கட்டபொம்மனின் திருவாடுதுறை செப்பேடு

திருச்செந்தூர் கோவிலுக்கு  கட்டபொம்மன் வழங்கிய செப்பேடு:-

திருச்செந்தூர் சுப்பிரமண்ய சுவாமி

வருடம்:-  கி.பி.1778 - 1779, 18 ஜனவரி

சாலிவாகன சகாப்தம்:-  சக வருடம் 1700, தை மாதம் 28ம் நாள்

செப்பேட்டில் உள்ள மொழி:-  செப்பேடு முழுவதும் தமிழ் மொழியிலேயே பொறிக்கப்பட்டுள்ளது.

ஆட்சிக்காலம்:-  பாஞ்சாலங்குறிச்சி ஆண்ட மன்னர் ஜெகவீரராம ஜெகவீரப்பாண்டிய கட்டபொம்மன் நாயக்கர்.

பொருள்:-  திருச்செந்தூர் கோயில்த் திருப்பணிக்குக் வீரப்பாண்டிய கட்டபொம்மனின் கொடை.

செப்பேட்டின் வரிகள்:-

1. உ சுவத்திரி சகாற்றம் 1700க்கு மே

2. ல்ச் சொல்லா நின்ற கொல்லம் வருசம் விளம்பி வருசம்

3. உத்தராயணமான தை 28 தேதி குருவாரமும் பூறுவ பட்

4. சத்துத் துவாதெசியும் மாகேந்திரநாக யோகம் பால

5. வாகறணமும் சுபயோக சுபகரணமும் பெத்த மிருகசீ

6. ருச நட்செத்திரத்தில் நாள்ச் செய்த தான சாதனப்

7. பட்டையமாவது குடநாட்டுத் திருச்செந்தூரான தி

8. ரிபுவன மகாதேவி சதுர்வேதிமங்கலம் நா

9. யனாரிளைய நாயினாரான சிருட்டித் திதி சங்க 

10. ராத்தி ரோபா வெனுக்கிரக பஞ்ச சுத்த

11. வலிய வீரமயில் வாகன குக்குடத் துவஜ

12. சுரான சுராயிட சகல சத்தியாதமக சுரூப 

13. வல்லி தேவநாயகி சமேத சுப்பிரமணிய

14. சுவாமி சன்னிய்தானத்தில்த் திருப்ப

15. ணிக்கு ஆச்சந்திராக்கம் ஆகத் தான

16. சாதனப் பட்டையமாவது பாஞ்சை

17. நகராதிபன் சக்கதேவி அனுகூலன்

18. துட்ட நிக்கரக சிட்ட பரிபாலனன் கெ

19. ச மன்னியர் கோளரி மறு மன்னியர்

20. சற்ப்ப கெருடன் ரணமுக சுத்த வீரன்

21. அருண நயமுக சந்திரோதய ணியலிசை

22. நாடக முத்தமிழாதிபன் கவி சாருவ பூம

23. ன் பச்சைக் குடை பூச்சக்கிறவாளக கு

24. டைக்கதிபன் தண்டுவார் முண்டன் தென்

25. னாட்டு ராயன் ரட்டை வாள்க்கதிபென் மயில்

26. க் கொடிச் சேவல்க் கொடி ரிசபக் கொடி அனு

27. மக் கொடிக் கெருடக் கொடிக் கதிபன் சோ

28. 'தினிலுகந்த சிவ கந்தனடி மறவாத அடியே

29. ன் செகவீர ராமச் செகவீர பாண்டியக் கட்ட

30. பொம்ம நாயக்கரோம் தான சாதனமாகத்

31. தாம்புர சாதனப் பட்டைய மெளுதிக்

32. கொடுத்தபடி தான சாதனமாகத் தாம்

33. புர சாதனப் பட்டையமானது யென்னு

34. டைய ஆதிக்கத்தில்ச் சேர்ந்த கிறாமம்

35. உண்பளக் கிறாமஞ் சீவிதக் கிறாமஞ் சிறு

36. பாட்டுக் கிறாமம் அமரக் கிறாம முதல் ஆகிய

37. நத்ததுக்கும் சகல சாதிக்கும் கவிள்த்திக்

38. கட்டின கிரக ஒன்றுக்கு வருசாசலங் குறு

39. ணித் தான்னிய வீதம் கோவில்த் தலத்தா

செப்பேட்டின் பின்பக்கம்:-

40. ர் மனுசர் வசம் யீரம் பதர்த் தூத்தி

41. அளந்து கொடுத்து வருவோமாக

42. வும் யிந்தத் தர்மம் ஆச்சந்திராக்க

43. ம் சந்ததிப் பிறதிவேஷம் ஆதிக்கத்தில்ப்

44. பரிபாலனம் பண்ணிக் கொண்டு வருவோ

45. மாகவும் யிந்தத் தற்மத்துக்கு வாக்குச் ச

46. காயம் சரீர சகாயம் அறிந்த சகாயம்

47. பண்ணின பேர் சாலோக சாமீப சாரூப

48. சாயுச்ச பதம் பெறுவாராகவும் யிப்படி

