வீரப்பாண்டிய கட்டபொம்ம நாயக்கர் 262வது பிறந்தநாள்

 

வீரபாண்டிய கட்டபொம்மன் வரலாற்று சிறுக் குறிப்பு:-

மன்னர் வீரப்பாண்டிய கட்டபொம்மன்

வீரபாண்டிய கட்டபொம்மன் பிறப்பு:-

தமிழகத்தில் உள்ள இன்றைய தூத்துக்குடி மாவட்டத்தின் மத்தியில் அமைந்துள்ளது பாஞ்சாலங்குறிச்சி. அந்த ஊரில் 1760ஆம் ஆண்டு ஜனவரி 3ஆம் தேதி திக்விஜய கட்டபொம்மன் மற்றும் ஆறுமுகத்தம்மாள் என்கிற தம்பதிக்கு மகனாய் பிறந்தார். இவரது இயற்பெயர் ஜெகவீரபாண்டியன் மற்றும் அவர்களது குடும்பப்பெயர் கட்டபொம்மு இவ்விரண்டும் சேர்ந்து வீரபாண்டிய கட்டபொம்மன் என்றானது.

பெயர் – ஜெகவீரபாண்டிய கட்டபொம்மு நாயக்கர்

பிறந்த தேதி மற்றும் ஆண்டு – ஜனவரி 3, 1760

பெற்றோர் – திக்விஜய கட்டபொம்மு நாயக்கர், ஆறுமுகத்தம்மாள்

பிறந்த ஊர் – பாஞ்சாலங்குறிச்சி

இளம் வயது மற்றும் திருமண வாழ்க்கை:-

கட்டபொம்மனின் உடன் பிறந்தவர்களுடன் சேர்த்து மொத்தம் ஐந்து. அவருக்கு இரண்டு சகோதரர்கள் மற்றும் இரண்டு சகோதரிகள் உண்டு. கட்டபொம்மன் அரச குடும்பத்தை சேர்ந்தவர் என்பதால் செல்வாக்காகவே வளர்ந்தார் . பிறகு தனது தந்தையின் மேல் வைத்திருந்த பாசம் மற்றும் ஈர்ப்பின் பேரில் அவர் தனது இளம் வயதில் தனது தந்தையான திக்விஜய கட்டபொம்மனுடனே அவருக்கு உதவியாக இருந்தார் .

பிறகு அவர் வாலிப வயதினை அடைந்ததும் வீரசக்கம்மாள் என்னும் மங்கையை திருமணம் செய்து கொண்டார். இத்தம்பதியினருக்கு அவர்கள் இறக்கும்வரை புத்திர பாக்கியம் அமையப்பெறவில்லை.

அரியணை எறிய பாஞ்சையின் 46வது பாளையக்காரர்:-

கயத்தாறு கட்டபொம்மன் சிலை

தனது 30 ஆம் வயதில் தனது தந்தையின் அரியாசனத்தில் அமர்ந்து பாஞ்சாலங்குறிச்சியை ஆண்டார். கட்டபொம்மன். அவருக்கு இரு சகோதரர்கள் இருந்தும் அவரே அரியணை ஏறினார். இதற்கு காரணம் அவர் முத்தவர் என்பதால் மட்டுமல்ல, அவர் தனது நாட்டு மக்களிடம் பெற்ற நன்மதிப்பும் மற்றும் அவரது வீரமும் தான் இவையிரண்டை வைத்தே அவர் பாளையக்காரர் அரியாசனத்தில் ஏறினார்.

