முதல் கி.பி.1546 வரை விஜயநகரப் பேரரசை ஆண்டார். இவரது பட்டத்தரசி வரதாஜிதேவி (வரதாம்பாள்) சலகம் (Salakam) குடும்பத்தை சேர்ந்தவர் என்பது குறிப்பிடத்தக்கது.

விஜயநகர துளுவ வம்ச வம்சாவழிகள்