49. க்குச் சம்மதித்துத் தான சாதனமாக யி

50. ந்தத் தாம்புர சாதன பட்டையம் சுவாமி

51. சுப்பிரமணிய சாமி சன்னிதானத்

52. தில்த் திருப்பணிக்குத் தாம்புர சாதன

53. ப் பட்டையமெளுதித் தானம் பண்ணி

54. க் கொடுத்தேன் செகவீரராம செ

55. கவீரபாண்டியன் கட்ட பொம்ம நா

56. யக்கரோம் ௳ யிந்த பட்டையமெளு

57. தினேன் ராயசங் குமாரசாமியா

58. பிள்ளை குமாரன் சிவ சுப்பிரமணியன் ௨

செப்பேடு கூறும் செய்தி:-

சதுர்வேதிமங்கல நாயனாரும் - திரிபாபுவன மகாதேவியும்

சக வருடம் 1700 (கி.பி.1778)ம் கொல்லம் வருடம், தமிழ்வருடம் விளம்பி (கி.பி.1779) உத்ராயணப் புண்ணியக்காலம் தை மாதம் 28ம் தேதி வியாழக்கிழமை பூறுவ பட்சம், துவாதசி திதி, மகேந்திரநாக யோகமும், பாலவாகறன சுபயோகமும் சுபகரணமும், மிருகசிரீச நட்சத்திரமும் கூடிய சுபதினத்தில் கொடுத்த தானப் பட்டயமானது. குடநாட்டு திருச்செந்தூரில் திரிபுவன மகாதேவி (பார்வதி) மற்றும் சதுர்வேதிமங்கள நாயனாரின் (சிவபெருமான்) இளைய புதல்வனும், வீரமயில் வாகனத்தையும் சேவல் கொடியையும் கொண்டவனுமான, வள்ளி, தேவநாயகி உடனுறை சுப்பிரமண்ய சுவாமியின் திருக்கோவில் திருப்பணிக்கு தான செப்பேடு கொடுத்த பாஞ்சை நகரின் அரசன், சக்கதேவியின் அருள் பெற்றவன், தன் ராஜ்ஜியத்தின் குற்றங்கள் நிக்கி ஆட்சிப்புரிபவன். கெச மன்னியர் (அரசர்) சிங்கம், மறு மன்னியர் நாகமாகவும் கருடனாகவும் திகழ்பவன், போர்க்களங்களில் சுத்த வீரனாய் விளங்குபவன், இயல் இசை மற்றும் நாடகமான முத்தமிழின் அதிபதி, கவிச் சக்ரவர்த்தி, பச்சை குடைக்குறியவன், எதிரிகளை நிர்மூலமாக்குபவன், தென்னாட்டின் ராயன், இரட்டை வாளுக்கு அதிபதி, 

1, மியில் கொடி

2, சேவல் கொடி

3, ரிசபக் கொடி (எருதுக் கொடி)

4, அனுமன் கொடி

5, கருடக் கொடி

ஆகிய கொடிகளுக்கு அதிபதி, சிவ கந்தப்பெருமானின் திருவடிகளை மறவாத பக்தனுமான ஜெகவீரராம ஜெகவீரப்பாண்டிய கட்டபொம்ம நாயக்கர் இறை தானத்திற்கு எழுதிக் கொடுத்த பட்டையத்தின் படி "என்னுடைய ஆட்சியின் கீழுள்ள கிராமங்களான உம்பளக் கிராமம். சீவிததுக் கிராமம் ஆகிய கிராமங்களில் உள்ள எல்லாசாதியினர் வீட்டிற்கும் வருஷம் ஒன்றிற்கு மரக்கால் (குறுணி) தானியம் வீதம் பதர்கள் களைந்து சீற்படுத்தப்பட்ட தானியங்களை அளந்து  திருக்கோவிலின் திருப்பணிக்கு வரியாக செலுத்தி வரவோமாக, இந்த தானத்தை எனக்குப் பின் வரும் சந்ததியினரும் தொடர்ந்து காப்பார்கள். மேலும் இத்தர்மத்திற்கு வாக்கு ரீதியாகவும், உடல் ரீதியாகவும், அறிந்த ரீதியாகவும் (மறைமுகமாகவும்) துணைப்புரியும் மக்கள்  சகல நலங்களும், ஆரோக்கியங்களும் பெருவார்களாக. இவைகளுக்கு சம்மதித்து செகவீரராம செகவீரபாண்டிய கட்டபொம்ம நாயக்கனாகிய நான் சுப்பிரமண்ய சுவாமி திருக்கோவிலுக்கு செப்புப்பட்டயம் எழுதிக்கொடுக்கிறேன்".

ஜெகவீரராம ஜெகவீரப்பாண்டிய கட்டபொம்மன் நாயக்கர்

செப்பேட்டின் இறுதியில் இச்செப்பேட்டை எழுதியவர் "இராயசம் குமாரசாமியா பிள்ளையின் மகன் சிவசுப்பிரமணியபிள்ளை" எனக் குறிப்பிடப்பட்டுள்ளது.