பாஞ்சாலங்குறிச்சியில் வரி வசூல் செய்ய முயன்ற ஆங்கிலேயர்கள்:-

வீரபாண்டிய கட்டபொம்மன் அவர்கள் அரியணை பொறுப்பை ஏற்ற அதே சமயத்தில், ஆங்கிலேயர்கள் பிரித்தானிய கிழக்கிந்திய கம்பெனியை இந்தியாவில் தொடங்கியது. அக்கம்பெனியின் நேரடி ஆட்சி திருநெல்வேலியிலும் உருவானது. இதனால், திருநெல்வேலியை சுற்றியுள்ள அனைத்து பாளையக்காரர்களிடம் வரி வசூலிக்க வேண்டுமென்ற எண்ணம் கொண்ட ஆங்கிலேயர்கள், அதற்காக ஆங்கிலேய நிர்வாகிகளாகக் கலெக்டர்களை நியமித்தனர். இதற்கு பெரும்பாலானப் பாளையக்காரர்கள் ஒத்து வராமல், தடைக் கற்களாக இருந்ததால், அவர்களை ஒழிக்க எண்ணிய ஆங்கிலேயர்கள், பாளையக்காரர்களில் ஒருவருக்கு மற்றவர் எதிரிகளாக்கும் பிரித்தாளும் சூழ்ச்சியை மேற்கொண்டனர். ஆங்கிலேயர்களுக்கு பயந்த சிலர், அவர்களுக்கு வரி செலுத்தியதால், அவர்களுக்குப் பல சலுகைகள் தந்தனர். அவர்களை எதிர்த்தவர்களுக்கு அதிக வரி விதித்து, தண்டனையும் வழங்கினர்.

ஜாக்சன் துரையை நோக்கி சீறிய கட்டொம்மன்:-

பாஞ்சாலங்குறிச்சிக்கு வருவாய் அளித்து வந்த வளமான பகுதிகளான திருவைகுண்டம், ஆழ்வார்த் திருநகர் போன்றவை ஆங்கிலேயர்களின் ஆட்சியின் கீழ் வந்ததால், கட்டபொம்மனால் வரி செலுத்த முடியவில்லை. கப்பம் கட்ட போதிய பணம் இல்லாமல் வறட்சியில் தவிக்கும் தனது மக்களிடம் வரி கேட்க துளியும் விருப்பமில்லாத கட்டபொம்மன், தன்னிடம் வரி கேட்க வந்த ஆங்கிலேயே கலெக்டர் ஜாக்சன் துரையிடம் 

“நீர் தான் ஜாக்சன் துரை என்பவரா? “வரி, வட்டி, திறை, கித்தி. எங்களோடு வயலுக்கு வந்தாயா? ஏற்றமிறைத்தாயா? நீர் பாய்ச்சி நெடுவயல் நிறையக் கண்டாயா? அங்கே கொஞ்சி விளையாடும் எங்குலப் பெண்களுக்கு மஞ்சளரைத்துக் கொடுத்தாயா? மாமனா? அல்லது மச்சானா? மானங்கெட்டவனே! யாரைக் கேட்கிறாய் வரி, எவரைக் கேட்கிறாய் வட்டி”.

என்று பேசிய வீர வசனம் இன்றளவும் மக்கள் மனதில் நீங்கா இடம் பிடித்திருக்கிறது.

கட்டபொம்மன் நிகழ்த்திய போர் :-

ஆங்கிலேயர்கள் திப்பு சுல்தானை வீழ்த்திய பிறகு அவர்களது பார்வை வீரபாண்டிய கட்டபொம்மன் மீது திரும்பியது. இவரை வீழ்த்தினால் தான் நாம் நிம்மதியாக இருக்க முடியும் என்று நினைத்த ஆங்கிலேயர்கள் அவர் மீது போர் தொடுக்க தயாரானார்கள். இதனை முன்பே கணித்திருந்த கட்டபொம்மன் தனது ஆதரவாளர்களுடன் ஆங்கிலேயரை எதிர்த்தார். போரில் கடுமையாக சண்டையிட்டும் பயனில்லாமல் அவரது கோட்டை ஆங்கிலேயர்களால் கைப்பற்றபட்டது.

போரில் தனது ராஜ்ஜியத்தை இழந்த கட்டபொம்ம நாயக்கர் புதுக்கோட்டை மன்னர் தொண்டைமானிடம் அடைக்கலம் கேட்டார். ஆனால் ஆங்கிலேயர்களுக்களுக்கு பயந்து அந்த மன்னன் வீரப்பாண்டிய கட்டபொம்மனை காட்டிக்குடுத்துவிட்டார். அதோடு அவரையும் ஆங்கிலேயர்கள் சிறைபிடித்தனர்.

இறக்கும் தருவாயில் அவர் பேசிய வீர வசனங்கள் :-

மரத்தடியில் விசாரணை நடத்தி கட்டபொம்மனை குற்றவாளியென்கிறான் வெள்ளையன். தன் மீது சுமத்தப்பட்ட “குற்றங்களை’ கட்டபொம்மன் மறுக்கவில்லை. உயிர்ப்பிச்சை கேட்கவுமில்லை. மேலும் கம்பீரத்தோடு “எனது தாய்மண்ணைக் காப்பதற்காக, ஆங்கிலேயர்களுக்கு எதிராக பாளையகாரர்களைத் திரட்டினேன், போர் நடத்தினேன்” என்று முழங்கியவாறு தூக்குமேடையேறினார் கட்டபொம்மன்.

தூக்கு மேடை ஏறிய போதும், அவரது பேச்சில் வீரமும், தைரியமும் நிறைந்திருந்தது. இது சுற்றி நின்ற அனைவரின் மனத்திலும் பெருமிதத்தை உருவாக்கியது. தூக்குமேடை ஏறியபோது, “இப்படிச் சாவதைவிட பாஞ்சாலங்குறிச்சி கோட்டையைப் பாதுகாப்பதற்காகப் போரிட்டுச் செத்திருக்கலாம்" என்று கட்டபொம்மன் மனம் நொந்து கூறினார். 

இறப்பு:- 

வீரபாண்டிய கட்டபொம்மன் அவர்கள், ஆங்கிலேயேத் தளபதி பேனர்மேன் உத்தரவின் படி, அக்டோபர் 19ஆம் தேதி, 1799ஆம் ஆண்டில் கயத்தாறில் தூக்கிலிடப்பட்டார். தூக்குக் கயிற்றை முத்தமிட்ட வீரரை வைகுண்டம் அழைத்துக்கொண்டது.

அரசின் மரியாதைகளும், நினைவுச்சின்னங்களும்:-

கயத்தாறு கட்டபொம்மன் நினைவிடம்

* கயத்தாறில் கட்டபொம்மன் அவர்களின் நினைவிடம் உள்ளது.

* கட்டபொம்மன் அவர்களின் வாழ்க்கை வரலாறு பல்வேறு தமிழ் புராணங்கள் மற்றும் காவியக் கவிதைகளில் இடம்பெற்றுள்ளன.

* ஆங்கிலேயர்களை இந்திய மண்ணில், ஆரம்ப காலத்திலேயே எதிர்த்த சுதந்திரப் போராளிகளுள் ஒருவராக இன்றளவும் இந்திய அரசாங்கத்தால் கருதப்படுகிறார்.

வீரப்பாண்டிய கட்டபொம்மன் நினைவுக் கோட்டை

* 1974 ல், தமிழக அரசு அவரது நினைவாக ஒரு புதிய நினைவு கோட்டை கட்டியது. மெமோரியல் ஹால் முழுவதும் அவரது வீரச்செயல்களையும், வாழ்க்கை வரலாற்றை சித்தரிக்கும் வண்ணமாக, சுவர்களில் அழகான ஓவியங்கள் இடம்பெற்றிருக்கும். பிரிட்டிஷ் சிப்பாய்களின் கல்லறை கூட கோட்டை அருகே காணப்படுகின்றன.

* அவரது அரண்மனைக் கோட்டையின் எச்சங்கள் இன்றளவும் இந்திய தொல்பொருள் ஆராய்ச்சி நிறுவனத்தால் பாதுகாக்கப்படுகின்றன.

வீரபாண்டிய கட்டபொம்மன் நினைவு
மணிமண்டபம்

* அவர் தூக்கிலிடப்பட்ட இடமான திருநெல்வேலிக்கு அருகேயுள்ள கயத்தாறில், அதாவது இன்றைய NH7 இல், கட்டபொம்மன் அவர்களுக்கு மற்றுமொரு நினைவுச்சின்னம் இருக்கிறது.

வெல்லிங்டன் ராணுவப் பயிற்சி முகாமில்
உள்ள வீரப்பாண்டிய கட்டபொம்மன் சிலை

* அவரது வீரத்தை போற்றும் விதமாகவும், நினைவுக் கூறும் விதமாகவும் தமிழ்நாட்டில் உள்ள வெலிங்டனில் ஒரு சிலை வைக்கப்பட்டிருக்கிறது.

கட்டபொம்மன் அஞ்சல் தலை

* கட்டபொம்மன் அவர்களை கௌரவிக்கும் விதமாக, அவர் தூக்கிலிடப்பட்டு இரு நூறாம் ஆண்டு விழாவின் நினைவாக அக்டோபர் 16, 1799 ஆம் ஆண்டில், இந்திய அரசு ஒரு தபால் முத்திரையை வெளியிட்டது.

ஐ.என்.எஸ் கட்டபொம்மன்

* இந்தியாவின் முதன்மையான தொடர்பு நரம்பு மையமாகக் கருதப்படும் விஜயனாரயனத்தில் அமைந்துள்ள இந்திய கடற்படைக்கு ‘ஐஎன்எஸ் கட்டபொம்மன்’ என பெயரிடப்பட்டது.

திருநெல்வேலி வீரப்பாண்டிய கட்டபொம்மன்
போக்குவரத்துக் கழக பேருந்துகள்

* 1997 வரை, திருநெல்வேலி மாவட்டத்திலிருந்த அரசு போக்குவரத்து பேருந்துகள் அனைத்தும் ‘கட்டபொம்மன் போக்குவரத்து கழகம்’ என்ற பெயராலேயே இயங்கிக் கொண்டிருந்தன.

* வீரபாண்டிய கட்டபொம்மன் பண்பாட்டுக் கழகம் (வீரபாண்டிய கட்டபொம்மன் கலாச்சார சங்கம்), என்ற ஒரு அமைப்பு அவரது நினைவாக பெயரிடப்பட்டு, செயல்பட்டு வருகிறது.

* மாவட்ட நிர்வாகம் அவரது ஆண்டுவிழாவை, பாஞ்சாலங்குறிச்சியில் `வீரபாண்டிய கட்டபொம்மன் விழாவாக’ கொண்டாடுகிறது.

வீரப்பாண்டியருக்கு புகழுரை மடல்:-

வீரப்பாண்டிய கட்டபொம்மனைப்பற்றி நாம் எத்துணை கவிதைகள் தீட்டினால் அவைகள் அவரின் பெரும் புகழுக்கு சான்றாகாது மாறாக பெரும் தலைவர்களின் புகழுரைகளை எடுத்துக் கூறி அவரது பிறந்தநாளில் அவரின் பாதங்களில் சமர்ப்பிப்பதே சிறப்பினும் சிறப்பு.

 

ராஜகோபாலச்சாரியார்

* "கட்டபொம்மனுக்கு முந்தைய காலத்திலே ஜனங்களுக்கு சந்தேகம் யார் தேசத்தை ஆள்வது என்பதிலே, கட்டபொம்மன் காலத்திலே பிரிட்டிஷ் அரசாங்கம் சந்தேகமற ஆட்சிப் புரிந்துக் கொண்டிருந்தது  அந்த காலத்தில் வீரன் கட்டபொம்மன் பிரிட்டிஷாரை எதிர்த்தார்,

 எது தைரியம், எது அதிக வீரீயம்? - என்பதை நீங்களே யோசித்துப்பார்க்கலாம்"

         

      - முதறிஞர் ராஜாஜி 

மு.வரதராசனார்

* "தமிழகத்தின் சரித்திரத்திலேயே சேரன்-செங்குட்டுவன், ராச ராச சோழன் ஆகிய இருப்பெரும் வீரர்களுக்குப் பிறகு அவர்களோடு ஒப்பிட்டு பேசக்கூடிய ஒருவீரர் தோன்றினானென்றால் அவர் வீரப்பாண்டிய கட்டபொம்மனே தான்"

- மு.வரதராசனார் (மு.வ)

ம.பொ.சிவஞானம்

* "ராச ராச சோழனுக்குப் பிறகு வந்த முதல் வீரன்."

* "வீரப்பாண்டிய கட்டபொம்மன் தமிழில் புலமைப் பெற்றவர், புலவர்களுக்கெல்லாம் வாரி வழங்கிய புரவலரும் கூட"

- சிலம்புச் செல்வர் ஐயா ம.பொ.சிவஞானம்

வாழ்க வீரப்பாண்டிய கட்டபொம்மனின் பெரும் புகழ்!!!!